13න් එහාට යාම සහ 13 මත ගොඩනැඟීම: මත දෙකේ යටි අරමුණු
මේ දිනවල ජාතිවාදී දේශපාලන විද්වතුන් යැයි කියා ගන්නා පිරිස් සහ ටී.එන්.ඒ පක්ෂයේ න්යායාචාර්යවරුන් අතර බරපතළ මතවාදී ගැටුමක් පවතින බවට විවිධ ක්රමවේද මඟින් හුවා දක්වයි. ඒ අතර ටී.එන්.ඒ පක්ෂයේ ඉනිශියා "මධ්යස්ථ මතධාරීන්" සහ "බෙදුම්වාදී අන්තවාදීන්" අතර මාරාන්තික ගැටුමක් ඇතිවී තිබෙන බවටද විවිධ වාර්තා නිර්මාණය වේ. එම ගැටුම් තුළින් මහජනයාට පෙන්වීමට උත්සාහ කරන්නේ ව්යවස්ථාවට අදාළව ටී.එන්.ඒ පක්ෂය යම් මධ්යස්ථ තැනකට පසු බැසීමට යථාර්ථවාදී වුවද අන්තවාදීන් නව ෆෙඩරල් ව්යවස්ථාවක්ම ඉල්ලා සිටින බවයි. ඒ මඟින් ප්රධාන වශයෙන් බහුතර සිංහල ජනතාවගේ මනස තුළ ගම්ය වන්නේ අන්තවාදීන් භයානක වුවත් මධ්යස්ථවාදීන් "....." ඉල්ලා සිටින්නේ නැති බවයි. අන්තවාදීන් පරාජය කිරීම සඳහා මධ්යස්ථවාදීන්ගේ මතයට එකඟවීම තර්කානුකූලහෙයි මතයක් ඒ මඟින් තහවුරු වේ.
තේ ආකාරයට මධ්යස්ථ මතධාරී සහ අන්තර් මත අතර පවතින ගැටුම අතිශයෝක්තියෙන් සමාජගත කිරීම සඳහා පසුගිය දිනවල විශේෂ සම්මන්ත්රණයක්ද සංවිධානය කොට තිබුණි. එහිදී නාට්යමය ආකාරයට එම ගැටුම ඉදිරිපත් කෙරිණි. එහිදී දක්නට ලැබුණු විශේෂත්වය වන්නේ ඉහත සඳහන් කළ අන්තර්වාදී සහ මධ්යස්ථ යන පාර්ශ්ව දෙකට අමතරව තවත් තුන්වන පාර්ශ්වයක්ද සිටින බවයි. ඒ අනුව අන්තවාදීන්ගේ ඉල්ලීම වන්නේ බුද්ධාගමට හිමි තැන සහ ඒකීය යන වචනය ව්යවස්ථාවෙන් ඉවත් කරන ආකාරයට නව ෆෙඩරල් ව්යවස්ථාවක් ලබා ගැනීමය. ඒ තුළ සැඟවී ඇති අනෙක් මතය වන්නේ රට ෆෙඩරල් කිරීමට නම් ව්යවස්ථාවෙන් ඒකීය වචනය ඉවත් කළ යුතු බවය. එහෙත් ව්යවස්ථා විරුද්ධවාදීන්ගේ මතය වන්නේ ව්යවස්ථාවේ ඒකීය වචනය එසේ තිබියදී ......... රට ෆෙඩරල් කළ හැකි බවය. සුමන්තිරන් මන්ත්රීවරයාද එය අනුමත කර ඇත.
කෙසේ වෙතත් ඉනිශියා මධ්යස්ථ මතධාරීන්ගේ මතය වන්නේ එවැනි නව ව්යවස්ථාවක් වෙනුවට 13වන සංශෝධනය ඉක්මවා යන බලතල ලැබෙන්නේ නම් සෑහීමට පත්විය හැකි බවයි. එසේනම් ඉහත සඳහන් කළ තුන්වන පාර්ශ්වයේ මතය කුමක්ද? ඔවුහු ඉතා සුවිශේෂී මතයක් ඉදිරිපත් කරති. ඊට අනුව 13වන සංශෝධනයෙන් එහාට නොයා යුතුය. නමුත් ඒ මත තවදුරටත් ගොඩනැඟිය යුතුය. එම මතය අනුව 13මත ගොඩනැඟීම යනු වත්මන් ව්යවස්ථාවේ පවතින 13වන සංශෝධනය මඟින් ලබා දී ඇති බලතල ක්රියාත්මක කිරීමට එරෙහිව පවතින බාධක ඉවත්කොට නව ප්රතිපාදන මඟින් එය තවදුරටත් එය ශක්තිමත් කිරීමයි. ඒ මඟින් ගම්ය වන්නේ තිබෙන බලතල සිරස් අතට තවදුරටත් ශක්තිමත් කෙරෙන බවයි.
එනම් ඉනිශියා මධ්යස්ථ මතධාරීන් 13 වන ව්යවස්ථාව ඉක්මවා යන ආකාරයට තිරස් අතට නව බලතල ප්රමාණයක් එකතු කරමින් 13 වැනි සංශෝධනය ක්රියාත්මක කිරීමද? පවතින 13වන සංශෝධනය ක්රියාත්මක කිරීමට එරෙහිව පවතින බාධක ඉවත්කොට ඊට තිරස් හෝ සිරස් යන යන කුමන ආකාරයට බලතල එකතු කළත් ඒ මඟින් 13 වැනි සංශෝධනය ඉක්මවා යන බෙදුම්වාදී බලතල ප්රමාණයක් ව්යවස්ථාවට ඇතුළත් කිරීමට උත්සාහ කෙරෙන බව කුඩා දරුවන්ට වුවද තේරුම් ගත හැකිය. ඒ අනුව "සිරස් 13 + සහ තිරස් 13+" අතර ගැටුම මහජනයා නොමඟ යැවීම සඳහා කෙරෙන නාට්යය ඉදිරිපත් කිරීමක් බව පැහැදිලිව පෙනේ.
ඉනිශියා මධ්යස්ථ මතධාරීන් සහ තුන්වන පාර්ශ්වය අතර මත ගැටුම ව්යාජයක්නම් මධ්යස්ථ මතධාරීන් සහ අන්තවාදීන් අතර පවතින ගැටුම කුමක්දැයි කෙනෙකුට ප්රශ්න කළ හැකිය. පිළිතුර ලෙස කිවහැක්කේ එයද එක්තරා ආකාරයක ව්යාජයක් බවය. එසේනම් මේ නාට්යයේ නාට්යයේ සැබෑ අරමුණ පැහැදිලි කරන්නේ කෙසේද? මෙම පාර්ශ්ව ත්රිත්වය අතර කෙරෙන ව්යාජ සංවාදය පැහැදිලි කළ හැක්කේ සැබෑ ලෙසම බෙදුම්වාදීන්ට අවශ්ය කුමක්ද යන්න තේරුම් ගැනීමෙනි.
ඉන් පසුව එසේ ඔවුන්ට අවශ්ය දේ ලබා ගැනීම සඳහා කේවල් කිරීමේදී බහුතර සිංහල ජනතාව ගොනාට ඇන්දවීම සඳහා යොදා ගන්නා මානසික යුද උපක්රම තේරුම්ගත යුතුය. බෙදුම්වාදී බලවේග වලට මූලික වශයෙන් තාක්ෂණිකව අවශ්ය වන්නේ නීත්යනුකූලව වෙනම රාජ්යයකට ආසන්න බල ව්යුහයක් හෙවත් ෆෙඩරල් බලතල සහිත රාජ්යයක් නිර්මාණය කර ගැනීමය. ජාත්යන්තර අත්දැකීම් අනුව ඒ සඳහා ක්රමවේද දෙකක් යොදා ගැනේ. පළමුවැන්න ව්යවස්ථා සංශෝධන මඟින් එවැනි රාජ්ය ව්යුහයක් නිර්මාණය කිරීමය. දෙවන ක්රමය වන්නේ සුඩානය බෙදා වෙන්කිරීම සඳහා යොදාගත් ක්රමය වන ජාත්යන්තර ගිවිසුමක් මඟින් රාජ්ය පාලන ව්යුහයක් නිර්මාණය කිරීමය. 2002 දී ශ්රී ලංකාවේදී සටන් විරාම ගිවිසුම හරහා තාවකාලික ආණ්ඩුවක් නිර්මාණය කරමින් ක්රමවේද දෙක දෙමුහුන් කිරීමේ උත්සාහයක් දියත්විය.
ව්යවස්ථානුකූලව වෙනම රාජ්යයකට ආයතන බලතල සහිත ෆෙඩරල් රාජ්යයක් නිර්මාණය කර ගැනීමෙන් පසුව වෙනම රාජ්යයක් දක්වා යන ගැටුම සහිත මාවත නීත්යනුකූල හෝ ව්යවස්ථානුකූල නොවේ. නමුත් එම ගැටුම් නිර්මාණය කරනු ලබන්නේ නීත්යනුකූල බලතල ක්රියාත්මක කිරීමට මධ්යම රජය ඉඩ නොදෙනවා යන තර්කය මතය. ඒ අනුව එම ගැටුම් සාධාරණීකරණය කිරීම සඳහා නිරායුධ මහජනයා වීදි සටන් වලට යොමු කොට ඔවුන්ගේ මළ මිණී මතින් ජාත්යන්තර මැදිහත් වීමට ආරාධනා කරනු ලැබේ. ඒ පිළිබඳව හොඳම උදාහරණයක් කොන්ගෝ රාජ්ය වෙන් කිරීමේදී සර්බියන් හමුදාවට එරෙහිව නේටෝ ප්රහාර කැඳවීමේ උපක්රම තුළින් ඉගෙන ගත හැකිය. ආර් සම්බන්ධන් මහතාගේ ප්රකාශයකට අනුව ඔවුන් ඊළාම් අරමුණ අතහැර නැත. එහෙත් ඔවුන් ඒසඳහා යොදාගන්නා උපායමාර්ගය වෙනස්කොට ඇත. එනම් යුද්ධය වෙනුවට "ගාන්ධිවාදී" මහජන වීදි සටන් යොදා ගැනීමට එම සටන් වලට රජයේ හමුදා පහර දුන්නොත් මැදිහත් වන ලෙස ඔහු ජාත්යන්තර ප්රජාවෙන් ඉල්ලා සිටී. එසේනම් බෙදුම්වාදී උපාය මාර්ගය අනුව වෙනම රාජ්යයකට ආයතනික බල ව්යුහයන් සහිත ෆෙඩරල් රාජ්යයක් ලබා ගැනීම සඳහා නව ව්යවස්ථාවක් අවශ්යද? එසේ වුවහොත් 13 වැනි ව්යවස්ථා සංශෝධනය ක්රියාත්මක කිරීමට එරෙහිව පවතින බාධක ඉවත්කොට එය ශක්තිමත් කිරීමෙන් පමණක් එම අරමුණ ඉටු කරගත හැකිද?
හිටපු අගවිනිසුරු රාජා වනසුන්දර මහතාට අනුව 13 වැනි සංශෝධනය මඟින් ඉන්දියාවේ පවතිනවාටත් වඩා බරපතළ ෆෙඩරල් රාජ්යයක් නිර්මාණයවේ. උදාහරණයක් ලෙස ඉන්දියාවේ පළාත් විෂයකට අදාළව මධ්යම රජය විසින් නීතියක් සම්මත කරන්නේනම් ඒ සඳහා පාර්ලිමේන්තුවේ සාමාන්ය බහුතරය ප්රමාණවත් වේ. නමුත් ශ්රී ලංකාවේ සාමාන්ය බහුතරය ප්රමාණවත් වේ (මෙහි මුල් පිටපතේ වාක්යය නැවත ලියවී ඇත). නමුත් ශ්රී ලංකාවේ 13 වැනි සංශෝධනයට අනුව එවැනි නීතියක් සම්මත කිරීම සඳහා ව්යවස්ථාවක් සංශෝධනය කිරීම සඳහා අවශ්ය විශේෂ බහුතරය අවශ්යවේ. එසේනම් 13 වැනි සංශෝධනය මඟින් හුදු වචන මාත්රයක් පමණක් බවට පත්කොට න්යායාත්මකව ෆෙඩරල් රාජ්යයක් බිහිවී ඇත. එසේනම් බෙදුම්වාදීන් දිගින් දිගටම එම රාජ්ය ව්යුහය බාර ගැනීමට අකමැති වන්නේ ඇයි? එයට හේතුව 13 වැනි ව්යවස්ථාව සම්පූර්ණයෙන් ක්රියාත්මක කිරීමට එරෙහිව යම් බාධක ප්රමාණයක් පැවතීම සහ එය තව දුරටත් ශක්තිමත් කර ගැනීමේ අවශ්යතාවයක් තිබීමය.
හිටපු අගවිනිසුරු රාජා වනසුන්දර මහතාට අනුව එම බාධක පැනවෙන්නේ විධායක ජනාධිපතිවරයාට සෘජුව සහ ආණ්ඩුකාරවරයා හරහා ක්රියාත්මක කළ හැකි බලතල නිසාය. එම බලතල ඉවත් කළහොත් හෝ ව්යවස්ථාවේ වචන හරඹ මඟින් දුර්වල කළහොත් 13වැනි සංශෝධනය සම්පූර්ණයෙන්ම ක්රියාත්මක කරමින් ෆෙඩරල් රාජ්යයක් නිර්මාණය කිරීමට හැකිවේ. ව්යවස්ථා සම්පාදක සභාවට ඉදිරිපත් වූ උප කමිටු වාර්තාවල සඳහන් යෝජනා අතරින් ප්රධාන වන්නේ එසේ 13වැනි සංශෝධනය ක්රියාත්මක කිරීමට එරෙහිව පවතින බාධක ඉවත් කිරීමය.
බෙදුම්වාදී මාර්ග සිතියම තුළ බාධාවකින් තොරව ඉදිරියට යාම සඳහා එම බාධක ඉවත් කිරීම පමණක් ඉවත්කිරීම පමණක් වුවද ප්රමාණවත් වේ. එහෙත් එවිට එම මාර්ග සිතියම ඔස්සේ බලතල භුක්ති විඳිමින් නීත්යනුකූලව යාමට බලාපොරොත්තු වන දුර අඩුවේ. එනම් මධ්යම රජයට එම ගමනට එරෙහිව යම් නීත්යනුකූල බාධක පැනවීමට ඉඩක් ලැබේ. වෙනත් වචන වලින් කියන්නේනම් එවිට බෙදුම්වාදීන්ට මහජන වීදි සටන් හරහා ජාත්යන්තර මැදිහත්විමට පාර කපන ..... කනුවම ගැලවීමට පෙර මධ්යම ආණ්ඩුවේ නීත්යනුකූල කකුලෙන් ඇදීම් වලට මුහුණ දීමට සිදුවේ.
යහපාලන ආණ්ඩුව යටතේ ලැබී ඇති වාසිදායක තත්ත්වය තුළ එවැනි කුඩා අවාසියකට වුවද මුහුණ දීමට බෙදුම්වාදීන් සූදානම් නොවනු ඇත. ඔවුන් 13වන සංශෝධනය ක්රියාත්මක කිරීමට එරෙහිව පවතින බාධක ඉවත්කොට එනම් එය සම්පූර්ණයෙන්ම ක්රියාත්මක කොට ඉන් එහාට යා යුතු යැයි කියන්නේ ඒ නිසාය. ඉනිශියා මධ්යස්ථ බෙදුම්වාදීන් සහ ජාතිකවාදීන්ට හිතවාදී බව පෙන්වන ඉනිශියා බෙදුම්වාදී විරෝධී තුන්වන පාර්ශ්වය විසින් 13වන සංශෝධනයෙන් එහාට යාම සහ ඒ මත ගොඩනැඟීම යනුවෙන් දෙයාකාරයකට ඉදිරිපත් කරන්නේ ඒ එකම අවශ්යතාවය බව ඉතා පැහැදිලිව පෙනේ. එවැනි තත්ත්වයක් තුළ බෙදුම්වාදී බලවේග විසින් දියත්කොට ඇති ක්රියාවලිය පරාජය කිරීමටනම් එකම අවශ්යතාවය වෙනස් මත දෙකක් ලෙස ඉදිරිපත් කිරීමේ මානසික යුද උපක්රමය තේරුම්ගත යුතුය. දෙවනුව 13වන ව්යවස්ථා සංශෝධනය සම්පූර්ණයෙන්ම ක්රියාත්මක කිරීම මඟින් බෙදුම්වාදීන්ගේ මූලික තාක්ෂණික අවශ්යතාවය සම්පූර්ණයෙන්ම ඉටුවන්නේනම් නව ව්යවස්ථාවක් ඉල්ලමින් රණ්ඩු කිරීමේ මානසික යුද උපක්රමයද තේරුම්ගත යුතුය. කෙසේ වෙතත් මහා පින්තූරය තේරුම් ගැනීම සඳහා දෙවන මානසික යුද උපක්රමය පළමුව තේරුම් ගැනීම වැදගත් වනු ඇත. ඇත්ත වශයෙන්ම එය ඉතා පැරණි ප්රාථමික උපක්රමයකි. එනම් මහා විශාල ඉල්ලීමක් ඉදිරිපත්කොට "සුළු දේකට" එකඟ වීමයි. ඒ මඟින් මහජන මනසේ පමණක් නොව පාර්ලිමේන්තු මන්ත්රීවරුන් තුළද සුභවාදී මනෝභාවයක් තහවුරු වේ. නමුත් සැබවින්ම ඒ "සුළුදේ" හරයෙන් "මහදේට" සමාන වන අතර ඒ සුළුදේ ලබා ගැනීම මඟින් මූලික බෙදුම්වාදී උපාය මාර්ගික අවශ්යතාවය ඉටුවේ.
ඒ ආකාරයට නව ව්යවස්ථාවක් සඳහා වූ ඉල්ලීම් අතහැරීමට න්යායාත්මකව බෙදුම්වාදීන්ට ගැටලුවක් නොවේ. නමුත් නව ව්යවස්ථාවක් ඉල්ලීම මඟින් සිංහල ජනයාගේ මොළය සේදීම සඳහා පදනමක් දමා ගන්නා ආකාරයට දෙමළ අන්තවාදී පාර්ශ්ව සතුටු කිරීමද අරමුණු කෙරේ. දෙමළ ජාතිකවාදය යුද්ධයෙන් දණ ගැස්සවූ සිංහල ජාතිකවාදය දණ ගැස්විය හැක්කේ කෙසේ හෝ ව්යවස්ථා සටනින් සිංහල ජාතිකවාදීන් පරාජය කිරීම මඟිනි. ඒ පිළිබඳ විවාදයක් නැත. එහෙත් සිංහල ජාතිකවාදයට පරපීඩකකාමීව පහරදීමේ මානසික වුවමනාව තෘප්තිමත් වන්නේ නව ව්යවස්ථාවක් මඟින් බුද්ධාගමට හිමි තැන අහිමි කිරීම, "ඒකීය වචනය ඉවත්කිරීම", ජාතික කොඩිය වෙනස් කිරීම සහ ජාතික ගීය වෙනස් කිරීම වැනි ඉල්ලීම් මඟිනි. ඒ මඟින් තවත් අතුරු වුවමනාවක්ද ඉටුවේ. එනම් සුමන්තිරන් මන්ත්රීවරයාම කියන ආකාරයට මෝඩ සිංහල ජනතාවට එවැනි ලේබල් ගැන කරදර වීමට ඉඩ හැර සැබෑ බෙදුම්වාදී ප්රතිපාදන පිළිබඳ කතිකාව යටපත් කළ යුතුය.
ඉහත සඳහන් කළ පළමු යුද උපක්රමය හෙවත් 13 වන සංශෝධනය බලාත්මක කිරීමට අදාළව 13න් එහාට යාමට සහ 13 මත ගොඩනැඟීම යනුවෙන් ආයතන වශයෙන් සමාන මත දෙකක් දෙපිරිසක් දෙකට බෙදී ඉදිරිපත් කරන්නේ කුමක් නිසාද? පළමුවෙන්ම ඒ මඟින් ඒ ආකාර දෙකෙන් කුමන ආකාරයට එකඟ වුවත් නව ව්යවස්ථාවක් .... භයානක හානි බවට මතයක් තහවුරු වේ. දෙවැන්න මධ්යස්ථ බෙදුම්වාදීන් සහ ජාතිකවාදීන්ට හිතවත් බව පෙන්වන තුන්වන පාර්ශ්වය අතර පරස්පරයක් හෝ ගැටුමක් තිබෙන බව පෙන්වීමයි. ඒ මඟින් තුන්වන පාර්ශ්වය හෙවත් ජාතිකවාදී සළු පිළි පොරවාගත් පිරිස් වලට ජාතිකවාදී ජාතිකවාදී බලවේග උදෙසා වැඩි පිළිගැනීමක් ලැබේ. එම පිළිගැනීම භාවිත කොට එම බලවේග වල මොළය සේදීමේ බලයක්ද මෙම ව්යාජ ජාතිකවාදීන්ට ආරෝපණය වේ. එමනිසා ඒ මඟින් තුන්වන පාර්ශ්වය විසින් ඉදිරිපත් කරන යෝජනාව සහ ඉනිශියා මධ්යස්ථ බෙදුම්වාදීන්ගේ යෝජනාව අතර තාක්ෂණික වෙනසක් නැති වුවත් එක් යෝජනාවක් ජාතික බලවේග වලට ගිල්ලවීමට ඉඩ ඇත.
මෙම මහා පින්තූරය තුළ 20වැනි ව්යවස්ථා සංශෝධනය ලෙස ගෙන එන්නේ ඉහත සඳහන් කළ ව්යාජ ජාතිකවාදීන්ට ගිල්ලවනු ලබන යෝජනාව බවට කිසිදු සැකයක් නැත. එනම් 19 වැනි සංශෝධනය ක්රියාත්මක කිරීමට එරෙහිව පවතින බාධක ඉවත්කොට ඒ මත තවදුරටත් ගොඩනඟමින් එය ශක්තිමත් කරන යෝජනාවලියකි. එවිට යම් පාර්ලිමේන්තු මන්ත්රීවරුන් පිරිසක් 13 න් එහාට යාමට ඉඩ නොදුන් බව පවසා උදම් ඇනීමටද ඉඩ ඇත. ඊට අමතරව තවත් පිරිසක් තමා ව්යවස්ථා සම්පාදක සභාව තුළ දිගින් දිගටම රැඳී සිටි බැවින් භයානක නව ව්යවස්ථාවක් ගෙන ඒමේ උත්සාහය පරාජය කොට "හානිකර නොවන" සංශෝධනයක් ගෙන ඒමට හැකිවූ බවට උදම් අනනු ඇත. එවිට ශ්රී ලාංකික ජාතියට ඉතිරි වන්නේ එම සංශෝධන වලට විශේෂ බහුතරය ලබාදෙන මන්ත්රීවරුන්ට පමණක් නොව ඊට ඉඩ සලසමින් නිහඬව සිටි අයටද සදාකාලිකව සාප කරමින් ශ්රී ලංකාවේ ඉතිහාසයේ අවසාන ජවනිකාව පෙළගැස්වීමේ අවස්ථාව පමණි.
වෛද්ය කේ.එම් වසන්ත බණ්ඩාර
2016.0304
සම්බන්ධිත පුවත් | Related News
ප්රධාන පුවත්
සුරේෂ් සලේ රඳවා තබා ගැනීම සම්බන්ධයෙන් UN වෙතින් ශ්රී ලංකා රජයට දැඩි ප්රශ්නාවලියක්..
ශ්රී ලංකාවේ වෙළඳ හිඟය ඩොලර් බිලියන 6.5 පනී - 69%ක සීඝ්ර ඉහළ යාමක්!
සාර්ව ආර්ථික ස්ථාවරත්වය මත මීළඟ IMF වැඩසටහන තීරණය වේ
සාර්ව ආර්ථික ස්ථාවරත්වය මත මීළඟ IMF වැඩසටහන තීරණය වේ
ට්රම්ප් තීරණයක් ගැනීමට නොහැකිව අර්බුදයකට හසුවෙලා-ඉරාන ශ්රේෂ්ඨ ජාතික ආරක්ෂක මණ්ඩලයේ ලේකම් මොහ්සෙන් රෙසායි
2027 අයවැය නොවැම්බර් 12 දා..
ප්රංශය පුරා පැතිරෙන වැඩ වර්ජන හේතුවෙන් දෛනික කටයුතු අඩාල වෙයි
ප්රංශය පුරා පැතිරෙන වැඩ වර්ජන හේතුවෙන් දෛනික කටයුතු අඩාල වෙයි
ඊශ්රායලයේ සහ ඇමෙරිකාවේ ක්රියාකලාපයට එරෙහිව ලෝකයේ ප්රබල විරෝධයක් ගොඩනැගෙමින් පවතිනවා.. - ජාත්යන්තර දේශපාලනය සහ එක්සත් ජාතීන්ගේ සැසිය ගැන උවිඳු විජේවීරගෙන් විශේෂ විග්රහයක්..
අනුරගේ රතු හැට්ටයට යටින් ඉන්නේ වෙනිසියුලාවේ ඇමෙරිකානු පදයට නැටූ ඩෙල්සිලා.. උතුරේ කොටි සැමරුම් හා සිංහල බෞද්ධ උරුමයට එල්ල වන තර්ජන හමුවේ විපක්ෂයේත් අශුද්ධ එකඟතාවක්.. - විමල්ගෙන් හෙළිදරව්වක්
ඕස්ට්රේලියානු සමාගමක කොටස් හිමිකම සම්බන්ධ නඩුවෙන් උදය ගම්මන්පිල නිදොස් කොට නිදහස්..
කියුබාව ‘වැටෙනු ඇතැයි’ ට්රම්ප් පැවසීමෙන් පසු චීනයේ සහාය කියුබාවට!
ඇමරිකාවේ පනස් වසරක ධර්ම දූත මෙහෙවර ඇගයේ: "ධර්ම විකෘතිය යනු කුමක්ද?" - මහාචාර්ය මැදගොඩ අභයතිස්ස හිමියන්ගෙන් විශේෂ දේශනයක්..
එක්සත් ජාතීන්ගේ අර්ථවත් ප්රතිසංස්කරණ සඳහා ශ්රී ලංකාව සහාය දක්වනවා.. - ඇමති විජිත UN මහ සමුළුව අමතමින් කියයි
ආක්ටික් කලාපීය බලපෑම් හමුවේ ඇමෙරිකාව සහ යුරෝපා සංගමය අතර මතභේදාත්මක තත්ත්වයක් වර්ධනය වෙයි..
“අනුර නමින් ඩෙල්සි ඇවිත්?”.. - විමල්ගේ විශේෂ දේශනය ශ්රී ලංකා පදනම් ආයතනයේදී පැවැත්වෙයි..