ආසියාව යටත් කිරීමේ ඇමෙරිකානු මෙහෙයුම පරාජය කල නොහැකිද ?
ඇමෙරිකාවේ දැන උගත් ජනතාව අන්දුන් කුන්දුන් කරමින් 2012 මාර්තු 16 වැනිදා ඉතා වැදගත් ලේඛනයකට ඒ රටේ ජනාධිපති බරක් ඔබාමා විසින් අත්සන් තැබිනි. එම ලේඛනය හැදින්වෙන්නේ ‘‘ විධායක නියෝගය ’’ යන තාක්‍ෂණික නාමයෙනි. ඒ මගින් ඔහුගේ බලයලත් ලේකම්වරුන්ට සමස්ථ රටම යුද වාතාවරණයක තැබීම සඳහා අවශ්‍ය සියළු බලතල ලබා දී ඇත. ඒ අනුව අනාගතයේදී ඕනෑම දවසක ඇමෙරිකාවේ රාජ්‍ය සහ පුද්ගලික සමාගම් සතු දේපල සහ මහජනයා සතු දේපල මෙන්ම රටේ පොදු සම්පත් යුද්ධයක් සඳහා යොදාගන්නවාට අමතරව පොදු ජනයාද බලහත්කාරයෙන් හමුදාවට බඳවා ගත හැක. මේ විධායක නියෝගය නාමිකව යුද්ධමය වාතාවරණයක් සඳහා යොදාගන්නක් වුවත් ඇමෙරිකාව තුල සාමකාමී වාතාවරණයක් තිබුනත් බලපැවැත්විය හැක. ඒ අනුව එසේ ඇමෙරිකාව සූදානම් වන්නේ ලෝකයේ වෙනත් භූමි වල හෝ සාගර මැද කෙරෙන යුද්ධයක් සඳහා බව ඉතා පැහැදිලිය.
ඇමෙරිකානු ජනාධිපතිවරයා එවැනි බරපතල විධායක නියෝග නිකුත් කරන්නේ 1950 තරම් ඈත කාලයේදී සම්මත කල ආරක්‍ෂක කටයුතු පණතක් උපයෝගී කොටගෙනය. බොහෝ ඇමෙරිකානු විද්වතුන් පවසන්නේ එම නියෝග මගින් ඇමෙරිකානු ව්‍යවස්ථාව පමණක් නොව එරට ජනතාවගේ මානව හිමිකම්ද බරපතල ලෙස උල්ලංගනය වන බවය. බ‍්‍රැඩිමන් ටර්බෙවිල් නැමැති ඇමෙරිකානු විශ්ලේෂකයාට අනුව බරක් ඔබාමා මේ අත්සන් කොට ඇත්තේ ලෝකයේ බහුතරයක් ජනතාවගේ හංස ගීතය බවයි. ඔහුගේ උපකල්පන වලට අනුව ඇමෙරිකාව මේ සැරසෙන්නේ ඉරානයට සහ සිරියාවට පහරදීම හරහා තන්වන ලෝක යුද්ධයකට සමස්ථ ලෝකයම තල්ලූ කිරීමටය. එහි අවසාන අරමුණ මේ වන විට ලෝක ආධිපත්‍යය ධ‍්‍රැවිකරණයේදී බලවත් ලෙස නැගී සිටින චීනය සහ රුසියාව මට්ටුකර නැවත වතාවක් ඒක ධ‍්‍රැවීය ලෝකයක් නිර්මාණය කිරීමය. නමුත් ඒ ඒක ධ‍්‍රැවීය ලෝකයේ මිනිසුන්ට ඊලග යුද්ධය කරන්නට සිදුවන්නේ ගල් යුගයේ ආයුධ වලින් බව බලකාමී, ආධිපරිභෝජනවාදී, මජර ඇමෙරිකානු ධනපති පන්තිය තේරුම් ගෙන ඇත්ද ?
මේ උපකල්පනය තවත් තහවුරු වන්නේ ඉහත නියෝගයට දල වශයෙන් මසකට පසුව පෙන්ටගනය විසින් ත්‍-35 නවීන යුද යානා 2443 ක් ලොක් හීඩි මාටින් සමාගමෙන් ඇනවුම් කිරීමයි. මෙම ප‍්‍රහාරක යානා අයත් වන්නේ සමූල ඝාතන යුද උපකරණ ගණයටය. එහි අන්වර්ථ නාමය ‘‘ මිණීමරණ මැෂිම ’’ යන්නයි. මහාචාර්ය මිචෙල් චොසුඩොවිස්කිට අනූව ඒ ආකාරයට ඉතිහාසයේ විශාලතම ප‍්‍රහාරක ගුවන්යානා තොගය මිලදී ගැනීම සිදුවන්නේ චීනය, රුසියාව, උතුරු කොරියාව සහ ඉරාණය ඉලක්ක කරගත් ලෝක යුද්ධයක් සඳහාය. මේ මහා ප‍්‍රහාරක හැකියාව ඇමෙරිකානු ගුවන් සහ නාවික හමුදා වලට ලබාදීම සඳහා වැයකෙරෙන මුදල ඩොලර් ටි‍්‍රලියන 1.5 කි. ඒ ආකාරයට ඇමෙරිකාව තම යුද ශක්තිය වර්ධනය කිරීමේ දැවැන්ත මෙහෙයුමට සමගාමීව එක්සත් රාජධානිය, ඉතාලිය, කැනඩාව, නෙදෙර්ලන්තය, නෝර්වේ, තුර්කිය සහ ඊශායලය යන රටවල්ද ත්‍-35 අති භයානක යානා මිලදී ගැනීමට ඉල්ලූම් කර ඇත. ඒ අනුව කැනඩාව එවැනි යානා 65 ක් මිලදී ගනු ඇත.
මේ ආකාරයට ලෝක යුද්ධයට අවශ්‍ය පෙරණිමිති ඇමෙරිකාව විසින් සකස්කරමින් සිටින්නේ වසර 10 ක පමණ කාලයක සිටය. එහි ආරම්භය ඉරාක ආක‍්‍රමණයයි. ඔවුන් ඉරාකය තනිකොට ගල් යුගයට ගෙන ගිය බව එම මෙහෙයුමට නායකත්වය දුන් හමුදා නායකයින් මෙන්ම රාජ්‍ය ලේකම්වරියද පිලිගත්තේය. එතැනින් පසුව ඔවුන් ඇෆ්ගනිස්ථානයද ගල් යුගයට ගෙනයාමෙන් නවතින්නේ නැත. එතැනින් පසුව ඊනියා අරාබි වසන්තය හරහා ලිබියාවේදී මහා මිනිස් ඝාතනයකින් පසුව ඔවුන් ඒ රට ගල් යුගයට ආසන්න තැනකට ගෙන ගියේය. ඒ ක‍්‍රියාවලිය තුලම ඊජිප්තුවේදී තමන්ට උවමනා රූකඩ පාලනයක් ස්ථාපිත කරගත් අතර මේ වන විට සිරියාවද ලිබියාවක් කිරීම සඳහා අවශ්‍ය සියළු උපාය මාර්ගික ක‍්‍රියාකාරකම් දියත් කොට ඇත. ඉරානයට එරෙහිව ආර්ථික සම්බාධක පනවා ඉරාකයට කලදේම කිරීමට අර අදින්නේ සෘජු ආක‍්‍රමණයට පෙර සතුරාගේ ශක්තිය හීන කිරීමේ න්‍යායද යොදාගනිමිනි.
ඇමෙරිකාව ප‍්‍රමුඛ නේටෝවේ මේ ලෝක යුද්ධ සූදානම කිසිදු ආපදාවකින්, උපද්‍රවයකින් හෝ බාධාවකින් තොරව ඉදිරියට ගමන් කරන බව මතුපිටින් පෙනෙන්නට ඇත. එසේම ඉන්දියාව වැනි ප‍්‍රභල රටවල් පවා ඇමෙරිකාවේ කීකරු කුක්කන්ගේ භූමිකාව රඟපාන බවද පෙනෙන්නට ඇත. එහිදී පකිස්ථානයට වරින් වර යුදමය කෙවිටෙන් තැලීම මඟින් ඉන්දියානු කුක්කා ඇමෙරිකාව විසින් චූන් කරන ආකාරයද පෙනෙන්නට ඇත.
එහෙත් මෙම ක‍්‍රියාවලියට එරෙහිව ප‍්‍රති ක‍්‍රියාවලියක්ද ආරම්භ වී ඇත. එය ඉතා පැහැදිලිව මතු පිටින් නොපෙනුනත් ඇමෙරිකානු යුද උන්මාදය පරාජය කිරීමේ උපාය මාර්ගික විභවය සහිත ක‍්‍රියාවලියක් බවට පෙරලෙමින් ඇත. පළමුවෙන්ම යුරෝපයේ සහ ඇමෙරිකාවේ සංවේදී මහජනතාව තම රටවල යුදවාදී දේශපාලනයට සහ යුදමය ආර්තිකයට එරෙහිව දැඩි ප‍්‍රතිචාර දක්වමින් ඇත. මේ ප‍්‍රතිචාර යම් පමණකට දැනුවත් යුද විරෝධී ප‍්‍රතිචාර වන අතර අනෙක් පැත්තෙන් යුද අය වැය නිසා ආර්ථික වශයෙන් පීඩාවට පත්වන ජනතාවගේ විරෝධය ලෙසද හදුනාගත හැක. අද වන විට ඇමෙරිකාව ප‍්‍රමුඛ යුරෝපීය රටවල් මුහුණ දී සිටින ආර්ථික අර්බුදය හමුවේ යුදවාදය විසින් තව දුරටත් ඒ රටවල ආර්ථික අර්බුද තීව‍්‍ර කරන බවට සැකයක් නැත. ඒ අනුව මහජන විරෝධයද උත්සන්න වනවා මිස සමනය වීමේ ප‍්‍රවනතාවක් පෙන්වීමට ඉඩක් නැත.
ඒ සියළු කාරණා වලට වඩා ඉතා සුවිශේෂි ලෙස පසුගිය දශකය තුල චීනය සහ රුසියාව ඇමෙරිකානු බලයට ප‍්‍රති බලයක් ලෙස වර්ධනය වී ඇත. ඒ වර්ධනය ආර්ථික සහ යුදමය ශක්තිය අතින් වන වර්ධනයකට අමතරව ඇමෙරිකානු බලහත්කාරයට විරුද්ධ මතවාදී වර්ධනයක් බවටද පත් වී ඇත. සීතල යුද්ධය නිමාවීමත් සමග යම් හීලෑ වීමක ලකුණු පෙන්වූ මෙම රටවල් අදවන විට ඇමෙරිකාව ප‍්‍රමුඛ නේටෝවේ යුද බලයට සෘජුව අභියෝග කරන ස්ථාවරයකට පැමිණ ඇත.
ජාත්‍යන්තර ඉකොනොමිස්ට් සගරාවේ උපකල්පන අනුව චීනය ආර්ථිකයේ විශාලත්වය අතින් ඇමෙරිකාව පසු කිරීමට ගතවන්නේ තව වසර 6 ක් පමණී. (2018 දී* ඒ ආර්ථික වර්ධන වේගයට සාපේක්‍ෂවය. නමුත් ණයගැති භාවය, විදේශ ආයෝජන සහ වෙනත් බොහෝ ආර්ථික සහ මානව දර්ශක වලට අනුව චීනය දැනටමත් ඇමෙරිකාව පසුකර ගොස් ඇති බව බොහෝ විද්වතුන්ගේ මතයයි. මහාචාර්ය මාර්ටින් ජැක්ගේ මතය අනුව චීනය එසේ ශක්තිමත් රාජ්‍යයක් ලෙස නැගී සිටින්නේ රටවල් කොල්ලකෑමෙන් (ආක‍්‍රමණය කිරීමෙන්* උපයාගත් ධනයෙන් නොවන බවයි. ඔහුට අනුව ඒ නැගීමේ රහස ධනපති ක‍්‍රමය නැගී සිටීමට බොහෝ කලෙකට පෙර සිට චීනය ශිෂ්ඨාචාරයෙන්ම ජාතික රාජ්‍යයක් ලෙස නැගී සිටීමයි.
මේ වන විටත් චීනය ලෝකයේ ප‍්‍රමුඛතම කාර්මික නිෂ්පාදන නිපදවන සහ වෙලදාම් කරන රාජ්‍යය බවට පත් වී ඇත. චීනය එම නිර්ණායකයට අනුව ඇමෙරිකාව පරාජය කලේ 2011 දීය. 2010 වන වට ජපානය, දකුණු අප‍්‍රිකාව, චිලිය, බ‍්‍රසීලය, ඉන්දියාව, පකිස්ථානය, ඇමෙරිකාව, ඊජීප්තුව යන රටවල ප්රධාන වෙළඳ ගනුදෙනුකරු බවට පත්වන්නේ චීනයයි. අද වන විට චීනය තනි රටක් ලෙස ලෝකයේ දියුණු වන රාජ්‍ය වලට ලබාදෙන ණය ප්රමාණය ලෝක බැංකුව විසින් ලබාදෙන නය ප්රමාණය ඉක්මවා ගොස් ඇත.
එපමණක් නොව හොංකොන් ඇන්ඩි ශැංහයි බැංකුවේ ඇස්තමේන්තු වලට අනුව 2013 වන විට දියුණුවන ලෝකයේ වෙළඳ ගනුදෙනු සඳහා කරනු ලබන ගෙවීම් වලින් 50්‍ර සිදුකෙරෙන්නේ චීනයේ යුවාන් මුදල් ඒකකයෙනි. (ජාත්‍යාන්තරව රෙන්මින්බි*. මේ වන විට චීනය සහ ජපානය යුවාන් සහ යෙන් වලින් සෘජුව වෙළඳ ගනුදෙනු කිරීමට එකඟ වී ඇත. ඊට අමතරව ඉරානය සහ චීනය ඩොලර් වෙනුවට යුවාන් වලින් ගෙවීම් කර ඉරානයෙන් තෙල් මිලදී ගැනීමටද එකඟ වී ඇත. ඒ සියළු ප‍්‍රවනතා වලින් පෙන්නුම් කරන්නේ ඩොලරයට අභියෝග කරමින් යුවාන් මුදල් ඒකකය ශක්තිමත්ව නැගී සිටින බවයි.
ඊට අමතරව චීනය සහ රුසියාව බල ශක්ති සහ ඛනිජ තෙල් ක්‍ෂෙත‍්‍රයේ ආධිපත්‍යයයක් ක‍්‍රමයෙන් ගොඩ නගිමින් පවතින අතර එම රටවල් දෙක අතර ප‍්‍රභල ආර්ථික සහ දේහපාලන සහයෝගිතාවයක්ද ගොඩ නැගෙමින් ඇත. ඉතා දැඩි මතධාරී වැලසීමීර් පුටින් රුසියාවේ ජනාධිපති ලෙස තහවුරු වීම සමග චීනය සමග සහයෝගීතාව තව තවත් වර්ධනය වෙමින් ඇත. එය ඉතා පැහැදිලි උපායමාර්ගික අවශ්‍යතාවයකි. මේ වන විට චීනය සහ රුසියාව එක්ව සිරියාවට එරෙහි ඇමෙරිකානු ආක‍්‍රමණ යෝජනාව ඉතා ප‍්‍රභල ලෙස ප‍්‍රතික්ෂේප කොට ඇත. ඒ නිසා ඇමෙරිකාව එක්සත් ජාතීන්ගේ සංවිධානය තුල ලිබියාවට එරෙහිව දියත් කල ආකාරයේ කූඨ මෙහෙයුමක් සිරියාවට එරෙහිව දියත් කිරීමට ඉඩ ලැබී නැත. පසුගිය දිනවල රුසියා ටුඬේ ප්රවෘත්ති සේවයට සම්මුක සාකච්ඡුාවක් ලබාදුන් හිටපු ඇමෙරිකානු සෙනෙට් සභික ක‍්‍රිස් ඩොඞ් පවසා සිටියේ ඇමෙරිකාව විසින් සිරියාවට පහරදීම අත්හැරීමට සිදුව ඇත්තේ රුසියාව සහ චීනය තදින් සිටීම නිසා බවය.
ක‍්‍රිස් ඩොඞ් කියන්නේ දැන් ඇමෙරිකාව යම් පමණකට හති වැටී ඇති බවයි. ඔහුට අනුව සෙනේට් සභිකයින් විසින් සිරියාවේ විපක්‍ෂයට සෘජුව ආයුද දීමට බල කරද්දීත් ජනාධිපති ඔබාමා පසුබසින්නේ මේ යථාර්ථයට සාපේක්‍ෂවය. ඔහු කියන්නේ දැන් වසර 10 ක් තිස්සේ පවත්වාගෙන පැමිණි යුද්ධය තව දුරටත් පවත්වාගෙන යාම අසීරු බවයි. ඔහුට අනුව ඇෆ්ගනිස්ථානයෙන් කලින් හමුදාඉවත් කර ගන්නේත් ඒ අමාරුව නිසාය. තවදුරටත් ඔහු කියා සිටින්නේ ලිබියාවේදී කලා මෙන් සිරියාවේ විපක්‍ෂයට ආයුධ සපයමින් සිරියානු හමුදාවලට පහර දෙමින් සෘජු මැදිහත් වීමකට ඇමෙරිකාව කැමැති වූවත් ප‍්‍රායෝගිකව එසේ කිරීම අමාරු බවයි. ඒ අනුව ත්‍-35 යානා දහස් ගනනින් ඇනවුම් කලත් ඒවාට මුදල් ගෙවීම සඳහා ණය ගැනීම හෝ මහජනයාට බදු ගැසීම සිදු කලත් ප‍්‍රායෝගිකව ඒවා යොදාගැනීම සඳහා වාසිදායක ජාත්‍යාන්තර දේශපාලන තත්වයක් ගොඩනැගෙන්නේ නැති බව පැහැදිලිව පෙනේ. අනෙක් කාරණය ආර්ථික අර්බුද හමුවේ ඒ ඇනවුම් වලට මුදල් ගෙවීමද සරල යථාර්ථයක් නොවන බව පැහැදිලිය.
රුසියාව සහ චීනය ලිබියානු නායකයා අත් හැරියත් සිරියානු සහ ඉරාන නායකයින් අත් නොහැරීමට හේතු රාශියක් ඇත. ලිබියානු නායකයා චීනය විසින් ලිබියාවේ ඩොලර් මිලියන 800 ක වටිනා සාපේක්‍ෂව සුළු ව්‍යාපාරයක් අත්පත් කර ගැනීම පවා වැලැක්විය. නමුත් ඉරාණය සහ සිරියාව චීනය සහ රුසියාව සමග ප‍්‍රභල ආර්ථික සම්බන්ධකම් ගොඩනගා ගෙන ඇත. ඊට අමතරව රුසියානු නාවික කඳවුරක්ද සිරියාවේ පිහිටුවා ඇත. එසේම එම රටවල පාලකයින් ඇමෙරිකානු සහ බටහිර අධිරාජ්‍යවාදයට එරෙහිව සෘජුව දෙපයින් නැගී සිටින බැවින් ඔවුන් අත්හැරීමේ දේශපාලන උපාය මාර්ගික ගැටළුවක්ද ඇත. ඒ සියල්ලටම වඩා මිතුරු බව ඇගෙන්ම පෙන්වන මිතුරන්ගේ දුකේදී සැබෑ මිතුරන්ට පිටු පෑ නොහැකි බව ජාත්‍යන්තර දේශපාලන සබදතා පිළිබඳ ඉතිහාසය විසින් නැවත නැවත ඔප්පු කොට ඇත. ලිබියාවට වැරදුනේ එසේ සැබෑ මිතුරන්ට ඇගෙන්ම නොසැලකීම නිසාය. ඒ අත්දැකීම ශ්රී ලංකාවටද ඉතා ප‍්‍රයෝජනවත් වනු ඇත. ඒ බොහෝ විට අප ඉන්දියාව සහ ඇමෙරිකාව අසතුටු වේ යයි යන බිය නිසා චීනයට සහ රුසියාවට නරකට සලකන අවස්ථා එමට තිබෙන බැවිනි. චීනය සහ රුසියාව අප රටේ ඛනිජ තෙල් කැනීමට මෙන්ම පිරිපහදුවටද උනන්දුව පෙන්වා ඇතත් අප අඩියක් පෙරට තබා ඔවුන් කැදවාගැනීමට අත වනන්නේ නැත. පාරවල් හැදීමට කොන්ත‍්‍රාත් දීමෙන් පමණක් දීර්ඝ කාලීනව රැදී සිට අප රැකීමේ උනන්දුව ඔවුනට ඇති වන්නේ නැත.
කෙසේ වෙතත් මේ වන විට සිරියාවට එරෙහි ඇමෙරිකානු මෙහෙයුම් මුල්කොට ගෙන රුසියාව තම තද ස්තාවරය ලෝකයටම පෙන්වීමට පටන්ගෙන ඇත. රුසියාව බොහෝ කලකට පෙර සිරියාවට විකිණු හෙලිකොප්ටර් යානා ප‍්‍රතිසංස්කරණය කිරීමට කටයුතු කලේය. ඊට අදාලව හිලරි ක්ලන්ටන් විරෝධය පලකිරීමේදී රුසියාවද තද වචන පාවිච්චි කලේය. ඒ අතර රුසියාව තම නාවික හමුදා යාත‍්‍රා සිරියාවේ ටාර්වස් වරායට යැවීමටද කටයුතු කොට ඇත. පුටින් ජනාධිපතිවරයා මැක්සිකොවේ ඨ-20 සමුළුවේදී බරක් ඔබාමා මුණගැසුනු අවස්ථාවේ ප‍්‍රකාශකර සිටියේ තමා සිවිල් වැසියන්ට පහර දෙන ආයුධ සිරියාවට ලබා නොදෙන නමුත් බාහිර ආක‍්‍රමණය වලින් ආරක්ෂා වීම සඳහා අවශ්‍ය යුදමය සහය ලබාදෙන බවයි.
මේ අනුව සිරියාවට එරෙහි ඇමෙරිකානු මෙහෙයුම මුල්කොට ගෙන චීනය සහ රුසියාව දැන් ඉවසුවා හොදටම ඇති යන සංඥාව ලෝකයට ලබාදී ඇත. ඒ සංඥාව සමස්ථ ලෝකයේම වසන ඇමෙරිකාව ප‍්‍රමුඛ නේටෝ රටවල් ලෝකය පුරා සිදුකරන යුදමය මැදිහත්වීම් වලට විරුද්ධ ජනතාවට දුන් ප‍්‍රභල පණිවිඩයකි. ඒ අනුව සාමයට ලැදි ලෝක ප‍්‍රජාව ඊට ධනාත්මකව ප‍්‍රතිචාර දැක්වුවහොත් එය අනාගත ලෝක යුද්ධයක් වැලැක්වීම සඳහා ප‍්‍රභල පියවරක් ලෙස සැලකිය හැක.
ශ්රී ලංකාව මේ ජාතයන්තර ප‍්‍රවනතාවට අනුව කෙසේ හැසිරෙනවාද යන්න සමස්ථ ලෝකයටම විශාල ආදර්ශයක් සපයනු ඇත. එසේ වන්නේ අද වන විට ශ්රී ලංකාව ඇමෙරිකාව ප‍්‍රමුඛ නේටෝ බලහත්කාරයේ ප්රධාන ගොදුරක් බවට පත් වී සිටින නිසාය. නමුත් අප රටේ සමහර විද්වතුන් ශ්රී ලංකාවට එරෙහි ජාත්‍යන්තර කුමන්ත‍්‍රණය සහ ලෝක පරිමාන යුද සුදානම යනු එකම ක‍්‍රියාවලියක් ලෙස දකින්නේ නැත. එවුන් කල්පනා කරන්නේ ඇමෙරිකාව ලෝක යුද්ධයකට පැටළුනහොත් අපට එරෙහිව තද කරන අඩුව බුරුල් වනු ඇති බවටය. නමුත් සත්‍යය ඊට වඩා හාත්පසින්ම වෙනස් වනු ඇත.
ඇත්තවශයෙන්ම ඇමෙරිකාව ප‍්‍රමුඛ බටහිර බලවේග වලට ශ්රී ලංකාව බෙදා වෙන් කිරීමට, දුර්වල කිරීමට සහ යටත් කිරීමට අවශ්‍ය වන්නේ ලෝක යුද ආධිපත්‍ය ගොඩ නැගීම සඳහා ශ්රී ලංකාව භූදේශපාලනිකව සහ යුද්ධමය වශයෙන් ඉතා වැදගත් වන නිසාය. ඒ නිසා ඇමෙරිකානු යුද උන්මාදය වර්ධනය වන ප‍්‍රමාණයට සාපේක්‍ෂව ඔවුන් අපට එරෙහිව අටවා ඇති උගුලද තද කරනු ඇත. ඒ යුද උන්මාදයට පහර වදින සහ අභියෝග කෙරෙන ප‍්‍රමාණයට සාපේක්‍ෂව අපට එරෙහිව අටවා ඇති උගුල බුරුල් කෙරෙනු ඇත. ඒ නිසා මේ රළු යථාර්ථයට පිටුපාමින් ශ්රී ලංකාවේ අපට දේශපාලන තීන්දු ගැනීමට ඉඩක් නැති බව දැන්වත් මේ අවසාන පැයේදීවත් ජාතියක් ලෙස අප තේරුම් ගත යුතුව ඇත.
ඒ තේරුම් ගැනීම පෙන්වන ප්රධාන සලකුණ වන්නේ ඉන්දියානු හිවලාගේ බස් වලට තවදුරටත් රුවටීම නැවැත්වීමය. ඉතා සරලව කියනවා නම් අද ඉතා පැහැදිලිව ඇමෙරිකානු උපාංගයක් ලෙස ක‍්‍රියාකරන ඉන්නියාවේ සහාය මත ගොඩ ඒමට අල්පමාත‍්‍ර හෝ සිහිනයක් ඇත්නම් අප ඉන් කඩිනමින් අවධිවිය යුතුය. ඉන්දියාව විසින් තව තවත් අප බටහිර උතුලට තල්ලූකරනවා විනා ඉන් ගලවා ගැනීමට උදවි නොකරන බව මේ වන විට ඉතා පැහැදිලිව ඔප්පු කොට ඇත. ඒ නිසා ඉතා අමුවට සහ විවෘත ලෙස කියනවා නම් අද යුගයේ අපගේ අති ජාත මිතුරන් ලෙස චීනය සහ රුසියාව පිලිගැනීමට අපට තත්වයන් විසින් බලකෙරෙමින් ඇත. මිතුරන් දිනා ගැනීමට නම් මිතුරන්ගේ ඇඟට දැනෙන ලෙස මිතුරන් සේ හැසිරීය යුතුය. අද අප චීනය සහ රුසියාව සමග එසේ හැසිරෙනවාද යන්න පමා නොවී විමසා බැලිම ප‍්‍රමුඛතම දේශපාලන න්‍යායාත්මක විවාදයක් බවට පත්කර ගත යුතුව ඇත. පසුගිය දින ඒසියන් ටි‍්‍රබියුන් වෙඞ් අඩවිය වාර්තා කර තිබූ ආකාරයට ශ්රී ලංකාව ගමන් කරමින් සිටින්නේ ඊට ප‍්‍රතිවිරුද්ධ දේශපාලන දිශාවකටය. එනම් ඉන්දියානු සහ ඇමෙරිකානු කපටි ආරක්‍ෂකයින්ගේ වචන විශ්වාශ කරන දිශාවකටය. අප බොහෝ පමා වුවහොත් ඒ වරද නිවැරිදි කිරීමට ඉතිහාසය අපට කිසිදු ඉඩක් ලබානොදෙන බව සහතිකය.
වෙද්‍ය කේ.එම්. වසන්ත බණ්ඩාර
සම්බන්ධිත පුවත් | Related News
ප්රධාන පුවත්
මැතිවරණ දිනයේදී ඊශ්‍රායලයට වාර්ෂිකව ලබාදෙන ඩොලර් බිලියන 4ක ආධාර නතර කරන බව ට්‍රම්ප් නිවේදනය කරයි..
ඡන්ද ගණන් කර අවසන් වෙන්නත් පෙරම ට්‍රම්ප් ට දැවැන්ත පරාජයක්...
ජනාධිපති සහභාගී වූ ABU සමුළුවේ සත්කාරකත්වයට 'සිරස' ට ලබාදුන් රුපියල් මිලියන 104ක අනුග්‍රාහකත්වය ගැන දැඩි කතාබහක්..
අමෙරිකාවේ සෙනෙට් සභාවේ බලය ඩිමොක්‍රටික් පක්ෂය දිනා ගනී..
GSP+ අහිමි වීමේ ලොකු ඉඩක්.. - ජී.එල්. පීරිස්ගෙන් අනාවරණයක්
පෞද්ගලික රූපවාහිනී නාලිකාවක් සත්කාරය දරන සමුළුවකට කෝටි 10ක් ලබාදීම ගැන අල්ලස් කොමිසමට පැමිණිල්ලක්..
සංචාරක ප්‍රවර්ධනය වෙස්මුහුණක් පමණයි.. ඇතුළේ තියෙන්නේ සහචරයාට සැලකීමයි.. මහජන බදු මුදල්වලින් චෙවෝන් ඩැනියෙල්ගේ උපසභාපති ධුරය සමරනවාද?.. - විමල් ප්‍රශ්න කරයි..
ඇමෙරිකා-ඉරාන සාකච්ඡා එකඟතාවකින් තොරව අවසන් වෙයි.. ඇමෙරිකාව යළිත් ඉරානයට ප්‍රහාර එල්ල කළහොත් මැදපෙරදිග කලාපය පුරා යුද්ධයක් ව්‍යාප්ත වීමේ අවදානමක්..
ක්‍රිෂාන්ති කුමාරස්වාමි දූෂණය කර මරා දමා මාලය කඩාගත් සෝමරත්න රාජපක්ෂ.. දෙමළ ඩයස්පෝරාවට වීරයා වූ ද්‍රෝහියාගේ කතාව..
ABU සමුළුවේ සත්කාරකත්වය සිරසයි.. අනුග්‍රහය සංචාරක කාර්යංශයයි..
ජංගම ගිණුමේ ඩොලර් මිලියන 420 ක හිඟයක්... වෙළෙඳ හිඟය බිලියන 7.9 ඉක්මවයි.. - මහ බැංකුව
"දැන් අපේ බෞද්ධ සිද්ධස්ථාන ගැන තීරණ ගන්නෙත් ඉන්දියාවෙන්ද?" - අනුරාධපුර පූජා නගර සංවර්ධන සැලැස්ම සහ ඉන්දියානු ආධාර යටතේ ක්‍රියාත්මක වන විවිධ ව්‍යාපෘති පිටුපස ඇති සැඟවුණු අරමුණු වෛද්‍ය වසන්ත බණ්ඩාර හෙළිකරයි..
පොහොර වෙනුවට බොරු සහතික එපා.. 2026 මාස් කන්නය ආරම්භයේදීම ගොවීහු දැඩි අර්බුදයක.. - අනුරාධ තෙන්නකෝන්
නොපියවූ දේශීය ආදායම් බදු හිඟය රුපියල් ට්‍රිලියන 2.1ක්.. බදු පැනවීම් හමුවේ දිළිඳුකම හා අසමානතාව උග්‍ර වෙලා..- IMF
ඉන්ධන මිල ඉහළට..
ගෙවිඳු, සෙනෙවිට නඩු දැම්මෙත් නෑ.. සෙනෙවි නිලන්තට නඩු දාන්නෙත් නෑ..