News Category
From Date
To Date
Maximum Number of Result

කියුබාවේ අර්බුද ගැන ආචාර්ය චන්න ජයසුමනගෙන් අනාවරණයක්..

Nov 17, 2026 at 08:32 AM
|

කියුබාවේ හවානා නුවර පැවැති බෝ නොවන රෝග පිළිබඳ සම්මන්ත්‍රණයකට සහභාගී වීමෙන් පසු එරට වත්මන් තත්ත්වය පිළිබඳව විශේෂ සටහනක් තබමින් පාර්ලිමේන්තු මන්ත්‍රී මහාචාර්ය චන්න ජයසුමන මහතා සඳහන් කරන්නේ, කියුබාව මේ වන විට දැඩි මානුෂීය අර්බුදයක් කරා වේගයෙන් ගමන් කරමින් සිටින බවයි.

සම්මන්ත්‍රණයට විශේෂ ආරාධිතයකු ලෙස සහභාගී වූ ඒ මහතා, රට අර්බුදයක පවතින මොහොතක ආරාධනය පිළිගෙන පැමිණීම කියුබානු රජයේ සහ එරට සෞඛ්‍ය අමාත්‍යාංශයේ ඉහළ බලධාරීන්ගේ විශේෂ ඇගයීමට ලක්වූ බව පවසා ඇත. එසේම, කොවිඩ් වසංගත සමයේ සහ විවිධ බාධක මධ්‍යයේ ලංකාවේ සෞඛ්‍ය සේවය අඛණ්ඩව පවත්වාගෙන ගිය ආකාරය පිළිබඳව ද ඔහු එහිදී කරුණු අනාවරණය කර තිබේ.

ඒ මහතා සිය මුහුණු පොතේ මේ පිළිබඳව පළ කර තිබූ සටහන පහළින්..

කියුබාවේ තතු..

කියුබාවේ හවානා නුවර පැවැති බෝ නොවන රෝග පිළිබද සම්මන්ත්‍රණයට විශේෂ ආරාධිතයකු ලෙස සහභාගි වීමි.

රට අර්බුදයක පවතින අවස්ථාවේ ආරාධනය ඉවත නොදමා, මා පැමිණීම කියුබානුවන්ගේ විශේෂ ඇගයීමට හේතුවක් විය. එරට සෞඛ්‍ය අමාත්‍යවරයා, සෞඛ්‍ය පිළිබඳ ඉහළ බලධාරීන් මෙන්ම, 2012 වසරේ සිට වකුගඩු රෝග පිළිබද අප සමග එක්ව පර්යේෂණ කටයුතුවල නියැළුණු මහාචාර්ය රාහුල් හෙරේරා ද ඒ ගැන විශේෂයෙන් සදහන් කරන ලදි. කවර අපහසුතා පැවතියද මට කිසිදු අඩුපාඩුවක් නොමැතිව සැලකීමට ඔවුහු වග බලා ගත්හ.

වකුගඩු ⁣රෝග පර්යේෂණ තොරතුරු මෙන්ම උද්ඝෝෂකයන්ගේ බාධා, වැඩවර්ජන, කඩාකප්පල්කාරී ක්‍රියා මධ්‍යයේ කොවිඩ් වසංගතය අතරතුර ලංකාවේ සෞඛ්‍ය සේවය බිඳ නොවැටී ඉදිරියට ගෙන ගිය ආකාරය පිළිබඳව ද මම ඔවුන් දැනුවත් කළෙමි.

දිගු කලක් කියුබාව ඉතා ඉහළ සෞඛ්‍ය සේවයක් පවත්වාගෙන ගිය ද වත්මන් බල ශක්ති අර්බුදය හමුවේ ප්‍රශ්න ගණනාවකට මුහුණ දෙමින් සිටියි. කියුබාවේ විදුලි බල නිෂ්පාදනය මූලික වශයෙන් සිදු කෙරෙනුයේ ඛනිජ තෙල් දහනය මගිනි. ඔවුන්ගේ ප්‍රධාන ඛනිජ තෙල් සැපයුම්කරුවා වූයේ වෙනිසියුලාවයි. 

මේ වසරේ ජනවාරි 03 දින වෙනිසියුලානු ජනාධිපතිවරයා ඇමරිකා එක්සත් ජනපදයට පැහැරගෙන යෑමත් සමඟ ඛනිජ තෙල් සැපයුම බිඳවැටිණි. ඒ සමගම ඇමරිකානු මැදිහත්වීමෙන් කියුබාවට එරෙහි සම්බාධක තවදුරටත් තද කිරීම මගින් අනෙකුත් රටවල සිට ඛනිජ තෙල් සැපයම ද බොහෝ දුරට නතර වී ඇත. 

මේ හේතුවෙන්  අද වන විට කියුබාවේ විදුලිබල සැපයුම සීමා වී ඇත. ග්‍රාමීය ප්‍රදේශවලට විදුලි බලය නොලැබෙන අතර, නාගරික ප්‍රදේශවලට දිනකට පැය කිහිපයක් පමණක් විදුලි බලය ලැබේ.

ගුවන්තොටුපොළට සහ රෝහල්වලට පවා විදුලි බලය ලැබෙනුයේ කඩින් කඩය. හවානා ගුවන් තොටුපොළේ ගමන්මලු පටිය විදුලි බලය ඇන හිටීමෙන් මා එහි සිටින අතරවාරයේ තෙවරක් නතර විය.

විදුලි බලය ඇන හිටීම නිසා ප්‍රධාන රෝහල්වල ශ්වසන ආධාරකවල (ventilator) සහයෙන් සිටින රෝගීහු කිහිප දෙනෙක්  දිනපතා මිය යති. ඉන්ධන සැපයුම සීමා වී ඇති නිසා හවානා ඇතුළු ප්‍රධාන නගරවල කුණු කසල ඉවත් කිරීම ඇන හිට ඇත. සනීපාරක්ෂක තත්ත්වයන් දුර්වල වීමත් සමඟ ආහාර පාන මගින් බෝවන හෙපටයිටිස් ඒ රෝගය ව්‍යාප්ත වෙමින් පවතියි.

මට නවාතැන් සැපයුණු කියුබානු ජාතික හෝටලය (Hotel Nacional de Cuba) හැරුණු විට රටේ ප්‍රධාන හෝටල් සියල්ලම පාහේ වසා දමා ඇත. සංචාරක කර්මාන්තය මුළුමනින්ම පාහේ බිඳ වැටී ඇත. වෛද්‍යවරු සැලකිය යුතු පිරිසක් රට හැර ගොස්ය. කියුබානු මුදල් ඒකකය වන පෙසෝ වටිනාකමක් නැති තත්වයට ඇද වැටී ඇත. නිල විදේශ විනිම අනුපාතය අනුව ඇමරිකානු ඩොලරයට පෙසෝ  25 ක් වුවද මා සිටි හෝටලයේ එම අගය 920කි. සැබවින්ම මේ වන විට කියුබාව මානුෂික අර්බුධයක් කරා වේගයෙන් ගමන් කරමින් සිටියි.

කියුබානුවෝ ඉතා සුන්දර මිනිසුන් පිරිසකි. කවරක් වෙතත් මිනිස්සු තවමත් සියල්ල විද දරාගෙන සන්සුන්ව සිටිති. විදුලි බලය නැතද ඔවුහු රාත්‍රියේ සිය නිවෙස්වලින් එළියට පැමිණ අසල්වැසියන් සමග එක්ව ගීත ගයමින් නර්තනයේ යෙදෙති. විදුලිබලය, ඉන්ධන, ගෑස් නැති වූ විගස ලංකාවේ මෙන් පාරට බසින්නට අරගලකරුවන් හෝ ගැටුම් ඇති කරන්නට හෙල්මට් බලකායක් හෝ නැති නිසා රට තවමත් නිහඬව නිසොල්මනේ පවතියි.



සම්බන්ධිත පුවත් | Related News

චීන ඔත්තුකාරියක බවට සැක කෙරෙන කාන්තාවක සම්බන්ධයෙන් ඇති වූ ආන්දෝලනයක් හේතුවෙන් Nvidia නිර්මාතෘවරයාගේ ඉවත්වීමත් සමඟ, චීනයට එරෙහි චිප් සීමා කිරීම් විවේචනය කළ වොෂින්ටනයේ බලවත්ම හඬක් නිහඬ කිරීමෙන් වාසි අත්වන්නේ කාටද යන දේශපාලනිකව සංවේදී ප්‍රශ්නය මතුව තිබේ.
රටේ පවතින වත්මන් පාලන තන්ත්‍රය සහ ඇතැම් සමාජ මාධ්‍ය ක්‍රියාකාරීන් විසින් අනුරාධපුර සිදුවීම මුල් කරගනිමින් මහා සංඝරත්නය අපකීර්තියට පත් කිරීමේ අරමුණින් ව්‍යාජ ප්‍රවෘත්ති පුවත් නිර්මාණය කරමින් සංසරණය කරන බවට චෝදනා එල්ල වේ.
" අපි අනුරාධපුරය ඇතුළු නගර 04 ක් " සිටි බ්‍රෑන්ඩින් " කරනවා. උදාහරණයකට ප්‍රංශයෙ පැරිස් නුවර වගේ"
පුරාණ අනුරාධපුර නගරය යනු කුමක්ද යනුවෙන් පුරාවිද්‍යාඥයෙකුගෙන් විමසුවහොත්, ඔවුන් එය විස්තර කරනු ඇත්තේ පුරාණ ගඩොල් අත්තිවාරම්, කැටයම් කළ ගල් කුළුණු, නටබුන් වූ ස්තූප සහ පස් යට මිහිදන්ව ඇති පුරාවස්තු වලින් සමන්විත විශාල භූමි ප්‍රදේශයක් ලෙස විය හැකිය.
රටේ රාළ දිගටම අපේ රටේ විමර්ශන ක්‍රියාවලිය ඇතුළේ සිද්ධවෙන බරපතල වංචා ගැන කතා කරනවා.නීතියේ ආධිපත්‍යය කියන වචනවලට මුවාවෙලා,පෞද්ගලික න්‍යාය පත්‍ර,ඉදේශපාලන න්‍යාය පත්‍ර වෙනුවන් මිනිස්සුන් ජීවිත කාලකණ්ණි කරන හැටි ඉවසන්න බැරි තැන තමයි මේ සටනට අත ගැහුවේ.රටේ රාළ කියන මේ තිත්ත ඇත්ත කතාව ඊයේ (12) කොළඹ ස්ථිර ත්‍රිපුද්ගල මහාධිකරණ ශාලාව ඇතුළේ දෝංකාර දුන්නා.
ඊයේ (12) අනුරාධපුර රුවන්වැලි මහ සෑ භූමියේ බලංගොඩ කස්සප හාමුදුරුවෝ සහ තවත් ගිහි පැවිදි පිරිසක් කරගෙන ගිය සමකාමි උපවාසය නිල බලය සහ මැර බලය යොදවලා අවසන් කරන්න පොලිසිය සහ ජවිපෙ මැරයන් සමත්වුනා.රටේ රාළ මුල ඉඳන්ම ඔය උපවාසයට විරුද්ධ උන කෙනෙක්.ඒත් මේ ම්ලේච්ඡ ප්‍රහාරය කිසිසේත් අනුමත කරන්න බෑ.
ඊලග අයවැය වෙනවිට මේවාගෙන් සිදුවෙලා තියෙන ටික ගලපන්න. 2025 අයවැයෙන් කරනවා කිව්ව ඒවා #ඇඩ්වකාටා එකේ,ජනනාත් ප්‍රනාන්දු සැසදීමක් කරලා තියනවා .
වසර දෙදහසකට වැඩි ඉතිහාසයක් ඇති බෞද්ධ ශිෂ්ටාචාරයක් රැකගනිමු. එහි පූජනීය භූමිය වාණිජ සංවර්ධන කලාපයක් බවට පත් නොකරන්න.
මීට වසර තිස්පහකට පෙර, 1991 අගෝස්තු මාසයේදී සෝවියට් සංගමය සිය අවසන් ගිම්හාන සමය ගත කරමින් සිටියේය.

ප්‍රධාන පුවත්

රාජ්‍ය බිඳ දැමීමේ ක්‍රියාන්විතය දැන් උච්චතම තැනට ඇවිත්.. – රටේ සංස්කෘතිය සහ බුදුදහම බිඳවැටීමේ ක්‍රියාන්විතය පිටුපස සැඟවුනු කතාව වෛද්‍ය වසන්ත බණ්ඩාර හෙළිකරයි..

රාජ්‍ය බිඳ වැට්ටවීමට නම් සමාජය බිඳවැට්ටවිය යුතු බවත්, මේ රාජ්‍ය බිඳ වැට්ටවීම සඳහා බලවේග රාශියක් අතීතයේ සිටම විවිධ අයුරින් ක්‍රියාත්මක වුවත් එසේ බිඳ දැමීමට නොහැකි වූ බවත්, එහෙත් මේ වන විට මෙම බලවේග ඉතා සූක්ෂම ලෙස ක්‍රියාන්විතයන් දියත්කර ඇති බවත් දේශහිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතා පවසයි.

ආසියා–ශාන්තිකර ප්‍රජාවක් පිළිබඳ දිගුකාලීන දැක්ම යථාර්ථයක් බවට පත් කිරීමේ අරමුණින් චීනය යළිත් APEC මෙහෙයුම් වගකීම භාරගනී..

භූ දේශපාලනික ආතතීන් උත්සන්න වෙමින්, ආරක්ෂණවාදය ඉහළ යමින් සහ ගෝලීය ආර්ථික සහයෝගීතාව අභියෝග රැසකට මුහුණ දෙමින් සිටින පසුබිමක, ෂෙන්ෂෙන් නුවර පැවැත්වෙන 33 වැනි APEC ආර්ථික නායක සමුළුව කලාපීය සහයෝගීතාව ශක්තිමත් කිරීමේ වැදගත් අවස්ථාවක් වනු ඇත.

ගෝලීය දකුණේ ස්වෛරීභාවය සහ ආර්ථික නිදහස වෙනුවෙන් මොස්කව් ජාත්‍යන්තර සමුළුවේදී විමල් වීරවංශ ගෙන් විශේෂ දේශනයක්!

ජාතික නිදහස් පෙරමුණේ නායක, හිටපු අමාත්‍ය විමල් වීරවංශ මහතා නොවැම්බර් 15 වැනිදා රුසියානු සමූහාණ්ඩුවේ මොස්කව් නුවරදී පැවැති නව යටත්විජිතවාදයේ නූතන භාවිතයන්ට එරෙහි ජාත්‍යන්තර ව්‍යාපාරයේ (For the Freedom of Nations) මහා සභා රැස්වීමට ගෞරවනීය ආරාධිතයෙකු ලෙස සහභාගී විය.

අටමස්ථානාධිපති ස්වාමීන්වහන්සේගේ භූමිකාවට බාධා නොකර ඊට ශක්තියක් වීම මහජනයාගේ යුතුකමක්.. - ජාතික සංවිධාන කියයි

අනුරාධපුර පූජාභූමි සංවර්ධන උපදේශක සභාවේ සම සභාපති ලෙස ක්‍රියාකරන වැඩබලන අටමස්ථානාධිපති පූජ්‍ය ඊතලවැටුනුවැවේ ඤානතිලක හිමිපාණන් විසින් සිදුකළ ප්‍රකාශය පිළිබඳව අන්තර්ජාලයේ යම් ආන්දෝලනයක් ඇතිවීම පිළිබඳව ලංකා ලීඩර් විසින් ජාතික සංවිධානවල මතය විමසන ලදී.

Nvidia ප්‍රධානී ජෙන්සන් හුවාං ඉවත් කිරීමට අවශ්‍ය වූයේ කාටද?.. – 'ප්‍රේමණීය උගුල' පිටුපස ඇති AI බල අරගලය පිළිබඳ හෙළිදරව්වක්..

චීන ඔත්තුකාරියක බවට සැක කෙරෙන ව්‍යාපාරික කාන්තාවක වන ඇලිස් හුවාං (Alice Huang) සමඟ පැවැති සබඳතාවක් හෙළිදරව් වීමත් සමඟ ලොව ප්‍රමුඛතම චිප් නිෂ්පාදන සමාගම වන Nvidia හි නිර්මාතෘ ජෙන්සන් හුවාං (Jensen Huang) සිය ධුරයෙන් ඉල්ලා අස්වීම, ගෝලීය කෘත්‍රිම බුද්ධි (AI) බල අරගලයේ තීරණාත්මක සන්ධිස්ථානයක් බවට පත්ව තිබේ.

දරුවන් පාසල්වලට ඇතුළත් කිරීම 40,000කින් අඩුවෙලා..

දරුවන් පාසල්වලට ඇතුළත් කිරීම (පළමු වසරට) වාර්ෂිකව හතළිස් දහසකින් පමණ අඩු වී ඇතැයි සමීක්ෂණයකින් තොරතුරු හෙළිවී ඇති බව අධ්‍යාපන සහ උසස් අධ්‍යාපන නියෝජ්‍ය අමාත්‍ය වෛද්‍ය මධුර සෙනෙවිරත්න පවසයි.

අයවැය සජීවීව නැරඹීමට රාජ්‍ය නිලධාරීන්ට පහසුකම් සපයන ලෙසත්, එහි ඡායාරූප ලබාගෙන ඉදිරිපත් කරන ලෙසත් දන්වලා!..

කෘෂිකර්ම, පශු සම්පත්, ඉඩම් සහ වාරිමාර්ග අමාත්‍යාංශය විසින් විශේෂ නිවේදනයක් නිකුත් කරමින්, 2027 වර්ෂයේ අයවැය ඉදිරිපත් කිරීම සජීවීව නැරඹීම සඳහා අදාළ දෙපාර්තමේන්තු සහ ආයතනවල සියලුම මණ්ඩල නිලධාරීන් ඇතුළු අනෙකුත් නිලධාරීන්ට අවශ්‍ය පහසුකම් සපයන ලෙස දැන්වූ ලිපියක් සමාජ මාධ්‍යයේ සංසරණය වේ.

ත්‍රස්තවාදය වැළැක්වීමේ පනතේ අධිකරණ බලය ඉක්මවා සැකකරුවන් රක්ෂිත බන්ධනාගාරගත කිරීමට එරෙහිව අභියාචනාධිකරණයට රිට් පෙත්සමක්..

ත්‍රස්තවාදය වැළැක්වීමේ පනතේ අධිකරණ බලය ඉක්මවා යමින් සැකකරුවන් වසරකට වැඩි කාලයක් රක්ෂිත බන්ධනාගාරගත කිරීම සහ නීතිවිරෝධී මූලික පරීක්ෂණයක් පැවැත්වීම අභියෝගයට ලක්කරමින් විශ්‍රාමික ගුවන් හමුදා නිලධාරී ශාන්ත ජයතිලක මහතා විසින් අභියාචනාධිකරණය හමුවේ රිට් පෙත්සමක් ගොනු කර තිබේ.

ඉරාන ජනතාව සාගින්නෙන් පෙළවීමට ඇමෙරිකාව තර්ජනය කරනවායැයි ටෙහෙරානය පවසයි..

ඇමෙරිකා එක්සත් ජනපදය විසින් පනවා ඇති ආර්ථික සම්බාධක සහ නාවික අවහිර කිරීම් හරහා ඉරාන ජනතාව සාගින්නට ඇද දැමීමට තර්ජනය කරමින් සිටින බව ඉරාන විදේශ කටයුතු අමාත්‍යාංශයේ ප්‍රකාශක එස්මයිල් බගායි චෝදනා කරයි.

NVIDIA ප්‍රධානියා ඉවත් කිරීම පිටුපස ඇත්තේ චීන ඔත්තු කතාවක් නොව ඒකාධිකාරී තාක්ෂණික කුමන්ත්‍රණයක්.. - ආචාර්ය ජගත් චන්ද්‍රවංශ

ලොව ප්‍රමුඛතම චිප් නිෂ්පාදන සමාගම වන NVIDIA ආයතනයේ ප්‍රධාන විධායක නිලධාරී සහ නිර්මාතෘ ජෙන්සන් හුවාන් (Jensen Huang) සිය ධුරයෙන් ඉවත් කිරීම පිටුපස ඇත්තේ ඔහුට එල්ල වී ඇති චීන කාන්තාවක් හා සම්බන්ධ ඔත්තු බැලීමේ චෝදනාවක් නොව, කෘත්‍රිම බුද්ධි (AI) ක්ෂේත්‍රයේ ඒකාධිකාරය පවත්වා ගැනීමට උත්සාහ කරන පාර්ශ්වයන්ගේ දේශපාලන කුමන්ත්‍රණයක් බව ජාත්‍යන්තර දේශපාලන විශ්ලේෂක ආචාර්ය ජගත් චන්ද්‍රවංශ මහතා පවසයි.

මෝදි සහ අනුර විවෘත කළ දඹුල්ලේ ශීතාගාර සංකීර්ණයේ ලක්ෂ ගණනක තඹ බට සොරකමක්..

ඉන්දීය අග්‍රාමාත්‍ය නරේන්ද්‍ර මෝදි සහ ජනාධිපති අනුර කුමාර දිසානායක විසින් පසුගිය වසරේ අප්‍රේල් මාසයේදී විවෘත කළ දඹුල්ලේ එළවළු හා පලතුරු ගබඩා කිරීමේ උෂ්ණත්ව හා ආර්ද්‍රතා පාලිත ගබඩා සංකීර්ණයේ සවිකර තිබූ රුපියල් ලක්ෂ ගණනක් වටිනා තඹ බට සොරාගෙන ගොස් ඇති බවට දඹුල්ල පොලිසියට පැමිණිල්ලක් ලැබී තිබේ.

දූෂණ චෝදනා එල්ලවී ඇති ආණ්ඩුවේ මැති ඇමති ලැයිස්තුවක් පාර්ලිමේන්තුවට...

වත්මන් ආණ්ඩුවේ ප්‍රබල කැබිනට් අමාත්‍යවරුන් සිව්දෙනෙකු දූෂණ චෝදනාවලට ලක්ව ඇති බව පවසමින් ඊට අදාළ නාමලේඛනයක් සමගි ජන බලවේගයේ පාර්ලිමේන්තු මන්ත්‍රී නීතිඥ අජිත් පී. පෙරේරා මහතා පාර්ලිමේන්තුවට ඉදිරිපත් කලේය.

මාළු වැඩි තැන් හඳුනගන්න හැකි තනි තාක්ෂණික මෙවලමක් දැනට ලෝකයේ නෑ.. - ‘මාළු ඇප්’ එක සහ තාක්ෂණික යථාර්ථය ගැන INORA ආයතනය හෙළිකරයි..

මත්ස්‍ය ගහණය වැඩි ප්‍රදේශ හඳුනාගැනීම සඳහා ජංගම දුරකථන යෙදවුමක් (Mobile App) නිර්මාණය කිරීම සරල කාර්යයක් නොවන බවත්, ඒ සඳහා විශාල මූල්‍ය ආයෝජනයක් සහ විශේෂිත තාක්ෂණික දැනුමක් අවශ්‍ය බවත් INORA - Institute of Ocean Resources Analysis ආයතනයේ විධායක අධ්‍යක්ෂ අයේෂ් ඉන්ද්‍රනාත් රණවක පවසයි.

ට්‍රම්ප්ගෙන් න්‍යෂ්ටික අවි අඩු කිරීමේ නව යෝජනාවක්.. – පුටින් සහ ෂී ජින්පින් චීනයේදී ඓතිහාසික සාකච්ඡාවක..

ලෝකයේ පවතින න්‍යෂ්ටික අවි සංඛ්‍යාව ක්‍රමයෙන් අඩු කිරීම අරමුණු කරගනිමින්, අමෙරිකානු ජනාධිපති ඩොනල්ඩ් ට්‍රම්ප්, රුසියානු ජනාධිපති ව්ලැඩිමීර් පුටින් සහ චීන ජනාධිපති ෂී ජින්පින් අතර තීරණාත්මක සාකච්ඡාවක් පැවැත්වීමට නියමිත බව ධවල මන්දිරය නිවේදනය කර තිබේ.

ඩයස්පෝරාව සතුටු කිරීමට ආණ්ඩුව ද්විත්ව පුරවැසිභාවය 'දේශපාලන ත්‍යාගයක්' ලෙස බෙදා දීමේ උත්සාහයක!.. - නීතිඥ නුවන් බැල්ලන්තුඩාවගෙන් අනාවරණයක්..

ජනාධිපතිවරයා විසින් සිය අයවැය යෝජනා මඟින් ද්විත්ව පුරවැසියන්ට සහ විදේශගත ශ්‍රී ලාංකිකයන්ට ලබාදීමට අපේක්ෂා කරන සහන සම්බන්ධයෙන් පැහැදිලි ප්‍රතිපත්තිමය ස්ථාවරයක් නොමැති බවත්, එය හුදෙක් දේශපාලන ත්‍යාග ලබාදීමේ වැඩපිළිවෙළක් වී ඇති බවත් දේශප්‍රේමී ජාතික පෙරමුණේ නායක, නීතිඥ නුවන් බැල්ලන්තුඩාව මහතා පවසයි.

© 2024 Lanka Leader.  All Rights Reserved. | 
Powered By Smart eCampaign.