ත්රස්තවාදය වැළැක්වීමේ පනතේ අධිකරණ බලය ඉක්මවා සැකකරුවන් රක්ෂිත බන්ධනාගාරගත කිරීමට එරෙහිව අභියාචනාධිකරණයට රිට් පෙත්සමක්..
ත්රස්තවාදය වැළැක්වීමේ පනතේ අධිකරණ බලය ඉක්මවා යමින් සැකකරුවන් වසරකට වැඩි කාලයක් රක්ෂිත බන්ධනාගාරගත කිරීම සහ නීතිවිරෝධී මූලික පරීක්ෂණයක් පැවැත්වීම අභියෝගයට ලක්කරමින් විශ්රාමික ගුවන් හමුදා නිලධාරී ශාන්ත ජයතිලක මහතා විසින් අභියාචනාධිකරණය හමුවේ රිට් පෙත්සමක් ගොනු කර තිබේ.
සුරේෂ් සලේ සම්බන්ධ විමර්ශන පිළිබඳ අවධානයට ලක්ව ඇති කොළඹ කොටුව මහේස්ත්රාත් අධිකරණයේ B/35882/2024 දරන නඩුවේ පළමු හා දෙවන සැකකරුවන් වසරකට වැඩි කාලයක් රක්ෂිත බන්ධනාගාරගත කිරීමේදී මහේස්ත්රාත් අධිකරණය ක්රියාත්මක කළ අධිකරණ බලය සහ නඩු කටයුතුවල නීත්යනුකූලභාවය මෙමඟින් ප්රශ්න කර ඇත.
1979 අංක 48 දරන ත්රස්තවාදය වැළැක්වීමේ පනතේ 9 වන වගන්තිය යටතේ අමාත්ය රැඳවුම් නියෝගයක් පවතින විට, 7(1) වගන්තිය අනුව සාමාන්ය අධිකරණයට ඉදිරිපත් කිරීමේ ක්රමවේදය අදාළ නොවන බවත්, එවැනි පසුබිමක් තුළ මහේස්ත්රාත්වරයාට රක්ෂිත බන්ධනාගාර නියෝග නිකුත් කිරීමට බලය තිබේද යන්න පෙත්සමෙන් තර්ක කර තිබේ.
තවද, පළමු සැකකරු සම්බන්ධයෙන් 2025.05.11 දින නිකුත් කළ දින 60ක රැඳවුම් දීර්ඝ කිරීම ක්රියාත්මක වූ කාලය තුළ 2025.07.07 දින රක්ෂිත බන්ධනාගාර නියෝගයක් නිකුත් කර ඇත්තේ කුමන නීතිමය පදනමක් මතද යන්න තීරණය කරන ලෙස ද ඉල්ලා ඇත.
පනතේ 15(1) වගන්තියට අනුව අදාළ ත්රස්තවාදී චෝදනා මහාධිකරණයේ අධිචෝදනා මත විධිමත් මූලික පරීක්ෂණයකින් තොරව විභාග කළ යුතු වුවද, මහේස්ත්රාත් අධිකරණය පවත්වාගෙන යන කටයුතු නීත්යනුකූල විමර්ශන අධීක්ෂණයක්ද නැතහොත් තහනම් විධිමත් මූලික පරීක්ෂණයක්ද යන්න විමසා සිටියි.
මීට අමතරව, ආණ්ඩුක්රම ව්යවස්ථාවේ 3 සහ 4(ඇ) ව්යවස්ථා යටතේ ජනතාවගේ අධිකරණ බලය නීතියෙන් පවරා ඇති සීමාවන් තුළ ක්රියාත්මක විය යුතු බවත්, 148 වන ව්යවස්ථාව අනුව නීතිමය බලයකින් තොර නියෝග ක්රියාත්මක කිරීම සඳහා මහජන මුදල් වැයවීම වැදගත් කරුණක් බවත් පෙත්සම්කරු පෙන්වා දී තිබේ.
මෙම කරුණු සලකා බලා, අදාළ නඩුවේ මුල් අධිකරණ වාර්තා, රැඳවුම් නියෝග සහ රක්ෂිත බන්ධනාගාර වරෙන්තු කැඳවා, අධිකරණ බලයකින් තොර බව තහවුරු වන නියෝග 'Certiorari' රිට් ආඥාවක් මඟින් අවලංගු කරන ලෙසත්, 15(1) වගන්තියට පටහැනි මූලික පරීක්ෂණ කටයුතු 'Prohibition' රිට් ආඥාවක් මඟින් වළක්වන ලෙසත් පෙත්සම්කරු අභියාචනාධිකරණයෙන් ඉල්ලා ඇත.

සම්බන්ධිත පුවත් | Related News
ප්රධාන පුවත්
රාජ්ය බිඳ දැමීමේ ක්රියාන්විතය දැන් උච්චතම තැනට ඇවිත්.. – රටේ සංස්කෘතිය සහ බුදුදහම බිඳවැටීමේ ක්රියාන්විතය පිටුපස සැඟවුනු කතාව වෛද්ය වසන්ත බණ්ඩාර හෙළිකරයි..
ආසියා–ශාන්තිකර ප්රජාවක් පිළිබඳ දිගුකාලීන දැක්ම යථාර්ථයක් බවට පත් කිරීමේ අරමුණින් චීනය යළිත් APEC මෙහෙයුම් වගකීම භාරගනී..
ගෝලීය දකුණේ ස්වෛරීභාවය සහ ආර්ථික නිදහස වෙනුවෙන් මොස්කව් ජාත්යන්තර සමුළුවේදී විමල් වීරවංශ ගෙන් විශේෂ දේශනයක්!
අටමස්ථානාධිපති ස්වාමීන්වහන්සේගේ භූමිකාවට බාධා නොකර ඊට ශක්තියක් වීම මහජනයාගේ යුතුකමක්.. - ජාතික සංවිධාන කියයි
Nvidia ප්රධානී ජෙන්සන් හුවාං ඉවත් කිරීමට අවශ්ය වූයේ කාටද?.. – 'ප්රේමණීය උගුල' පිටුපස ඇති AI බල අරගලය පිළිබඳ හෙළිදරව්වක්..
දරුවන් පාසල්වලට ඇතුළත් කිරීම 40,000කින් අඩුවෙලා..
අයවැය සජීවීව නැරඹීමට රාජ්ය නිලධාරීන්ට පහසුකම් සපයන ලෙසත්, එහි ඡායාරූප ලබාගෙන ඉදිරිපත් කරන ලෙසත් දන්වලා!..
ත්රස්තවාදය වැළැක්වීමේ පනතේ අධිකරණ බලය ඉක්මවා සැකකරුවන් රක්ෂිත බන්ධනාගාරගත කිරීමට එරෙහිව අභියාචනාධිකරණයට රිට් පෙත්සමක්..
ෂී ජින්පින්ග්: ජාතික පුනර්ජීවනයේ ගමනේදී සන් යාත්-සෙන්ගේ උරුමය ඉදිරියට ගෙන යා යුතුයි
ඉරාන ජනතාව සාගින්නෙන් පෙළවීමට ඇමෙරිකාව තර්ජනය කරනවායැයි ටෙහෙරානය පවසයි..
NVIDIA ප්රධානියා ඉවත් කිරීම පිටුපස ඇත්තේ චීන ඔත්තු කතාවක් නොව ඒකාධිකාරී තාක්ෂණික කුමන්ත්රණයක්.. - ආචාර්ය ජගත් චන්ද්රවංශ
මෝදි සහ අනුර විවෘත කළ දඹුල්ලේ ශීතාගාර සංකීර්ණයේ ලක්ෂ ගණනක තඹ බට සොරකමක්..
දූෂණ චෝදනා එල්ලවී ඇති ආණ්ඩුවේ මැති ඇමති ලැයිස්තුවක් පාර්ලිමේන්තුවට...
මාළු වැඩි තැන් හඳුනගන්න හැකි තනි තාක්ෂණික මෙවලමක් දැනට ලෝකයේ නෑ.. - ‘මාළු ඇප්’ එක සහ තාක්ෂණික යථාර්ථය ගැන INORA ආයතනය හෙළිකරයි..
ට්රම්ප්ගෙන් න්යෂ්ටික අවි අඩු කිරීමේ නව යෝජනාවක්.. – පුටින් සහ ෂී ජින්පින් චීනයේදී ඓතිහාසික සාකච්ඡාවක..
ඩයස්පෝරාව සතුටු කිරීමට ආණ්ඩුව ද්විත්ව පුරවැසිභාවය 'දේශපාලන ත්යාගයක්' ලෙස බෙදා දීමේ උත්සාහයක!.. - නීතිඥ නුවන් බැල්ලන්තුඩාවගෙන් අනාවරණයක්..