News Category
From Date
To Date
Maximum Number of Result

අනුරාධපුරයට මොකටද 'City Branding'...?

Nov 16, 2026 at 09:23 AM
|

" අපි අනුරාධපුරය ඇතුළු නගර 04 ක් " සිටි බ්‍රෑන්ඩින් " කරනවා. උදාහරණයකට ප්‍රංශයෙ පැරිස් නුවර වගේ" 

ඇමති වසන්ත සමරසිංහ සමග කරන සාකච්ඡාවකදි ඔහු මෙවැනි අදහසක් ප්‍රකාශ කරනවා..

අනුරාධපුරයට මොකටද 'City Branding'...? 

වසර දහස් ගණනක ලිඛිත ඉතිහාසයක් සහ යුනෙස්කෝ ලෝක උරුම (UNESCO World Heritage) තත්ත්වයක් හිමි අනුරාධපුරය වැනි ශුද්ධ වූ නගරයකට අලුතින් වෙළෙඳ සන්නාමයක් නිර්මාණය කිරීමට යාම සංකල්පීය වශයෙන්ම වැරදියි ..

අනුරාධපුරය යනු ස්වභාවිකවම ගෝලීය පිළිගැනීමක් සහ ඓතිහාසික අනන්‍යතාවක් සහිත ථේරවාදී බුදු දහමේ කේන්ද්‍රස්ථානයක්..

නූතන අලෙවිකරණ සහ නාගරික සැලසුම්කරණ විද්‍යාව තුළ 'සිටි බ්‍රෑන්ඩින්' හෙවත් නගර සන්නාමකරණය යන්න භාවිත වන්නේ ආයෝජකයින්, සංචාරකයින් සහ නව පදිංචිකරුවන් ආකර්ෂණය කර ගැනීමට.

කොළඹ, නුවරඑලිය වගෙ නගරවලට මේ කන්සෙප්ට් එක ගැලපෙනවා..

ඇත්තටම මේ ආණ්ඩුවට මොළේ කළඳක්වත් නැද්ද...?

අනුරාධපුරය කියන්නේ අලුතින් මාකට් කරන්න ඕනේ වෙළෙඳ භාණ්ඩයක් නෙවෙයි. 

ලෝකයේ ථේරවාදී බුදුදහමේ කේන්ද්‍රස්ථානය වුණු, ජය ශ්‍රී මහා බෝධීන් වහන්සේ වැඩ සිටින පූජනීය නගරයකට අලුතින් මොන බ්‍රෑන්ඩින්ද...? 

ඊළඟ විහිළුව තමයි අනුරාධපුරය ප්‍රංශයේ පැරිස් වගේ කරනවා කියන එක.

ලෝකයේ හැම රටකටම තමන්ටම ආවේණික වුණු සංස්කෘතික සහ සදාචාරාත්මක අනන්‍යතාවයක් තියෙනවා.

ප්‍රංශයේ පැරිස් නගරය ගොඩනැගී ඇත්තේ යුරෝපීය පුනරුදය, කාර්මික විප්ලවය සහ බටහිර නාගරික සංස්කෘතිය පදනම් කරගෙන.. 

අනුරාධපුරය ගොඩනැගිලා තියෙන්නෙ වැවයි දාගැබයි, ගමයි පන්සලයි යන ශිෂ්ඨාචාරමය පදනම මත..

පැරිස් වැනි බටහිර අගනගරයක ආකෘතියක් අනුරාධපුරයට ආදේශ කිරීමට උත්සාහ කිරීම යනු දේශීය ශිෂ්ටාචාරයේ මූලයන් සහමුලින්ම නොසලකා හැරීමක්..

1942 අනුරාධපුර සංරක්ෂණ ආඥාපනත සහ 1949 ඔලිවර් වීරසිංහ මහතාගේ සැලැස්ම මගින් පූජා නගරය සහ නව නගරය වෙන් කරනු ලැබුවේම මෙම පෞරාණික පූජනීයත්වය ආරක්ෂා කිරීමටයි. 

එහෙව් අනුරාධපුරය පැරිස් කරන්න හදන්නේ අපේ ඉතිහාසය ගැන කිසිම හැඟීමක් නැති නිසා නෙවෙයිද..?

මේ සැලැස්ම පටන් ගන්න තිබුණේ 'City Branding' කියන වෙළෙඳ වචනයෙන් නෙවෙයි..

" අතීත ශ්‍රී විභූතිය නැවත ගෙන එන අනුරාධපුරය' හෝ 'පෞරාණික ශිෂ්ටාචාරය සංරක්ෂණය කිරීම " වැනි දේශීය හර පද්ධතීන්ට සමීප සංකල්පයක් වූයේ නම්, මහජනතාවගේ සහ මහා සංඝරත්නයේ පාර්ශ්වයෙන් එල්ල වන මෙම දැඩි සංස්කෘතික විරෝධය අවම කර ගන්න තිබුණා..

ඇත්තම කතාව නම් මේ ආණ්ඩුවට රටක් ගොඩනගන්න පුළුවන් නිර්මාණශීලී මිනිස්සු නෑ.

නව්‍යකරණයෙන් (Innovation) හිතන්න පුළුවන් දැක්මක් තියෙන මිනිස්සු මේ ආණ්ඩුවේ නෑ. 

මුළු ජීවිත කාලයම විරෝධතා, විවේචන, කඩාකප්පල්කාරී වැඩ, ත්‍රස්තවාදය මත පදනම් වූ දේශපාලන සංස්කෘතියක හැඩගැසුණු පිරිසකට, රාජ්‍ය පාලනයේදී අවශ්‍ය වන නිර්මාණාත්මක නව්‍යකරණය (Creative Innovation) සහ සංස්කෘතික සංවේදීතාව ප්‍රායෝගිකව ක්‍රියාත්මක කිරීමට නොහැකි වීම පුදුමයක් නෙවේ.

ඔවුන්ගේ මුළු දේශපාලන ජීවිතයම හැඩගැහිලා තිබුණේ අලුත් දේවල් නිර්මාණය කරන්න නෙවෙයි, තියෙන දේවල් කඩාකප්පල් කරන්න සහ විනාශ කරන්න. 

විපක්ෂයේ ඉඳන් පාරවල් ගානේ කෑගහපු අයට, රටක් පාලනය කරනකොට අවශ්‍ය වෙන සංස්කෘතික සංවේදීතාවය සහ නිර්මාණශීලීත්වය ගෑවිලාවත් නෑ. 

ඒ අතින් අනුරගේ ආණ්ඩුව අද පට්ටම ෆේල්...

'Clean Sri Lanka' වගේ වැදගත් කන්සෙප්ට් පවා අසාර්ථක වුණේ මේ නිසයි.

රටක සංස්කෘතිය, උරුමය සහ අධ්‍යාත්මික වටිනාකම් මුදලට විකුණන්න බැහැ. ඒ මූලික සත්‍යයවත් තේරුම් ගන්න බැරි පාලකයන්ගෙන් මීට වඩා දෙයක් බලාපොරොත්තු වෙන්නත් බැහැ.

එවැනි නගරයකට 'බ්‍රෑන්ඩින්' වැනි වාණිජමය වචන මාලාවක් ආදේශ කිරීම තුළින් එහි අධ්‍යාත්මික සහ ඓතිහාසික වටිනාකම හෑල්ලුවට ලක්වන බවවත් මේ හුංඩු මොළ වලට තේරෙන්නෙ නැද්ද..?

ඕනෑම නගරයක් සංවර්ධනය කිරීමේදී එම භූමියට ආවේණික සංස්කෘතික, සදාචාරාත්මක සහ පාරිසරික සන්දර්භය (Contextual Architecture and Planning) සැලකිල්ලට ගත යුතුයි.

රටක සංවර්ධනය යනු හුදු භෞතික හෝ මූල්‍යමය ඉලක්කමක් පමණක් නොව, එය ජනතාවගේ සංස්කෘතික අභිමානය සමඟ බැඳුණු ක්‍රියාවලියක් විය යුතුයි..

අනුරාධපුරය වැනි ඓතිහාසික නගරයක් සංවර්ධනය කිරීමේදී පවතින ප්‍රධානතම අභියෝගය වන්නේ නූතන නාගරික අවශ්‍යතා සහ පෞරාණික සංස්කෘතික අනන්‍යතාව අතර තුලනය පවත්වා ගැනීමයි. 

මෙවැනි සැලසුම් සඳහා විදේශීය වචන මාලා හෝ බටහිර ආකෘති ආදේශ කිරීම වෙනුවට, දේශීය ඉතිහාසයට සහ සංස්කෘතියට ගැළපෙන දාර්ශනික ප්‍රවේශයක් අනුගමනය නොකිරීම, අනුරගෙ ආණ්ඩුව මුහුණ දෙන ප්‍රධානතම ප්‍රතිපත්තිමය දුර්වලතාවක්.. 

අනුර සහ ආණ්ඩුවට රාජ්‍ය පාලනයේදී අවශ්‍ය වෙන සංස්කෘතික සංවේදීතාවය සහ සංස්කෘතික උරුම කළමනාකරණය (Heritage Management) ගැන අබමල් රේණුවක දැනුමක් නෑ. 

සෑම දෙයක්ම ආර්ථිකවාදී දෘෂ්ටිකෝණයෙන් බලන්න එපා..

මේ ආණ්ඩුව හැමදෙයක් දිහාම බලන්නේ රුපියල් ශත වලින් සහ හුදු මූල්‍යමය ලාභයෙන් විතරයි. 

රටක සංවර්ධනය කියන්නේ හුදු භෞතික ඉලක්කමක් නෙවෙයි. 

සංස්කෘතිය, උරුමය සහ අධ්‍යාත්මික වටිනාකම් මුදලට විකුණන්න බැහැ. ඒ මූලික සත්‍යයවත් තේරුම් ගන්න බැරි අසංවේදි සහකම්පනයක් නැති පාලකයන්ගෙන් මීට වඩා දෙයක් බලාපොරොත්තු වෙන්නත් බැහැ..

රටක සංස්කෘතික උරුමය කියන්නෙ මාතෘත්වය වගෙ උත්තම වන්දනවාක්. ස්ත්‍රී නිමිත්ත තිබ්බා කියලා රෙද්ද උස්සලා ඒක එහෙම මාර්කට් කරන්න බෑ.

මේ ආණ්ඩුවෙ නායකයො නොදන්න රෙද්දවල් කියන්න නොගිහින් කට වහගෙන හිටියා නම් සෑහෙන ප්‍රශ්ණ අඩුයි..

එනවා මෙතන අනුරාධපුරය පැරීසියක් කරන්න..

නිලන්ත සත්සර ගමගේ ✍️ 

සම්බන්ධිත පුවත් | Related News

චීන ඔත්තුකාරියක බවට සැක කෙරෙන කාන්තාවක සම්බන්ධයෙන් ඇති වූ ආන්දෝලනයක් හේතුවෙන් Nvidia නිර්මාතෘවරයාගේ ඉවත්වීමත් සමඟ, චීනයට එරෙහි චිප් සීමා කිරීම් විවේචනය කළ වොෂින්ටනයේ බලවත්ම හඬක් නිහඬ කිරීමෙන් වාසි අත්වන්නේ කාටද යන දේශපාලනිකව සංවේදී ප්‍රශ්නය මතුව තිබේ.
කියුබාවේ හවානා නුවර පැවැති බෝ නොවන රෝග පිළිබඳ සම්මන්ත්‍රණයකට සහභාගී වීමෙන් පසු එරට වත්මන් තත්ත්වය පිළිබඳව විශේෂ සටහනක් තබමින් පාර්ලිමේන්තු මන්ත්‍රී මහාචාර්ය චන්න ජයසුමන මහතා සඳහන් කරන්නේ, කියුබාව මේ වන විට දැඩි මානුෂීය අර්බුදයක් කරා වේගයෙන් ගමන් කරමින් සිටින බවයි.
රටේ පවතින වත්මන් පාලන තන්ත්‍රය සහ ඇතැම් සමාජ මාධ්‍ය ක්‍රියාකාරීන් විසින් අනුරාධපුර සිදුවීම මුල් කරගනිමින් මහා සංඝරත්නය අපකීර්තියට පත් කිරීමේ අරමුණින් ව්‍යාජ ප්‍රවෘත්ති පුවත් නිර්මාණය කරමින් සංසරණය කරන බවට චෝදනා එල්ල වේ.
පුරාණ අනුරාධපුර නගරය යනු කුමක්ද යනුවෙන් පුරාවිද්‍යාඥයෙකුගෙන් විමසුවහොත්, ඔවුන් එය විස්තර කරනු ඇත්තේ පුරාණ ගඩොල් අත්තිවාරම්, කැටයම් කළ ගල් කුළුණු, නටබුන් වූ ස්තූප සහ පස් යට මිහිදන්ව ඇති පුරාවස්තු වලින් සමන්විත විශාල භූමි ප්‍රදේශයක් ලෙස විය හැකිය.
රටේ රාළ දිගටම අපේ රටේ විමර්ශන ක්‍රියාවලිය ඇතුළේ සිද්ධවෙන බරපතල වංචා ගැන කතා කරනවා.නීතියේ ආධිපත්‍යය කියන වචනවලට මුවාවෙලා,පෞද්ගලික න්‍යාය පත්‍ර,ඉදේශපාලන න්‍යාය පත්‍ර වෙනුවන් මිනිස්සුන් ජීවිත කාලකණ්ණි කරන හැටි ඉවසන්න බැරි තැන තමයි මේ සටනට අත ගැහුවේ.රටේ රාළ කියන මේ තිත්ත ඇත්ත කතාව ඊයේ (12) කොළඹ ස්ථිර ත්‍රිපුද්ගල මහාධිකරණ ශාලාව ඇතුළේ දෝංකාර දුන්නා.
ඊයේ (12) අනුරාධපුර රුවන්වැලි මහ සෑ භූමියේ බලංගොඩ කස්සප හාමුදුරුවෝ සහ තවත් ගිහි පැවිදි පිරිසක් කරගෙන ගිය සමකාමි උපවාසය නිල බලය සහ මැර බලය යොදවලා අවසන් කරන්න පොලිසිය සහ ජවිපෙ මැරයන් සමත්වුනා.රටේ රාළ මුල ඉඳන්ම ඔය උපවාසයට විරුද්ධ උන කෙනෙක්.ඒත් මේ ම්ලේච්ඡ ප්‍රහාරය කිසිසේත් අනුමත කරන්න බෑ.
ඊලග අයවැය වෙනවිට මේවාගෙන් සිදුවෙලා තියෙන ටික ගලපන්න. 2025 අයවැයෙන් කරනවා කිව්ව ඒවා #ඇඩ්වකාටා එකේ,ජනනාත් ප්‍රනාන්දු සැසදීමක් කරලා තියනවා .
වසර දෙදහසකට වැඩි ඉතිහාසයක් ඇති බෞද්ධ ශිෂ්ටාචාරයක් රැකගනිමු. එහි පූජනීය භූමිය වාණිජ සංවර්ධන කලාපයක් බවට පත් නොකරන්න.
මීට වසර තිස්පහකට පෙර, 1991 අගෝස්තු මාසයේදී සෝවියට් සංගමය සිය අවසන් ගිම්හාන සමය ගත කරමින් සිටියේය.

ප්‍රධාන පුවත්

රාජ්‍ය බිඳ දැමීමේ ක්‍රියාන්විතය දැන් උච්චතම තැනට ඇවිත්.. – රටේ සංස්කෘතිය සහ බුදුදහම බිඳවැටීමේ ක්‍රියාන්විතය පිටුපස සැඟවුනු කතාව වෛද්‍ය වසන්ත බණ්ඩාර හෙළිකරයි..

රාජ්‍ය බිඳ වැට්ටවීමට නම් සමාජය බිඳවැට්ටවිය යුතු බවත්, මේ රාජ්‍ය බිඳ වැට්ටවීම සඳහා බලවේග රාශියක් අතීතයේ සිටම විවිධ අයුරින් ක්‍රියාත්මක වුවත් එසේ බිඳ දැමීමට නොහැකි වූ බවත්, එහෙත් මේ වන විට මෙම බලවේග ඉතා සූක්ෂම ලෙස ක්‍රියාන්විතයන් දියත්කර ඇති බවත් දේශහිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතා පවසයි.

ආසියා–ශාන්තිකර ප්‍රජාවක් පිළිබඳ දිගුකාලීන දැක්ම යථාර්ථයක් බවට පත් කිරීමේ අරමුණින් චීනය යළිත් APEC මෙහෙයුම් වගකීම භාරගනී..

භූ දේශපාලනික ආතතීන් උත්සන්න වෙමින්, ආරක්ෂණවාදය ඉහළ යමින් සහ ගෝලීය ආර්ථික සහයෝගීතාව අභියෝග රැසකට මුහුණ දෙමින් සිටින පසුබිමක, ෂෙන්ෂෙන් නුවර පැවැත්වෙන 33 වැනි APEC ආර්ථික නායක සමුළුව කලාපීය සහයෝගීතාව ශක්තිමත් කිරීමේ වැදගත් අවස්ථාවක් වනු ඇත.

ගෝලීය දකුණේ ස්වෛරීභාවය සහ ආර්ථික නිදහස වෙනුවෙන් මොස්කව් ජාත්‍යන්තර සමුළුවේදී විමල් වීරවංශ ගෙන් විශේෂ දේශනයක්!

ජාතික නිදහස් පෙරමුණේ නායක, හිටපු අමාත්‍ය විමල් වීරවංශ මහතා නොවැම්බර් 15 වැනිදා රුසියානු සමූහාණ්ඩුවේ මොස්කව් නුවරදී පැවැති නව යටත්විජිතවාදයේ නූතන භාවිතයන්ට එරෙහි ජාත්‍යන්තර ව්‍යාපාරයේ (For the Freedom of Nations) මහා සභා රැස්වීමට ගෞරවනීය ආරාධිතයෙකු ලෙස සහභාගී විය.

අටමස්ථානාධිපති ස්වාමීන්වහන්සේගේ භූමිකාවට බාධා නොකර ඊට ශක්තියක් වීම මහජනයාගේ යුතුකමක්.. - ජාතික සංවිධාන කියයි

අනුරාධපුර පූජාභූමි සංවර්ධන උපදේශක සභාවේ සම සභාපති ලෙස ක්‍රියාකරන වැඩබලන අටමස්ථානාධිපති පූජ්‍ය ඊතලවැටුනුවැවේ ඤානතිලක හිමිපාණන් විසින් සිදුකළ ප්‍රකාශය පිළිබඳව අන්තර්ජාලයේ යම් ආන්දෝලනයක් ඇතිවීම පිළිබඳව ලංකා ලීඩර් විසින් ජාතික සංවිධානවල මතය විමසන ලදී.

Nvidia ප්‍රධානී ජෙන්සන් හුවාං ඉවත් කිරීමට අවශ්‍ය වූයේ කාටද?.. – 'ප්‍රේමණීය උගුල' පිටුපස ඇති AI බල අරගලය පිළිබඳ හෙළිදරව්වක්..

චීන ඔත්තුකාරියක බවට සැක කෙරෙන ව්‍යාපාරික කාන්තාවක වන ඇලිස් හුවාං (Alice Huang) සමඟ පැවැති සබඳතාවක් හෙළිදරව් වීමත් සමඟ ලොව ප්‍රමුඛතම චිප් නිෂ්පාදන සමාගම වන Nvidia හි නිර්මාතෘ ජෙන්සන් හුවාං (Jensen Huang) සිය ධුරයෙන් ඉල්ලා අස්වීම, ගෝලීය කෘත්‍රිම බුද්ධි (AI) බල අරගලයේ තීරණාත්මක සන්ධිස්ථානයක් බවට පත්ව තිබේ.

දරුවන් පාසල්වලට ඇතුළත් කිරීම 40,000කින් අඩුවෙලා..

දරුවන් පාසල්වලට ඇතුළත් කිරීම (පළමු වසරට) වාර්ෂිකව හතළිස් දහසකින් පමණ අඩු වී ඇතැයි සමීක්ෂණයකින් තොරතුරු හෙළිවී ඇති බව අධ්‍යාපන සහ උසස් අධ්‍යාපන නියෝජ්‍ය අමාත්‍ය වෛද්‍ය මධුර සෙනෙවිරත්න පවසයි.

අයවැය සජීවීව නැරඹීමට රාජ්‍ය නිලධාරීන්ට පහසුකම් සපයන ලෙසත්, එහි ඡායාරූප ලබාගෙන ඉදිරිපත් කරන ලෙසත් දන්වලා!..

කෘෂිකර්ම, පශු සම්පත්, ඉඩම් සහ වාරිමාර්ග අමාත්‍යාංශය විසින් විශේෂ නිවේදනයක් නිකුත් කරමින්, 2027 වර්ෂයේ අයවැය ඉදිරිපත් කිරීම සජීවීව නැරඹීම සඳහා අදාළ දෙපාර්තමේන්තු සහ ආයතනවල සියලුම මණ්ඩල නිලධාරීන් ඇතුළු අනෙකුත් නිලධාරීන්ට අවශ්‍ය පහසුකම් සපයන ලෙස දැන්වූ ලිපියක් සමාජ මාධ්‍යයේ සංසරණය වේ.

ත්‍රස්තවාදය වැළැක්වීමේ පනතේ අධිකරණ බලය ඉක්මවා සැකකරුවන් රක්ෂිත බන්ධනාගාරගත කිරීමට එරෙහිව අභියාචනාධිකරණයට රිට් පෙත්සමක්..

ත්‍රස්තවාදය වැළැක්වීමේ පනතේ අධිකරණ බලය ඉක්මවා යමින් සැකකරුවන් වසරකට වැඩි කාලයක් රක්ෂිත බන්ධනාගාරගත කිරීම සහ නීතිවිරෝධී මූලික පරීක්ෂණයක් පැවැත්වීම අභියෝගයට ලක්කරමින් විශ්‍රාමික ගුවන් හමුදා නිලධාරී ශාන්ත ජයතිලක මහතා විසින් අභියාචනාධිකරණය හමුවේ රිට් පෙත්සමක් ගොනු කර තිබේ.

ඉරාන ජනතාව සාගින්නෙන් පෙළවීමට ඇමෙරිකාව තර්ජනය කරනවායැයි ටෙහෙරානය පවසයි..

ඇමෙරිකා එක්සත් ජනපදය විසින් පනවා ඇති ආර්ථික සම්බාධක සහ නාවික අවහිර කිරීම් හරහා ඉරාන ජනතාව සාගින්නට ඇද දැමීමට තර්ජනය කරමින් සිටින බව ඉරාන විදේශ කටයුතු අමාත්‍යාංශයේ ප්‍රකාශක එස්මයිල් බගායි චෝදනා කරයි.

NVIDIA ප්‍රධානියා ඉවත් කිරීම පිටුපස ඇත්තේ චීන ඔත්තු කතාවක් නොව ඒකාධිකාරී තාක්ෂණික කුමන්ත්‍රණයක්.. - ආචාර්ය ජගත් චන්ද්‍රවංශ

ලොව ප්‍රමුඛතම චිප් නිෂ්පාදන සමාගම වන NVIDIA ආයතනයේ ප්‍රධාන විධායක නිලධාරී සහ නිර්මාතෘ ජෙන්සන් හුවාන් (Jensen Huang) සිය ධුරයෙන් ඉවත් කිරීම පිටුපස ඇත්තේ ඔහුට එල්ල වී ඇති චීන කාන්තාවක් හා සම්බන්ධ ඔත්තු බැලීමේ චෝදනාවක් නොව, කෘත්‍රිම බුද්ධි (AI) ක්ෂේත්‍රයේ ඒකාධිකාරය පවත්වා ගැනීමට උත්සාහ කරන පාර්ශ්වයන්ගේ දේශපාලන කුමන්ත්‍රණයක් බව ජාත්‍යන්තර දේශපාලන විශ්ලේෂක ආචාර්ය ජගත් චන්ද්‍රවංශ මහතා පවසයි.

මෝදි සහ අනුර විවෘත කළ දඹුල්ලේ ශීතාගාර සංකීර්ණයේ ලක්ෂ ගණනක තඹ බට සොරකමක්..

ඉන්දීය අග්‍රාමාත්‍ය නරේන්ද්‍ර මෝදි සහ ජනාධිපති අනුර කුමාර දිසානායක විසින් පසුගිය වසරේ අප්‍රේල් මාසයේදී විවෘත කළ දඹුල්ලේ එළවළු හා පලතුරු ගබඩා කිරීමේ උෂ්ණත්ව හා ආර්ද්‍රතා පාලිත ගබඩා සංකීර්ණයේ සවිකර තිබූ රුපියල් ලක්ෂ ගණනක් වටිනා තඹ බට සොරාගෙන ගොස් ඇති බවට දඹුල්ල පොලිසියට පැමිණිල්ලක් ලැබී තිබේ.

දූෂණ චෝදනා එල්ලවී ඇති ආණ්ඩුවේ මැති ඇමති ලැයිස්තුවක් පාර්ලිමේන්තුවට...

වත්මන් ආණ්ඩුවේ ප්‍රබල කැබිනට් අමාත්‍යවරුන් සිව්දෙනෙකු දූෂණ චෝදනාවලට ලක්ව ඇති බව පවසමින් ඊට අදාළ නාමලේඛනයක් සමගි ජන බලවේගයේ පාර්ලිමේන්තු මන්ත්‍රී නීතිඥ අජිත් පී. පෙරේරා මහතා පාර්ලිමේන්තුවට ඉදිරිපත් කලේය.

මාළු වැඩි තැන් හඳුනගන්න හැකි තනි තාක්ෂණික මෙවලමක් දැනට ලෝකයේ නෑ.. - ‘මාළු ඇප්’ එක සහ තාක්ෂණික යථාර්ථය ගැන INORA ආයතනය හෙළිකරයි..

මත්ස්‍ය ගහණය වැඩි ප්‍රදේශ හඳුනාගැනීම සඳහා ජංගම දුරකථන යෙදවුමක් (Mobile App) නිර්මාණය කිරීම සරල කාර්යයක් නොවන බවත්, ඒ සඳහා විශාල මූල්‍ය ආයෝජනයක් සහ විශේෂිත තාක්ෂණික දැනුමක් අවශ්‍ය බවත් INORA - Institute of Ocean Resources Analysis ආයතනයේ විධායක අධ්‍යක්ෂ අයේෂ් ඉන්ද්‍රනාත් රණවක පවසයි.

ට්‍රම්ප්ගෙන් න්‍යෂ්ටික අවි අඩු කිරීමේ නව යෝජනාවක්.. – පුටින් සහ ෂී ජින්පින් චීනයේදී ඓතිහාසික සාකච්ඡාවක..

ලෝකයේ පවතින න්‍යෂ්ටික අවි සංඛ්‍යාව ක්‍රමයෙන් අඩු කිරීම අරමුණු කරගනිමින්, අමෙරිකානු ජනාධිපති ඩොනල්ඩ් ට්‍රම්ප්, රුසියානු ජනාධිපති ව්ලැඩිමීර් පුටින් සහ චීන ජනාධිපති ෂී ජින්පින් අතර තීරණාත්මක සාකච්ඡාවක් පැවැත්වීමට නියමිත බව ධවල මන්දිරය නිවේදනය කර තිබේ.

ඩයස්පෝරාව සතුටු කිරීමට ආණ්ඩුව ද්විත්ව පුරවැසිභාවය 'දේශපාලන ත්‍යාගයක්' ලෙස බෙදා දීමේ උත්සාහයක!.. - නීතිඥ නුවන් බැල්ලන්තුඩාවගෙන් අනාවරණයක්..

ජනාධිපතිවරයා විසින් සිය අයවැය යෝජනා මඟින් ද්විත්ව පුරවැසියන්ට සහ විදේශගත ශ්‍රී ලාංකිකයන්ට ලබාදීමට අපේක්ෂා කරන සහන සම්බන්ධයෙන් පැහැදිලි ප්‍රතිපත්තිමය ස්ථාවරයක් නොමැති බවත්, එය හුදෙක් දේශපාලන ත්‍යාග ලබාදීමේ වැඩපිළිවෙළක් වී ඇති බවත් දේශප්‍රේමී ජාතික පෙරමුණේ නායක, නීතිඥ නුවන් බැල්ලන්තුඩාව මහතා පවසයි.

© 2024 Lanka Leader.  All Rights Reserved. | 
Powered By Smart eCampaign.