හිනිඳුම සුනිල්සෙනෙවි ඇමතිතුමා සැබැවින්ම සුචරිතවත් චරිතයක්ද?
කැබිනට් මණ්ඩලය නොමග යවමින් රාජ්‍ය සේවයෙන් පහකළ තම හිතවතෙක් චිත්‍රපට සංස්ථාවේ සාමාන්‍යාධිකාරි තනතුරට පත් කිරීමට හිනිඳුම සුනිල්සෙනෙවි ඇමතිතුමා පියවර ගෙන ඇත්තේ මාලිමා රජය දූෂණය හා වංචාව පිටුදකින බව ප්‍රධාන පාඨය කරගත් සමයක එහි වගකිව යුතු අමාත්‍යවරයෙක් වශයෙන් සිටීම එක්තරා අන්දමකින් රජයට දෛවෝපගත සරදමකි.
නිලන්ත සත්සර ගමගේ මහතා මුහුණුපොතේ පළකළ දැන්වීමක් දුටු සංස්කෘතික අමාත්‍ය මාධ්‍ය ලේකම් නිකුත් කළ ප්‍රකාශය දුටිමි. එසේනම් තම අමාත්‍යවරයාගේ ඉහත අනීතික ලෙස බලය අයුතු භාවිතය ගැන නිකුත් කරනුයේ කුමන ආකාරයේ ප්‍රකාශයක්දැයි දැනගනු රිසියෙමි.
මාලිමා රජයේ ප්‍රතිපත්තිය නීතියට ඉහළින් කිසිවෙකු නැත යන්නය. තරාතිරම නොබලා නීතිය ක්‍රියාත්මක කරන බව පුන පුනා පවසති. දැන් නීතිය ක්‍රියාත්මක වන අයුරු බලා සිටිමු.
සිදුවීම හා චෝදනාව
කේ. ආර්. ප්‍රේමවීර නොහොත් රුවන් ප්‍රේමවීර යන අය ශ්‍රී ලංකා නාවික හමුදාවේ කමාන්ඩෝ තනතුර හා ශ්‍රී ලංකා පදනම් ආයතනයේ අධ්‍යක්ෂ (පාලන) තනතුර යන තනතුරු දෙකම දරමින් 2021 අගෝස්තු 05 දින සිට 2021 නොවැම්බර් 05 දක්වා කාලය තුළ එකී තනතුරුවලට අදාළව වැටුප් හා දීමනා ලබාගැනීමේ වරදට ආයතන සංග්‍රහයේ නීතිරීතිවලට අනුව දඬුවම් වශයෙන් සේවයෙන් පහකර ඇත.
මාලිමා රජයේ සංස්කෘතික අමාත්‍යධූරයට පත්වූ හිනිඳුම සුනිල්සෙනෙවි මහතා තම හිතවතා වූ රුවන් ප්‍රේමවීර මහතා සම්බන්ධිකරණ ලේකම් වශයෙන් පත්කර ගත්තේය. අනතුරුව ඔහු චිත්‍රපට සංස්ථාවේ සාමාන්‍යාධිකාරි තනතුරට පත්කර ගනු ලැබුවේ කැබිනට් මණ්ඩලය වෙත විශේෂ කැබිනට් පත්‍රිකාවක් ඉදිරිපත්කර අනුමැතිය ලබා ගෙනය. රාජ්‍ය මුදල් වංචාවක නිරත වූ අයෙකුට පත්වීමක් ලබාදීමට අමාත්‍යවරයා කටයුතු කර ඇත්තේ රජයේ ප්‍රතිපත්ති පාවා දෙමින් ය.
ව්‍යවස්ථාව උල්ලංඝනය කරමින් මාලිමා රජයේ කීර්තිය අනතුරේ දැමූ සංස්කෘතික අමාත්‍යවරයා ගැන විනිශ්චය කිරීම දැන් ඔබ සතුය.
සුනිල්සෙනෙවි සහ මගේ පළමු හමුව.
වසර ගණනාවකට පෙර කොළඹ පැවැති විදෙස් සිනමා උළෙලකදී ඔහු මට හඳුන්වා දෙන්නේ මගේ පාසල් මිතුරෙකුය. සාහිත්‍යයවේදියෙක් හා සිනමා නිර්මාණ කෙරෙහි ඇල්ම ඇති ඔහුගේ සංයමයෙන් යුත් වදන් හැසිරීම මගේ සිත්ගත් හෙයින් කෙටි පිළිසඳරක නිරත වූයෙමි. ඉන්පසු විවිධ් ස්ථානවලදී දුටු ඔහු කෙරෙහි මගේ සිතේ උපන්නේ ගෞරවය මුසු හැඟීමකි. එයට වඩාත්ම බලපෑවේ ඔහු ලේඛකයෙක්වීම නිසාය කිවහොත් එය නිවැරදිය.
සුදත් මහදිවුල්වැවගේ අරියාදුව හා ගැටුමක ආරම්භය.
2017-2018 රාජ්‍ය සාහිත්‍යය සම්මානය දිනූ මගේ කෙටිකතාවක් ඇසුරෙන් නිර්මණය කළ දෙවන සිනමා කෘතිය නම් තැබුවේ "සිහින සේයා" නමිනි. එය ජාතික චිත්‍රපට සංස්ථාවේ රිත්මා මණ්ඩලය යටතේ ප්‍රදර්ශනය කිරීම සඳහා රැඟුම් පාලක මණ්ඩලයේ පූර්ණ ප්‍රදර්ශන අනුමැතිය ලත් වහා ඉදිරිපත් කළෙම්. සංස්ථාවේ ඇගයීම් කමිටු සාමාජිකයන් 4 දෙනෙකු චිත්‍රපටය නරඹා තිබුණු අතර නිරීක්ෂණය ලිඛිතව ලබාදෙන බව දැන්වීය. මා සුදත් හමුවූයේ එම අවස්තාවේය. ඔහු මගේ පාසලේ සමකාලීනයෙකු විය. පෙර දැන හැඳුනුම්කම තිබුණද මා කිසිවිටෙක බලපෑම් නොකළෙමි. ප්‍රදර්ශනය සඳහා අනුමැතිය ලද දිගු පෝලිමක් ඇති හෙයින් මාස කිහිපයක් ගතවෙන බව සුදත් පැවසීය. මාස කිහිපයක් ගෙවීගිය අතර නිසි අනුමැතිය නොලද චිත්‍රපටයක් ගිවිසුම් අත්සන් කෙරුණේ සංස්ථාවේ නීති නිලධාරීනිය හා රිත්මා මණ්ඩල ප්‍රධානියාගේ මැදිහත්වීමෙනි.
මා චිත්‍රපටය සඳහා ඇගැයීම් කමිටු නිර්දේශය හා අනුමැති ලිපිය ඉල්ලා සිටියේ මුදල් ගෙවා ශාලා පහසුකම් සපයා කමිටුවට චිත්‍රපටය පෙන්වා ඇති හෙයින් ඊට නීත්‍යනුකූල අයිතියක් ඇති හෙයිනි. එහෙත් සංස්ථාව මාස කිහිපයක් පිළිතුරු නොදී කල්මැරීම හමුවේ තොරතුරු පනත උපයෝගී කර අදාළ ලේඛන ඉල්ලා සිටියෙමි. ඒමගින් මට ලබාගත හැකිවූයේ නිර්දේශය පමණි. අනුමැතිය සහිත ලිපියක් නොලැබිණි. චිත්‍රපටය නැරඹු සිවුදෙනාම නිර්දේශය දී තිබිණ.
මේ වනවිට සංස්ථාවේ චිත්‍රපට ප්‍රදර්ශනය දීර්ඝ කාලයක පටන් පුද්ගලයින් කිහිප දෙනෙකුගේ අබිමතය යටතේ ක්‍රියාත්මක මාෆියාවක ගොදුරක්ව පවතින බව නිශ්චිත ලෙස තහවුරු කර ගතිමි. සංස්ථාවේ තොරතුරු මට ලබාදෙන්නේ සාමාන්‍යාධිකාරි මහතා බවට සැක කළ සුදත්, ඔහුට එරෙහිව මර්ධනකාරි ක්‍රියා පිළිවෙතකට අවතීර්ණ විය. අධ්‍යක්ෂකවරුන්ගේ රැස්වීම ඔහුට තහනම් කලාපයක් විය. තොරතුරු නිලධාරියා වහා ඉවත් කෙරුණි. සාමාන්‍යාධිකාරි රවි කලුපහන මහතා චිත්‍රපට සංස්ථාවේ දෙවසරක සේවය සඳහා පත්ව සිටි පරිපාලන නිලධාරියෙකි. ඔහුගේ සේවාකාලය දිගු නොකිරිමට සුදත් වග බලාගත්තේ අමාත්‍ය හිනිඳුම සුනිල්සෙනෙවි ඒ සඳහා පොළඹවා ගනිමිනි. අවස්තාවෙන් ප්‍රයෝජන ගත් ඇමති තම සගයා සාමාන්‍යාධිකාරි කළේය.මාධ්‍ය හමුවක් පවත්වා එය ජනගත කිරීමට මම තීරණය කළෙමි.
මාධ්‍ය හමුව දින උදැසනම ඇමතුමක් මා වෙත ලැබුණේ හිනිඳුම සුනිල්සෙනෙවියන්ගෙනි. මාධ්‍ය හමුව නොපබත්වන මෙන් දන්වා සිටි ඔහු ඒ සඳහා සහභාගි වුවහොත් වගකිව නොහැකි බවට සියුම් තර්ජනයක් ද කළේය. මාධ්‍යවේදීන්ට පෙර දැනුම්දීමක් කර තිබු හෙයින් එහි අසීරුතාව පෙන්වාදුන් පසුව ඔහු පත්කළ සාමාන්‍යාධිකාරි රුවන් මහත්මාව මාධ්‍ය හමුවට පෙර මුණගැසෙන ලෙස මගෙන් ඉල්ලීමක් කළේය. ඒ අනුව රුවන් මහතා හමුවූ අතර ඔහු පැවසුවේ රජය හෝ අමාත්‍යාතුමා විවේචනයට ලක් නොකරන ලෙසය. එවැන්නක් කිරීමේ අදහසක් හෝ මට ඒ වනවිට නොතිබිණි. මාධ්‍ය හමුව පවත්වා අනතුරුව එම සියලූම කරුණු අල්ලස් කොමිසමට පැමිණිලි කළෙමි.
අල්ලස් කොමිසම හමුවට මා ඉදිරිපත් කළ පැමිණිලි මූලික විමර්ශනයට බඳුන් කර සති කිහිපයකට පසුව දූෂණය නැමති වරද සිදුව ඇති බව තහවුරු කරගෙන ලිඛිතව දැනුවත් කර පූර්ණ විගණනයක් ආරම්භ කෙරීය.
AC/ 0087/2026
AC/1783/2026
AC/1597/2026
අල්ලස් කොමිසමේ විමර්ශනය පිළිබඳ දැඩි විශ්වාසයක් මා තුළ පවතින්නේ මීට පෙර කළ පැමිණිලි සම්බන්ධ අත්දැකීම් මතය.
පසුව රුවන් ප්‍රේමවීර මහතා කළ දැනුම්දීම මත මා සංස්කෘතික අමාත්‍ය හිනිඳුම සුනිල්සෙනෙවි මහතා මුණගැසුණේ මගේ චිත්‍රපටයට වූ අසාධාරණය හා සංස්ථාවේ පවතින වංචා දූෂණ සම්බන්ධව විධිමත් කරුණු පැහැදිලි කිරීමේ අපේක්ෂාවෙනි. චිත්‍රපටය සම්බන්ධව සාකච්ඡා කළද ආයතනයේ වංචා හා දූෂණ පිළිබඳ කතාබහ කිරීම ඔහු සූක්ෂ්ම ලෙස මගහරින බව මට වැටහිණි. සැබැවින්ම එය අසාර්ථක හමුවකි. එය
අමාත්‍යවරයාගේ ක්‍රියාපිළිවෙත එසේවුව අමාත්‍යාංශයේ නිලධාරින් මගේ කරුණු දැක්වීම කෙරෙහි ඔවුනගේ සීමාවන් තුළ ක්‍රියාත්මකවූ බව මෙහි ඇමුමුම් ලිපි සාක්ෂි සපයමු ඇත. විශේෂයෙන් ම අමාත්‍යාංශයේ ලේකම්තුමන් ස්දත් මට අසාධාරණයක් කර ඇති බව නිරීක්ෂණය වෙන බව ලිඛිතව දැනුම්දුන් බවද සටහන් යුතුය.
සුදත්ගේ අනීතික ක්‍රියා සම්බන්ධව අධිකරණ පිහිට පැතීමට මම තීරණය කළෙමි. SCFR/0080/2026 යටතේ ශ්‍රේෂ්ඨාධිකරණය හමුවේ එම නඩුව විභාග වන හෙයින් නඩුවට අදාළ කරුණු මෙහි සටහන් නොතබමි.
චිත්‍රපට විෂයභාර අමාත්‍යාතුමා සිය වගකීම හා වගවීම මගහැර යන්නේ නම් පුරවැසියාට හිමි නීතියේ පිළිසරණ පැතීම හැර අන්විකල්පයක් නැත. දූෂණ හා වංචා පිළිබඳ කරුණු හෙළික්‍රීමට හා විරුද්ධව නැගී සිටීමට පුරවැසියාට ඇති අයිතිය හා නිදහස ප්‍රජාතන්ත්‍රවාදයේ මූලික පදනමය. අදහස් ප්‍රකාශ කිරීමේ අයිතිය වළක්වාලන ඕනෑම ක්‍රියාමාර්ගයක් හෙළා දකිමු. සංස්කෘතික අමාත්‍ය මාධ්‍ය ලේකම්ගේ ලිපියම හාස්‍යයක්වී හමාරය. නිලන්ත සත්සර ගමගේ සිය ප්‍රකාශය නිකුත් කර ඇත්තේ රටම දන්නා මූලාශ්‍ර ඇසුරෙනි. නිර්මාණකරුවෙක් වශයෙන් මා මුහුණදුන් සිදුවීම් අප්‍රසන්නය. එය වඩාත් පිළිකුලක් දනවන්නේ මහනුවර ධර්මරාජයට අතරමග ගොඩවැදුණු සුදත්ගේ විෂයානුබද්ධ දැනීමක් නොමැතිව හත්පොලේ ගා ගැනීමය.
යුක්තිය හා සාධාරණය ඉල්ලා වසර ගණනාවක් වීදියේ අරගල කළ රජයක බලධාරීන්ගේ හැසිරීම බුද්ධිමත් ජනතාව නිවැරදිව කියවාගනු ඇත.
සටහන:
මේ සියලූම කරුණු කාරණා ජනපති, අගමැතිනිය ප්‍රමුඛ බලධාරින් හමුවට දැනටමත් යොමුකර හමාරය. .
- අජිත් ධර්මසූරිය
(සමාජ මාධ්‍යයෙන් උපුටා ගන්නා ලදී)
සම්බන්ධිත පුවත් | Related News
ප්‍රධාන පුවත්
ජංගම ගිණුමේ ඩොලර් මිලියන 420 ක හිඟයක්... වෙළෙඳ හිඟය බිලියන 7.9 ඉක්මවයි.. - මහ බැංකුව
"දැන් අපේ බෞද්ධ සිද්ධස්ථාන ගැන තීරණ ගන්නෙත් ඉන්දියාවෙන්ද?" - අනුරාධපුර පූජා නගර සංවර්ධන සැලැස්ම සහ ඉන්දියානු ආධාර යටතේ ක්‍රියාත්මක වන විවිධ ව්‍යාපෘති පිටුපස ඇති සැඟවුණු අරමුණු වෛද්‍ය වසන්ත බණ්ඩාර හෙළිකරයි..
පොහොර වෙනුවට බොරු සහතික එපා.. 2026 මාස් කන්නය ආරම්භයේදීම ගොවීහු දැඩි අර්බුදයක.. - අනුරාධ තෙන්නකෝන්
නොපියවූ දේශීය ආදායම් බදු හිඟය රුපියල් ට්‍රිලියන 2.1ක්.. බදු පැනවීම් හමුවේ දිළිඳුකම හා අසමානතාව උග්‍ර වෙලා..- IMF
ඉන්ධන මිල ඉහළට..
ගෙවිඳු, සෙනෙවිට නඩු දැම්මෙත් නෑ.. සෙනෙවි නිලන්තට නඩු දාන්නෙත් නෑ..
අප මේ ගමන් කරන්නේ මුරුගසං වරුසාව දෙසටද?..
වටගල හා ජයකොඩිගේ වත්කම් ගැන අල්ලස් කොමිසමෙන් මුල්‍ය විශුද්ධිකරණය යටතේ පරීක්‍ෂණ..
සතුරන් ත්‍රස්තවාදී ආක්‍රමණයකට මුලපිරුවහොත්, එම ගැටුම අවසන් කරන කාලය සහ කොන්දේසි තීරණය කරන්නේ ඉරානය.. - ප්‍රහාරයට සැරසෙන්නැයි ඉරාන නායකගෙන් හමුදාවට නියෝග..
ඇමති සුනිල් සෙනෙවි මේ දවස්වල නෑයන් සොයා යනවා.. සමාජ මාධ්‍යයේ පළවූ පුවතක් ගැන නීතිමය පියවරගන්න ප්‍රවෘත්ති අධ්‍යක්ෂකට බලය දී ඇත්තේ මොන පනතින්ද? - වරුණ රාජපක්ෂ
බ්‍රසීල ජනාධිපති ලූලාගේ ජයග්‍රහණය බ්‍රසීලයට පමණක් සීමා වූවක් නොවේ.. - ආචාර්ය ජගත් චන්ද්‍රවංශ
යුරෝපා ආර්ථික අර්බුදය සහ ලංකාවට එහි ඇති බලපෑම ගැන ආසියා ප්‍රගති සංසදයේ කැඳවුම්කරු විනෝද් මුණසිංහගෙන් අනාවරණයක්..
උද්ධමනය 8%ට චුට්ටක් ඉහළ අගයකට ඇවිත් තියෙනවා.. ජනතාවට දුෂ්කරයි.. මැදපෙරදිග යුද්ධය තමයි හේතුව.. - ජනපති
ජනාධිපතිවරයා මහා සංඝරත්නයට අවනත වන බව පෙන්වීම පළමු වටයේ දී ජයග්‍රහණයක්.. - ජාතික සංවිධාන කියයි
දිවයින පුරා විදුලිය බිඳවැටීමට හේතුව ගැන මූලික වාර්තාවෙන් අනාවරණයක්..
කවුරු කෑගැහුවත් ආණ්ඩුව PSTA ගේනවා.. - ශමීන්ද්‍ර ෆර්ඩිනැන්ඩුගෙන් බරපතළ අනාවරණයක්