නොපියවූ දේශීය ආදායම් බදු හිඟය රුපියල් ට්‍රිලියන 2.1ක්.. බදු පැනවීම් හමුවේ දිළිඳුකම හා අසමානතාව උග්‍ර වෙලා..- IMF
ශ්‍රී ලංකාවේ දේශීය ආදායම් දෙපාර්තමේන්තුව විසින් අයකරගත යුතුව ඇති නොපියවූ හිඟ බදු ප්‍රමාණය එළඹෙන 2025 වසර අවසානය වන විට රුපියල් ට්‍රිලියන 2.1ක් දක්වා වාර්තාගත ලෙස ඉහළ යනු ඇතැයි ජාත්‍යන්තර මූල්‍ය අරමුදල පුරෝකථනය කර ඇති අතර, එවන් දැවැන්ත බදු හිඟයක් පවතිද්දී සාමාන්‍ය ජනතාව මත පමණක් පටවන අසාධාරණ බදු ප්‍රතිපත්ති හේතුවෙන් රට තුළ ආර්ථික අසමානතාව හා දිළිඳුකම පෙර නොවූ විරූ ලෙස දරුණු විය හැකි බවට එම අරමුදලේම නවතම පර්යේෂණ වාර්තා අනතුරු අඟවයි.
බ්‍රිතාන්‍ය පොදුරාජ්‍ය මණ්ඩලීය හා සංවර්ධන කාර්යාලය සහ ජාත්‍යන්තර මූල්‍ය අරමුදල ඒකාබද්ධව අඩු හා මධ්‍යම ආදායම්ලාභී රටවල ආර්ථිකය පිළිබඳව සිදුකර ඇති විස්තීර්ණ පර්යේෂණ වාර්තාව මඟින් පෙන්වා දෙන්නේ, රාජ්‍ය ආදායම් ඉලක්ක සපුරාගැනීමේදී අනුගමනය කරන ඇතැම් බදු ප්‍රතිපත්ති සමාජයේ පතුලටම දැඩි අහිතකර ප්‍රතිවිපාක ගෙන දෙන බවයි.
මහා පරිමාණ බදු පැහැරහරින්නන්ගෙන් සහ සමාගම්වලින් අයවිය යුතු රුපියල් ට්‍රිලියන 2.1ක දැවැන්ත මුදලක් රාජ්‍ය භාණ්ඩාගාරයට අයකර ගැනීමට අපොහොසත් වීම රටේ මූල්‍ය අර්බුදය තවදුරටත් තීව්‍ර කර තිබේ. මෙම දැවැන්ත බදු ආදායම් හිඟය පියවා ගැනීම සඳහා විවිධ බදු මෙවලම් හදිසියේ හා අවිධිමත් ලෙස භාවිත කිරීම හේතුවෙන්, කෙටිකාලීනව මෙන්ම දිගුකාලීනවද ජනතා සුබසාධනය දැඩි ලෙස ඛාදනය වන බව IMF පර්යේෂකයෝ පෙන්වා දෙති.
විශේෂයෙන්ම, වක්‍ර බදු සහ පරිභෝජන බදු ඉහළ දැමීම හරහා රාජ්‍ය ආදායම තරකර ගැනීමට උත්සාහ කිරීමේදී, සමාජයේ වඩාත්ම අවදානමට ලක්විය හැකි පහළ ආදායම්ලාභී ජනකොටස් අසමානුපාතික ලෙස දැඩි පීඩනයකට ලක්වන බව එම වාර්තාවේ සඳහන් වේ.
කඩිනම් ආර්ථික වර්ධනයක් පෙන්නුම් කළද, සමාජයේ ඉහළ පැලැන්තිය සහ පහළ ස්ථරය අතර පවතින ආදායම් පරතරය තවදුරටත් පුළුල් වෙමින් පවතී. ඉහළ මට්ටමේ ආර්ථික අසමානතාව රටක සමස්ත ආර්ථික වර්ධනයේ තිරසාර පැවැත්ම අඩාල කරන ප්‍රධාන සාධකයක් බවත්, එමඟින් අර්බුදයකින් පසු ආර්ථිකය යථා තත්ත්වයට පත්වීමේ ක්‍රියාවලිය
සාමාන්‍ය උද්ධමන දත්ත මඟින් නොපෙනෙන අයුරින්, අඩු ආදායම්ලාභී පවුල් සඳහා අත්‍යවශ්‍ය භාණ්ඩ හා ආහාර මිල ඉහළ යාමේ උද්ධමන පීඩනය අතිශය ඉහළ අගයක පවතී. එමඟින් පෝෂණය, සෞඛ්‍යය සහ අධ්‍යාපනය වැනි මූලික මිනිස් අවශ්‍යතා සපුරාගැනීමට නොහැකිව දිළිඳුකම පරම්පරා ගණනාවක් පුරා අඛණ්ඩව පැවතීමේ අවදානමක් නිර්මාණය වේ.
ආර්ථික අර්බුදය සහ කප්පාදු පියවර හේතුවෙන් රටේ ශ්‍රම බලකාය තුළ කාන්තා සහභාගීත්වය තවදුරටත් අවම වී ඇති අතර, නිසි සමාජ ආරක්ෂණ ක්‍රමවේද ක්‍රියාත්මක නොවීම නිසා ආර්ථිකයේ ඔරොත්තු දීමේ හැකියාව බිඳවැටෙමින් පවතින බව වාර්තාව පෙන්වා දෙයි.
අධික බදු බර සහ ආර්ථික අවිනිශ්චිතතාව හේතුවෙන් වෘත්තිකයන් රට හැරයාම හෙවත් 'බුද්ධි ගලනය' ආර්ථිකයට එල්ල කරන ඍණාත්මක පිරිවැය, ඔවුන් විදේශයන්හි සිට එවන ප්‍රේෂණවලින් ලැබෙන වාසියට වඩා බෙහෙවින් වැඩි බව IMF පර්යේෂණ අනාවරණය කරයි. මීට අමතරව ගෝලීය ඉහළ පොලී අනුපාත හමුවේ ණය තිරසාරත්වය පවත්වා ගැනීමට ඇති මූල්‍ය අවකාශය ශීඝ්‍රයෙන් අවම වී තිබේ.
සම්බන්ධිත පුවත් | Related News
ප්‍රධාන පුවත්
ජංගම ගිණුමේ ඩොලර් මිලියන 420 ක හිඟයක්... වෙළෙඳ හිඟය බිලියන 7.9 ඉක්මවයි.. - මහ බැංකුව
"දැන් අපේ බෞද්ධ සිද්ධස්ථාන ගැන තීරණ ගන්නෙත් ඉන්දියාවෙන්ද?" - අනුරාධපුර පූජා නගර සංවර්ධන සැලැස්ම සහ ඉන්දියානු ආධාර යටතේ ක්‍රියාත්මක වන විවිධ ව්‍යාපෘති පිටුපස ඇති සැඟවුණු අරමුණු වෛද්‍ය වසන්ත බණ්ඩාර හෙළිකරයි..
පොහොර වෙනුවට බොරු සහතික එපා.. 2026 මාස් කන්නය ආරම්භයේදීම ගොවීහු දැඩි අර්බුදයක.. - අනුරාධ තෙන්නකෝන්
නොපියවූ දේශීය ආදායම් බදු හිඟය රුපියල් ට්‍රිලියන 2.1ක්.. බදු පැනවීම් හමුවේ දිළිඳුකම හා අසමානතාව උග්‍ර වෙලා..- IMF
ඉන්ධන මිල ඉහළට..
ගෙවිඳු, සෙනෙවිට නඩු දැම්මෙත් නෑ.. සෙනෙවි නිලන්තට නඩු දාන්නෙත් නෑ..
අප මේ ගමන් කරන්නේ මුරුගසං වරුසාව දෙසටද?..
වටගල හා ජයකොඩිගේ වත්කම් ගැන අල්ලස් කොමිසමෙන් මුල්‍ය විශුද්ධිකරණය යටතේ පරීක්‍ෂණ..
සතුරන් ත්‍රස්තවාදී ආක්‍රමණයකට මුලපිරුවහොත්, එම ගැටුම අවසන් කරන කාලය සහ කොන්දේසි තීරණය කරන්නේ ඉරානය.. - ප්‍රහාරයට සැරසෙන්නැයි ඉරාන නායකගෙන් හමුදාවට නියෝග..
ඇමති සුනිල් සෙනෙවි මේ දවස්වල නෑයන් සොයා යනවා.. සමාජ මාධ්‍යයේ පළවූ පුවතක් ගැන නීතිමය පියවරගන්න ප්‍රවෘත්ති අධ්‍යක්ෂකට බලය දී ඇත්තේ මොන පනතින්ද? - වරුණ රාජපක්ෂ
බ්‍රසීල ජනාධිපති ලූලාගේ ජයග්‍රහණය බ්‍රසීලයට පමණක් සීමා වූවක් නොවේ.. - ආචාර්ය ජගත් චන්ද්‍රවංශ
යුරෝපා ආර්ථික අර්බුදය සහ ලංකාවට එහි ඇති බලපෑම ගැන ආසියා ප්‍රගති සංසදයේ කැඳවුම්කරු විනෝද් මුණසිංහගෙන් අනාවරණයක්..
උද්ධමනය 8%ට චුට්ටක් ඉහළ අගයකට ඇවිත් තියෙනවා.. ජනතාවට දුෂ්කරයි.. මැදපෙරදිග යුද්ධය තමයි හේතුව.. - ජනපති
ජනාධිපතිවරයා මහා සංඝරත්නයට අවනත වන බව පෙන්වීම පළමු වටයේ දී ජයග්‍රහණයක්.. - ජාතික සංවිධාන කියයි
දිවයින පුරා විදුලිය බිඳවැටීමට හේතුව ගැන මූලික වාර්තාවෙන් අනාවරණයක්..
කවුරු කෑගැහුවත් ආණ්ඩුව PSTA ගේනවා.. - ශමීන්ද්‍ර ෆර්ඩිනැන්ඩුගෙන් බරපතළ අනාවරණයක්