සංස්කෘතික ඇමති හිනිදුම සුනිල් සෙනෙවි නිර්මාණ මංකොල්ලයකට උසාවියෙන් වැරදිකරු වූ අයෙක්..

Oct 30, 2026 at 03:03 PM

|

Lanka Leader

බුද්ධශාසන, ආගමික සහ සංස්කෘතික කටයුතු අමාත්‍යවරයාට එරෙහිව එල්ල වූ බුද්ධිමය දේපළ පනත උල්ලංඝනය කිරීම සහ නිර්මාණ කොල්ලය (Plagiarism) පිළිබඳව දැනුවත් කිරීමට කාලය පැමිණ ඇත.

අපේ රටේ බුද්ධශාසනය සහ සංස්කෘතිය රකින්නේ නිර්මාණ හොරකම් කළ පට්ට හොරෙකි..

"වෙනසක්" ගැන කතා කරමින්, සදාචාරයේ මුදුන්මල්කඩ තමන් යැයි කියාගන්නා අනුරගෙ දේශපාලන අධිකාරියේ පැටිකිරියෙ සැබෑ නිරුවත දවසින් දවස රට හමුවේ හෙළිදරව් වෙමින් ඇත..

වත්මන් බුද්ධශාසන, ආගමික සහ සංස්කෘතික කටයුතු අමාත්‍ය මහාචාර්ය හිනිදුම සුනිල් සෙනෙවි, අනුන්ගේ බුද්ධිමය ශ්‍රමය සොරකම් කිරීම සම්බන්ධයෙන් අධිකරණය ඉදිරියේ නිල වශයෙන් වැරදිකරු වූ අයෙකු බව ඔබ දන්නවාද..?

ප්‍රසිද්ධ ලේඛිකාවක, පරිවර්තිකාවක මෙන්ම කීර්තිමත් රාජ්‍ය පරිපාලන නිලධාරිනියක වූ (අභාවප්‍රාප්ත) පද්මා එදිරිසිංහ මහත්මිය විසින් මෙරට ඉතිහාසය සහ කොළඹ පුරාණය පිළිබඳව ශ්‍රී ලංකා ගුවන්විදුලි සංස්ථාව ඔස්සේ ඉදිරිපත් කරන ලද අතිශය වටිනා ශාස්ත්‍රීය වැඩසටහන් මාලාවක් විකාශය උනා.

මෙම සාකච්ඡා මාලාවේ අන්තර්ගතය, ඇයගේ කිසිදු අවසරයකින් හෝ අනුමැතියකින් තොරව, තමන්ගේ නමින් ග්‍රන්ථයක් ලෙස සකසා ප්‍රකාශයට පත් කිරීමට හිනිදුම සුනිල් සෙනෙවි කටයුතු කර තිබුණි.

බුද්ධිමය දේපළ පනත මුළුමනින්ම උල්ලංඝනය කරමින්, අනුන්ගේ බුද්ධිමය ශ්‍රමය තමන්ගේ කරගැනීමට දැරූ මෙම නින්දිත උත්සාහයට එරෙහිව ඇය නීතිමය ක්‍රියාමාර්ග ගත්තා..

මෙම නිර්මාණ කොල්ලයට (Plagiarism) එරෙහිව පැවති දීර්ඝ නඩු විභාගයේදී, ඔහු බුද්ධිමය දේපළ පනත උල්ලංඝනය කර ඇති බවටත්, නිර්මාණ සොරකමක නිරත වී ඇති බවටත් අධිකරණය විසින් ඔහුව වරදකරු කරනු ලැබුවා.

2020 නොවැම්බර් 15 දින අරුණ පුවත්පතේ වරුණ අතිරේකයෙ මේ සිදුවීම පිළිබඳව පැහැදිලිවම ප්‍රකාශ කර තිබුණා..

අප මේ රටේ ජනතාවගෙන් අසන ප්‍රශ්නය මෙයයි..

විශ්වවිද්‍යාල මහාචාර්යවරයෙකු ලෙස හිඳිමින් ලේඛකයින්ගේ බුද්ධිමය ශ්‍රමය කොල්ලකා උසාවියෙන් වැරදිකරු වූ පුද්ගලයෙකුට, සමස්ත ලංකාවාසී ජනතාවගේ බුද්ධිමය, ආගමික සහ සංස්කෘතික උරුමයන් භාර දීම සදාචාරාත්මකද...?

රටේ සංස්කෘතිය රැකීමට පත් කර ඇත්තේ අන් අයගේ නිර්මාණ හොරකම් කළ පුද්ගලයෙක්ද..? ඊයා..

ඔබ අපේක්ෂා කළ "විනයගරුක සහ සදාචාරාත්මක" වෙනස් දේශපාලන සංස්කෘතිය මෙයද..?

- නිලන්ත සත්සර ගමගේ

(මුහුණු පොතින් උපුටා ගන්නා ලදී)