අධිරාජ්යවාදයට සහ අමෙරිකාවට විරුද්ධව ප්රසිද්ධියේ වේදිකාවල කෑගහපු අය, අද හොර රහසේ අමෙරිකානුවන්ට ඔත්තු සපයන තත්ත්වයට පත්වෙලා.. - රවුෆ් හකීම්
ශ්රී ලංකා නාවික හමුදාව සහ ගුවන් හමුදාව අමෙරිකා එක්සත් ජනපදයේ ඔත්තු බැලීමේ අවශ්යතාවන් වෙනුවෙන් යොදාගනිමින් සිටින බවටත්, කිසිදු ටෙන්ඩර් කැඳවීමකින් තොරව ‘හදිසි මිලදී ගැනීමක්’ ලෙස හුවා දක්වමින් ඊශ්රායලයෙන් රුපියල් බිලියන හතරක (මිලියන 4,000ක) නියමුවන් රහිත ඩ්රෝන යානා මිලදී ගැනීමට ආණ්ඩුව රහසිගතව සැරසෙන බවටත් ශ්රී ලංකා මුස්ලිම් කොංග්රසයේ නායක, පාර්ලිමේන්තු මන්ත්රී රවුෆ් හකීම් මහතා පාර්ලිමේන්තුවේදී බරපතළ චෝදනාවක් එල්ල කළේය.
පාර්ලිමේන්තුවේ පැවති විවාදයකදී අදහස් දක්වමින් මන්ත්රීවරයා මේ බව අනාවරණය කළේය.
කිසිදු විනිවිදභාවයකින් තොරව, සාමාන්ය ප්රසම්පාදන ක්රියාවලිය හා ටෙන්ඩර් කැඳවීම් මුළුමනින්ම අත්හිටුවමින්, රුපියල් මිලියන 4,000ක (බිලියන 4ක) පරිපූරක ඇස්තමේන්තුවක් රජය විසින් පාර්ලිමේන්තුවට ඉදිරිපත් කර ඇති ආකාරය හකීම් මහතා මෙහිදී දැඩි දෝෂදර්ශනයට ලක් කළේය.
"අධිරාජ්යවාදයට සහ අමෙරිකාවට විරුද්ධව ප්රසිද්ධියේ වේදිකාවල කෑගහපු අය, අද හොර රහසේම අමෙරිකානුවන්ට ඔත්තු සපයන තත්ත්වයට පත්වෙලා. ඊයේ පෙරේදා කිසිම ටෙන්ඩර් කැඳවීමක් නැතිව ඊශ්රායලයෙන් නියමුවන් රහිත ගුවන් යානා මිලදී ගන්න රුපියල් බිලියන හතරක පරිපූරක ඇස්තමේන්තුවක් ගෙනාවා. මේක හදිසි මිලදී ගැනීමක් හැටියට අනුමත කරලා දෙන්න කියලා ආචාර්ය හර්ෂ ද සිල්වා මහතාගේ ප්රධානත්වයෙන් යුත් පාර්ලිමේන්තු මුදල් කාරක සභාවට එක රැයකින් බලපෑම් කළා. මේ ගනුදෙනුව පිටුපස ඊශ්රායලයෙන් ලැබුණු කොමිස් සහ සන්තෝසම් කොපමණදැයි අප දන්නේ නැහැ," යනුවෙන් මන්ත්රීවරයා ප්රකාශ කළේය.
මෙම ඩ්රෝන යානා මිලදී ගැනීමේ සැබෑ අරමුණ ශ්රී ලංකාවේ ජාතික ආරක්ෂාව තහවුරු කිරීම නොව, ඉරානය සහ ඒ ආශ්රිත කලාපීය නාවික ගමනාගමනය නිරීක්ෂණය කරමින් අමෙරිකාවට අවශ්ය බුද්ධි තොරතුරු සැපයීම බව ද රවුෆ් හකීම් මහතා සෘජුවම චෝදනා කළේය.
"මේවා පාවිච්චි කරන්නේ ඉරානයට විරුද්ධව ඔත්තු බලන්නයි; ඒ මුහුදු කලාපයේ නෞකා ගමන් බිමන් හැසිරෙන්නේ කොහොමද කියලා බලා අමෙරිකාවට තොරතුරු සපයන්නයි. අපේ නිර්භීත නාවික හමුදාවයි ගුවන් හමුදාවයි අද පාවිච්චි කරන්නේ අනුන්ගේ යුද්ධවලට ඔත්තු බලන කුලීකරුවන්ගේ තත්ත්වයට ඇද දමමින්. මේ වගේ තුට්ටු දෙකේ ගනුදෙනු සහ භූ-දේශපාලනික කූට උපක්රමවලට ගිහින් රටේ ආරක්ෂාවත් විදේශ ප්රතිපත්තියත් හොම්බෙන් ඇනගන්න ලෑස්ති වෙන්න එපා," යැයි ඔහු අනතුරු ඇඟවීය.
රතු මුහුදේ හූති කැරලිකරුවන්ගේ ප්රහාර හමුවේ ජාත්යන්තර මුහුදු මාර්ග ආරක්ෂා කිරීමේ අමෙරිකානු මෙහෙයුමට සහාය දැක්වීම සඳහා ශ්රී ලංකා රජය මීට පෙර සිය නාවික හමුදා නෞකාවක් එම කලාපයට පිටත් කර යැවීමට තීරණය කළ අතර, ඊට විපක්ෂයෙන් දැඩි විරෝධයක් එල්ල විය. එම සිදුවීම සිහිපත් කළ හකීම් මහතා, කලාපීය ගැටුම් හමුවේ අමෙරිකාවට ඇති බිය නිසා අපේ හමුදා භටයන් අනතුරේ හෙළමින් ආණ්ඩුව දණින් වැටී කටයුතු කළ බව සඳහන් කළේය.
එමෙන්ම වෙනිසියුලා අර්බුදය හමුවේ ආණ්ඩුව සහ ජාතික ජන බලවේගය අනුගමනය කළ දෙබිඩි ස්ථාවරය ද ඔහු උපහාසයට ලක් කළේය. වෙනිසියුලා ජනාධිපතිවරයා සම්බන්ධ සිදුවීමේදී නිල විදේශ අමාත්යාංශයට නිවේදනයක් නිකුත් කිරීමට කොන්ද පණ නොතිබූ බවත්, ඒ වෙනුවට පැලවත්තේ පිහිටි පක්ෂ මූලස්ථානයෙන් නිවේදන නිකුත් කරමින් ජනතාව මුළා කළ බවත් පෙන්වා දුන් මන්ත්රීවරයා, ආණ්ඩුවේ මෙවැනි ප්රතිපත්ති විරහිත විදේශ පිළිවෙත් හමුවේ ජාත්යන්තරය ඉදිරියේ ශ්රී ලංකාව දැඩි අපහසුතාවට ලක්ව ඇති බව වැඩිදුරටත් කියා සිටියේය.
සම්බන්ධිත පුවත් | Related News
ප්රධාන පුවත්
මාළු වැඩි තැන් හඳුනගන්න හැකි තනි තාක්ෂණික මෙවලමක් දැනට ලෝකයේ නෑ.. - ‘මාළු ඇප්’ එක සහ තාක්ෂණික යථාර්ථය ගැන INORA ආයතනය හෙළිකරයි..
ට්රම්ප්ගෙන් න්යෂ්ටික අවි අඩු කිරීමේ නව යෝජනාවක්.. – පුටින් සහ ෂී ජින්පින් චීනයේදී ඓතිහාසික සාකච්ඡාවක..
ඩයස්පෝරාව සතුටු කිරීමට ආණ්ඩුව ද්විත්ව පුරවැසිභාවය 'දේශපාලන ත්යාගයක්' ලෙස බෙදා දීමේ උත්සාහයක!.. - නීතිඥ නුවන් බැල්ලන්තුඩාවගෙන් අනාවරණයක්..
ආර්ථික වර්ධන වේගය 7%කට ගෙනෙනවා කිව්වා... ආණ්ඩුව භාරගන්නකොට 5.3%යි.. දැන් තුන්වෙනි අයවැය කියවනකොට 4.2%කට අඩු වෙලා.. අවුරුදු තුනක් ආණ්ඩු කරනකොට උද්ධමනය 8.3ට වැඩි වෙලා.. - නාමල් රාජපක්ෂ
2025 අයවැය යෝජනාවලින් 40%කට ආසන්න ප්රමාණයක් ඉටු වෙලා නැහැ.. - වෙරිටේ රිසර්ච් අනාවරණය කරයි..
ලාෆ් ගෑස් දැවැන්ත මිල වැඩි කිරීමක.. රුපියල් 1,775කින් මිල ඉහළ දමයි..
ආණ්ඩුව විසින් භික්ෂු වේශධාරියකු යොදා ගනිමින් අනුරාධපුර භික්ෂු සත්යයක් ක්රියාවට පහර දීම මගින් ආණ්ඩුවේ දුෂ්ඨ බහු අරමුණු හෙළිදරව් වුණා.. - ජාතික සංවිධාන හෙළා දකී..
අනුරාධපුර බෞද්ධ පූජා භූමියට අත තියන්න ඉඩ දෙන්නේ නැහැ.. සාමකාමී සත්යග්රහයට එල්ල කළ “පැලවත්තේ වඩුග මැර ප්රහාරයෙන්” ආණ්ඩුවේ මර්දනකාරී දිශානතිය හෙළිවුණා.. - විමල් වීරවංශ
ආනයන තහනම අභියස රුසියානු පොසිල ඉන්ධන සඳහා යුරෝපා සංගමය යුරෝ බිලියන 8.7ක් වැය කරයි
භික්ෂු සාසනය විනාශ වීමේ වගකීම නායක හිමිවරු භාරගන්න.. - සාසනය වෙනුවෙන් කිසිම පනතක් ගේන්න ලැබුනෙ නෑ.. - පූජ්ය ගලගම කුසලධම්ම හිමි
උණු උණු කැවුම් වෙනුවට දීල තියෙන්නෙ පුස්කාපු කැවුම්.. - චාමර සම්පත්... ජනතාවගේ ප්රශ්නවලට විසඳුම් නෑ.. - සජිත් ප්රේමදාස - අයවැය ගැන පක්ෂ විපක්ෂ නියෝජිතයින් කියන කතා..
අනුරාධපුර භික්ෂු සත්යග්රහයට එල්ල වූ මැර ප්රහාරය හෙළා දකිනවා.. - විමල් වීරවංශ
අයවැයෙන් ලැබෙන සහන.. සම්පූර්ණ අයවැය විස්තරේ මෙන්න..
ඉන්දියාව, චීනය, අමෙරිකාව තරහ කරගන්නේ නැතුව අපි අපේ ගමන යනවා.. IMF එක්ක යන ගමනත් ඒ වගේ තමයි.. - ටිල්වින් සිල්වා
2027 අයවැය යෝජනා රැගෙන ජනපති පාර්ලිමේන්තුවට එයි..
කස්සප හිමි ඇතුළු තුන්නමක් පොලිස් භාරයට..