News Category
From Date
To Date
Maximum Number of Result

සිංහ හමකට යටින්..

Nov 18, 2026 at 08:16 AM
|

1948 පෙබරවාරි 4 වැනි දා, අපේ මේ සිරිලංකාවට බ්‍රිතන්‍යය යටත්විජිත පාලකයන්ගෙන් “ඩොමීනියන්” (Dominion) නිදහසක් ලැබුණා කියලා කතන්දරයක් තියෙනවා. ඇත්තෙන්ම, ඒ කතාව බොරුවක්. බ්‍රිතාන්‍ය යටත්විජිත පාලකයන් විසින් ඉන්දියාවට සහ පකිස්ථානයට නම් ඩොමීනියන් තත්ත්වයේ නිදහසක් ලබාදුන්නා. හැබැයි බ්‍රිතාන්‍ය පාලකයෝ ලංකාවට ලබාදුන්නේ “වගකීම් සහිත ඩොමීනියන්” (Dominion with Responsibility) තත්ත්වයේ නිදහසක්.

තමන්ට ලැබිච්ච ඩොමීනියන් නිදහස තුළින් තමන්ගේ ම ව්‍යවස්ථා සම්පාදනය කරගන්නත්, බ්‍රිතාන්‍ය පාර්ලිමේන්තුව විසින් පනවලා තිබිච්ච ඕනෑ ම නීතියක් අවලංගු කරන්නත් බලයක් (පූර්ණ බලයක්) ඉන්දියාවට සහ පකිස්ථානයට ලැබුණා. ඒ වගේ ම, තමන්ගේ රටවල්වල ආරක්‍ෂාව, යුද කටයුතු සහ විදේශ ප්‍රතිපත්තිය සම්පූර්ණයෙන් ම තීරණය කිරීමේ අයිතියත් ඉන්දියාවට සහ පකිස්ථානයට ලැබුණා. ඒ කටයුතුවලට මැදිහත්වීමේ කිසිම බලයක් බ්‍රිතාන්‍යය ඉතුරු කරගත්තේ නෑ. එහෙම වැඩ වෙනුවෙන් ගිවිසුම් අත්සන් කළෙත් නෑ. ඊට අමතරව, තමන් කැමැති ඕනෑ ම වෙලාවක බ්‍රිතාන්‍ය කිරීටයෙන් අයින්වෙලා ජනරජයක් බවට පත්වීමේ නිදහසත් ඉන්දියාවට සහ පකිස්ථානයට ලබාදීලා තිබුණා.

තමන්ට ලැබිච්ච නිදහස පාවිච්චි කරලා, 1949 සැප්තැම්බර් 24 වැනි දා, ඉන්දියාව “ප්‍රිවි කවුන්සිල අධිකාරිය අහෝසි කිරීමේ පනත” (The Abolition of Privy Council Jurisdiction Act) සම්මත කරගෙන තමන්ගේ අධිකරණ නිදහස තහවුරු කරගත්තා. ඊට මාස කීපයකට පස්සේ - 1950 අප්‍රේල් 12 වැනි දා, පකිස්ථානයත් “ප්‍රිවි කවුන්සිල අධිකාරිය අහෝසි කිරීමේ පනත” සම්මත කරගෙන තමන්ගේ අධිකරණ නිදහස තහවුරු කරගත්තා.

සිරිලංකාවේ අපිට ලැබිච්ච නිදහස හුඟක් සීමා කරපු එකක්. ඉතින් ඒ නිදහස “වගකීම් සහිත ඩොමීනියන් තත්ත්වයක්” (Dominion with Responsibility) කියලා හැඳින්වෙනවා. 1947 නොවැම්බර් 11 වැනි දා, ඩී. එස්. සේනානායක අගමැතිතුමා සහ බ්‍රිතාන්‍ය ආණ්ඩුකාර සර් හෙන්රි මන්ක්-මේසන් මුවර් (Henry Monck-Mason Moore) දෙන්නා අත්සන් කරපු ගිවිසුම් පහකින් තමයි මේ සීමාව පැනෙව්වේ. ඒවා අතරින් ආරක්ෂක, විදේශ කටයුතු, සහ රාජ්‍ය සේවා පිළිබඳව අත්සන් කරපු ගිවිසුම් තුන විශේෂයි. ඒ ගිවිසුම්වලින් ලංකාව තවදුරටත් බ්‍රිතාන්‍ය පාලනයට බැඳලා තියාගත්තා.

ශ්‍රී ලංකා නිදහස් පක්‍ෂය, ලංකා සමසමාජ පක්‍ෂය සහ ශ්‍රී ලංකාවේ කොමියුනිස්ට් පක්‍ෂය එකතුවෙලා හදාගත්ත “සමගි පෙරමුණ” ආණ්ඩුව විසින් 1971 නොවැම්බර් 15 වැනි දා, “1971 අංක 44 දරන අභියාචනාධිකරණ පනත” (Court of Appeal Act No. 44 of 1971) සම්මත කරගත්තාට පස්සේ තමයි ලංකාවේ අධිකරණ තීන්දුවලට බලපෑම්කිරීම සඳහා බ්‍රිතාන්‍යයේ ප්‍රිවි කවුන්සිලයට තිබිච්ච බලය අවසන් කෙරුණේ.

ඇත්තෙන්ම, 1948 පෙබරවාරි මාසය වෙද්දි ලංකාවට නිදහසක් ලබාදීමේ උවමනාවක් බ්‍රිතාන්‍යයට තිබුණේ නෑ. සෝල්බරි කොමිසමේ වාර්තාව පදනම් කරගෙන බ්‍රිතාන්‍ය ආණ්ඩුව 1945 ඔක්තෝබර් 31 වැනි දා නිකුත් කරපු ධවල පත්‍රිකාවෙන් මේ අකමැත්ත ප්‍රකාශ කළා. අලුත් ආණ්ඩුක්‍රම ව්‍යවස්ථාව යටතේ ලංකාවේ නායකයෝ පාලන කටයුතු කරගෙන යන විදිහ බලලා “අනාගතයේ යම් කාලයක දී” (ඒ කියන්නේ, අවුරුදු කීපයක පරිවාස කාලයකින් පස්සේ) ඩොමීනියන් තත්ත්වයේ නිදහසක් ලබාදෙන්න පුළුවන් බවකුයි ඒ ධවල පත්‍රිකාවෙන් ප්‍රකාශ කෙරුණේ. 1947 මැතිවරණයෙන් පත්වෙන පාර්ලිමේන්තුවේ පළමු ධුර කාලය - අවුරුදු 5ක කාලය, ගතවුණාට පස්සේ පෙන්නන පරිණතභාවය සළකලා බලලා ලංකාවට ඩොමීනියන් නිදහසක් ලබාදෙමු කියලා සමහර බ්‍රිතාන්‍ය නිලධාරීයෝ සහ දේශපාලනඥයෝ කිව්වා. අන්තිමේ දී, ගිවිසුම් පහේ ගැටයෙන් බැඳලා “වගකීම් සහිත ඩොමීනියන් තත්ත්වයක්” කියන “නිදහස” ලබාදෙන්න බ්‍රිතාන්‍ය ආණ්ඩුව තීරණය කළා.

බ්‍රිතාන්‍ය යටත්විජිත පාලකයෝ මුල ඉඳලා ම ලංකාව සැළැකුවේ තමන්ට අයිති විශේෂ වත්කමක් විදිහට. ලංකාව කියන්නේ “මේ මහ පොළොවේ තියෙන වටිනා ම යටත්විජිත දේපොළ” (The most valuable colonial possession on the globe) කියලා 1801 තරම් මුල් කාලයක බ්‍රිතාන්‍යයේ අගමැතිවරයා පාර්ලිමේන්තුවේ දී ම කියලා තිබුණා. ඉතින් මේ “වටිනා ම දේපොළ” අහිමි කරගැනීමේ කිසිම ඕනකමක් 1948 අවුරුද්දෙන් පස්සේ බලයට ආපු බ්‍රිතාන්‍ය ආණ්ඩුවලටත් තිබුණේ නෑ.

ලබාදීපු බොරු නිදහසේ වගකීමට හේත්තුවෙලා බ්‍රිතාන්‍ය ආණ්ඩුව දිගින් දිගට ම ලංකාවේ කටයුතුවලට මැදිහත් වුණා. එහෙම මැදිහත්වීමකින් 1962 හමුදා කුමන්ත්‍රණයට සම්බන්ධ වෙච්ච අය නිදහස් කරපු විදිහ අපි හැමෝම වගේ දන්නවා. ඒ වගේ මහ දේවල්වලට අමතරව අල්ලස් නඩුවල, මිනීමැරුම් නඩුවල වැරැදිකාරයෝ නිදහස් කරන්නත් බ්‍රිතාන්‍යය මැදිහත් වුණා.

1972 මැයි 22 වැනි දා, ශ්‍රී ලංකාව ජනරජයක් බවට පත් කරගත්තාට පස්සේ මේ මැදිහත්වීමේ සෙල්ලම නිල විදිහට අවසන් කෙරුණා. ඒත් බ්‍රිතාන්‍ය ආණ්ඩුව ඊට පස්සෙත් දිගින් දිගට ම ලංකාවේ කටයුතුවලට මැදිහත් වුණා.

ශ්‍රී ලංකාවට පත් කරලා හිටිය බ්‍රිතාන්‍ය මහ කොමසාරිස් ඩේවිඩ් ග්ලැඩ්ස්ටන් (David Gladstone) මුල් කරගත්ත සිද්දියත් එහෙම එකක්. 1987 දී, මහ කොමසාරිස් තනතුර ඇරැගෙන ලංකාවට ආපු ඩේවිඩ් ග්ලැඩ්ස්ටන් දිගින් දිගට ම අපේ රටේ අභ්‍යන්තර කටයුතුවලට ඇඟිලි ගහන්න පටන්ගත්තා. 1991 මැයි මාසයේ පවත්වපු පළාත් පාලන මැතිවරණයේ කටයුතුවලට ඔහු කරපු මැදිහත්වීමත් එක්ක මේ කාරණය ඉතාමත් බරපතල එකක් බවට පත්වුණා. ඉතින් රණසිංහ ප්‍රේමදාස ජනාධිපතිතුමා විසින් ඔහුව ශ්‍රී ලංකාවෙන් පිටමං කරන ලද පුද්ගලයෙක් (Persona Non Grata) විදිහට නම් කළා. 1961 වියානා සම්මුතිය (Vienna Convention on Diplomatic Relations of 1961) මුළුමනින් ම නො සළකා ක්‍රියා කරපු හින්දා නම් කෙරිච්ච ඩේවිඩ් ග්ලැඩ්ස්ටන් 1991 ජුනි මාසයේ දී ලංකාවෙන් පිටත්වෙලා ගියා.

මේ හා සමාන ම මැදිහත්වීමක් 2018 ඔක්තෝබර් - දෙසැම්බර් කාලයේදීත් වාර්තාවුණා. ඒ දවස්වල ශ්‍රී ලංකාවේ බ්‍රිතාන්‍ය මහ කොමසාරිස්වරයා විදිහට කටයුතු කරපු ජේම්ස් ඩෝරිස් (James Dauris) තමයි ඒ මැදිහත්වීමට සම්බන්ධ වුණේ. ඒ අවුරුද්දේ ඔක්තෝබර් 26 වැනි දා, මෛත්‍රිපාල සිරිසේන ජනාධිපතිවරයා විසින් රනිල් වික්‍රමසිංහ අගමැති ධුරයෙන් අයින් කරලා ඒ වෙනුවට මහින්ද රාජපක්‍ෂ පත්කිරීම වැරැදියි කියන ස්ථාවරයේ ඉඳලා ජේම්ස් ඩෝරිස් මේ මැදිහත්වීම කළා. ඒ විදිහට, රටක අභ්‍යන්තර කටයුතුවලට මැදිහත්වීමේ බලයක් වෙනත් රටවල්වලින් පත් කරලා එවන තානාපතිවරුන්ට නෑ. ඒත් ජේම්ස් ඩෝරිස් ඒ කාරණයට අදාළ වියනා සම්මුතිය මුළුමනින් ම නො සළකා හැරලා රටේ ඇතිවෙච්ච දේශපාලන ආරවුලේ පැත්තක් ඇරැගෙන කටයුතු කරන්න පටන්ගත්තා.

ජේම්ස් ඩෝරිස් ප්‍රසිද්ධියේ ම මේ මැදිහත්වීම කරගෙන ගියා. ඔහු මහ කොමසාරිස්වරයාගේ නිල ට්විටර් (X) ගිණුම හරහාත් මාධ්‍ය නිවේදන මාර්ගයෙනුත් තමන්ගේ දේශපාලන මැදිහත්වීම ප්‍රකාශයට පත් කළා. ඒ ආරවුල මැද්දේ කල් තියපු පාර්ලිමේන්තුව වහාම කැඳවන්න කියලත් ඔහු කිව්වා. ජේම්ස් ඩෝරිස් මේ මැදිහත්වීම වෙනුවෙන් යුරෝපා සංගමයේ, ඇමෙරිකා එක්සත් ජනපදයේ, කැනඩාවේ, ඕස්ට්‍රේලියාවේ, නෝර්වේ සහ ස්විට්සර්ලන්තයේ එකතු කරලා ඒකාබද්ධ නිවේදන නිකුත් කරන්නත් මුල්වුණා.

2018 නොවැම්බර් මාසයේ පාර්ලිමේන්තුවේ ගැටුම් ඇතිවෙද්දි, ජේම්ස් ඩෝරිස් තමන් එකතු කරගත්ත අනිත් තානාපතිවරුත් එක්ක පාර්ලිමේන්තුවේ කථානායක ගැලරියට (Speaker's Gallery) ගිහිල්ලා සභාවේ කටයුතු සෘජුව ම නිරීක්‍ෂණය කරන්නත් පටන්ගත්තා. ඒ වෙලාවේ ඇතිවෙලා තිබුණු ව්‍යවස්ථාමය අපැහැදිළිකම නො සළකා කටයුතු කරන්න කියන “ශක්තියත්” ඔහු කථානායක කරු ජයසූරියට ලබාදුන්නා. ඇතිවෙලා තිබිච්ච ව්‍යවස්ථා ආරවුල සම්බන්ධයෙන් ශ්‍රේෂ්ඨාධිකරණය ලබාදීපු තීන්දුව ප්‍රශංසාවට ලක් කරන්නත් ජේම්ස් ඩොරිස් කටයුතු කළා.

මෙහෙම වැඩ කිරීමේ බලයක් කිසිම රටක තානාපතිවරයෙක්ට නෑ. ඒත් ජේම්ස් ඩෝරිස් ඒ රාජතාන්ත්‍රික සම්මුති පයිසයකටවත් මායිම් කළේ නෑ. වියනා සම්මුතිය මුළුමනින් ම නො සළකා හැරලා ඔහු කරපු මේ මැදිහත්වීම හෙළා දැකලා “වෘත්තිකයන්ගේ ජාතික පෙරමුණ” (Professionals’ National Front, PNF) විසින් ඔහුට ලියුමකුත් ලියලා තිබුණා.

2015 අප්‍රේල් මාසයේ ඉඳලා 2019 අගෝස්තු මාසය දක්වා තමයි “ශ්‍රී ලංකාවේ ජේම්ස් ඩෝරිස් පාලනය” ක්‍රියාත්මක වුණේ. ඒ කියන්නේ ඔහු සම්පූර්ණ “යහපාලන ආණ්ඩුව” කාලයේ ම තමන්ගේ ආධිපත්‍යය පතුරුවාගෙන ඉඳලා තියෙනවා.

අද (2026 නොවැම්බර් 17 වැනි දා), Daily FT පත්තරේ ජේම්ස් ඩෝරිස් ගැන ප්‍රවෘත්තියක් පළ කරලා තිබුණා. ඔහුට අලුත් තනතුරක් හම්බවෙලා. දිලිත් ජයවීරගේ ජෝර්ජ් ස්ටුවර්ට් සමාගමේ (George Steuart and Company Ltd.) විධායක අධ්‍යක්‍ෂවරයෙක් විදිහට ශ්‍රී ලංකාවේ හිටපු බ්‍රිතාන්‍ය මහ කොමසාරිස් ජේම්ස් ඩෝරිස් පත් කරලා තියෙන බවක් තමයි ඒ ප්‍රවෘත්තියෙන් කියලා තිබුණේ. ජේම්ස් ඩෝරිස් 2027 ජනවාරි 1 වැනි දා ඉඳලා, මේ අලුත් තනතුරේ වගකීම් භාරගන්න බවකුත් ඒ ප්‍රවෘත්තියෙන් ම කියලා තියෙනවා.

- ආචාර්ය වරුණ චන්ද්‍රකීර්ති

සම්බන්ධිත පුවත් | Related News

රටට මුහුණ දීමට සිද්දවෙලා තියෙන අභියෝගවලට පිළියම් යෙදීම සඳහා සුදුසු මාර්ග සොයාබැලීම වෙනුවෙන් තමන් ගතවෙච්ච සති දෙකක කාලය තුළ පොත් කීපයක් ම කියෙව්වා කියලා ඉරාන ජනාධිපති මසූඩ් පෙසෙෂ්කියාන් (Masoud Pezeshkian) ප්‍රකාශ කළා.
රුසියාව, චීනය සහ ඇමෙරිකාව යන රටවල නායකයෝ නොවැම්බර් 19 වැනිදා පළමු වරට එකම සාකච්ඡා මේසයකට එක්වෙති. ජාත්‍යන්තර ආරක්ෂාව, න්‍යෂ්ටික අවි පාලනය, යුක්රේන හා ඉරාන යුද්ධ, කෘත්‍රිම බුද්ධිය සහ ගෝලීය ආර්ථිකය පිළිබඳව මෙහිදී අවධානය යොමු වනු ඇත.
ඊයේ ශ්‍රී ලංකාව නැමැති රාජ්‍යයේ ගරු ඇමති වසන්ත සමරෙසිංහ සිංහයෙක් මෙන් මැදිහත් වී එරට "ලවුෆ් ගෑස්" මිල රු. 745 කින්ම වහාම ක්‍රියාත්මක වන පරිදි අඩු කල බව එම රටේ ස්වාධීනම නාලිකා වන සිරස, රූපවාහිනී සහ ITN වාර්තා කර තිබුනි.
චීන ඔත්තුකාරියක බවට සැක කෙරෙන කාන්තාවක සම්බන්ධයෙන් ඇති වූ ආන්දෝලනයක් හේතුවෙන් Nvidia නිර්මාතෘවරයාගේ ඉවත්වීමත් සමඟ, චීනයට එරෙහි චිප් සීමා කිරීම් විවේචනය කළ වොෂින්ටනයේ බලවත්ම හඬක් නිහඬ කිරීමෙන් වාසි අත්වන්නේ කාටද යන දේශපාලනිකව සංවේදී ප්‍රශ්නය මතුව තිබේ.
කියුබාවේ හවානා නුවර පැවැති බෝ නොවන රෝග පිළිබඳ සම්මන්ත්‍රණයකට සහභාගී වීමෙන් පසු එරට වත්මන් තත්ත්වය පිළිබඳව විශේෂ සටහනක් තබමින් පාර්ලිමේන්තු මන්ත්‍රී මහාචාර්ය චන්න ජයසුමන මහතා සඳහන් කරන්නේ, කියුබාව මේ වන විට දැඩි මානුෂීය අර්බුදයක් කරා වේගයෙන් ගමන් කරමින් සිටින බවයි.
රටේ පවතින වත්මන් පාලන තන්ත්‍රය සහ ඇතැම් සමාජ මාධ්‍ය ක්‍රියාකාරීන් විසින් අනුරාධපුර සිදුවීම මුල් කරගනිමින් මහා සංඝරත්නය අපකීර්තියට පත් කිරීමේ අරමුණින් ව්‍යාජ ප්‍රවෘත්ති පුවත් නිර්මාණය කරමින් සංසරණය කරන බවට චෝදනා එල්ල වේ.
" අපි අනුරාධපුරය ඇතුළු නගර 04 ක් " සිටි බ්‍රෑන්ඩින් " කරනවා. උදාහරණයකට ප්‍රංශයෙ පැරිස් නුවර වගේ"
පුරාණ අනුරාධපුර නගරය යනු කුමක්ද යනුවෙන් පුරාවිද්‍යාඥයෙකුගෙන් විමසුවහොත්, ඔවුන් එය විස්තර කරනු ඇත්තේ පුරාණ ගඩොල් අත්තිවාරම්, කැටයම් කළ ගල් කුළුණු, නටබුන් වූ ස්තූප සහ පස් යට මිහිදන්ව ඇති පුරාවස්තු වලින් සමන්විත විශාල භූමි ප්‍රදේශයක් ලෙස විය හැකිය.
රටේ රාළ දිගටම අපේ රටේ විමර්ශන ක්‍රියාවලිය ඇතුළේ සිද්ධවෙන බරපතල වංචා ගැන කතා කරනවා.නීතියේ ආධිපත්‍යය කියන වචනවලට මුවාවෙලා,පෞද්ගලික න්‍යාය පත්‍ර,ඉදේශපාලන න්‍යාය පත්‍ර වෙනුවන් මිනිස්සුන් ජීවිත කාලකණ්ණි කරන හැටි ඉවසන්න බැරි තැන තමයි මේ සටනට අත ගැහුවේ.රටේ රාළ කියන මේ තිත්ත ඇත්ත කතාව ඊයේ (12) කොළඹ ස්ථිර ත්‍රිපුද්ගල මහාධිකරණ ශාලාව ඇතුළේ දෝංකාර දුන්නා.

ප්‍රධාන පුවත්

ටෙන්ඩර් කැඳවීමක් නැතිව ඊශ්‍රායලයෙන් හදිසියේ ඩ්‍රෝන යානා මිල දී ගන්නේ ඇයි?.. - ධර්ම ශ්‍රී කාරියවසම්ගෙන් අනාවරණයක්..

කිසිදු විවෘත අන්තර්ජාතික ටෙන්ඩර් කැඳවීමකින් තොරව, රුපියල් බිලියන 4.26කට අධික මහජන බදු මුදලක් වැය කරමින් ඊශ්‍රායලයෙන් නියමුවන් රහිත ඩ්‍රෝන යානා 04ක් හදිසියේ මිලදී ගැනීමට ආණ්ඩුව ගෙන ඇති තීරණය සම්බන්ධයෙන් බරපතල ප්‍රශ්නකාරී තත්ත්වයක් මතු වී තිබේ.

චීවරධාරී රාජාංගනයේ සද්ධාරතන අත්අඩංගුවට..

අනුරාධපුර රුවන්වැලි මහා සෑය ආසන්නයේ පැවති සත්‍යග්‍රහ භූමියේදී ඇති වූ ගැටුමේ සිද්ධිය සම්බන්ධයෙන් චීවරධාරී රාජාංගනයේ සද්ධාරතන අත්අඩංගුවට ගෙන තිබේ.

ගෝලීය බලවතුන් තිදෙනාගේ ඓතිහාසික හමුවෙන් සාකච්ඡා වන ප්‍රධාන මාතෘකා මොනවාද?..

රුසියානු ජනාධිපති ව්ලැඩිමීර් පුටින්, චීන ජනාධිපති ෂී ජින්පිං සහ ඇමෙරිකානු ජනාධිපති ඩොනල්ඩ් ට්‍රම්ප් යන නායකයන් තිදෙනා නොවැම්බර් 19 වැනිදා චීනයේ ෂෙන්ෂෙන් නගරයේදී පළමු වරට එකම සාකච්ඡා මේසයකට එක්වීමට නියමිතය.

ඥානසාර හිමියන්ගේ චීවරය ඉවත් කිරීමට එරෙහි රිට් පෙත්සම් විභාගය අද අභියාචනාධිකරණයේදී..

පූජ්‍ය ගලගොඩඅත්තේ ඥානසාර හිමියන්ගේ චීවරය ඉවත් කිරීමට එරෙහිව ගොනු කර ඇති රිට් පෙත්සම්වලට අදාළ වැඩිදුර කරුණු දැක්වීම අද (18) පස්වරු 1.30 ට අභියාචනාධිකරණයේ 110 වන අධිකරණ ශාලාවේදී සිදු කිරීමට නියමිතය.

රාජ්‍ය බිඳ දැමීමේ ක්‍රියාන්විතය දැන් උච්චතම තැනට ඇවිත්.. – රටේ සංස්කෘතිය සහ බුදුදහම බිඳවැටීමේ ක්‍රියාන්විතය පිටුපස සැඟවුනු කතාව වෛද්‍ය වසන්ත බණ්ඩාර හෙළිකරයි..

රාජ්‍ය බිඳ වැට්ටවීමට නම් සමාජය බිඳවැට්ටවිය යුතු බවත්, මේ රාජ්‍ය බිඳ වැට්ටවීම සඳහා බලවේග රාශියක් අතීතයේ සිටම විවිධ අයුරින් ක්‍රියාත්මක වුවත් එසේ බිඳ දැමීමට නොහැකි වූ බවත්, එහෙත් මේ වන විට මෙම බලවේග ඉතා සූක්ෂම ලෙස ක්‍රියාන්විතයන් දියත්කර ඇති බවත් දේශහිතෛෂී ජාතික ව්‍යාපාරයේ මහ ලේකම් වෛද්‍ය වසන්ත බණ්ඩාර මහතා පවසයි.

ආසියා–ශාන්තිකර ප්‍රජාවක් පිළිබඳ දිගුකාලීන දැක්ම යථාර්ථයක් බවට පත් කිරීමේ අරමුණින් චීනය යළිත් APEC මෙහෙයුම් වගකීම භාරගනී..

භූ දේශපාලනික ආතතීන් උත්සන්න වෙමින්, ආරක්ෂණවාදය ඉහළ යමින් සහ ගෝලීය ආර්ථික සහයෝගීතාව අභියෝග රැසකට මුහුණ දෙමින් සිටින පසුබිමක, ෂෙන්ෂෙන් නුවර පැවැත්වෙන 33 වැනි APEC ආර්ථික නායක සමුළුව කලාපීය සහයෝගීතාව ශක්තිමත් කිරීමේ වැදගත් අවස්ථාවක් වනු ඇත.

ගෝලීය දකුණේ ස්වෛරීභාවය සහ ආර්ථික නිදහස වෙනුවෙන් මොස්කව් ජාත්‍යන්තර සමුළුවේදී විමල් වීරවංශ ගෙන් විශේෂ දේශනයක්!

ජාතික නිදහස් පෙරමුණේ නායක, හිටපු අමාත්‍ය විමල් වීරවංශ මහතා නොවැම්බර් 15 වැනිදා රුසියානු සමූහාණ්ඩුවේ මොස්කව් නුවරදී පැවැති නව යටත්විජිතවාදයේ නූතන භාවිතයන්ට එරෙහි ජාත්‍යන්තර ව්‍යාපාරයේ (For the Freedom of Nations) මහා සභා රැස්වීමට ගෞරවනීය ආරාධිතයෙකු ලෙස සහභාගී විය.

අටමස්ථානාධිපති ස්වාමීන්වහන්සේගේ භූමිකාවට බාධා නොකර ඊට ශක්තියක් වීම මහජනයාගේ යුතුකමක්.. - ජාතික සංවිධාන කියයි

අනුරාධපුර පූජාභූමි සංවර්ධන උපදේශක සභාවේ සම සභාපති ලෙස ක්‍රියාකරන වැඩබලන අටමස්ථානාධිපති පූජ්‍ය ඊතලවැටුනුවැවේ ඤානතිලක හිමිපාණන් විසින් සිදුකළ ප්‍රකාශය පිළිබඳව අන්තර්ජාලයේ යම් ආන්දෝලනයක් ඇතිවීම පිළිබඳව ලංකා ලීඩර් විසින් ජාතික සංවිධානවල මතය විමසන ලදී.

Nvidia ප්‍රධානී ජෙන්සන් හුවාං ඉවත් කිරීමට අවශ්‍ය වූයේ කාටද?.. – 'ප්‍රේමණීය උගුල' පිටුපස ඇති AI බල අරගලය පිළිබඳ හෙළිදරව්වක්..

චීන ඔත්තුකාරියක බවට සැක කෙරෙන ව්‍යාපාරික කාන්තාවක වන ඇලිස් හුවාං (Alice Huang) සමඟ පැවැති සබඳතාවක් හෙළිදරව් වීමත් සමඟ ලොව ප්‍රමුඛතම චිප් නිෂ්පාදන සමාගම වන Nvidia හි නිර්මාතෘ ජෙන්සන් හුවාං (Jensen Huang) සිය ධුරයෙන් ඉල්ලා අස්වීම, ගෝලීය කෘත්‍රිම බුද්ධි (AI) බල අරගලයේ තීරණාත්මක සන්ධිස්ථානයක් බවට පත්ව තිබේ.

දරුවන් පාසල්වලට ඇතුළත් කිරීම 40,000කින් අඩුවෙලා..

දරුවන් පාසල්වලට ඇතුළත් කිරීම (පළමු වසරට) වාර්ෂිකව හතළිස් දහසකින් පමණ අඩු වී ඇතැයි සමීක්ෂණයකින් තොරතුරු හෙළිවී ඇති බව අධ්‍යාපන සහ උසස් අධ්‍යාපන නියෝජ්‍ය අමාත්‍ය වෛද්‍ය මධුර සෙනෙවිරත්න පවසයි.

අයවැය සජීවීව නැරඹීමට රාජ්‍ය නිලධාරීන්ට පහසුකම් සපයන ලෙසත්, එහි ඡායාරූප ලබාගෙන ඉදිරිපත් කරන ලෙසත් දන්වලා!..

කෘෂිකර්ම, පශු සම්පත්, ඉඩම් සහ වාරිමාර්ග අමාත්‍යාංශය විසින් විශේෂ නිවේදනයක් නිකුත් කරමින්, 2027 වර්ෂයේ අයවැය ඉදිරිපත් කිරීම සජීවීව නැරඹීම සඳහා අදාළ දෙපාර්තමේන්තු සහ ආයතනවල සියලුම මණ්ඩල නිලධාරීන් ඇතුළු අනෙකුත් නිලධාරීන්ට අවශ්‍ය පහසුකම් සපයන ලෙස දැන්වූ ලිපියක් සමාජ මාධ්‍යයේ සංසරණය වේ.

ත්‍රස්තවාදය වැළැක්වීමේ පනතේ අධිකරණ බලය ඉක්මවා සැකකරුවන් රක්ෂිත බන්ධනාගාරගත කිරීමට එරෙහිව අභියාචනාධිකරණයට රිට් පෙත්සමක්..

ත්‍රස්තවාදය වැළැක්වීමේ පනතේ අධිකරණ බලය ඉක්මවා යමින් සැකකරුවන් වසරකට වැඩි කාලයක් රක්ෂිත බන්ධනාගාරගත කිරීම සහ නීතිවිරෝධී මූලික පරීක්ෂණයක් පැවැත්වීම අභියෝගයට ලක්කරමින් විශ්‍රාමික ගුවන් හමුදා නිලධාරී ශාන්ත ජයතිලක මහතා විසින් අභියාචනාධිකරණය හමුවේ රිට් පෙත්සමක් ගොනු කර තිබේ.

ඉරාන ජනතාව සාගින්නෙන් පෙළවීමට ඇමෙරිකාව තර්ජනය කරනවායැයි ටෙහෙරානය පවසයි..

ඇමෙරිකා එක්සත් ජනපදය විසින් පනවා ඇති ආර්ථික සම්බාධක සහ නාවික අවහිර කිරීම් හරහා ඉරාන ජනතාව සාගින්නට ඇද දැමීමට තර්ජනය කරමින් සිටින බව ඉරාන විදේශ කටයුතු අමාත්‍යාංශයේ ප්‍රකාශක එස්මයිල් බගායි චෝදනා කරයි.

NVIDIA ප්‍රධානියා ඉවත් කිරීම පිටුපස ඇත්තේ චීන ඔත්තු කතාවක් නොව ඒකාධිකාරී තාක්ෂණික කුමන්ත්‍රණයක්.. - ආචාර්ය ජගත් චන්ද්‍රවංශ

ලොව ප්‍රමුඛතම චිප් නිෂ්පාදන සමාගම වන NVIDIA ආයතනයේ ප්‍රධාන විධායක නිලධාරී සහ නිර්මාතෘ ජෙන්සන් හුවාන් (Jensen Huang) සිය ධුරයෙන් ඉවත් කිරීම පිටුපස ඇත්තේ ඔහුට එල්ල වී ඇති චීන කාන්තාවක් හා සම්බන්ධ ඔත්තු බැලීමේ චෝදනාවක් නොව, කෘත්‍රිම බුද්ධි (AI) ක්ෂේත්‍රයේ ඒකාධිකාරය පවත්වා ගැනීමට උත්සාහ කරන පාර්ශ්වයන්ගේ දේශපාලන කුමන්ත්‍රණයක් බව ජාත්‍යන්තර දේශපාලන විශ්ලේෂක ආචාර්ය ජගත් චන්ද්‍රවංශ මහතා පවසයි.

මෝදි සහ අනුර විවෘත කළ දඹුල්ලේ ශීතාගාර සංකීර්ණයේ ලක්ෂ ගණනක තඹ බට සොරකමක්..

ඉන්දීය අග්‍රාමාත්‍ය නරේන්ද්‍ර මෝදි සහ ජනාධිපති අනුර කුමාර දිසානායක විසින් පසුගිය වසරේ අප්‍රේල් මාසයේදී විවෘත කළ දඹුල්ලේ එළවළු හා පලතුරු ගබඩා කිරීමේ උෂ්ණත්ව හා ආර්ද්‍රතා පාලිත ගබඩා සංකීර්ණයේ සවිකර තිබූ රුපියල් ලක්ෂ ගණනක් වටිනා තඹ බට සොරාගෙන ගොස් ඇති බවට දඹුල්ල පොලිසියට පැමිණිල්ලක් ලැබී තිබේ.

© 2024 Lanka Leader.  All Rights Reserved. | 
Powered By Smart eCampaign.