නීතිමය සදාචාරය අභියෝගයට ලක් කළ කෙහෙළියගේ විත්තිවාචිකය..
අපේ රටේ නීතිය ක්‍රියාත්මක කිරීමේ යාන්ත්‍රණය සම්බන්ධයෙන් බරපතල ගැටලු පවතින බව රටේ රාළ දිගින් දිගටම කතා කළා.ඇත්තටම මේ අර්බුදය නිර්මාණය වෙන්නේ විමර්ශන ක්‍රියාවලියේ තිබෙන බරපතල අඩුපාඩු සහ හිඩැස් නිසයි.මේවා කිසිසේත්ම නොසලකා හරින්න පුළුවන් සුළු අඩුපාඩු නෙවෙයි.මොකද මේවා පුද්ගලයෙකුගේ ජීවිතය සහ නිදහස සම්බන්ධයෙන් තීරණාත්මක බලපෑම් කරන විමර්ශන.
පුද්ගලයෙක් නිදොස් කොට නිදහස් කරනවාද, ජීවිතාන්තය දක්වා සිරදඬුවම් ලබනවාද, එහෙමත් නැත්නම් කොළ නැති ගහේ යනවාද කියන මේ සියල්ල තීරණය වෙන්නේ විමර්ශන නිලධාරීන් ඉදිරිපත් කරන කරුණු මත පදනම්ව ගොඩනැගෙන නඩු කටයුතුවලින්.විමර්ශනයකට පුළුවන් සියල්ල උඩු යටිකුරු කරන්න.හරි විමර්ශනයක් නොවුණොත් බොරුව ඇත්ත වෙන්නත්,ඇත්ත බොරුව වෙන්නත් ඉඩ තියෙනවා.
ඕනෑම පුරවැසියෙකුට එරෙහිව චෝදනාවක් එල්ල වුණාම අපක්ෂපාතී සහ ස්වාධීන විමර්ශනයක් ලැබීම ඔහුගේ මූලික අයිතිවාසිකමක්.හැබැයි කියන්න කනගාටුයි,අපේ රටේ ඇතැම් විමර්ශන ආයතනවල ක්‍රියාකලාපය දිහා බැලුවාම ඒ විශ්වාසය බරපතල ලෙස පළුදු වෙලා තියෙනවා.
අපරාධ පරීක්ෂණ දෙපාර්තමේන්තුව,අල්ලස් හෝ දූෂණ විමර්ශන කොමිසම වගේ ආයතනවලින් ජනතාව බලාපොරොත්තු වෙන ස්වාධීනත්වය ඒ අයුරින්ම ඉටු වෙනවාද කියන ප්‍රශ්නය අද සමාජය ඉදිරියේ තියෙනවා.මේ ආයතන දේශපාලනීකරණය වෙලාද,පෞද්ගලික පලිගැනීම්වලට යොදා ගන්නවාද,එහෙමත් නැත්නම් විවිධ බලපෑම්වලට යටත් වෙලාද කියන සැකය මහජනතාව තුළ තදින්ම තියෙනවා.
ඒ විතරක් නෙවෙයි,නීතියේ සාධාරණත්වය ඉටු කිරීමේදී තීරණාත්මක කාර්යභාරයක් ඉටු කරන නීති ක්ෂේත්‍රයේ ඇතැම් පාර්ශ්වයන්ගේ ක්‍රියාකලාපය ගැනත් සමාජයේ විවිධ විවේචන එල්ල වෙනවා.පවතින දේශපාලන අධිකාරියේ වුවමනාවන්ට නැමෙන බවටත්,පෞද්ගලික වරප්‍රසාද සහ උසස්වීම් වෙනුවෙන් ඇතැම් විමර්ශන මෙහෙයවෙන බවටත් සමාජය තුළ බරපතල කතිකාවතක් ගොඩනැගිලා තියෙනවා.
මේ වගේ අඩුපාඩු සහිත ක්‍රියාවලියකින් අවසානයේ සිද්ධ වෙන්නේ නීතිය කෙරෙහි තිබෙන මහජන විශ්වාසය බිඳ වැටීමයි.නීතියෙන් සාධාරණය ඉටු නොවන බවට හැඟීමක් ඇති වුණාම,මිනිස්සු නීතිය අතට ගන්න පෙළඹෙන භයානක තත්ත්වයක් නිර්මාණය වෙනවා.විවෘත අධිකරණයේ දැනට දිගහැරෙන ප්‍රමිතියෙන් තොර ඖෂධ සිද්ධියට අදාළ නඩු විභාගයේ සාක්ෂි දිහා බලන විටත් මේ විමර්ශන ක්‍රියාවලියේ තිබෙන ගැටලුකාරී තැන් ඉතාමත් හොඳින් පැහැදිලි වෙනවා.
විවෘත අධිකරණයේ මේ වන විට ඉදිරිපත් වී තිබෙන පැමිණිල්ලේ සාක්ෂි සහ විත්තියේ ප්‍රකාශ පදනම් කරගෙන අපට මේ තර්කය ගොඩනගන්න පුළුවන්.විශේෂයෙන්ම ඒ නඩුවේ 08 වැනි විත්තිකරු වන හිටපු සෞඛ්‍ය අමාත්‍ය කෙහෙළිය රඹුක්වැල්ල විසින් විත්ති කූඩුවේ සිට කරන ලද ප්‍රකාශය ඉතාමත් වැදගත්.
කෙහෙළිය විත්ති කූඩුවේ ඉඳන් ඉදිරිපත් කරපු ඒ කරුණු හරහා අපේ රටේ විමර්ශන යාන්ත්‍රණයේ සදාචාරාත්මක බව බරපතල අභියෝගයකට ලක් වෙලා තියෙනවා. "නීතිය ඉදිරියේ සියල්ලන්ම සමානයි" කියන මූලධර්මය සහ "ස්වාභාවික යුක්තියේ මූලධර්මය" නීති පොත්වලට පමණක් සීමා වෙලාද කියලා ප්‍රශ්න කරන තැනට ඒ විත්තිවාචිකය ප්‍රබල වෙලා තියෙනවා.
විවෘත අධිකරණයේ අනාවරණය වූ පැමිණිල්ලේ සාක්ෂිවලට අනුව,ආන්දෝලනාත්මක හදිසි ප්‍රසම්පාදන ක්‍රියාවලිය සඳහා තීරණ ගත් බව කියන රැස්වීමක් 2022 සැප්තැම්බර් 05 වැනිදා සෞඛ්‍ය අමාත්‍යාංශයේදී කෙහෙළිය රඹුක්වැල්ලගේ ප්‍රධානත්වයෙන් පවත්වා තිබෙන බව සඳහන් වෙනවා.
හැබැයි,ලෝක සෞඛ්‍ය සංවිධානයේ (WHO) නිල වාර්තාවලට අනුව 2022 සැප්තැම්බර් 05 වැනිදා ඉඳන් 09 වැනිදා දක්වා භූතානයේ පාරෝ නුවර පැවති ලෝක සෞඛ්‍ය සංවිධානයේ අග්නිදිග ආසියානු කලාපීය කමිටුවේ 75 වැනි සැසිවාරයට ශ්‍රී ලංකාව නියෝජනය කරමින් සෞඛ්‍ය අමාත්‍ය කෙහෙළිය රඹුක්වැල්ල මහතා සහභාගි වෙලා තියෙනවා.
ඒ සමුළුවට භූතාන අග්‍රාමාත්‍ය ලොටේ ෂෙරිං, ලෝක සෞඛ්‍ය සංවිධානයේ කලාපීය අධ්‍යක්ෂිකා වෛද්‍ය පූනම් ඛේත්‍රපාල් සිං ඇතුළු කලාපයේ සෞඛ්‍ය අමාත්‍යවරුන් සමඟ කෙහෙළිය රඹුක්වැල්ල නිල ඡායාරූපවල පෙනී ඉන්නවා. සමුළුවේ නිල වාර්තාවේ 81 වැනි ඡේදයට අනුව මාලදිවයිනේ සෞඛ්‍ය අමාත්‍ය අහමඩ් නසීම් උප සභාපති ධුරයට යෝජනා කරලා තියෙන්නෙත් ශ්‍රී ලංකාවේ සෞඛ්‍ය අමාත්‍ය කෙහෙළිය රඹුක්වැල්ලයි.
ඒ වගේම කෙහෙළිය ඉන්දියාව හරහා භූතානයට ගිය බව ආගමන විගමන වාර්තා අනුවත් තහවුරු වන බව අධිකරණයේදී කියවුණා.මේ සමුළුවේ නිල ඡායාරූප ජාත්‍යන්තර මාධ්‍ය වෙත පවා මුදාහැරලා තිබුණා.එතකොට මතුවෙන ප්‍රධානම ප්‍රශ්නය තමයි,එදා සෞඛ්‍ය අමාත්‍යාංශයේ තිබුණා කියන රැස්වීමේ හිටිය කෙහෙළිය කවුද කියන එකයි.
කෙහෙළිය ලංකාවේ නොසිටි බවට ජාත්‍යන්තර සාක්ෂි තිබියදීත්,කෙහෙළියගේ ප්‍රධානත්වයෙන් රැස්වුණා කියන ඒ රැස්වීමේ වාර්තා (Minutes) පවා අමාත්‍යාංශ ලිපිගොනුවල තියෙනවා.එතකොට කවුද මේ රැස්වීමට සහභාගි වුණේ?කවුද ඒ කෙහෙළිය.මෙතනදී තිබෙන ප්‍රශ්නය තමයි මේ පරස්පරය ඇති වුණේ කොහොමද කියන එක.
එක්කෝ ලෝක සෞඛ්‍ය සංවිධානය විසින් කෙහෙළියව බේරගන්න හිතාගෙන බොරුවට සමුළුවක් තිබ්බා කියලා ව්‍යාජ සමුළු වාර්තාවක් හදලා,ඡායාරූප සංස්කරණය (Edit) කරලා එවලා තියෙන්න ඕනි.
අපේ රටේ ඉඳන් කෙළින්ම භූතානයට ගුවන් ගමන් නෑ.ඉන්දියාවට ගිහින් තමයි භූතානයට යන්න ඕනි. එහෙනම් කෙහෙළියව බේරගන්න ශ්‍රී ලංකාවේ, ඉන්දියාවේ සහ භූතානයේ ආගමන විගමන දෙපාර්තමේන්තු එකතු වෙලා කෙහෙළිය භූතානයට ගිය බවට කූඨ ලේඛන හදලා තියෙන්න ඕනි.
එහෙමත් නැත්නම් මේ සියල්ලටම පිටතින් මෙහෙයවෙන අදෘශ්‍යමාන හස්තයක් අමාත්‍යාංශය ඇතුළේ ක්‍රියාත්මක වෙලා තියෙන්න ඕනි.ඒත් නැත්නම් අමාත්‍යාංශය ඇතුළේ වෙනත් අද්භූත බලවේගයක් ක්‍රියාත්මක වෙලා තියෙන්න ඕනි.ඒ කියන්නේ කෙහෙළියගේ භූත ආත්මයක්.
ඔය කාරණා තුනෙන් එකයිනේ වෙන්න පුළුවන්. මොකද මූලික විමර්ශන ගොනුවලට අනුව කෙහෙළිය එදා ලංකාවේ රැස්වීමකට සහභාගි වෙලා තියෙනවා.එහෙම බැලුවොත් ලෝක සෞඛ්‍ය සංවිධානයේ වාර්තා පවා අභියෝගයට ලක් වෙනවා.
එහෙම නම් මේ සිද්ධියට අදාළව ලෝක සෞඛ්‍ය සංවිධානයටභූතානයේ හිටපු අගමැතිවරයාට වගේම ලංකාවේ,ඉන්දියාවේ සහ භූතානයේ ආගමන විගමන දෙපාර්තමේන්තුවලටත් එරෙහිව පරීක්ෂණ පවත්වන්න වෙනවා.
ඇත්තටම රටේ රාළ මේ වගේ තියුණු උපහාසයක් මතු කරන්නේ විමර්ශන සිදු කරන ආයතනවල වගකීම සහ නිරවද්‍යතාවය කොයිතරම් වැදගත්ද කියන එක පෙන්වන්නයි.රටේ රාළට ප්‍රමිතියෙන් තොර ඖෂධ නඩුවේ කෙහෙළිය රඹුක්වැල්ලවත්, පාස්කු ප්‍රහාරය සම්බන්ධ චෝදනා එල්ල වන ජෙනරාල් සුරේෂ් සලේවත්,එක්නැලිගොඩ අතුරුදහන් කිරීමේ නඩුවේ බුද්ධි අංශ නිලධාරීන් 09 දෙනාවවත් පෞද්ගලිකව ආරක්ෂා කරන්න කිසිම වුවමනාවක් නෑ.
හැබැයි ඕනෑම පුද්ගලයෙකුට චෝදනා එල්ල කරන්න කලින්,අඩුම තරමින් පරස්පර විරෝධී නොවන,ස්වාධීන සහ නිවැරදි විමර්ශනයක් සිදු වෙන්න ඕනි නේද? එහෙම නැතිව අඩුපාඩු සහිත විමර්ශන මත පදනම්ව යුක්තිය පසිඳලීමට යාම "ස්වාභාවික යුක්තියේ මූලධර්මය" එක්ක කොයිතරම් දුරට ගැළපෙනවාද කියන ප්‍රශ්නය ඕනෑම බුද්ධිමත් පුරවැසියෙකුගේ හෘද සාක්ෂිය ඇතුළේ ඉතිරි වෙනවා.
හරි එහෙනම් ගිහින් එන්නම්.
ජයවේවා.
මීට,
රටේ රාළ.
සම්බන්ධිත පුවත් | Related News
ප්‍රධාන පුවත්
අරගලය පිටුපස වූ බටහිර සහ ඉන්දීය බලපෑම් ගැන ශමින්ද්‍ර ෆර්ඩිනැන්ඩු කළ ආන්දෝලනාත්මක හෙළිදරව්ව..
එක්සත් ජනපද මධ්‍යවාර මැතිවරණ ප්‍රතිඵලය හමුවේ ඩෙමොක්‍රටික් පක්ෂයට සහ ට්‍රම්ප් පාලනයට අභියෝග රැසක්.. – ආචාර්ය ජගත් චන්ද්‍රවංශගෙන් අනාවරණයක්..
මිහින්තලේ කටු සෑය අභියසදී බුද්ධ ශාසනයේ සහ බෞද්ධ උරුමයේ ආරක්ෂාව වෙනුවෙන් 11 වැනි දා විශේෂ අධිෂ්ඨාන පූජාවක් සහ දේව කන්නලව්වක්..
මම දෙමළ තමයි.. ඒත් මම බුද්ධාගම වෙනුවෙන් කඩේ යනවා.. කිසිම කෙනෙකුට ඒක නතර කරන්න බැහැ.. - සුරේෂ් රාගවන්ගෙන් ප්‍රබල ප්‍රකාශයක්..
යෝජිත ත්‍රස්ත විරෝධී පනත සංශෝධනය කරන්න.. - එක්සත් ජාතීන්ගේ විශේෂඥයින් ශ්‍රී ලංකාවෙන් ඉල්ලයි..
11 වැනිදා මිහින්තලේ කටු සෑය අබියසදී දැවැන්ත සත්‍යග්‍රහයක් සහ අධිෂ්ඨාන පූජාවක් අරඹනවා.. - පූජ්‍ය උලපනේ සුමංගල හිමි
සංවිධානාත්මක අපරාධ වැළැක්වීමේ පනත් කෙටුම්පත ගැන පෙත්සම් විභාගය අවසන්.. - තීරණය කථානායකට සහ ජනපතිට..
අනුරාධපුරට අත තියන්න ලෑස්ති වෙන්න එපා.. - බෞද්ධ මහා සම්මේලනය රතු නිවේදන නිකුත් කරයි.. 11 වැනි දා මිහින්තලය පුදබිමේ දී මහා අධිෂ්ඨාන පූජාවක්..
හූති ප්‍රහාරයකින් සෞදි අරාම්කෝ කුලුනට හානි
ඉරානයට ප්‍රහාර එල්ල කරන්න අදහසක් නැතැයි ට්‍රම්ප් කියයි.. බොරතෙල් මිලත් විශාල ලෙස පහළට..
කොළඹට ඇතිවූ ගංවතුර තත්ත්වය සහ නගරයේ පාලනය පිළිබඳ පූජ්‍ය ඇල්ලේ ගුණවංශ හිමියන්ගෙන් දැඩි ප්‍රකාශයක්..
මේ බුද්ධ භූමියට අත තිබ්බොත් වස් වදිනවා.. එලාරවත් හාමුදුරුවරුන්ට මෙහෙම කළේ නෑ.. - අනුරාධපුර පූජා භූමියේ සත්‍යග්‍රහයේ නිරත භික්ෂූන් වහන්සේලා පවසති..
භික්ෂූන් වහන්සේලාට එරෙහිව සිදුවන ප්‍රචණ්ඩ ක්‍රියා සහ අධිකරණ විනිසුරුවරුන් හදිසියේ ස්ථාන මාරු කිරීම ගැන පාර්ලිමේන්තුවේදී පූර්ණ විවාද දෙකක් ගැනීමට මැදිහත් වන්න.. - පොහොට්ටුවෙන් සජිත්ට පණිවුඩයක්..
ශ්‍රී ලංකාවේ යෝජිත සංවිධානාත්මක අපරාධ වැළැක්වීමේ පනත් කෙටුම්පත ගැන එක්සත් ජාතීන්ගේ සංවිධානයෙන් අනතුරු ඇඟවීමක්..
මර්ධනය හමුවේ තානාපති සේවයේ නිරුවත හා මර්ධනයේ පැත්ත මාරුවීම..
අනුරාධපුර පූජාභූමියට කරන්න යන දේ ගැන ගැසට් එකත් අරන් මහ රෑ මාධ්‍ය කැඳවා කස්සප හිමියන් හෙළිකළ කරුණු මෙන්න..