සරත් වීරසේකරගෙන් කිංස්බරි හෝටලයට එන්තරවාසියක්.. සීසීටීවී දර්ශන විකෘති කර අපහාස කළ බවට චෝදනා..

News Category

From Date

To Date

Maximum Number of Result

සරත් වීරසේකරගෙන් කිංස්බරි හෝටලයට එන්තරවාසියක්.. සීසීටීවී දර්ශන විකෘති කර අපහාස කළ බවට චෝදනා..

Oct 30, 2026 at 04:06 PM

Lanka Leader

තමන් කොළඹ කිංස්බරි (The Kingsbury) හෝටලයට පැමිණි අවස්ථාවේ ලබාගත් ආරක්ෂිත කැමරා (CCTV) දර්ශන විකෘති කර, ‘ජනාධිපති ඝාතන කුමන්ත්‍රණයක්’ යනුවෙන් අසත්‍ය ලේබල් අලවා සමාජ මාධ්‍ය වෙත මුදාහැරීමෙන් සිය කීර්තිනාමයට හානියක් සිදුකළ බවට චෝදනා කරමින් හිටපු අමාත්‍ය, විශ්‍රාමික රියර් අද්මිරාල් ආචාර්ය සරත් වීරසේකර මහතා එම හෝටල් කළමනාකාරීත්වය වෙත සිය නීතිඥවරුන් මාර්ගයෙන් එන්තරවාසියක් යොමු කර ඇති බව වාර්තා වේ.

අදාළ ලේඛනය මඟින් පෙන්වා දෙන්නේ, සරත් වීරසේකර මහතා පසුගිය ඔක්තෝබර් 24 වැනි දින හෝ ඊට ආසන්න දිනයකදී අදාළ හෝටලය වෙත ගොස් ඇති බවත්, හෝටල් පරිශ්‍රයේ සුවිශේෂී භාරකාරත්වය සහ පාලනය යටතේ පවතින සීසීටීවී පද්ධතියේ සටහන් වූ දර්ශන, හෝටල් පාලනාධිකාරිය විසින් ඇතැම් සමාජ මාධ්‍ය ක්‍රියාකාරීන් හා එක්ව සිතාමතාම විකෘති කර පිටතට මුදාහැර ඇති බවත්ය.

එම සංස්කරණය කරන ලද වීඩියෝ පටය මඟින් සරත් වීරසේකර මහතා සහ බෞද්ධ භික්ෂූන් වහන්සේ නමක් එකම අවස්ථාවක හෝටල් කාමරයක් වෙත ඇතුළු වන ආකාරය පෙන්වමින්, ඔවුන් දෙදෙනා එක්ව හෝ එකම වේලාවක එම කාමරයට ඇතුළු වූ බවට සම්පූර්ණයෙන්ම සාවද්‍ය සහ නොමඟ යවන සුළු හැඟීමක් සමාජගත කර ඇති බව එමඟින් චෝදනා කෙරේ.

මෙම විකෘති කළ දර්ශන ‘ජනාධිපති ඝාතන කුමන්ත්‍රණයක්’ යන ශීර්ෂය යටතේ ප්‍රචාරය කර ඇති බවත්, එහි සිටින සරත් වීරසේකර මහතාගේ ලේකම්වරයා ජාතික බුද්ධි ප්‍රධානී මේජර් ජෙනරාල් කපිල හෙන්දාවිතාරණ මහතා බවට අසත්‍ය ලෙස හුවාදක්වමින් සමාජය නොමඟ යවා ඇති බවත් නීතිඥවරු පෙන්වා දෙති.

හෝටලයේ පූර්ණ අධීක්ෂණය යටතේ තිබිය යුතු මෙවැනි රහස්‍ය දර්ශන කිසිදු අවසරයකින් තොරව පිටස්තර පාර්ශ්ව වෙත ලබාදීම හෝටලයේ පෞද්ගලිකත්ව ප්‍රතිපත්තිය උල්ලංඝනය කිරීමක් වන අතර, එමඟින් තම සේවාදායකයාගේ පෞද්ගලිකත්වයට දැඩි හානි සිදුකර ඔහුව මාර්ගගත ක්‍රම ඔස්සේ දැඩි අපහාසයට සහ මානසික පීඩාවට ලක් කර ඇති බව නීතිඥවරු අවධාරණය කරති. එමෙන්ම, සිතාමතාම මෙවැනි අසත්‍ය ප්‍රකාශ සහ දර්ශන සන්නිවේදනය කිරීම 2024 අංක 09 දරන මාර්ගගත ක්‍රමවල සුරක්ෂිතභාවය පිළිබඳ පනතේ 20 වැනි වගන්තිය යටතේ ගැනෙන බරපතළ වරදක් බවට ද හෝටල් කළමනාකාරීත්වයේ අවධානයට යොමු කර ඇත.

සම්බන්ධිත පුවත් | Related News

ගෙවිඳු, සෙනෙවිට නඩු දැම්මෙත් නෑ.. සෙනෙවි නිලන්තට නඩු දාන්නෙත් නෑ..

01,

Nov

බුද්ධ ශාසන, ආගමික සහ සංකෘතික කටයුතු පිළිබඳ අමාත්‍ය මහාචාර්ය හිනිදුම සෙනෙවි මහතා පිළිබඳව 2020 නොවැම්බර් 14 දින එක්තරා වෙබ්අඩවියක පළකර තිබූ වාර්තාවක් සම්බන්ධයෙන් 2024 නොවැම්බර් මස 20 වැනි දින ලංකා ලීඩර් (lankaleader) අප ප්‍රවෘත්ති බෙබ් අඩවියේ යම් කරුණු අනාවරණයක් සිදුකරන ලද අතර, එහිදී "මහාචාර්ය හිනිදුම සුනිල් සෙනෙවි නිර්මාණ කොල්ලකරුවන්ගේ ලැයිස්තුවේ?" යනුවෙන් මාතෘකාව යටතේ අප පවසා සිටියේ https://slbookreview.blogspot.com/2020/11/blog-post_14.html නමැති වෙබ් අඩවියේ අමාත්‍යවරයා සම්බන්ධයෙන් කරුණු හෙළිදරව්වක් සිදුකර ඇති බවයි.

වටගල හා ජයකොඩිගේ වත්කම් ගැන අල්ලස් කොමිසමෙන් මුල්‍ය විශුද්ධිකරණය යටතේ පරීක්‍ෂණ..

01,

Nov

මහජන ආරක්ෂක නියෝජ්‍ය අමාත්‍ය සුනිල් වටගල සහ හිටපු බලශක්ති අමාත්‍ය කුමාර ජයකොඩි යන මහත්වරුන්ගේ වත්කම් සම්බන්ධයෙන් පූර්ණ විමර්ශනයක් පැවැත්වීමට අල්ලස් හෝ දූෂණ චෝදනා විමර්ශන කොමිෂන් සභාව තීරණය කර ඇති බව The Sunday Times පුවත්පත වාර්තා කරයි.

අද සිට කාර්යන් රැසකට TIN අංකය අනිවාර්ය වෙයි..

01,

Nov

නිශ්චිත කාර්යයන් කිහිපයක් සිදු කිරීමේදී වලංගු බදු ගෙවන්නා හඳුනාගැනීමේ අංකය හෙවත් TIN අංකය ඉදිරිපත් කිරීම අද (01) සිට අනිවාර්ය වේ.

අමානා ටකාෆුල් සමාගමට එරෙහිව පීපල්ස් ලීසිං ඉදිරිපත් කළ ඇමරිකානු ඩොලර් 700,000ක රක්ෂණ හිමිකම් ඉල්ලීම ශ්‍රේෂ්ඨාධිකරණය ප්‍රතික්ෂේප කරයි..

01,

Nov

2009 වසරේදී ගිලීගිය ‘M.V. Medhufaru’ නැමැති නෞකාව වෙනුවෙන් ඇමරිකානු ඩොලර් 700,000ක රක්ෂණ වන්දියක් අයකර ගැනීම සඳහා පීපල්ස් ලීසිං ඇන්ඩ් ෆයිනෑන්ස් PLC සමාගම විසින් අමානා ටකාෆුල් PLC සමාගමට එරෙහිව ඉදිරිපත් කර තිබූ අභියාචනයක් ශ්‍රේෂ්ඨාධිකරණය විසින් නිශ්ප්‍රභ කර තිබේ.

සතුරන් ත්‍රස්තවාදී ආක්‍රමණයකට මුලපිරුවහොත්, එම ගැටුම අවසන් කරන කාලය සහ කොන්දේසි තීරණය කරන්නේ ඉරානය.. - ප්‍රහාරයට සැරසෙන්නැයි ඉරාන නායකගෙන් හමුදාවට නියෝග..

01,

Nov

ඇමෙරිකාව හෝ ඊශ්‍රායලය විසින් ඉරානය වෙත යළි කිසියම් හෝ හමුදා ප්‍රහාරයක් එල්ල කළහොත්, කිසිදු භූගෝලීය සීමාවකට යටත් නොවී වහාම ක්‍රියාත්මක වන දැවැන්ත ප්‍රතිප්‍රහාර මාලාවක් දියත් කරන බවට ඉරානයේ උත්තරීතර නායක මොජ්තබා ඛමේනි දැඩි අනතුරු ඇඟවීමක් කර ඇතැයි තුර්කියේ 'ඩේලි සබා' පුවත්පත වාර්තා කර සිටියි.

ඇමති සුනිල් සෙනෙවි මේ දවස්වල නෑයන් සොයා යනවා.. සමාජ මාධ්‍යයේ පළවූ පුවතක් ගැන නීතිමය පියවරගන්න ප්‍රවෘත්ති අධ්‍යක්ෂකට බලය දී ඇත්තේ මොන පනතින්ද? - වරුණ රාජපක්ෂ

01,

Nov

ඕනෑම ගමකට ගිය විට තමන්ගේ මිතුරෙකුට එම ගමේ නෑයන් සිටි බව පවසන බවත්, ඇමති සුනිල් පෙනෙවිට ද එබඳුම නෑයන් සිටින බව පෙනෙන බවත්, ධර්මපාලතුමත් ඔහුගේ නෑයකු බවත්, කල්වාරි කන්ද හැදූ අයත් නෑයන් බවත්, හිමුදුරුවරුන් ද නෑදෑයන් බවත් වරුණ රාජපක්ෂ මහතා පවසයි.

ආණ්ඩුව නිලන්ත සත්සර ගමගේ දඩයම් කරන්න සැරසෙනවා.. ඔහු වෙනුවෙන් පෙනී සිටිනවා.. - නීතිඥ ප්‍රියංකර මහගම්මුල්ලගේ

01,

Nov

ආගමික කටයුතු අමාත්‍ය හිනිදුම සුනිල් සෙනෙවි මහතා සම්බන්ධයෙන් සමාජ මාධ්‍යයේ යම් කරුණු හෙළිකිරීමක් සිදුකළ සමාජ මාධ්‍ය ක්‍රියාකාරී නිලන්ත සත්සර ගමගේ මහතා දඩයම් කිරීමට මේ වන විට ආණ්ඩුව සැරසෙන බවත්, ඔහු වෙනුවෙන් කොන්දේසි විරහිතව පෙනීසිටින බවත් සර්වජන බලය මාධ්‍ය ප්‍රකාශක නීතිඥ ප්‍රියංකර මහගම්මුල්ලගේ මහතා පවසයි.

'ස්පර්' සංවිධානයට එරෙහිව ද්වේෂ සහගත අසත්‍ය තොරතුරු සහිත ප්‍රකාශයක් සමාජ මාධ්‍යයේ.. - 'ස්පර්' සංවිධානයෙන් දැඩි ප්‍රකාශයක්

01,

Nov

ශ්‍රී ලංකාවේ භෞමික අඛණ්ඩතාව, ඒකීයභාවය සහ ස්වෛරීභාවය වෙනුවෙන් පෙනී සිටිමින් ඕස්ට්‍රේලියාවේ සිට දශක තුනකට අධික කාලයක් ක්‍රියාත්මක වන 'ස්පර්' (SPUR) සංවිධානයට එරෙහිව සමාජ මාධ්‍ය හරහා පල කර ඇති ද්වේෂ සහගත සහ අසත්‍ය ප්‍රකාශ සම්බන්ධයෙන් එම සංවිධානය සිය දැඩි විරෝධය සහ අවධානය යොමු කර තිබේ.

බ්‍රසීල ජනාධිපති ලූලාගේ ජයග්‍රහණය බ්‍රසීලයට පමණක් සීමා වූවක් නොවේ.. - ආචාර්ය ජගත් චන්ද්‍රවංශ

01,

Nov

බ්‍රසීල ජනාධිපතිවරණයෙන් ලූලා ද සිල්වා ලැබූ ඓතිහාසික ජයග්‍රහණය යනු ඔහුගේ පෞද්ගලික ජයග්‍රහණයකට හෝ බ්‍රසීලයට පමණක් සීමා වූ ජයක් නොව, ගෝලීය දකුණේ සහ බ්‍රික්ස් (BRICS) සංවිධානයේ සමස්ත ප්‍රගතිශීලී කඳවුරේම නැගිටීමක් බව ජාත්‍යන්තර දේශපාලන විශ්ලේෂක ආචාර්ය ජගත් චන්ද්‍රවංශ මහතා පවසයි.

ප්‍රධාන පුවත්

ගෙවිඳු, සෙනෙවිට නඩු දැම්මෙත් නෑ.. සෙනෙවි නිලන්තට නඩු දාන්නෙත් නෑ..

අප මේ ගමන් කරන්නේ මුරුගසං වරුසාව දෙසටද?..

වසර හයකට ආසන්න කාලයක් විවිධ මාධ්‍ය ඔස්සේ ප්‍රචාරය වූ චෝදනාවක් අද අමාත්‍යවරයකුගේ සදාචාරාත්මක වගවීම පිළිබඳ මහජන ප්‍රශ්නයක් බවට පත්ව තිබේ. ඒ සමඟම මේ නිසා මාධ්‍යවල වගකීම, පුරවැසියකුගේ ප්‍රශ්න කිරීමේ අයිතිය සහ රාජ්‍ය බලය භාවිත කිරීමේ සීමා පිළිබඳවද ප්‍රශ්න මතුව තිබේ.

වටගල හා ජයකොඩිගේ වත්කම් ගැන අල්ලස් කොමිසමෙන් මුල්‍ය විශුද්ධිකරණය යටතේ පරීක්‍ෂණ..

සතුරන් ත්‍රස්තවාදී ආක්‍රමණයකට මුලපිරුවහොත්, එම ගැටුම අවසන් කරන කාලය සහ කොන්දේසි තීරණය කරන්නේ ඉරානය.. - ප්‍රහාරයට සැරසෙන්නැයි ඉරාන නායකගෙන් හමුදාවට නියෝග..

ඇමති සුනිල් සෙනෙවි මේ දවස්වල නෑයන් සොයා යනවා.. සමාජ මාධ්‍යයේ පළවූ පුවතක් ගැන නීතිමය පියවරගන්න ප්‍රවෘත්ති අධ්‍යක්ෂකට බලය දී ඇත්තේ මොන පනතින්ද? - වරුණ රාජපක්ෂ

බ්‍රසීල ජනාධිපති ලූලාගේ ජයග්‍රහණය බ්‍රසීලයට පමණක් සීමා වූවක් නොවේ.. - ආචාර්ය ජගත් චන්ද්‍රවංශ

යුරෝපා ආර්ථික අර්බුදය සහ ලංකාවට එහි ඇති බලපෑම ගැන ආසියා ප්‍රගති සංසදයේ කැඳවුම්කරු විනෝද් මුණසිංහගෙන් අනාවරණයක්..

පසුගිය කාලය තුළ යුරෝපා රටවල හටගත් ජනතා විරෝධතා සහ උද්ඝෝෂණ හුදෙක් තාවකාලික සිදුවීම් නොව, නව ලිබරල් ආර්ථික ක්‍රමයේ අසාර්ථකත්වය හමුවේ අලුයට ගිනිපුපුරු මෙන් පවතින ගැඹුරු අර්බුදයක ප්‍රතිඵලයක් බව ආසියා ප්‍රගති සංසදයේ කැඳවුම්කරු විනෝද් මුණසිංහ මහතා පවසයි.

උද්ධමනය 8%ට චුට්ටක් ඉහළ අගයකට ඇවිත් තියෙනවා.. ජනතාවට දුෂ්කරයි.. මැදපෙරදිග යුද්ධය තමයි හේතුව.. - ජනපති

රජයේ අපේක්ෂිත ආදායම් ඉලක්කයන්ට කිසිදු හානියක් නොවන අයුරින්, එළඹෙන අයවැය ලේඛනය මඟින් තෝරාගත් බදු වර්ග කිහිපයක් තවදුරටත් පහත හෙළීමට පියවර ගන්නා බව ජනාධිපති අනුර කුමාර දිසානායක මහතා ප්‍රකාශ කරයි.

ජනාධිපතිවරයා මහා සංඝරත්නයට අවනත වන බව පෙන්වීම පළමු වටයේ දී ජයග්‍රහණයක්.. - ජාතික සංවිධාන කියයි

අනුරාධපුර පූජාභූමි සංවර්ධනය සඳහා ජනාධිපතිවරයා විසින් උපදේශක සභාවක් පිහිටුවීම මගින් මීට පෙර ක්‍රියාකිරීමට උත්සාහ කළ ආකාරයේ වෙනසක් ඇතිවී තිබේද යන්න පිළිබඳව ලංකා ලීඩර් විසින් ජාතික සංවිධානවල මතය විමසන ලදී.

දිවයින පුරා විදුලිය බිඳවැටීමට හේතුව ගැන මූලික වාර්තාවෙන් අනාවරණයක්..

ඔක්තෝබර් 17 වැනිදා දිවයින පුරා සිදුවූ විදුලි බිඳවැටීම ලක්විජය බලාගාරයේ පළමු ජනන යන්ත්‍රයේ විදුලි උත්පාදනය හදිසියේ පහත වැටීමත් සමග ආරම්භ වී ඇති බව ජාතික පද්ධති ක්‍රියාකරු සමාගම (National System Operator – NSO) නිකුත් කළ මූලික විමර්ශන වාර්තාවෙන් අනාවරණය වී තිබේ.

කවුරු කෑගැහුවත් ආණ්ඩුව PSTA ගේනවා.. - ශමීන්ද්‍ර ෆර්ඩිනැන්ඩුගෙන් බරපතළ අනාවරණයක්

ත්‍රස්තවාදය වැළැක්වීමේ පනත (PTA) අහෝසි කරමින් රජය විසින් ගෙන ඒමට යෝජිත "ත්‍රස්තවාදයෙන් රාජ්‍ය ආරක්ෂා කිරීමේ පනත" (PSTA) හිටපු පනතටත් වඩා බරපතල හා දැඩි ස්වරූපයක් ගන්නා බව ප්‍රවීණ මාධ්‍යවේදී ශමීන්ද්‍ර ෆර්ඩිනැන්ඩු මහතා පෙන්වා දෙයි.

ඊශ්‍රායල මැතිවරණ ප්‍රතිඵල, නෙතන්යාහුගේ අනාගතය සහ ජාත්‍යන්තර දේශපාලන ප්‍රවණතා ගැන ආචාර්ය ජගත් චන්ද්‍රවංශගෙන් අනාවරණයක්..

ජාත්‍යන්තර දේශපාලන විශ්ලේෂක ආචාර්ය ජගත් චන්ද්‍රවංශ මහතා "Lanka Voice" යුටියුබ් නාලිකාව සමඟ එක්වෙමින් ලෝක දේශපාලනයේ මෑතකාලීන උණුසුම් මාතෘකා රැසක් සම්බන්ධයෙන් ගැඹුරු විශ්ලේෂණයක් සිදු කර තිබේ.

සරත් වීරසේකරගෙන් කිංස්බරි හෝටලයට එන්තරවාසියක්.. සීසීටීවී දර්ශන විකෘති කර අපහාස කළ බවට චෝදනා..

76 වසරක සාපය කියමින් බලයට ආ ආණ්ඩුවට රටේ කිසිඳු පරිවර්තනයක් කිරීමට උවමනාවක් හෝ හැකියාවක් තිබිලා නෑ.. රනිල් ආපු ට්‍රැක් එකේම තමයි දුවන්නේ.. - වෛද්‍ය වසන්ත බණ්ඩාර

76 වසරක සාපයක් ගැන කියමින් බලයට ආ ආණ්ඩුවට රටේ කිසිඳු පරිවර්තනයක් කිරීමට උවමනාවක් හෝ හැකියාවක් තිබිී නොමැති බවත්, රනිල් වික්‍රමසිංහ ජනාධිපතිවරයා පැමිණි ගමන් මාර්ගයේම ඔවුන්ද රට ගෙනයමින් සිටින බවත් දේශහිතෛෂී ජාතික ව්‍යාපාරයේ මහ ලේකම්, වෛද්‍ය වසන්ත බණ්ඩාර මහතා අවධාරණය කරයි.

ලොව විශාලතම ක්‍රිප්ටෝ මුදල් හුවමාරු මධ්‍යස්ථානය වන Binance සයිබර් ප්‍රහාරයකට ලක්වෙයි

ලොව විශාලතම ක්‍රිප්ටෝ මුදල් හුවමාරු මධ්‍යස්ථානය වන Binance වෙත එල්ල වූ සයිබර් ප්‍රහාරයකින් සිදුවූ බලපෑම ඇමෙරිකානු ඩොලර් බිලියන 6.3ක් පමණ වනු ඇතැයි එම සමාගම ඇස්තමේන්තු කර තිබේ.

AI භීතියකින් වෝල් ස්ට්‍රීට් කැළඹෙයි.. - ගූගල්හි වෙළඳපල අගය ඩොලර් බිලියන 500කින් පහතට..

කෘත්‍රිම බුද්ධි (AI) තාක්ෂණය සඳහා අධික ලෙස මුදල් ආයෝජනය කිරීම සහ එහි ප්‍රධාන ආදායම් මාර්ගවලට එල්ල වී ඇති බලපෑම හේතුවෙන් වෝල් ස්ට්‍රීට් (Wall Street) කොටස් වෙළඳපල ආයෝජකයින් අතර ඇති වූ භීතියත් සමඟ ගූගල් හි මව් සමාගම වන ඇල්ෆබෙට් (Alphabet) හි වෙළඳපල වටිනාකම ඩොලර් බිලියන 500කට වඩා පහත වැටී ඇති බව බීබීසී පුවත් සේවය පවසයි.