76 වසරක සාපය කියමින් බලයට ආ ආණ්ඩුවට රටේ කිසිඳු පරිවර්තනයක් කිරීමට උවමනාවක් හෝ හැකියාවක් තිබිලා නෑ.. රනිල් ආපු ට්‍රැක් එකේම තමයි දුවන්නේ.. - වෛද්‍ය වසන්ත බණ්ඩාර

Oct 30, 2026 at 12:52 PM

|

Lanka Leader

76 වසරක සාපයක් ගැන කියමින් බලයට ආ ආණ්ඩුවට රටේ කිසිඳු පරිවර්තනයක් කිරීමට උවමනාවක් හෝ හැකියාවක් තිබිී නොමැති බවත්, රනිල් වික්‍රමසිංහ ජනාධිපතිවරයා පැමිණි ගමන් මාර්ගයේම ඔවුන්ද රට ගෙනයමින් සිටින බවත් දේශහිතෛෂී ජාතික ව්‍යාපාරයේ මහ ලේකම්, වෛද්‍ය වසන්ත බණ්ඩාර මහතා අවධාරණය කරයි.

වත්මන් ආර්ථික සහ දේශපාලන අර්බුද හමුවේ රට මුහුණ දී තිබෙන අභියෝග මෙන්ම ජාතික ස්වෛරීභාවය ආරක්ෂා කරගැනීම සම්බන්ධයෙන් පුළුල් ජාතික සංවාදයක් නිර්මාණය විය යුතු බවත් ඒ මහතා පවසයි. 

ඒ මහතා මෙම අදහස් පළ කළේ Ahasa News නාලිකාවේ 'බල සටන' (Bala Satana) වැඩසටහනට එක්වෙමිනි. මෙහිදී රටේ ඉදිරි දිශානතියට බලපාන ප්‍රධාන කරුණු රැසක් සම්බන්ධයෙන් ඒ මහතා විසින් ගැඹුරු විශ්ලේෂණයක් ඉදිරිපත් කරන ලදී.

රටේ වත්මන් ආර්ථික තත්ත්වය, ජාතික සම්පත් ආරක්ෂා කරගැනීම සහ ඉදිරිපත් වී ඇති විවිධ පනත් සම්බන්ධයෙන් බරපතළ ගැටලුකාරී තත්ත්වයන් මතුවී ඇති බවත් දේශහිතෛෂී ජාතික ව්‍යාපාරයේ මහ ලේකම්, වෛද්‍ය වසන්ත බණ්ඩාර මහතා පෙන්වා දෙයි.

රට තුළ ක්‍රියාත්මක වන ආර්ථික ප්‍රතිපත්ති නිසා ජනතාව මුහුණපා සිටින දුෂ්කරතා මෙන්ම, ජාතික සම්පත් විකුණා දැමීමේ හෝ විදේශීය බලපෑම්වලට යටත්වීමේ අවදානම් සහගත තත්ත්වයන් පිළිබඳව ඒ මහතා දැඩි ලෙස අවධානය යොමු කළේය.

රටේ නීතිමය රාමුවට සහ ජාතික සුරක්ෂිතතාවයට බලපාන ආකාරයෙන් ගෙන එනු ලබන ඇතැම් මර්ධනකාරී අණපනත් හේතුවෙන් අනාගතයේදී රටට අත්විය හැකි අහිතකර ප්‍රතිවිපාක සම්බන්ධයෙන්ද මෙහිදී පුළුල් ලෙස කරුණු අනාවරණය කරන ලදී.

සවිස්තරාත්මක වීඩියෝව නරඹන්න..