News Category
From Date
To Date
Maximum Number of Result

දේශපාලනය අවසන් නොවේ..


කොමියුනිස්ට් පක්ෂයේ චීන පිළ නියෝජනය කළ උද්‍යෝගීමත් තරුණයෙකු වූ පටබැඳිගේ දොන් නන්දසිරි විජේවීර විසින් 1965 දී ජනතා විමුක්ති පෙරමුණ බිහි කරන ලදි. එවකට ඔහු අවුරුදු 22 ක තරුණයෙකි. විජේවීර ඇතුළු පක්ෂයේ පුරෝගාමියෝ ගම් පුරා දූවිලි වැකි වතින් යුතුව ඇවිදිමින් ග්‍රාමීය ගොවි තරුණයන් ආමන්ත්‍රණය කරමින්, සමාජ අසාධාරණයේ අඳුරු පැතිකඩත්, සාධාරණය උදෙසා සටන් කළ යුතු බවත් උගන්වමින් පක්ෂයේ සාමාජිකත්වය ප්‍රවර්ධනය කරන ලදි. 

එතැන් සිට අවුරුදු 60 ක් ගෙවී ගිය තැන එදා විජේවීර ඇතුළු පුරෝගාමියෝ ගොඩ නැගූ පක්ෂයේ 4වන නායකයා ශ්‍රී ලංකා ජනරජයේ 9 වන විධායක ජනාධිපති ලෙස මහජන ඡන්දයෙන් පත් වී ඇත. ඉතිහාසයේ අවස්ථා 2 කදී ජවිපෙ විසින් සන්නද්ධ ක්‍රියාමාර්ග ඔස්සේ දේශපාලන බලය අත්පත් කර ගැනීමට උත්සාහ කොට ඇත. එම උත්සාහයන් තුළ 50,000 කට අධික පක්ෂ සාමාජිකයන්, හිතවතුන් ඝාතනය විය. ඔවුන් විසින් ප්‍රතිපක්ෂයේ 20,000 ක් පමණ ඝාතනය කරවන ලදි. 2022 ජනතා කැළඹීම සඳහා ද ජවිපෙ අනියමින් සිය නායකත්වය ලබා දුනි.

1990 වසරේ පටන් ප්‍රජාතන්ත්‍රවාදී ප්‍රවාහය තුළ මැතිවරණ ඔස්සේ රටේ දේශපාලන බලයට සමීප වීමට ද ජවිපෙ උත්සාහ කොට ඇත. චන්ද්‍රිකා බණ්ඩාරනායක, මහින්ද රාජපක්ෂ සහ මෛත්‍රීපාල සිරිසේන යන ජනාධිපතිවරුන් පත් කිරීම් සඳහා ජවිපෙ ගිවිසුම්ගතව සිය සහයෝගය ලබා දී ඇත. 1994 සිට අඛණ්ඩව පක්ෂයක් වශයෙන් පාර්ලිමේන්තුව නියෝජනය කොට ඇත. ඇමති සහ නියෝජ්‍ය ඇමති තනතුරු දරා ඇත.

ජවිපෙ සතුව රට පුරා පැතිරී ගිය 300,000 කට අධික පක්ෂ සාමාජිකත්වයක් ඇත. එය ඔවුන්ගේ ශක්තියයි. පක්ෂයේ ජනප්‍රියත්වය අන්තිම බිංදුවට වැටී ගිය තැන්වලදී පවා නොවෙනස් වූ ඒ ධෛර්‍යමත් "ජෙප්පන්" එලෙස හැඩ ගස්වා ඇත්තේ පක්ෂය සතුව පවතින අධ්‍යාපන යාන්ත්‍රණය තුළිනි. දැන් ලැබී ඇති ජයග්‍රණය ඔස්සේ එම පක්ෂ කාඩරය තවත් 5 ගුණයකින් පමණ ඉහළ දමා ගැනීමට ජවිපෙ සමත් වනු ඇති බව මගේ ගණන් බැලීමයි. ඔවුන් ඕනෑම දුෂ්කර තත්ත්වයකදී වුවත් සිය පක්ෂයේ දේශපාලන මණ්ඩලය විසින් ගනු ලබන තීරණ වෙනුවෙන් බිම් මට්ටම තුළ කොන්දේසි විරහිතව පෙනී සිටිනු ඇත.

ජවිපෙ විසින් රටේ දේශපාලන බලය අත්පත් කර ගැනීම අහම්බයක් නොවේ. බලය ලබා ගැනීම සඳහා ඔවුන් දැඩි කැප කිරීම් සිදු කොට තිබේ. ප්‍රවාද මතවාද ගොඩනංවමින් ජන මනස හැසිරවීම් පිළිබඳව හසළ පළපුරුද්දක් ලබා තිබේ. පසුගිය දශක 4 ක පමණ කාලය තුළ රටේ පවතින වෘත්තීය සමිති ව්‍යාපාරය සහ ශිෂ්‍ය ව්‍යාපාරය මුළුමනින්ම පාහේ මෙහෙයවන ලද්දේ ජවිපෙ විසිනි. දැන් ඔවුන් මුද්‍රණය කොට ජනගත කරන ලද වැඩපිළිවෙල  ක්‍රියාත්මක කළ යුතු අවස්ථාවයි.

මා ජවිපෙට සුබ පතමි. ඒ සුබ පැතීම ඉතා අවංක එකක් බව සිහිපත් කරමි. කවරෙකු හෝ රටේත් ජනතාවගේත් සමෘද්ධිය උදෙසා කටයුතු කරන්නේ නම් එය අපගේ සතුටට හේතුවකි. නමුත් අපගේ දේශපාලනය එතැනින් අවසන් නොවන බැවින් අප තවදුරටත් දේශපාලනයේ නියැළෙන්නෙමු.

බොහෝ දෙනා ජවිපෙ 88/89 ක්‍රියාකාරීත්වය අපහාසාත්මක ලෙස විවේචනය කරද්දීත්, ජවිපෙ වත්මන් නායකයන් එම විවේචනවලට පිළිතුරු ලබා දීම මගහරිද්දීත් මා ඒ දෙස බැලුවේ වෙනත් ඇසකිනි. ඉන්දු ලංකා ගිවිසුම ඔස්සේ ඉන්දියාව විසින් සිදු කළ බලහත්කාරී මැදිහත්වීමට එදිරිව කටයුතු කළ දේශප්‍රේමීන් සියළු දෙනා රට වෙනුවෙන් කැපකිරීම් සිදු කරන ලද්දන් බව මා එදාත් අදත් දරණ ස්ථාවරයයි. ග්‍රාමීයව එලෙස කටයුතු කළ අති බහුතර තරුණයෝ එම කැප කිරීම් සිදු කළේ දේශප්‍රේමීත්වයේ නාමයෙනි. විජේවීර විසින් ලියා පළ කළ 'දෙමළ ඊලාම් අරගලයට විසඳුම කුමක් ද?' කෘතිය එම බෙදුම්වාදී ප්‍රශ්නය පිළිබඳව මා හට දෘෂ්ටිවාදී බලපෑමක් ඇති කළ කෘතියකි. රනිල්ගේ ඊනියා සාම ක්‍රියාදාමයට එරෙහිව 'දේශ හිතෛෂී ජාතික ව්‍යාපාරය' ඔස්සේ ජවිපෙ සිදු කළ මැදිහත්වීමට අප ස්තුති පූර්වක වේ. 

එහෙත් ජවිපෙ විසින් වත්මනෙහි යෝජනා කරන වැඩපිළිවෙල සම්බන්ධයෙන් ප්‍රතිපත්තිමය නොඑකඟතා රාශියක් අප සතුව පවතී. ඒවා ප්‍රශ්න කිරීමටත්, ඒ මත පිහිටා ජනතාව සංවිධානය කිරීමටත් අප කටයුතු කරන්නෙමු. නමුත් කිසිඳු අයුරකින් රාජ්‍යයේ ස්ථාවරත්වයට බලපෑම් ඇති කිරීම අපගේ භාවිතාව නොවේ. රාජ්‍යයේ ස්ථාවරත්වය අපගේ අංක 01 ප්‍රමුඛතාවයයි.

අප නියෝජනය කරන ජාතිකත්ව කඳවුර නිවැරදිව සංවිධානය කිරීම ඉදිරි දේශපාලන කටයුතු සඳහා මේ මොහොතේ ගත යුතු පළමු පියවරයි. ඊනියා නායකයන් ලෙස පෙනී සිටි ඇතැම් උද්දච්ච මිනිසුන්ගේ ක්‍රියාකාරීත්වය මෙම කඳවුරෙහි ශක්තිය දුර්වල කිරීමට සාධක වී ඇත. සන්ධානගත දේශපාලන පුරුදු ඔස්සේ ප්‍රාග්ධනය මත යැපීමට ජාතිකත්ව කඳවුර හුරු කරනු ලදුව පවතී. වහාම මින් අත්මිදිය යුතු ය. නිශ්චිත මාර්ග සැළැස්මක් මුල් කරගත්, දේශපාලන අධ්‍යාපනයෙන් බල ගැන්වුණු ක්‍රියාකාරිකයන්ගෙන් සමන්විත දේශපාලන ව්‍යාපාරයක් ගොඩ නැගිය යුතුය.

අප විශ්වාස කරන සභ්‍යත්ව රාජ්‍ය ගොඩ නැංවීම සඳහා අප විසින් නායකත්වය ලබා දිය යුතුය. දේශපාලනය අවසන් නොවන බව සිහි තබා ගනිමින් හෙට අවැසි දේශපාලනය සඳහා පෙළ ගැසිය යුතුය. 

-පැතුම් ඒ. රණසිංහ-

සම්බන්ධිත පුවත් | Related News

ශ්‍රේෂ්ඨාධිකරණ විනිසුරු ජනක් ද සිල්වාගේ සභාපතිත්වයෙන් කෙරුණු ජනාධිපති කොමිසමේ වාර්තාවේ මෙතෙක් අවධානයට ලක් නොවූ සුවිශේෂී කාරණයක් තිබෙනවා.
ඊයේ මම දැක්කා කාදිනල්තුමා කියනවා උදය ගම්මන්පිළ පෙන්නපු වාර්ථාව එයා පිළිගන්නේ නෑ, එයා පිළිගන්නේ සිරිසේන පත්කරපු ගෝඨාභය අවසන් කරපු ජනාධිපති කොමිසමේ නිර්දේශ විතරයි කියලා.
විශ්‍රාමික විනිශ්චකාරවරුන් ගෙන් සැදුම්ලත් ජනාධිපති විමර්ශණ වාර්ථා දෙකකින් එකක නිර්දේශ ඊයේ දින (21.10.24) උදය ගම්මන්පිළ සමාජගත කරන ලදි.
ගමිමන්පිළ එළි කරපු විජිත හේරත් අපහාස කරන හිටපු විශ්‍රාමලත් (ඔය කියන වැඩ තහනමෙන් පස්සේ මහේස්ත්‍රාත් අධිකරණයෙන් මහාධිකරණයේ විනිසුරුවරියක් ලෙස ඉහළට ගිය) කෑගල්ල මහාධිකරණ ප්‍රධාන විනිශ්චකාර පදවිය දැරූ ආඩම්බරකාරගේ අලිවිස් මහත්මිය හරහා හිටපු ජනාධිපති රනිල්ට කරුණු දැන ගැනීමට පත්කල විමර්ශණ වාර්ථාවේ ඇත්තටම ගත යුත්තක් නැද්ද?
Question: Let me commence with BRICS. A significant number of countries, approximately 30 or perhaps more, have voiced their intention to join this group. Notably, Türkiye, a NATO member, which was rather surprising to me. Conversely, it has been reported that Kazakhstan, through the statement of President Kassym-Jomart Tokayev's Press Secretary, has expressed no intention of joining BRICS in the foreseeable future. Why is there such activity and interest in this group of nations? Why is everyone invited to join it? What are the future prospects for BRICS? Is it not in competition with other international entities?
පසුගිය ජනපතිවරණයේ ප්‍රථිඵල ලැබීමෙන් පසුව පෙර සබඳතා සිහිකරමින් හා සුබපතමින් විමල් වීරවංශ ඊළඟ පාර්ලිමේන්තු මැතිවරණයෙන් ඉවත් වුනා. විමල්ගේ එම ක්‍රියාව වාම කඳවුරේ ජයකින් අභිප්‍රේරණයක් නිසා සිදුවූ අනිච්ඡානුගත ක්‍රියාවක්ද යන්න තවම පැහැදිලි නැතිමුත් විමල්ගේ එම සුබපැතුම 3% නේ ජවිපාවෙක් හා මාලිමා ප්‍රභලයෙක් විසින් ඉතා අවඤ්ඤා සහගතව බැහැර කර තිබුනා
පාස්කු ප්‍රහාරය පිළිබඳව කොමිෂන් සභා වාර්තාව ජනතා ලියැවිල්ලක් බවට පත් කළ යුතු යැයි? මෙලෙස කියන්නේ අප නොවේ..
වර්තමානයේ රටේ සමස්ත අධ්‍යාපනය දැඩි අර්බුදයක පවතින බවත්, දශක ගණනාවක සිට ක්‍රමයෙන් වර්ධනය වූ මෙම අර්බුදය අද තීරණාත්මක තැනකට එළඹී ඇති බවත් විශේෂඥ වෛද්‍ය හැරිස් පතිරගේ මහතා පවසයි.
අද (ඔක්තෝබර් 10) ලෝක මානසික සෞඛ්‍ය දිනයයි. ලෝක මානසික සෞඛ්‍ය දිනයේ අරමුණ වන්නේ ලොව පුරා මානසික සෞඛ්‍ය ගැටලු පිළිබඳව දැනුවත් කිරීම සහ මානසික යහපැවැත්ම සඳහා ඉහළ මට්ටමේ සහයෝගයක් ලබා දීමයි.

ප්‍රධාන පුවත්

ශ්‍රී ලංකාවේ සංවර්ධන අවශ්‍යතා පිළිබඳ සම්පූර්ණ ඇගයීමක් කිරීමට චීනය කටයුතු කරනවා - ශ්‍රී ලංකාවේ චීන තානාපති

නව වසරේදී ශ්‍රී ලංකාවේ නව රජයේ සංවර්ධන අවශ්‍යතා පිළිබඳ සම්පූර්ණ ඇගයීමක් කිරීමට චීන රජය කටයුතු කරන බවත්, එහිදී ශ්‍රී ලාංකිකයින් වැඩි පිරිසකට චීනයේ දී පුහුණු ලබාදීමටත් එම පුහුණු වැඩසටහන් නිශ්චිත විෂයන්ට අදාළව වඩාත් ඵලදායී ආකාරයට සිදුකිරීමට අපේක්ෂා කරන බවත් මෙරට චීන තානාපති Qi Zhenhong මහතා පවසයි.

බොරු කියපු නිසා හරිනි අග්‍රාමාත්‍ය ධුරයෙන් ඉල්ලා අස්විය යුතුයි - හිටපු ජනපති රනිල් කියයි

උදය ආර් සෙනෙවිරත්න වාර්තාව සම්බන්ධයෙන් අසත්‍ය ප්‍රකාශ කිරීම සම්බන්ධයෙන් අග්‍රාමාත්‍ය ධුරයෙන් හරිනි අමරසූරිය මහත්මිය ඉල්ලා අස්විය යුතු බවත් අසත්‍ය පැවසූ පසු ඉල්ලා අස්වීම සම්ප්‍රදායක් බවත් හිටපු ජනාධිපති රනිල් වික්‍රමසිංහ මහතා පවසයි.

"The Island" පුවත් පතේ ලින් ඔකර්ස් දෙබිඩි පිළිවෙතක් අනුගමනය කරන්නන් විසින් මෙහෙයවනු ලබන්නෙක්දැයි සැකයි - ශ්‍රී ලංකාවේ රුසියානු තානාපති කාර්යාලය

අද (31) "The Island" පුවත් පතේ පලවූ "Economic stress set to heighten globally as conflicts rage (ගැටුම් උග්‍ර වන විට ගෝලීය වශයෙන් ආර්ථික පීඩනය ඉහළ යයි)" ලිපියේ සඳහන් සාවද්‍ය කරුණු සම්බන්ධයෙන් රුසියානු තානාපති කාර්යාලය සිය නොසතුටට පළ කර සිටියි.

කියුබාවට අත නොතබනු!එක්සත් ජාතීන්ගේ සංවිධානයේදී ලෝක ජනයා ඇමරිකාවට තදින් කියයි

දශක හයකට වැඩි කාලයක් කියුබාවට එරෙහිව වොෂින්ටනය පනවා ඇති සම්බාධකවලට එරෙහිව ජාත්‍යන්තර ප්‍රජාව නැවත වරක් එක්සත් ජාතීන්ගේ මහා මණ්ඩලයේදී ඊයේ(30) ඔවුන්ගේ ඡන්දය ප්‍රකාශ කළේය.

පාස්කු ප්‍රහාර විමර්ශන කමිටු වාර්තාවලින් චෝදනා ලැබූ රවි, ශානි රජයේ ඉහළ තනතුරුවල රඳවා ගැනීම සදාචාරාත්මක ද? - ගෝලීය ශ්‍රී ලාංකික සංසදය ජනපති අනුරගෙන් අසයි

පාස්කු ප්‍රහාරය පිළිබඳව ජනකි අල්විස් කොමිසමේ නිර්දේශ නිරාවරණය වූ පසුව ශානි අබේසේකර හා රවි සෙනවිරත්න යන අයවළුන් තවදුරටත් පාස්කු ප්‍රහාරය සෙවීමේ කාර්යයට සහ පොලිසියේ සහ අපරාධ පරීක්ෂණ දෙපාර්තමේන්තුවේ ඉහල තනතුරුවල රඳවා ගැනීම සදාචාරාත්මක නොවන බව පෙන්වා දෙමින් ගෝලීය ශ්‍රී ලාංකික සංසදය ජනාධිපතිවරයා වෙත නිවේදනයක් යොමුකර තිබේ.

මග පෙන්වන විපක්ෂයක භූමිකාව ඉෂ්ඨ කිරීම වෙනුවෙන් මැතිවරණයට ඉදිරිපත් වෙනවා... තරුණ්‍යයේ හීන මියගිය බිමක එම හීන යථාර්ථයක් කිරීම වෙනුවෙන් කැප වෙනවා - උවිඳු මහනුවරදී කියයි

2024 පාර්ලිමේන්තු මැතිවරණය සඳහා දෙවන පරපුර පක්ෂයෙන් මහනුවර දිස්ත්‍රික්කයට තරග වදින අපේක්ෂකයන්ගේ ජය තහවුරු කිරීමේ ජනහමු මාලාව දෙවන පරපුරේ නායක, උවිඳු විජේවීර මහතාගේ සහභාගීත්වයෙන් පෙරේදා (29) දින දිස්ත්‍රික්කයම ආවරණය වන පරිදි පැවැත්විණි.

රන්ජන්ගේ පක්ෂය පුපුරයි! ඇතුළේ ගේම් රැසක් හෙළිවෙයි (වීඩියෝ)

එක්සත් ප්‍රජාතන්ත්‍රවාදී හඬ පක්ෂය කාගෙදැයි ප්‍රශ්නයක් මතුවී ඇති බවත්, ව්‍යවස්ථාව කුමන පක්ෂයකදැයි ප්‍රශ්නයක් පැන නැගී ඇති බවත් එක්සත් ප්‍රජාතන්ත්‍රවාදී හඬ පක්ෂයේ අපේක්ෂකයන් ප්‍රශ්න කරයි.

රවි සහ ශානි පාස්කු ප්‍රහාරයේ විමර්ශන සිදු කළ යුතුම යැයි ආණ්ඩුව කියන්නේ ඊබ්‍රහීම්ව බේරගන්න... තමන්ගේ සගයන් බේරාගන්න ආණ්ඩුව රටේ නීතියේ ආධිපත්‍ය කුඩුපට්ටම් කරන්න සැරසෙනවා - ගම්මන්පිලගෙන් ආණ්ඩුවට දැඩි ප්‍රහාරයක් (වීඩියෝ)

ආණ්ඩුව පාස්කු ප්‍රහාරය පිළිබඳව විර්ශනය කළ කමිටු වාර්තා දෙකම ප්‍රතික්ෂේපකර ඇති බවත්, අල්විස් කමිටු වාර්තාව ප්‍රතික්ෂේප කරන අවස්ථාවේ විජිත හේරත් ඇමැතිවරයා හේතුව ලෙස පැවසුවේ සභාපති විනිසුරුවරියට විෂමාචාර චෝදනා ඇති නිසා එම කමිටු වාර්තාව ප්‍රතික්ෂේප කරන බව යැයි ද, එහෙත් එම විනිසුරුවරිය විෂමාචාර චෝදනාවට වැරැදිකරු බවට ඔප්පුකරන ලෙස තමන් පැවසූ විට ඇමැතිවරයා නිහඩව සිටි බවත්, එබැවින් ඔහු පැවසූ බොරුව දැන් හෙළිවී ඇති බවත් පිවිතුරු හෙළ උරුමයේ නායක, හිටපු පාර්ලිමේන්තු මන්ත්‍රී උදය ගම්මන්පිල මහතා පවසයි.

ලංකාවේ මැණික් හා ස්වර්ණාභරණ කර්මාන්තය නගාසිටුවීමට රුසියාවේ සහාය ලබාදෙන බව ශ්‍රී ලංකාවේ රුසියානු තානාපති පොරොන්දු වෙයි

විදේශ කටයුතු අමාත්‍ය විජිත හේරත් මහතාගේ ප්‍රධානත්වයෙන් ජාතික මැණික් හා ස්වර්ණාභරණ අධිකාරිය විසින් සංවිධානය කරන ලද “Gem Sri Lanka 2025 ප්‍රදර්ශනය” හඳුන්වාදීමේ වැඩසටහනට ඊයේ(29) දින රුසියානු තානාපති ලෙවන් ධගාරියන් මහතා සහභාගී විය.

අනාගත චීන-එක්සත් ජනපද සබඳතා මහා බල ගැටුමේ ඛේදවාචකය සම්බන්ධයෙන් මම ඉදිරිපත් කරන න්‍යාය වැරදි බව ඔප්පු ඇතැයි මම බලාපොරොත්තු වනවා- චිකාගෝ විශ්ව විද්‍යාලයේ මහාචාර්ය ජෝන් මර්ෂයිමර්

2024 වර්ෂයේ ඔක්තෝබර් මස මැද භාගයේදී, චිකාගෝ විශ්ව විද්‍යාලයේ, 77 හැවිරිදි මහාචාර්ය John Mearsheimer (ජෝන් මර්ෂයිමර්) චීනයේ චාරිකාවක නිරත විය. ඔහු චීන විශ්ව විද්‍යාල කිහිපයක දේශන පැවැත්වූ අතර සින්හුවා විශ්ව විද්‍යාලයේ ජාත්‍යන්තර අධ්‍යයන ආයතනයේ අධ්‍යක්ෂ ‍Yan Xuetong සමඟ ගෝලීය අනුපිළිවෙල සහ එක්සත් ජනපද-චීන ​​සබඳතා පිළිබඳ විවාදයක නිරත විය. ඡායාරූප ගැනිමට සහ සුහද සාකච්ඡාවට වෙන් කර තිබූ කාලය අතරතුර, චීන පාඨකයින් විසින් ඔහුව උණුසුම් ලෙස පිළිගනු ලැබීය.

රනිල්ට උත්තර දෙන්න හරිනි බබාට බැරිනම් විජිත හේරත්ට හෝ අනුර දිසානායකට කොන්ද පණ තියෙන්න ඕනෙ! - ලංකා ලීඩර් පාඨක ප්‍රතිචාර

"සියල්ල හරියට කරලා රට බාරදුන්නා... දැන් තියෙන්නෙ කරගෙන යන්න පමණයි... හරිනි ව්‍යවස්ථාව දන්නේ නැතිනම් කියල දෙන්න පුලුවන්" යැයි හිටපු ජනපති රනිල් වික්‍රමසිංහ මහතා විසින් සිදුකළ ප්‍රකාශය පිළිබඳව අගමැති හරිනි අමරසූරිය විසින් පිළිතුරු නොබැඳීම පිළිබඳව ලංකා ලීඩර් පාඨකයන් විසින් අදහස් යොමුකරති. එම අදහස්වල සම්පිණ්ඩනය මෙසේ දැක්විය හැකිය.

විජිත හේරත් ඇමැතිවරයා සතුරන්ගේ ප්‍රශ්නවලට පිළිතුරු බැඳීම වෙනුවට තමන් කරන්නේ කුමක්දැයි කියනවා නම් වඩා හොඳයි - ජාතික සංවිධානවලින් අවවාදයක්

නව රජය විසින් මුදල් අච්චු ගැසීම පිළිබඳව එල්ලවන චෝදනා සහ ඊට අමාත්‍ය විජිත හේරත් ලබාදෙන පිළිතුරු පිළිබඳ ලංකා ලීඩර් ජාතික සංවිධානවල මතය විමසන ලදී.

රාජ්‍ය සේවක වැටුප් වැඩිකිරීම තීරණය වෙන්නේ භාණ්ඩාගාරයේ ඇති මුදල් අනුව... ලබන අවුරුද්දේ පඩි වැඩිකරනවා, හැබැයි තාම ගාණක් කියන්න බැහැ - ඇමැති විජිත කියයි

රජයේ සේවකයන්ට, පෞද්ගලික අංශයේ සේවකයන්ට දීමනා ලබාදීමට කැමැති වුවත්, භාණ්ඩාගාරයේ ඇති මුදල් අනුව එය තීරණය වන බවත්, ජනවාරියේ සිට රාජ්‍ය සේවකයන්ගේ වැටුප් වැඩි කිරීමට හිටපු ජනාධිපතිවරයා මුදල් වෙන් කිරීමක් කර නොමැති බවත් අමාත්‍ය විජිත හේරත් මහතා පවසයි.

කියුබාවට පනවා ඇති සම්බාධක වහාම ඉවත් කරනු! අමෙරිකා එක්සත් ජනපදයේත් ලතින් අමෙරිකානු රටවලත් විරෝධතා

කියුබාව ත්‍රස්ත ලැය්ස්තුවෙන් ඉවත් කරන ලෙසත් එක්සත් ජාතීන්ගේ මහා මණ්ඩලයේදී කියුබාවට එරෙහිව පනවා ඇති සම්බාධක ඉවත් කරන ලෙස ඉදිරිපත්වන යෝජනාව සම්බන්ධයෙන් එක්සත් ජාතීන්ගේ මහා මණ්ඩල සැසියේදී ඡන්ද විමසීමට පෙර නිව් යෝර්ක්, ලොස් ඇන්ජලීස් සහ අනෙකුත් එක්සත් ජනපද නගරවල විරෝධතා පැවැත්වූ බව විදෙස් පුවත් සේවා පවසයි.

© 2024 Lanka Leader All Rights Reserved. | 
Powered By Smart eCampaign.