22 ට 2/3ක් ලැබී සම්මත වේවිද?....
ප්‍රජාතන්ත්‍රවාදී පාලන ක්‍රමයේ මුලික අඩිතාලම වන්නේ ව්‍යවස්ථාදායකය, විධායකය සහ අධිකරණය අතර පවතින බලතුලනය සහ ස්වාධීනත්වයයි. ශ්‍රේෂ්ඨාධිකරණ හා අභියාචනාධිකරණ විනිසුරුවරුන්ගේ විශ්‍රාම යෑමේ වයස් සීමාව වසර දෙකකින් (අවුරුදු 65 සිට 67 දක්වා) දීර්ඝ කිරීම අරමුණු කරගත් 22 වන ආණ්ඩුක්‍රම ව්‍යවස්ථා සංශෝධන යෝජනාව, මෙරට නීතිමය සහ දේශපාලනික ක්ෂේත්‍රය තුළ දැඩි සංවාදයකට ලක්වූ මාතෘකාවකි.
මෙම සංශෝධනයට පක්ෂව ඉදිරිපත් වන ප්‍රධාන තර්කය වන්නේ පරිණත හා විශාල අත්දැකීම් සම්භාරයක් සහිත ජ්‍යෙෂ්ඨ විනිසුරුවරුන්ගේ සේවය තවත් කාලයක් ලබා ගැනීමට හැකිවීමයි. අධිකරණ පද්ධතියේ පවතින නඩු ප්‍රමාදය අවම කිරීමට සහ විනිශ්චයකාරවරුන්ගේ ජ්‍යෙෂ්ඨත්වය මත පදනම් වූ ගුණාත්මකභාවය පවත්වා ගැනීමට මෙය හේතුවක් වන බවට රජය පාර්ශවයෙන් තර්ක කෙරිණි.
කෙසේ වෙතත්, මෙම ව්‍යවස්ථා සංශෝධනය ඉදිරිපත් වූ ආකාරය සහ එහි පසුබිම දෙස බලන විට බරපතල ප්‍රශ්නාර්ථයන් මතුවේ. ප්‍රධානතම ගැටලුව වන්නේ මෙවැනි සංශෝධනයක් දැනට සේවයේ නිරත වත්මන් විනිසුරුවරුන්ට ක්ෂණිකව බලපාන පරිදි සකස් කිරීමයි. යම් නීතියක් සම්මත කළ යුත්තේ පොදු යහපත උදෙසා මිස, දැනට තනතුරුවල සිටින නිශ්චිත පුද්ගලයන්ගේ ධුර කාලය දීර්ඝ කිරීමේ අරමුණින් නොවේ. වත්මන් අග්‍රවිනිශ්චයකාරවරයා ඇතුළු ජ්‍යෙෂ්ඨ විනිසුරුවරුන් විශ්‍රාම යාමට ආසන්නව තිබියදී මෙවැනි සංශෝධනයක් වේගවත්ව ගෙන ඒම තුළින්, විධායකය සහ අධිකරණය අතර යම් අනිසි සබඳතාවයක් පවතින බවට චෝදනා එල්ල වීම බැහැරකල නොහැක. ජනමාධ්‍යවල ජනාධිපතිවරයාට වත්මන් අගවිනිසුරුතුමා තව වසර දෙකක් සේවයේ රඳවාගෙන සිටීමට අවශ්‍යය යැයි තම පක්ෂ මූලස්ථානයේදී පවසා සිටියා යැයි සඳහන්වීම මෙම සැකය වර්ධනය වීමට පසුබිම්ව ඇත.
විශේෂයෙන්ම, මෙම ව්‍යවස්ථා සංශෝධනය සම්බන්ධයෙන් ශ්‍රේෂ්ඨාධිකරණය හමුවේ පැවැති පෙත්සම් විභාගයේදී විනිසුරු මඬුල්ල පත්කිරීමේ ක්‍රියාවලිය පිළිබඳවද බරපතල විවේචන එල්ල විය.
* සම්පූර්ණ විනිසුරු මඬුල්ලක් (Full Bench) නොදීම: මෙම සංවේදී ආණ්ඩුක්‍රම ව්‍යවස්ථාමය කරුණ විභාග කිරීම සඳහා ශ්‍රේෂ්ඨාධිකරණයේ සමස්ත විනිසුරු මඬුල්ලම (Full Bench) කැඳවන ලෙස ඉල්ලීම් තිබුණද, එවකට සිටි විනිසුරුවරුන් 13 දෙනාගෙන් යුත් සම්පූර්ණ මඬුල්ල වෙනුවට පස්දෙනෙකුගෙන් යුත් විනිසුරු මඬුල්ලක් පමණක් පත්කිරීම ගැටලුසහගත විය.
* ජ්‍යෙෂ්ඨත්වය මඟහැරීම සහ අභිමතය පිළිබඳ සැකය: අග්‍රවිනිශ්චයකාරවරයාට නඩු විභාග සඳහා විනිසුරු මඬුලු පත්කිරීමේ අභිමතයක් සහ බලයක් නීතියෙන් හිමිව තිබුණද, එම අභිමතය තර්කානුකූල විය යුතු අතර කිසිසේත්ම මහජන සැකයට භාජනය නොවිය යුතුය. නමුත් මෙහිදී ජ්‍යෙෂ්ඨත්වයෙන් 2, 3, 4 සහ 5 වන ස්ථානවල සිටි ජ්‍යෙෂ්ඨ විනිසුරුවරුන් සම්පූර්ණයෙන්ම මඟහැර, ජ්‍යෙෂ්ඨත්වයෙන් අඩුම එනම් 13 වන ස්ථානයේ සිටි විනිසුරුවරයා පවා පංච පුද්ගල මඬුල්ලට පත්කිරීමට කටයුතු කර තිබිණි.
* සංශෝධනයේ අරමුණටම පටහැණි වීම: රජය මෙම සංශෝධනය ගෙන ඒමට ඉදිරිපත් කළ ප්‍රධාන අභිප්‍රාය වූයේ "ජ්‍යෙෂ්ඨ විනිසුරුවරුන්ගේ සේවය සහ පරිණතභාවය වැඩි කාලයක් ලබාගැනීම" යන්නයි. නමුත් එකී ව්‍යවස්ථා සංශෝධනයේ නීතිමය භාවය විනිශ්චය කිරීමට ජ්‍යෙෂ්ඨතම විනිසුරුවරුන් මඟහැර කටයුතු කිරීම තුළින්, රජය සහ අධිකරණය කියන කතාව සහ ප්‍රායෝගික ක්‍රියාකලාපය අතර පවතින පරස්පරතාව මැනවින් පැහැදිලි වේ.
මෙලෙස ජ්‍යෙෂ්ඨත්වයේ අනුපිළිවෙල සහ සම්ප්‍රදායන් උල්ලංඝනය කරමින් විනිසුරු මඬුල්ල පත්කිරීම මඟින්, අග්‍රවිනිශ්චයකාරවරයාගේ අභිමතය පවා දැඩි ලෙස ප්‍රශ්න කෙරුණු අතර, එම ක්‍රියාවලිය විනිවිදභාවයෙන් තොර සහ දූෂිත ස්වරූපයක් ගන්නා බවට මහජනතාව සහ නීති ක්ෂේත්‍රය තුළ ප්‍රබල සැකයක් නිර්මාණය විය.
එක අතකින් ජේෂ්ඨත්වයෙන් තොර විනිසුරුවරුන් විනිශ්චය මංඩලයට පත්කරන අතර අධිකරණ කටයුතු භාර ඇමතිතුමා විසින් තීන්දුව ජනමත විචාරණයකින් තොරව පාර්ලිමේන්තුවේ 2/3 ක ඡන්දයකින් පමණක් සම්මත කරගැනීමට හැකිවන සේ ලැබේවි යැයි පුරෝකතනයකින් සැකයක් ඇති කිරීමද අධිකරණයේ ස්වාධීනත්වය හා මඬුල්ලේ සංයුතිය පිළිබඳව අවිශ්වාසය තීව්ර කරයි.
අධිකරණයේ ස්වාධීනත්වය සුරැකීමට නම් අධිකරණය සහ විධායකය අතර පැහැදිලි පරතරයක් තිබිය යුතුය. විධායකය හෝ අධිකරණයේ ඉහළ නිලධාරීන් විසින් තම වාසිය උදෙසා මෙවැනි තීන්දු ගන්නේ යැයි සමාජගත වුවහොත්, එය අධිකරණය කෙරෙහි මහජනතාව පමණක් නොව ජාත්‍යන්තරයද තබා ඇති විශ්වාසය සම්පූර්ණයෙන්ම බිඳ වැටීමට හේතුවේ.
අවසාන වශයෙන්, විනිසුරුවරුන්ගේ විශ්‍රාම වයස දීර්ඝ කිරීම ප්‍රතිපත්තියක් ලෙස සාකච්ඡා කළ හැකි වුවත්, එය ක්‍රියාත්මක කළ ආකාරය, ඊට අදාළ කාලවේලාව සහ විනිසුරු මඬුලු පත්කිරීමේදී සිදුවූ අක්‍රමිකතා පිළිබඳ දැඩි විවේචනයක් පවතී. අධිකරණයේ ස්වාධීනත්වය යනු හුදෙක් නීති පොතට පමණක් සීමා නොවී මහජනතාවගේ මනස තුළද තහවුරු විය යුත්තකි. එම නිසා, අනාගතයේදී මෙවැනි ව්‍යවස්ථාමය වෙනස්කම් සිදුකිරීමේදී පුද්ගල සාධකවලින් තොරව, පුළුල් සංවාදයකින් හා විනිවිදභාවයෙන් යුතුව සමස්ත රටේම අනාගත යහපත උදෙසා පමණක් කටයුතු කිරීම වගකිවයුතු රජයක වගකීම වේ.
- යසස් ධර්මදාස
සම්බන්ධිත පුවත් | Related News
ප්‍රධාන පුවත්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..
මහානායක අතිපූජ්‍ය ඕමාරේ කස්සප නායක හිමියන් විපක්ෂ නායක හිරවෙන ප්‍රශන 3ක් අහලා..
අද, හෙට සහ අනිද්දා දීප ව්‍යාප්ත විදුලි කප්පාදුවක්..