ස්වාමීනි! ඔබ අගවිනිසුරු වුවත් දෙවියන්වහන්සේ නොවේ..

Sep 6, 2026 at 04:18 PM

|

Lanka Leader

22 වන ආණ්ඩුක්‍රම ව්‍යවස්ථා සංශෝධනයට එරෙහිව ශ්‍රේෂ්ඨාධිකරණය හමුවේ ඉදිරිපත් වූ පෙත්සම් 67ක් විභාගයට ගැනීමේ ක්‍රියාවලිය සහ එහිදී අගවිනිසුරුවරයා කටයුතු කළ ආකාරය සම්බන්ධයෙන් දැඩි විවේචන එල්ල වෙමින් පවතින බව ප්‍රවීන මාධ්‍යවේදී ධර්මශ්‍රී කාරියවසම් මහතා සිය යූටියුබ් නාලිකාව ඔස්සේ අනාවරණය කරයි.

පෙත්සම් විභාගයේදී මතුවූ ප්‍රධාන ගැටලු:

විනිසුරු මඩුල්ල පත්කිරීම: අගවිනිසුරුවරයාගේ ධුර කාලය දීර්ඝ වීමටද අදාළ වන මෙම සංශෝධනය විභාග කිරීමට, ජ්‍යේෂ්ඨතම විනිසුරුවරුන් මඟහරිමින් පස්පුද්ගල විනිසුරු මඩුල්ලක් පත්කිරීම සහ එහි මුලසුන අගවිනිසුරුවරයාම දැරීම 

පූර්ණ විනිසුරු මඩුල්ලක් නොදීම: පෙත්සම්කරුවන් ඉල්ලා සිටි 12 දෙනෙකුගෙන් යුත් පූර්ණ විනිසුරු මඩුල්ල ලබානොදී, එම ඉල්ලීම මිනිත්තු 15ක් ඇතුළත ප්‍රතික්ෂේප කිරීම

වාචික පිළිතුරු අහිමි කිරීම: පෙත්සම්කරුවන්ගේ නීතිඥවරුන්ට වාචිකව කරුණු දැක්වීමට අවස්ථාව නොදී, ලිඛිතව පමණක් කරුණු දක්වන ලෙස 

අගවිනිසුරුවරයාට එරෙහිව ඇති චෝදනා:

තීරුබදු රහිත වාහන බලපත්‍ර: අගවිනිසුරුවරයාගේ වත්කම් ප්‍රකාශනවල සඳහන් නොවන වාහන බලපත්‍ර පිළිබඳව පැහැදිලි කිරීමක් කර නොමැති වීම 

පුත්‍රයාගේ නිවාස ගනුදෙනුව: ජ්‍යේෂ්ඨ නොවන නීතිඥයෙකු වන අගවිනිසුරුවරයාගේ පුතු, රුපියල් කෝටි 18.5ක අධිසුඛෝපභෝගී නිවසක් මිලදී ගැනීම සහ එය අගවිනිසුරුවරයා අතින් නඩු තීන්දුවක් ලැබුණු ගොඩනැගිලි ව්‍යාපෘතියකට සම්බන්ධ වීම

එක්ස්ප්‍රස් පර්ල් නඩුව: ඩොලර් බිලියනයක (රුපියල් කෝටි 35,000ක) වන්දියක් ලැබීමට තිබූ එක්ස්ප්‍රස් පර්ල් නඩුව ත්‍රිපුද්ගල විනිසුරු මඩුල්ලක් හමුවේ අවසන් කර දැමීම නිසා ධීවරයින්ට හිමිවීමට තිබූ විශාල වන්දි මුදලක් අහිමි වීම.

ජාත්‍යන්තර නිරීක්ෂණ:

මෙම නඩු විභාගය නිරීක්ෂණය කළ පොදුරාජ්‍ය මණ්ඩලීය නීතිඥ සංගමයේ සභාපති ස්ටීවන් තිරූ මහතා සඳහන් කළේ, පෙත්සම්කරුවන්ට පිළිතුරු දීමට අවස්ථාව නොදීම සහ පූර්ණ විනිසුරු මඩුල්ලක් පත් නොකිරීම කණගාටුදායක බවයි.

මෙයට අදාළ නිරීක්ෂණ වාර්තාව එක්සත් ජාතීන්ගේ සංවිධානය, මානව හිමිකම් කොමිසම, ලෝක බැංකුව සහ ජාත්‍යන්තර මූල්‍ය අරමුදල (IMF) වෙත ඉදිරිපත් කිරීමට නියමිත අතර, එය ඉදිරියේදී ශ්‍රී ලංකාවට ලැබෙන ජාත්‍යන්තර සහායන්ට බලපෑම් කළ හැකි බවද මෙහිදී අවධාරණය කෙරිණි.

සවිස්තරාත්මක වීඩියෝව නරඹන්න..