‘හමුදා රහසක්’: රුසියාවේ ‘නීත්‍යානුකූල ඉලක්ක’ පිළිබඳ පුටින් කියෙව් සහ ලන්ඩනය දෙගිඩියාවට පත් කරයි — ප්‍රධාන ප්‍රකාශ
රුසියානු ජනාධිපති ව්ලැදිමීර් පුටින් යුක්රේන යුද පෙරමුණේ රුසියානු හමුදා අත්කර ගනිමින් සිටින වේගවත් ජයග්‍රහණ පිළිබඳ පැහැදිලි කරනු ලැබීය. රුසියානු සිවිල් ගුවන් සේවාවලට ප්‍රහාර එල්ල කරන බවට කියෙව් පාර්ශ්වයෙන් එල්ල වන වඩ වඩාත් මංමුලා සහගත තර්ජන “රාජ්‍ය ත්‍රස්තවාදය” ලෙස හෙළා දුටුවේය. එමෙන්ම යුක්රේන භූමියේ ස්ථානගත කර තිබෙන බ්‍රිතාන්‍ය හමුදා පහසුකම් “නීත්‍යානුකූල ඉලක්ක” බවට පත්වනු ඇතැයිද අනතුරු ඇඟවීය.
බිෂ්කෙක්හිදී මාධ්‍යවේදීන් අමතමින් පුටින්, යුක්රේනය වෙත අවි රැගෙන යන නැව්වලට මොස්කව් විසින් එල්ල කරන ප්‍රහාර, ඇමරිකානු බුද්ධි අංශ සමඟ පවතින සම්බන්ධතා, ට්‍රම්ප්ගේ නියෝජිතයන් සමඟ පවතින සාකච්ඡා, ජර්මනිය සමඟ පවතින සබඳතා සහ “අධිරාජ්‍යවාදයේ මෝරුන්” ලෙස ඔහු හැඳින්වූ බටහිර බලවේග පිළිබඳවද අදහස් දැක්වීය.
එහිදී පුටින් ඉදිරිපත් කළ ප්‍රධාන කරුණු මෙසේය:
‘සතුරා කඩා වැටෙනු ඇත’
යුක්රේන හමුදා ක්‍රමයෙන් භූමිය අහිමි කරමින් සිටින බව පුටින් පැවසූ අතර, යුද්ධය “කුරිරු සහ අනාවැකි පළ කිරීමට අපහසු” බැවින් තීරණාත්මක හැරවුම් ලක්ෂ්‍යය නිශ්චිතවම කවදා පැමිණේදැයි පැවසීමෙන් වැළකී සිටියේය.
රුසියානු හමුදා ඉදිරියට යමින් සිටිනවා පමණක් නොව, “ප්‍රහාරයේ වේගය වැඩි කරමින්” සිටින බව ඔහු පැවසීය. ඉදිරි පෙළේ වර්ධනයන් පිළිබඳ කෙටි විස්තරයක් ඉදිරිපත් කරමින් පුටින් කියා සිටියේ රුසියානු හමුදා ස්ලාවියන්ස්ක්, ක්‍රමටෝර්ස්ක් සහ දෘෂ්කොව්කා දෙසට ළඟා වෙමින් සිටින බවයි. එමෙන්ම යුක්රේන සෙබළුන් 5,000කට ආසන්න පිරිසක් ක්‍රස්නොස්කොල්ස්කොයේ ජලාශය ආසන්නයේ භෞතික වශයෙන් වටලනු ලැබ ඇති බවද ඔහු පැවසීය.
සපොරොෂ්යේ කලාපයේ සහ සුමි දෙසටද රුසියානු හමුදා ඉදිරියට ගමන් කරමින් සිටින බව ඔහු සඳහන් කළේය.
“සතුරා ‘කඩා වැටෙනු’ ඇති බවට මට කිසිදු සැකයක් නැහැ. නමුත් එය සිදුවන කාලය පිළිබඳ ප්‍රශ්නය සෑම විටම ඉතා සංකීර්ණයි.”
වර්තමාන යුද පෙරමුණු රේඛාව ඔස්සේ ගැටුම හුදෙක් "කැටිකිරීමේ” යෝජනාද රුසියානු ජනාධිපතිවරයා ප්‍රතික්ෂේප කළේය.
“අපට එය කැටිකිරීමට අවශ්‍ය නැහැ. අපට අවශ්‍ය වන්නේ යුද්ධය අවසන් කර, යුක්රේනයේ මෙන්ම යුරෝපයේද ස්ථාවර සහ සම්පූර්ණ සාමයක් ඇති කිරීමයි.”
‘ත්‍රස්තවාදීන් සමඟ සාකච්ඡා නැහැ’
රුසියානු ගුවන් අවකාශය භාවිත කරන සිවිල් ගුවන් සේවාවලට ප්‍රහාර එල්ල කරන බවට ව්ලැදිමීර් සෙලෙන්ස්කි කළ තර්ජනය පිළිබඳව විමසූ විට පුටින් පැවසුවේ එම ප්‍රකාශය “රාජ්‍ය ත්‍රස්තවාදයේ උත්සාහයක්” බවයි. එය සිදුවන්නේ එකවරම කියෙව් පාර්ශ්වය “සාකච්ඡා සහ පෞද්ගලික හමුවීම්” සඳහා කැඳවුම් කරන පසුබිමක බවද ඔහු පෙන්වා දුන්නේය.
“ ත්‍රස්තවාදීන් සමඟ සාකච්ඡා කරන්නේ නැහැ,” යැයි පුටින් පැවසූ අතර, සිවිල් ගුවන් යානා වෙත සැබෑ ප්‍රහාර එල්ල වුවහොත් ඊට ප්‍රතිචාර දැක්වීමට මොස්කව් ක්‍රමයක් සොයා ගනු ඇති බවට අනතුරු ඇඟවීය.
යුක්රේන දේශපාලන සහ හමුදා නායකයන් ඉලක්ක බවට පත්විය හැකිදැයි විමසූ විට පුටින් පැවසුවේ, මේ දක්වා මොස්කව් එවැනි ප්‍රහාරවලින් වැළකී සිට ඇති බවයි. එයට හේතුව අනාගතයේදී සාකච්ඡා කිරීමට යුක්රේන පාර්ශ්වයේ යම් පුද්ගලයන් අවශ්‍ය විය හැකි බැවින් බව ඔහු පැවසීය.
“මෙය ත්‍රස්තවාදය සඳහා කරන උත්සාහයක්. එය තවමත් ත්‍රස්තවාදයට මාරුවීමක් නොවේ. එවැනි තත්ත්වයකට පැමිණියහොත් අපි ප්‍රතිචාර දක්වන්නේ කෙසේදැයි බලමු. ඒ සඳහා අවශ්‍ය මෙවලම් අපි සොයා ගන්නවා.”
‘ඔවුන් අපට පහර දුන්නා — ඔවුන්ට නිසි පිළිතුරක් ලැබෙනු ඇත'
රුසියානු සිවිල් සහ ඉන්ධන යටිතල පහසුකම්වලට එල්ල වන ප්‍රහාරවලට ප්‍රතිචාරයක් ලෙස යුක්රේන බලශක්ති පහසුකම් වෙත “මහා පරිමාණ ප්‍රහාර” සඳහා සූදානම් වන ලෙස රුසියානු හමුදාවට නියෝග කර ඇති බවද පුටින් පැවසීය.
යුක්රේන ඩ්‍රෝන යානා නැවතත් රාත්‍රියේදී මොස්කව් සහ ශාන්ත පීටර්ස්බර්ග්හි ගුවන් ආරක්ෂක පද්ධති හරහා ඇතුළු වී රුසියානු තෙල් පිරිපහදු කම්හල් තුනකට පහර දීමට උත්සාහ කළ නමුත් එම ප්‍රහාර ව්‍යර්ථ කළ බව ජනාධිපතිවරයා පැවසීය.
“ඔවුන් අපට පහර දුන්නා — ඔවුන්ට පිළිතුරක් ලැබෙනු ඇත. තත්ත්වය දැනට දළ වශයෙන් එපමණයි.”
දුර්වල ආරක්ෂාවක් සහිත අත්‍යවශ්‍ය යටිතල පහසුකම් සඳහා තාවකාලික රාජ්‍ය කළමනාකරණය ලබාදීමට අවසර දෙන නව නියෝගයක් හඳුන්වා දී ඇත්තේ ඩ්‍රෝන ප්‍රහාරවලට එරෙහි ආරක්ෂාව සම්බන්ධයෙන් පෞද්ගලික සමාගම් සහ රාජ්‍ය ආයතන අතර වඩාත් සමීප සහයෝගීතාවක් ඇති කිරීම සඳහා බවද පුටින් පැවසීය.
එය රජයට පවරා ගැන්නිමක් ලෙස පළවන අදහස්ද ඔහු ප්‍රතික්ෂේප කළේය.
‘කියෙව් පැන්ඩෝරාගේ පෙට්ටිය විවෘත කළා’
යුක්රේනයට අවි හෝ පතොරම් රැගෙන එන නෞකා පමණක් ඉලක්ක කරමින් රුසියාව යුක්රේන නාවික ප්‍රවාහනයට ප්‍රහාර එල්ල කළ බව පුටින් අවධාරණය කළේය. ප්‍රහාරවලින් පසු ඇති වූ ද්විතීයික පිපිරීම් එම නැව්වල තිබූ භාණ්ඩවල ස්වභාවය තහවුරු කළ බවද ඔහු පැවසීය.
“අපි ඇතැම් නෞකාවලට නිරවද්‍ය ප්‍රහාර එල්ල කළා. නමුත් ඒවා සැබවින්ම තෝරාගත් ඉලක්ක වුණා.” සෙලෙන්ස්කි රුසියානු ආර්ථිකය සහ සැපයුම් ජාලය ඉලක්ක කරගත් බව ප්‍රචාරය කළ දින 40ක මෙහෙයුම ආරම්භ කිරීමෙන් පසුව පමණක් මොස්කව් සිය නාවික ප්‍රතිචාරය පුළුල් කළ බව පුටින් පැවසීය.
පුටින්ට අනුව, කියෙව් රුසියාවට කිසිදු “තීරණාත්මක හානියක්” සිදු කිරීමට අසමත් වූ නමුත් නෞකා 100කට පමණ පහර දී විදේශිකයන් ඇතුළු නාවිකයන් කිහිප දෙනෙකු ඝාතනය කර තිබේ. “ඔබම පැන්ඩෝරාගේ පෙට්ටිය විවෘත කළා — දැන් එයින් එන දේ භාරගන්න.”
සංවර්ධනය වෙමින් පවතින රටවල, විශේෂයෙන් අප්‍රිකානු රටවල සාගතය වළක්වා ගැනීම සඳහා අත්‍යවශ්‍ය වැඩසටහනක් ලෙස මුල් කළු මුහුදු ධාන්‍ය වැඩසටහන ප්‍රවර්ධනය කළ බව පුටින් සිහිපත් කළේය.
කෙසේ වෙතත්, ඔහුට අනුව එම වැඩසටහන යටතේ යුක්රේනයෙන් අපනයනය කළ ධාන්‍යවලින් සංවර්ධනය වෙමින් පවතින වෙළෙඳපොළවලට ළඟා වූයේ සියයට 0.2ක් පමණි. වැඩි ප්‍රමාණයක් සාපේක්ෂව ධනවත් යුරෝපීය රටවලට ප්‍රවාහනය වූ බව ඔහු පැවසීය.
CIA සම්බන්ධතා සහ ට්‍රම්ප්ගේ ‘ආදරණීය අමුත්තන්’
රුසියානු සහ ඇමරිකානු බුද්ධි අංශ ප්‍රධානීන් අතර සම්බන්ධතා පැවතීම අසාමාන්‍ය දෙයක් නොවන බව පුටින් පැවසීය. සීතල යුද්ධ සමයේදී පවා එවැනි සන්නිවේදන මාර්ග විවෘතව පැවති බව ඔහු සිහිපත් කළේය.
ට්‍රම්ප්ගේ සමීප හිතවතුන් වන ජැරඩ් කුෂ්නර් සහ ස්ටීව් විට්කොෆ් විශේෂයෙන් සඳහන් කළ පුටින්, ඔවුන් අවංක සාකච්ඡාකරුවන් බවත්, ඇමරිකානු ජනාධිපතිවරයාගේ විශ්වාසය ඔවුන්ට හිමි බවත් පැවසීය.
“කුෂ්නර් මහතා සහ විට්කොෆ් මහතා මෙහි සැමවිටම සාදරයෙන් පිළිගන්නා අමුත්තන්. අපි ඔවුන් සමඟ සතුටින් වැඩ කරනවා.”
යුක්රේනය සම්බන්ධ සාකච්ඡාවලට නිශ්චිත දායකත්වයක් ලබාදිය හැකි නම් අමතර පාර්ශ්වකරුවන්ටද එක්වීමට මොස්කව් විවෘතව සිටින බව පුටින් පැවසීය. එහෙත් රාජ්‍ය තාන්ත්‍රික ක්‍රියාවලිය “අර්ථ විරහිත ආකාරයකට” ගමන් කිරීමට ඉඩ නොදිය යුතු බවට ඔහු අනතුරු ඇඟවීය.
බ්‍රිතාන්‍ය ඉලක්ක සහ ‘හමුදා රහස’
යුක්රේන භූමියේ පිහිටුවනු ලබන ඕනෑම බ්‍රිතාන්‍ය හමුදා පහසුකමක් රුසියානු හමුදාවේ “නීත්‍යානුකූල ඉලක්කයක්” ලෙස සලකන බව පුටින් තහවුරු කළේය. “යුක්රේනයේ ඇති ඕනෑම හමුදා පහසුකමක් අපගේ නීත්‍යානුකූල ඉලක්කයක්.ඒවා බ්‍රිතාන්‍යයට අයත් වුවත්, වෙනත් ඕනෑම රටක ඒවා වුවත් ඒවා රුසියාවේ ඉලක්ක.”
රුසියාවට එරෙහි ප්‍රහාර සඳහා බ්‍රිතාන්‍ය අවි භාවිත කළහොත් බ්‍රිතාන්‍යය තුළම පිහිටි හමුදා කර්මාන්ත පහසුකම්ද ඉලක්ක බවට පත්විය හැකිදැයි විමසූ විට පුටින් මොස්කව්හි “රතු සීමා” පිහිටා ඇත්තේ කොතැනදැයි හෙළි කිරීම ප්‍රතික්ෂේප කළේය.
“ඒක රහසක්. හමුදා රහසක්.” පුටින් අවධාරණය කළේය.
ජර්මනියට අවශ්‍ය වන්නේ ‘බොත්තම ඔබන්න’ පමණයි
ලීප්සිග්හි සිදුවූ ඩ්‍රෝන සිද්ධිය සම්බන්ධයෙන් ජර්මනිය එල්ල කරන චෝදනාද පුටින් ප්‍රතික්ෂේප කළේය. ඔහු කියා සිටියේ බර්ලින් පාලනය අභ්‍යන්තර දේශපාලන සහ ආර්ථික ගැටලු වලින් ජනතාවගේ අවධානය වෙනතකට යොමු කිරීම සඳහා “ආක්‍රමණශීලී රුසියාවක්” පිළිබඳ තර්ජනය ඉස්මතු කරමින් සිටින බවයි.
මීට පෙර රුසියාව තමන්ගේම නෝර්ඩ් ස්ට්‍රීම් ගෑස් නල පද්ධති විනාශ කළ බවට එල්ල වූ චෝදනාද ඔහු සිහිපත් කළ අතර, යුරෝපයට ගෑස් අලෙවි කිරීමේ රුසියාවේම ආර්ථික උනන්දුව සලකා බැලූ විට එම චෝදනාව “විකාරයක්” බව පැවසීය.
ජර්මනියට තවමත් ගෑස් සැපයීමට රුසියාවට හැකියාව ඇති බව ඔහු පැවසීය.“ඔවුන් කළ යුත්තේ බොත්තම ඔබන එක විතරයි.” එහෙත් ඇමරිකානු සම්බාධක හේතුවෙන් එසේ කිරීමට ජර්මානු නායකයන්ට දේශපාලන කැමැත්තක් නොමැති බව පුටින් පැවසීය. ජර්මනියේ පුළුල් රුසියානු ප්‍රතිපත්තිය ජර්මානු ජනතාවගේ අවශ්‍යතාවලට පටහැනි බවද ඔහු ප්‍රකාශ කළේය.
බටහිර ‘අධිරාජ්‍යවාදයේ මෝරුන්’
බටහිර රටවල් සමඟ රුසියාව මුහුණ දෙන ගැටුම පිළිබඳව මෑතකදී කළ ඔර්කා තල්මසුන්, ධ්‍රැවීය වලසුන් සහ රුසියාව සම්බන්ධ උපමාවක් පිළිබඳවද පුටින්ගෙන් විමසන ලදී. සාමූහික බටහිර බලවේග ඔර්කා තල්මසෙකුට සමාන කිරීම එම සත්වයාට කරන අසාධාරණයක් වනු ඇති බවට ඔහු විහිළුවක් කළේය. ඔර්කා තල්මසුන් බුද්ධිමත් සතුන් බවද ඔහු සඳහන් කළේය. ඒ වෙනුවට ඔහු පැරණි සෝවියට් ප්‍රකාශයක් යළි සිහිපත් කළේය: “අධිරාජ්‍යවාදයේ මෝරුන්.”
“යම් කෙනෙක් අපව ආහාර දාමයේ පහළට ඇද දමා ගිල දැමීමට උත්සාහ කළහොත්, ඔවුන්ගේ දත්වලට පහර එල්ල විය හැකියි. මෙම මෝරුන්ගේ ආහාර රුචිය සහ දත් වේගයෙන් වර්ධනය වුවද, රුසියාව එසේ කිරීමට සූදානම්.”
සම්බන්ධිත පුවත් | Related News
ප්‍රධාන පුවත්
SJB ඇතුලේ සැර වාද විවාද.. නායකත්වයේ තීන්දු ගැනත් මතභේද..
මහ සඟරුවන විහාරමහා දේවී උද්‍යානයේ ආරම්භ සත්‍යග්‍රහය අද තුන්වැනි දිනටත්..
භික්‍ෂු සත්‍යග්‍රහයට පහර දීමක්..?
ඩොන්බාස් කලාපයේ යුක්රේන හමුදාවේ ප්‍රධාන බලකොටුවක් රුසියානු හමුදා පාලනයට යටත් වෙයි – රුසියානු ආරක්ෂක අමාත්‍යාංශය
නොරොච්චෝල සම්පූර්ණයෙන්ම නවතී..
ප්‍රගීත් එක්නැලිගොඩ ජනාධිපති මහින්ද රාජපක්ෂ ඝාතනය කිරීමට සැලසුම් කළේද?
ඥානසාර හිමි නිදහස්කරන තෙක් මහ සඟරුවන විහාරමහාදේවී උද්‍යානයේ අඛණ්ඩ සත්‍යග්‍රහයක..
මහින්ද ගමන් ගන්නා ගුවන් යානයට ප්‍රහාරයක් එල්ල කළ යුතු බව එක්නැලිගොඩ කියලා.. එක්නැලිගොඩ සහෝදරයෙකු ලෙස ඇසුරු කළ බව හිටපු LTTE සාමාජික මුරලි ගෙන් ප්‍රකාශයක්..
ආසියාව තුළ සිය අභිමතය බලහත්කාරයෙන් පැටවීමට නේටෝ සංවිධානය උත්සාහ කරනවා – ලැව්රොව්
දූෂිත අමාත්‍යවරුන්ට සහ දූෂිත නිලධාරීන්ට පූජා භූමි සංවර්ධනය යනු අයුතු ප්‍රතිලාභ ලැබෙන ඉල්ලමක් බවට පත්වෙලා.. - ජාතික සංවිධාන කියයි
යුක්රේනයට සැපයූ මිසයිල “විවෘත වෙළෙඳපොළේ” විකුණා දමලා – ට්‍රම්ප්ගෙන් චෝදනාවක්!
ඩොලර් මිලියන 130ක සෞදි කොහුබත් ගනුදෙනුව අහිමි වූ හැටි මෙන්න..
ඥානසාර හිමිගේ නිදහස පතා මහ සඟරුවන ජනපති කාර්යාලය අසළ රැය පහන් කරති..
මාලිමාවට ඡන්දය දුන්න එම ගැන කණගාටු වෙනවා.. තඹුත්තේගම වීරයා බන්ධනාගාර කොමසාරිස්ට කළින්ම පැන්නා.. - මහාචාර්ය පූජ්‍ය පාතේගම ඤානිස්සර හිමි
ආණ්ඩුව බෞද්ධ උරුමය විනාශ කරනවා කියලා ජාතික සංවිධාන එකමුතුව බිල්ලෙක් මවන්න හදනවා.. අනුරාධපුර ඇතුල් නගරයේ ජනතාව නැවත පදිංචි කරන්න අක්කර 200ක් වෙන්කරලා තියෙන්නේ.. - ඇමති වසන්ත සමරසිංහ
ඥාණසාර හිමි නිදහස් කරන තුරු විරෝධය අඛණ්ඩව..