රනිල්ගේ ලන්ඩන් සංචාරයේ නඩුව සරෝජා සිරිසේන දෙසට හැරෙයි: වාහන වියදමේ රුපියල් ලක්ෂ 80ක අභිරහස!
හිටපු ජනාධිපති රනිල් වික්‍රමසිංහ සහ හිටපු ජනාධිපති ලේකම් සමන් ඒකනායකට එරෙහිව ගොනු කර ඇති රුපියල් කෝටි එකහමාරකට අධික (ලක්ෂ 166ක) රාජ්‍ය මුදල් අවභාවිත නඩුව මේ වන විට තීරණාත්මක හැරවුම් ලක්ෂ්‍යයකට පැමිණ තිබේ.
අද (ජූලි 08) කොටුව මහේස්ත්‍රාත් අධිකරණය හමුවේ සිදුවූ විශේෂ අනාවරණයත් සමඟ, මෙම නඩුවේ නෛතික වගකීම සෘජුවම එවකට බ්‍රිතාන්‍යයේ ශ්‍රී ලංකා මහකොමසාරිස්වරිය ලෙස කටයුතු කළ සරෝජා සිරිසේන වෙත යොමු වීමේ දැඩි අවදානමක් නිර්මාණය වී ඇත.
උණුසුම් අධිකරණ වාර්තාව: "විමර්ශන අවසන්"
නඩුව කැඳවූ අවස්ථාවේදී නීතිපතිවරයා වෙනුවෙන් පෙනී සිටි රජයේ නීතිඥ සමධරි පියසේන මහත්මිය අධිකරණයට දන්වා සිටියේ අපරාධ පරීක්ෂණ දෙපාර්තමේන්තුව (CID) සියලු විමර්ශන අවසන් කර උධෘත නීතිපතිවරයා වෙත යොමු කර ඇති බවයි. නීතිපති උපදෙස් සඳහා නඩුව කැඳවීමට දිනයක් ද ඇය ඉල්ලා සිටියාය.
ලක්ෂ 80ක වාහන වියදමේ සුළඟ හැරවුණු හැටි
එම ප්‍රකාශයත් සමඟ පළමු සැකකාර රනිල් වික්‍රමසිංහ මහතා වෙනුවෙන් පෙනී සිටි ජනාධිපති නීතිඥ අනුජ ප්‍රේමරත්න අධිකරණයට සුවිශේෂී කරුණක් අනාවරණය කළේය:
"ස්වාමීනි, මෙම සිද්ධියට අදාළව වියදම් වූ බව කියන මුදලින් භාගයකට වඩා ප්‍රමාණයක් (ලක්ෂ 80කට අධික මුදලක්) වැය වී ඇත්තේ වාහන සඳහායි. නමුත් මගේ සේවාදායකයාට බ්‍රිතාන්‍ය රජයෙන් එම වාහන පහසුකම් නොමිලේ සපයා තිබෙනවා. ඒ බව තහවුරු කරන ලේඛනයක් මම පැමිණිලිකාර පාර්ශවයට ලබා දෙනවා."
මූල්‍ය රෙගුලාසි (FR) අනුව මතුවන බරපතල නෛතික ගැටලුව
රජයේ මුදල් රෙගුලාසි සහ ආයතන සංග්‍රහයට අනුව, විදේශයක පිහිටි මහකොමසාරිස් කාර්යාලයක සිදුවන සියලුම මූල්‍ය ගනුදෙනු සඳහා ප්‍රධාන ගණකාධිකාරී නිලධාරියා හෝ බලයලත් නිලධාරියා වන්නේ අදාළ මහකොමසාරිස්වරයාය.
ජනාධිපති නීතිඥවරයාගේ තර්කයට අනුව බ්‍රිතාන්‍ය රජය විසින් වාහන නොමිලේ සපයා තිබේ නම්:
• ශ්‍රී ලංකා රජයේ මුදල්වලින් "වාහන වියදම්" ලෙස රුපියල් ලක්ෂ 80කට අධික මුදලක් වෙන් කෙරුණේ කෙසේද?
• එම මුදල් කාගේ අනුමැතියෙන් කුමන ගිණුමකට බැර වූයේද?
යම් සේවාවක් නොමිලේ ලැබී තිබියදී ඒ සඳහා රජයේ මුදල් වැය කළ බවට ව්‍යාජ බිල්පත් හෝ ලේඛන සකස් කර ඇත්නම්, එය ලංකා දණ්ඩ නීති සංග්‍රහය සහ පොදු දේපළ පනත යටතේ දඬුවම් ලැබිය හැකි සාවද්‍ය පරිහරණයක් සහ සාපරාධී විශ්වාසය කඩ කිරීමක් වේ.
හිටපු මහකොමසාරිස් සරෝජා සිරිසේන වෙත එල්ල වන අවදානම
රනිල් වික්‍රමසිංහ පාර්ශවය විසින් බ්‍රිතාන්‍ය රජයේ නිල ලේඛන මගින් තමන් වාහන සඳහා මුදල් නොගෙවූ බව ඔප්පු කළහොත්, CID විමර්ශකයන්ට මුදල් ගෙවීමේ දාමය ඔස්සේ ලන්ඩන් මහකොමසාරිස් කාර්යාලය වෙත විමර්ශන දැල් එළීමට සිදුවේ.
• අනුමත කිරීමේ වගකීම: ලන්ඩන් මහකොමසාරිස් කාර්යාලය හරහා මෙම මුදල් ගෙවීම් සිදු කර ඇත්නම්, ඊට අදාළ වවුචර (Vouchers) අනුමත කිරීමේ අවසන් වගකීම ඇත්තේ එවකට මහකොමසාරිස්වරිය වූ සරෝජා සිරිසේනට සහ එහි මූල්‍ය නිලධාරීන්ටය.
• විමර්ශනයේ දිශානතිය: වාහන නොමිලේ ලැබී තිබියදී ඒ සඳහා මුදල් ගෙවූ බවට වාර්තා කිරීම හරහා, සරෝජා සිරිසේන මහත්මිය ප්‍රමුඛ නිලධාරී මණ්ඩලයට එරෙහිව මූල්‍ය වංචා චෝදනා ගොනු කිරීමට අපරාධ පරීක්ෂණ දෙපාර්තමේන්තුවට නෛතිකව බලකෙරෙන තත්ත්වයක් මේ වන විට උදාවී ඇත.
ඉදිරි පියවර:
සැප්තැම්බර් 30 වනදා නීතිපතිවරයා විසින් ලබාදීමට නියමිත උපදෙස් මත මෙම නඩුවේ අනාගතය තීරණය වනු ඇත. රනිල් වික්‍රමසිංහ මහතාගේ පාර්ශවයෙන් ඉදිරිපත් කළ "බ්‍රිතාන්‍ය රජයේ අනුග්‍රහය" පිළිබඳ ලේඛනය නීතිපතිවරයා පිළිගතහොත්, ප්‍රශ්නගත මුදල්වලට සැබැවින්ම සිදු වූයේ කුමක්දැයි සෙවීම සරෝජා සිරිසේන ඇතුළු ලන්ඩන් මහකොමසාරිස් කාර්යාලයේ එවකට බලධාරීන් වෙත යොමුවනු ඇත.
මෙය ශ්‍රී ලංකාවේ රාජ්‍ය තාන්ත්‍රික ඉතිහාසයේ විදේශ දූත මණ්ඩලයක මූල්‍ය පාලනය සම්බන්ධයෙන් එල්ල වන බරපතලම නෛතික අභියෝගයක් බවට පත්වීමට බොහෝ දුරට ඉඩ තිබේ.
සම්බන්ධිත පුවත් | Related News
ප්‍රධාන පුවත්
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..
මහානායක අතිපූජ්‍ය ඕමාරේ කස්සප නායක හිමියන් විපක්ෂ නායක හිරවෙන ප්‍රශන 3ක් අහලා..