මහානායක අතිපූජ්‍ය ඕමාරේ කස්සප නායක හිමියන් විපක්ෂ නායක හිරවෙන ප්‍රශන 3ක් අහලා..
විපක්ෂ නායක සජිත් ප්‍රේමදාස මැතිතුමා මහා විහාර වංශික ස්‍යාමෝපාලි මහා නිකායේ ශ්‍රී රෝහණ පාර්ශ්වයේ අතිපූජ්‍ය මහානායක අග්ගමහා පණ්ඩිත, ශාස්ත්‍රපති අතිපූජ්‍ය ඕමාරේ කස්සප අභිධාන මහානායක ස්වාමීන්ද්‍රයන් වහන්සේ සමග 2026 ඔක්තෝබර් මස 12 වන දින මහරගම වත්තෙගෙදර අතිපූජ්‍ය මහානායක මාහිමිපාණන් වහන්සේගේ සුවදුක් සොයා බැලීම සඳහා විපක්ෂ නායක සජිත් ප්‍රේමදාස මැතිතුමා පැමිණි හෙයින් එතුමා සාදරයෙන් පිළිගත් අතිපූජ්‍ය මහානායක මාහිමිපාණන් වහන්සේ විශේෂ ආරක්ෂක කුටියක සිටිමින් මෙම සාකච්ඡාව පැවැත්වුණි.
එතුමා එම වීදුරු කුටියට පිටතින් පුටුවක අසුන්ගෙන සිටියේය. එතුමා සමග සුහදව සාකච්ඡාව ඇරඹුණි.
අතිපූජ්‍ය මහානායක මාහිමි එහිදී ප්‍රශ්නයක් අසමින් විපක්ෂ නායකතුමා නොබෝදා පාර්ලිමේන්තුවේ කළ කථාවක් සම්බන්ධව විමසීමක් කළහ.
83 කළු ජූලිය සම්බන්ධයෙන් ඔබතුමා සමාව ගැනීම ගැනයි. කාලයක් තිස්සේ එක්සත් ජාතීන්ගේ ඇතැම් සාකච්ඡා වලදී එක්සත් ජාතීන්ගේ හා මානව හිමිකම් සංවිධාන මගින් නැගූ චෝදනාවක් ඇත. මෙරට දෙමළ ජනතාව සමූළ ඝාතනයට පත් කළා යැයි කියමින් 1983 ශ්‍රී ලංකාවේ ත්‍රස්තවාදී කටයුතු මෙහෙය වූ සංවිධානාත්මක වැඩපිළිවෙලක් වූ එල්.ටී.ටී.ඊ සංවිධානය මගින් ශ්‍රී ලංකාවේ නීත්‍යානුකූල යුධ හමුදාවේ 13 දෙනෙකු ඝාතනය කිරීමත් සමගම දෙපාර්ශ්වය නොසන්සුන් වීමක් සිදුවිය. ඉන්පසු කලයුතු හා නොකල යුතු වැඩ හා ක්‍ර ියාදාමයන් දෙපාර්ශ්වයෙන්ම සිදුවිය. ”මම එවකටත් ජීවත් වූ කෙනෙකු වශයෙන් මෙම තත්වය දෑසින් දුටු අයෙක් වෙමි”. එල්.ටී.ටී.ඊ සංවිධානය හා ඒ වෙනුවෙන් පෙනී සිටින ඇතැම් උදවිය ප්‍රකාශ කරන්නේ එම අවස්ථාවේ දෙමළ ජන සංහාරයන් සිදු කළ බවයි. එය යථාර්ථයක් නොවේ. එල්.ටී.ටී.ඊ සංවිධානය කෙසේ කීවත් මෙරට නීත්‍යානුකූල රජය එවකට දෙමළ ජනතාවගේ අවශ්‍යතා හඳුනාගෙන එම ප්‍රදේශයේ සංවර්ධනය වෙනුවෙන් ද කළ හැකි හැම දෙයක්ම සිදු කළ බව පැහැදිලිය. එල්.ටී.ටී. ඊ සංවිධානය මගින් රජයේ දෙපල වනසමින් ආරක්ෂක අංශවල වීරෝධාර සෙබලුන් හා සිවිල් ජනතාව ඝාතනය කරමින් සිදු කළ විනාශයන් හමුවේද මෙරට රජය ඉදිරියටත් ඔවුන් වෙනුවෙන් කළ මෙහෙවර කරගෙන ගිය අයුරු අපට දැකගත හැකි විය. ත්‍රස්තවාදය 2009 දී ගැටුම අවසන් වීමෙන් පසු වීරෝධාර හමුදාව මානුෂික මෙහෙවරක් දියත් කළ ආකාරය අපි දුටුවෙමු. නමුත් එල්.ටී.ටී.ඊ ත්‍රස්තවාදීන් උතුරේ සිදු කළ ත්‍රස්ත ක්‍රියාවලියේදී උතුරේ භූමිය තුළ අතුරා තිබූ බිම් බෝම්බ සෙවීමේදී උතුරේ ජනතාවගේ ආහාර අවශ්‍යතාවය සලකාගෙන යැවූ විශේෂයෙන් සහල් මිටි එල්.ටී.ටී.ඊ සංවිධානයේ බංකර හදා ගැනීමට යොදා ගෙන තිබූ අයුරු පැහැදිලි විය. එවැනි වාතාවරණයක් තුළ ඔබතුමා නිහතමානීව සමාව ගැනීම සිදුකරන්න ඇති. නමුත් මානව හිමිකම් සම්බන්ධයෙන් තවමත් මැදිහත් වන්නට තම මතය සනාථ කිරීමට යොදා ගැනීමට එහිදී ඔවුන් උනන්දු නොවේ කියා කීමට අප ඉක්මන් නොවිය යුතුයි. එනම් වරදට සමාව ගැනීම පනින රිලවුන්ට ඉනිමං තැනීමක් කර නොගනීද? 1 සමාව ගැනීමෙන් දෙමළ ජනතාව සමූල ඝාතනය කළා යන වරද පිළිගැනීමක් නොවේද?
ඔබතුමා හොඳ අදහසකින් එම ප්‍රකාශය කරන්න ඇති. නමුත් එම ප්‍රශ්නය බුර බුරා නැගෙන්නට හේතුවිය හැකි බවයි අප මහනාහිමිපාණන් වහන්සේගේ විශ්වාසය.
ඊළඟට නැගුණ ප්‍රශ්නය: පළාත් සභාවට ඉඩම් බලතල හා පොලිස් බලතල ලබාදීම කරන බවට පාර්ලිමේන්තුවේදී කළ ප්‍රකාශය. බලය බෙදීමේ සංකල්පය සම්බන්ධව සජිත් ප්‍රෙ ්මදාස මැතිතුමා සඳහන් කළේ එය අවශ්‍ය බවයි. අතිපූජ්‍ය මහනාහිමි සඳහන් කළේ බලය පිළිබඳ සැලකීමේදී පරිපාලන බලය බෙදිය හැකි බැවින් එය තවතවත් පුළුල් කිරීමෙන් මහජනතාවට සිදු කරන සේවාව පුළුල් වනු ඇති බවයි. එසේ නැතිව ජනතා පරමාධිපත්‍ය බලය බෙදීම කෙසේවත් කළ නොහැකි බවයි අතිපූජ්‍ය මහානායක මාහිමිපාණන් වහන්සේ සඳහන් කළේ. එවිට සජිත් ප්‍රේමදාස මහතා සඳහන් කළේ දැනටමත් ජනාධිපතිවරණ, මහ මැතිවරණ හා පළාත් සභා හා ප්‍රාදේශීය සභා මැතිවරණ මගින් බලය බෙදා තිබෙන බවයි. නැවතත් අතිපූජ්‍ය මහනාහිමි සඳහන් කළේ එමගින් එවැනි බෙදීමක් සිදුවී ඇත.
එසේ බෙදීමට පුළුවන් කම තිබෙන පරිපාලන බලය නිසාවෙන්ය. මෙහිදී උන්වහන්සේ තවදුරටත් ඉදිරිපත් කළේ පරිපාලන බලය තවත් පුළුල් කළ යුතු බවයි. ඒ නිසා කෙටි කාලීනව ජනතාවගේ ඡන්දය කතිරය ගසා පළ කරන්නේ ජනතා පරමාධිපත්‍ය බලයයි. එම බලය ජනතා පරමාධිපත්‍ය බලය බෙදීමට නොහැකිය. එසේම එය නොකළ යුතුය. එසේ කළහොත් රටේ ඒකීයභාවය නැතිවේවි.
ඊළඟ ප්‍රශ්නය: පූජ්‍ය ගලගොඩ අත්තේ ඥානසාර හිමිගේ සිවුර ගැලවීම සම්බන්ධවයි. මේ ගැන අතිපූජ්‍ය මහානාහිමිගේ අදහස හා විපක්ෂ නායකතුමාගේ අදහස ඉතාමත්ම පැහැදිලිව ඉදිරිපත් කෙරිණි. ඒ අනුව එම සාකච්ඡාව මාධ්‍යයේ ප්‍රචාරණය කරන බවට මා දැන සිටියේ නැත. ඒ ගැන මා විමසුවා. නමුත් මට ලබාදුන් පිළිතුරෙන් එවැන්නක් හැඟවූයේ නැත. තවත් වෙනසක් ඇත. හිරු හා දෙරණ මෙන්ම මාධ්‍ය තුලින් හෙලි වූයේ ඥානසාර හිමියන්ගේ සිවුර ගැලවීම ගැනයි. නමුත් අප මහනාහිමි විපක්ෂ නායකතුමා වෙත ඉදිරිපත් කළ තවත් කරුණු දෙකක් ගැන කිසිම මාධ්‍යයක සඳහන් වූයේ නැත. එබැවින් අතිගරු මහනාහිමි නැගූ ප්‍රශ්න හා උන්වහන්සේ පළකල අදහස් ප්‍රචාරය නොකිරීමට වගබලාගෙන ඇත. එසේ නොකිරීමෙන් හා විපක්ෂ නායකතුමා දැක්වූ අදහස් පමණක් ඉදිරිපත් කිරීමෙන් අතිගරු අප මහනාහිමිපාණන් වහන්සේට කිසියම් අගතියක් සිදු වී ඇත. එය සැලසුම් සහගත වූවක්ද? අතිපූජ්‍ය මහනාහිමි නමක් වශයෙන් උන්වහන්සේ පූජ්‍ය ගලගොඩඅත්තේ ඥානසාර හිමියන්ගේ සේවාව අව්‍යාජව අගය කළහ. එසේම ඥානසාර හිමි ඇඳ සිටි සිවුර බලහත්කාරයෙන් හෝ ගැලවීමේ අයෝග්‍යතාව ගැන ද සඳහන් කළහ. අනිවාර්යයෙන්ම ඥානසාර හිමියන්ගේ සිවුර නැවත ලබා දිය යුතුය. සියලු මාධ්‍ය සඳහා නිවේදනයක් මගින් අප මහනාහිමි බලධාරීන් හා නිලධාරීන් දැනුවත් කිරීමට දැනටමත් තමන් වහන්සේ නිවේදනයක් නිකුත් කළ බවත් එය ජනමාධ්‍ය මගින් ප්‍රචාරය කළ බවත් ප්‍රකාශ කළහ. එැවින් එකම දේ දෙවරක් ප්‍රචාරය නොකලයුතුය යන්න අප මහනාහිමියන්ගේ අදහසයි.
ඒ අනුව ඉහත සාකච්ඡාවේදී උන්වහන්සේ තම අදහස ප්‍රකාශ කළ අතර අද සිදුකරන සාකච්ඡාව මාධ්‍යයට යොමු කිරීමට නුසුදුසු බව ද කියා සිටියහ. තවද දැන් මේ වීඩියෝ කිරීම අනවශ්‍ය බවද එබැවින් ඒවා ඉවත් කළ යුතුය යනුවෙන් ප්‍රකාශ කළහ. නමුත් මෙහිදී අතිපූජ්‍ය මහනාහිමිපාණන් වහන්සේට විපක්ෂ නායකතුමා කීවේ ඒ මගේ පෞද්ගලික වීඩියෝ කණ්ඩායම බවයි. ඉතින් ප්‍රසිද්ධ මාධ්‍යයේ ප්‍රචාරණය වීම සිදුකළේ කවුද? එසේ එහිදී දෙපාර්ශ්වයේම අදහස් ඉදිරිපත් කළේ නම් අතිපූජ්‍ය මහනාහිමියන්ට අගතියක් නොවනු ඇත. ඒ පිළිබඳ මාධ්‍ය ප්‍රචාරයට යෙදීම මගින් පැහැදිලි වන්නේ එම ප්‍රවෘත්තියේ සමබරතාව ද නැති බවයි.
මෙහිදී අවසාන වශයෙන් ද සඳහන් කරන්නේ 1978 ආණ්ඩුක්‍රම ව්‍යවස්ථාව ගෙන ඒමට කැපවූ එවකට මෙරට පාලක ජේ.ආර්. ජයවර්ධන මැතිතුමන් ප්‍රකාශ කළේ මෙම ව්‍යවස්ථාවේ පැනවීම් මගින් කළ නොහැක්කක් නැත. එසේ වුවද නොකළ හැක්කේ ගැහැණියක් මිනිසෙකු බවට පත් කිරීමත් මිනිසෙකු ගැහැණියක් බවට පත්කිරීමත් පමණි. එසේ නම් ඥානසාර හිමිගේ සිවුර අනීතිකවත් ගිහියෙකුට එය කළ නොහැකිව තිබියදී අතිපූජ්‍ය මහානාහිමි ප්‍රමුඛ ඥානසාර හිමියන් අයත් කෝට්ටේ ශ්‍රී කල්‍යාණි සාමග්‍රි ධර්ම මහා සංඝ සභාවේ කිසිඳු අනුමැතියකින් තොරව මෙම ක්‍රියාව සිදු කර ඇති බවයයි. කෙසේ නම් මෙම අපරාධය ඉවසන්නද? බුද්ධ චීවරයට සිදු කළ මෙම අපහාසයට ජනතාවගේ අප්‍රසාදය පළ කරමින් හා මහා සංඝ රත්නය වැඩම කරමින් යන ගමන කොතනින් කෙළවරවේද?
අප අතිගරු මහනාහිමියන් සඳහන් කරන්නේ කිසිඳු දේශපාලන පක්‍ෂයක නියෝජිතයෙක් හෝ දේශපාලන කණ්ඩායමක් තමන් වහන්සේ හමුවන්නේ නම් එහිදී සැලකිලිමත් විය යුතු කාරණයක් පිළිබඳවයි. එම සාකච්ඡා සභාවන් අතිපූජ්‍ය මහානායක මාහිමිපාණන් වහන්සේගේ අනුමැතියකින් තොරව ප්‍රසිද්ධ මාධ්‍යයට එක් නොකළ යුතුය යන්න ද එහිදී මහානායක මාහිමියන්ගේ අනුමැතිය ඇතිව වුවද ප්‍රචාරය කරන ප්‍රවෘත්තියේ සමබරතාවයත් අතිගරු මහනාහිමිගේ ගෞරවයත් රැකෙන අන්දමින් කළයුතු බවත් උන්වහන්සේ වැඩිදුරටත් නිවේදනය කර ඇත. මෙය උන්වහන්සේ බලාපොරොත්තු වන ආකාරයට කටයුතු කිරීමට අකමැති කිසිඳු දේශපාලන පක්ෂයක් සමග සාකච්ඡා නොකරන බවට උන්වහන්සේ වැඩි දුරටත් අවධාරණය කළහ.
සම්බන්ධිත පුවත් | Related News
ප්‍රධාන පුවත්
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..
මහානායක අතිපූජ්‍ය ඕමාරේ කස්සප නායක හිමියන් විපක්ෂ නායක හිරවෙන ප්‍රශන 3ක් අහලා..
අද, හෙට සහ අනිද්දා දීප ව්‍යාප්ත විදුලි කප්පාදුවක්..
කොටුව මහේස්ත්‍රාත්වරයා නිකුත් කළ තහනම් නියෝගයට එරෙහිව ගම්මන්පිලගෙන් පෙත්සමක්..
සෞදියේ තෙල් සහ ගුවන් පහසුකම් ඉලක්ක කරමින් හූතිවරුන්ගෙන් අඛණ්ඩ ප්‍රහාර.. – රියාද් පාලනයට එල්ලවන පීඩනය තීව්‍ර වෙයි..
වෛද්‍ය ස්ථාන මාරු ප්‍රමාදයෙන් පර්යන්ත රෝහල් සේවා බිඳවැටීමේ අවදානමක්.. - GMOA අනතුරු අඟවයි..
සටන අත්හරින්නේ නෑ.. - පූජ්‍ය කොටපිටියේ රාහුල අනුනාහිමි..
හදිසි විදුලි බිඳවැටීමෙන් ආර්ථිකයට රුපියල් කෝටි 400ක අලාභයක්.. - චම්පික රණවක හෙළිකරයි..
ඇමෙරිකාව කියුබාවට පනවා ඇති ආර්ථික සම්බාධක වහාම ඉවත් කළ යුතුයි.. – රුසියානු ෆෙඩරේෂනයෙන් දැඩි ප්‍රකාශයක්..
ඔබ නිසා ඔබේ ජාතික අනන්‍යතාව අහිමි වෙමින් පවතීද?..
අතිපූජ්‍ය කැප්පෙටියාගොඩ සිරිවිමල නාහිමියෝ අපවත් වෙති..
ආණ්ඩුව කළේ ඥානසාර හිමියන්ගෙන් පෞද්ගලික පළිගැනීමක්.. – මහාචාර්ය පූජ්‍ය අගලකඩ සිරිසුමන හිමි
ඥාණසාර හිමියන්ගේ නිදහස වෙනුවෙන් පෙනී සිටීම දේශහිතෛෂී සටනකට අත්‍යවශ්‍ය උත්තේජකයක්.. – නීතිඥ නුවන් බැල්ලන්තුඩාව
SJB ඇතුලේ සැර වාද විවාද.. නායකත්වයේ තීන්දු ගැනත් මතභේද..
මහ සඟරුවන විහාරමහා දේවී උද්‍යානයේ ආරම්භ සත්‍යග්‍රහය අද තුන්වැනි දිනටත්..
භික්‍ෂු සත්‍යග්‍රහයට පහර දීමක්..?