වෙන්ඩ නීතිපති සහ කාදිනල් පාර්ශ්වය රණවිරුවන්ගෙන් සහ ජාතියෙන් සමාව ගතයුතුයි..
අභිමානවත් රණවිරුවාට අධිකරණය තුළදී එල්ල කළ තුච්ඡ නරුම ප්රහාරය: නීතිපති දෙපාර්තමේන්තුවට සහ කාදිනල් පාර්ශ්වයට එරෙහිව නැගෙන ප්රශ්නය මෙයයි!
කොටුව මහේස්ත්රාත් අධිකරණයේ පැවැති නඩු විභාගයකදී,රාජ්යයේ නීතිය ක්රියාත්මක කරන රජයේ උසස් නීති නිලධාරියෙකු වන අතිරේක සොලිසිටර් ජෙනරාල් දිලීප පීරිස් සහ කාදිනල්වරයා වෙනුවෙන් පෙනී සිටින නීතිඥ කණ්ඩායම විසින්,රට වෙනුවෙන් ලේ සහ අවයව පූජා කළ වීරෝධාර රණවිරුවෙකුට සිදු කළ නිග්රහය සමස්ත රටවැසියාම දැඩි පිළිකුලෙන් යුතුව හෙළා දකිමු.
කවුද මේ වීරෝධාර රණවිරුවා?
දිලීප පීරිස්ගේ මෙම නින්දිත ප්රහාරයට ලක්වූයේ 1995 වසරේදී ම්ලේච්ඡ ත්රස්තවාදීන්ගේ පුද්ගල නාශක බෝම්බයකට හසුවී තමන්ගේ වම් පාදයේ කොටසක් අහිමි කරගනිමින්,අභීතව මව්බිම වෙනුවෙන් සටන් කළ බලපන්ති ලුතිනන් ශාන්ත ජයතිලකය.ඔහු විසින් දිනාගෙන ඇති පදක්කම් දෙස බලන්න:
වීර වික්රම විභූෂණ
රණ ශූර පදක්කම
දේශ පුත්ර පදක්කම
පූර්ණ භූමි පදක්කම (රටේ ඒකීයභාවය වෙනුවෙන් සටන් කළ සෙබළුන්ගේ පූජනීය උරුමය)
ඉහත ඇති ඡායාරූපයේ සඳහන් පරිදි,
"ටයි අඳින රස්සාව හැමෝටම කරන්න පුළුවන් වුණාට,තරු අඳින රස්සාව හැමෝටම කරන්න බෑ... Bro..."
යන්න මෙහි ඇති නිරුවත් සත්යයයි. සුඛෝපභෝගී වායුසමීකරණය කළ කාමරවල සිටින අයට,සටන් බිමේ මරණය අභියස තමන්ගේ ජීවිතය පූජා කර ලබාගත් මෙම "පදක්කම්" යනු හුදෙක් තහඩු කෑලි විය හැක.නමුත් ඒවා රටේ ඒකීයභාවය සුරැකි සෙබළාගේ රුධිරයෙන් ලියැවුණු ජාතියේ ජීවයේ වීරත්වයේ සංකේතයන්ය.
අපි ආණ්ඩුවේ සහ නීතිපති පාර්ශ්වය ප්රශ්න කරමු.
අතිරේක සොලිසිටර් ජෙනරාල් දිලීප පීරිස් අධිකරණය තුළදී මෙම රණවිරුවාගේ පදක්කම් "තහඩු කෑලි" එල්ලගෙන එනවා යැයි කියමින් කළේ ඉතාම තුච්ඡ සහ නීච ප්රකාශයකි.අපි නීතිපති දෙපාර්තමේන්තුවෙන් ප්රශ්න කරමු:
මෙය ඔබ නියෝජනය කරන ආණ්ඩුවේ හෝ නීතිපතිවරයාගේ නිල ස්ථාවරයද?
රජයේ ඉහළම නීති නිලධාරියෙකුට අධිකරණයක් වැනි ස්ථානයකදී,රට බේරාගත් වීරයෙකුට මෙවැනි තුච්ඡ ලෙස අපහාස කිරීමට අයිතියක් තිබේද?
රාජ්ය යාන්ත්රණයේ උසස් නිලධාරියෙකු මෙවැනි නරුම ප්රකාශයක් කිරීම යනු වෘත්තීය විෂමාචාරයක් (Professional Misconduct) නොවේද?
මෙය හුදෙක් නීතිමය වාදයකින් ඔබ්බට ගිය,දේශපාලනික අරමුණු සහිතව රණවිරු අභිමානය බිඳ හෙළීමට ගත් උත්සාහයක් බව අපේ ස්ථාවරයයි.
අපි කාදිනල් පාර්ශ්වයේ ද්රෝහී නිහඬතාවය සහ අනුමැතිය ප්රශ්න කරමු.
කාදිනල්වරයාගේ නීතිඥවරයා විසින් මෙම ප්රකාශය අනුමත කරමින්, රණවිරුවාගේ පැමිණීම පහත් කොට සැලකීම හරහා ඔවුන්ගේ සැබෑ මුහුණුවර මතුවිය.යුක්තිය සොයන බව පවසන ඔවුහු,තවත් ම්ලේච්ඡ ත්රස්තවාදයක වින්දිතයෙකු වන රණවිරුවෙකුට සිදු වූ මෙම අපහාසය දෙස නිහඬව බලා සිටීම හෝ ඊට අනුබල දීම යනු,සැබෑ සාධාරණත්වය පිළිබඳ ඔවුන්ට ඇති අයිතිය අහිමි කර ගැනීමකි.
ආණ්ඩුක්රම ව්යවස්ථාමය උල්ලංඝනය
1978 ආණ්ඩුක්රම ව්යවස්ථාවේ 12(1) වගන්තිය: නීතිය ඉදිරියේ සැමට සමාන ආරක්ෂාවක් හිමිවිය යුතුය.නමුත් රාජ්යයේම නීති නිලධාරීන් විසින් රණවිරුවෙකුට අධිකරණය තුළදී වාචික ප්රහාර එල්ල කරමින් අපහාස කිරීම, රණවිරුවාගේ මූලික අයිතිවාසිකම් බරපතළ ලෙස උල්ලංඝනය කිරීමකි.
නීතිඥ සංග්රහය සහ වෘත්තීය ආචාරධර්ම
අධිකරණයක ගෞරවය ආරක්ෂා කිරීමට බැඳී සිටින නීතිඥවරුන්,මෙවැනි වචන භාවිත කරමින් පුද්ගල අභිමානය කෙලෙසීම ශ්රේෂ්ඨාධිකරණ රීතිවලට සහ වෘත්තීය ආචාරධර්මවලට පටහැනි වේ.
අපට මහේස්ත්රාත්වරයාගෙන්ද ගෞරවයෙන් යුතුව විමසීමට ප්රශ්න කිහිපයක් ඇත.
අධිකරණ ශාලාවක ගෞරවය, ශිෂ්ටත්වය සහ විනය රැකීමේ පූර්ණ බලය ව්යවස්ථාවෙන්ම පැවරී ඇත්තේ විනිසුරු අසුනටයි.එසේ තිබියදී,රට වෙනුවෙන් තම ශරීර අවයව පූජා කළ බලපන්ති ලුතිනන් ශාන්ත ජයතිලක වීරයාගේ පදක්කම් " තහඩු කෑලි" ලෙස හෑල්ලු කරද්දී,උසාවියේ විනය පාලකයා ලෙස ඔබ නිහඬව සිටියේ මන්ද?
නීතිඥවරුන් උසාවිය තුළ වෘත්තීය ආචාරධර්ම සහ සභ්ය භාෂාව භාවිත කළ යුතු බවට ශ්රේෂ්ඨාධිකරණ රීති පවතිද්දී, මෙවැනි අසංවේදී වචන භාවිත කරන විට ඒවා වහාම ඉල්ලා අස්කර ගන්නා ලෙස නියෝග කිරීමට ඔබට හැකියාව තිබුණේ නැද්ද?
ජනාධිපති නීතිඥවරයා විසින් දැඩි ලෙස ඉල්ලා සිටින තුරුම,මෙවැනි ප්රකාශයන් අධිකරණ සටහන් පොතට ඇතුළත් කර ගැනීමට විනිසුරු අසුන ස්වේච්ඡාවෙන්ම මැදිහත් නොවීම,රණවිරුවන් කෙරෙහි සිදුවන මෙවැනි වාචික වදහිංසා තවදුරටත් දිරිගැන්වීමක් නොවේද?
යුක්තියේ දෙවඟනගේ දෑස් බැඳ ඇත්තේ අපක්ෂපාතීත්වය පෙන්වීමට මිස,රට වෙනුවෙන් ලේ හැලූ වීරයන් පාවා දෙන තුච්ඡ නරුමයන් දෙස බලා නිහඬව සිටීමට නොවන බව මහේස්ත්රාත්වරයා ඇතුළු සමස්ත අධිකරණ පද්ධතියම මතක තබා ගත යුතුය!
නීතිමය ක්රියාමාර්ග සහ ජනාධිපති නීතිඥවරයාගේ මැදිහත්වීම
සලේ වෙනුවෙන් පෙනී සිටි ජනාධිපති නීතිඥවරයා විසින් අදාළ නීච වචන සියල්ල අධිකරණ වාර්තාවට (Court Record) ඇතුළත් කරන ලෙස ඉල්ලා සිටීම අතිශය ප්රශංසනීය සහ තීරණාත්මක පියවරකි.මෙයින් තහවුරු වන්නේ මෙම නින්දිත ප්රකාශ අධිකරණ සටහන් පොතේ සදාකාලිකවම සටහන් වූ බවයි.
ඉදිරියේදී අදාළ නිලධාරීන්ට එරෙහිව ශ්රේෂ්ඨාධිකරණය හමුවේ හෝ ශ්රී ලංකා නීතිඥ සංගමය (BASL) හමුවේ වෘත්තීය විෂමාචාරයන් සම්බන්ධයෙන් නඩු පැවරීමට මෙය අතිශය ප්රබල නෛතික සාක්ෂියක් වනු ඇත.
අපේ අවසාන නිගමනය
සුරේෂ් සලේ වෙනුවෙන් පෙනී සිටි ජනාධිපති නීතිඥවරයා විසින් අදාළ නීච වචන සියල්ල අධිකරණ වාර්තාවට ඇතුළත් කරන ලෙස ඉල්ලා සිටීම අතිශය කාලෝචිතය.මෙම සිදුවීම සුළු කොට තැකිය නොහැක.
සමාජයේ පවතින තුච්ඡ ඊර්ෂ්යාව සහ නරුමවාදය නිසා,රටේ වීරයන්ට එරෙහිව මෙවැනි ක්රියා සිදු කිරීමේදී,ශ්රී ලාංකීය ජනතාව ලෙස අප මීට එරෙහිව නැගී සිටිය යුතුය.ආණ්ඩුවේ පාර්ශ්වය සහ කාදිනල් පාර්ශ්වය වහාම රටේ සියලු රණවිරුවන්ගෙන් සහ බළපන්ති ලුතිනන් ශාන්ත ජයතිලක මහතාගෙන් සමාව ගත යුතුය.
රණවිරු අභිමානය පාවා දෙන,ඔවුන්ගේ පදක්කම් "තහඩුඩ කෑලි" ලෙස හඳුන්වන දේශපාලන සහ නීතිමය අතකොළු රටට කිසිදා අවශ්ය නොවේ!
රණවිරුවන් වෙනුවෙන්
රටේ රාළ
සම්බන්ධිත පුවත් | Related News
ප්රධාන පුවත්
හෙල්ල විසිකිරීමේ ඩයමන්ඩ් ලීග් කිරුළ රුමේෂ් තරංගට..
අමෙරිකා ප්රහාරවලට ප්රතිචාර ලෙස ඉරානයෙන් හෝමුස් වෙත මිසයිල ප්රහාර..
22 මුල්කරගෙන හරිනි කැරැළි ගසන්නේ නැහැ.. අධිරාජ්යවාදී බලවේග ඊට සහාය දෙන්නේ නැහැ.. - ජාතික සංවිධානවලින් සහතිකයක්..
නාමල්ට එරෙහි නිමල් පෙරේරාගේ සාක්ෂිය ගැන ගම්මන්පිලගෙන් අනාවරණයක්..
විධායක බලය අවභාවිතය සහ මානව හිමිකම් කඩවීම් සම්බන්ධයෙන් ජිනීවා වෙතින් ශ්රී ලංකාවට බරපතල නිවේදනයක්...
නාමල් රාජපක්ෂ ලබන 18 දක්වා රිමාන්ඩ්..
නාමල් අල්ලස් කොමිසමේ අත්අඩංගුවට..
කතානායක ගැන වංචා දූෂණ පැමිණිල්ලට පාර්ලිමේන්තු ලොක්කෝ අල්ලස් කොමිසමේ..
ගල් අඟුරු හිඟයෙන් නොරොච්චෝල අර්බුදයක.. – විදුලි උත්පාදනයට දිනකට ඩීසල් ලීටර් ලක්ෂ 14ක්..
සෙවනගල සීනි ෆැක්ටරිය විකුණන්න හදනවා.. උක් ටොන් 6,000ක් විනාශ වෙමින්.. - ගොවීන්ගෙන් චෝදනා
ඇෆ්ගනිස්ථානයක් බවට පත්වෙමින් ඇති නැගෙනහිර බෞද්ධ උරුමය අන්තවාදීන්ගේ ග්රහණයට.. - විශේෂ හෙළිදරව්වක්..
දූෂණ විරෝධී සංශෝධන පනත් කෙටුම්පතට කාරක සභා අවස්ථාවේදී සංශෝධන.. - පෙත්සම් විභාගයේ සම්පූර්ණ විස්තරය මෙන්න..
සෑම වසරකම ලෝකයේ ගොවීන්ගෙන් අඩකට ආසන්න පිරිසක් පළිබෝධනාශක විෂවීමට ලක් වෙනවා – අධ්යයනයක් පවසයි
නොකළ යුතු දේම කරන මේ ආණ්ඩුව කළ යුතු ,කළ හැකි දේ කරන්නේ නැහැ.. - වෛද්ය වසන්ත බණ්ඩාර
අමෙරිකානු මොන්ටානා ආරක්ෂක හමුදාවට අමතරව තුයියකොන්තලා නේටෝ හමුදාවටත් ආරාධනා කරයි..- ජාතික සංවිධානවලින් අනතුරු ඇඟවීමක්
පෙත්සම්කරුවන්ගේ නීතිඥවරුන්ට, අවස්ථාව නොදීම ගැන පොදුරාජ්ය මණ්ඩලීය නීතිඥ සංගමයේ සභාපතිගේ කනස්සල්ල..