ගහට පොත්ත වගේ තියෙන ශානි සහ තරිඳු සබැඳියාව..

Jun 25, 2026 at 08:43 AM

|

Lanka Leader

මාධ්‍යවේදී තරිඳු ජයවර්ධන සහ CID අධ්‍යක්ෂක ශානී අබේසේකර මේ දවස්වල වැඩි පුරම කතා බහ වෙන නිසාත් සහ මේ දෙන්නා අතර තියෙන අපුරු සම්බන්ධතාවය නිසාත් මෙන්න මේ කරුණු ගැන හෙව්වා.

📌️කවුද මේ තරිඳු කියන්නෙ ?

2011 නොවැම්බර් සිට 2019 සැප්තැම්බර් දක්වා කාලටේ  'ලංකාදීප' පුවත්පතේ වසර 8ක් පමණ සේවය කරමින් අධිකරණ, අපරාධ විමර්ශන සහ සිවිල් අයිතිවාසිකම් පිළිබඳ විශේෂාංග ලිපි රැසක් රචනා කරපු මාධ්‍යවේදියෙක්.

ඊටපස්සේ ඔහු වඩාත් ස්වාධීන මාධ්‍ය භාවිතයක් උදෙසා කියලා 'MediaLK.com' නමින් විමර්ශනාත්මක කියලා කියන පුවත් වෙබ් අඩවිය සහ එහි යූටියුබ් නාලිකාව ආරම්භ කර ප්‍රධාන කර්තෘ ලෙස කටයුතු කරන්න පටං ගන්නෙ 2019 මැයි මාසායේ ඉඳලා.

( ඒ කියන්නෙ පාස්කු ප්‍රහාරයෙන් පස්සේ)

ඊටපස්සේ ප්‍රගීත් එක්නැලිගොඩ අතුරුදන් කිරීම, ලසන්ත වික්‍රමතුංග ඝාතනය, කීත් නොයාර් පැහැරගැනීම සහ රතුපස්වල වෙඩි තැබීම වැනි සිදුවීම් පිළිබඳව 'ලංකාදීප' සහ 'MediaLK' හරහා නිරන්තරයෙන් ලිපි පළ කළා.

ඊලඟට ඔහු ශ්‍රී ලංකා තරුණ ජනමාධ්‍යවේදීන්ගේ සංගමයේ (SLYJA) සභාපතිවරයා සහ සමාජය හා ආගම පිළිබඳ කේන්ද්‍රයේ (CSR) පර්යේෂකයෙකු ලෙස කටයුතු කරලා තියනවා.

එ වගේම ඔහු පොලිස් භාරයේ සිදුවන මරණ සහ වධහිංසාවලට එරෙහිව පෙනී හිටපු කෙනෙක්.

📌️කොහොමද ශානි අබේසේකර තරිඳු හා සම්බන්ධ වෙන්නෙ ?

2017- 2019 කාලයේ ශානි CID අධ්‍යක්ෂවරයා ලෙස මෙහෙයවූ ඉහළ පෙළේ දේශපාලන හා අපරාධ විමර්ශන පිළිබඳ තොරතුරු ජනගත කරන්නෙ තරිඳු.

ඒ කියන්නෙ ලසන්ත, එක්නැලිගොඩ, තාජුඩීන්  පිළිබඳව විමර්ෂන තොරතුරු තරිඳු  මහජනතාව වෙත වාර්තා කරනවා.

සරලව කිව්වොත් ශානීගේ විමර්ෂන වලට මාධ්‍ය ආවරණය දෙන්නෙ තරිඳු.

ඊටපස්සේ 2019 ජනාධිපතිවරණයෙන් පසු වහාම ක්‍රියාත්මක වන පරිදි ශානි අබේසේකර මහතා CID අධ්‍යක්ෂ ධුරයෙන් ඉවත් කර ගාල්ලට මාරු කළ අවස්ථාවේදී, එය දේශපාලන පළිගැනීමක් බව මුලින්ම රටට අනාවරණය කළ මාධ්‍යවේදියෙකු වෙන්නෙත් තරිඳු.

ඊලඟට ශානි අබේසේකරව අත්අඩංගුවට අරගෙන මාස 11ක් රක්ෂිත බන්ධනාගාරගත කර සිටි සමයේ, ඔහුට එරෙහිව තිබ්බ චෝදනා බොරු බව කියමින් සහ ඔහු මුහුණ දුන් සෞඛ්‍ය අවදානම (කොවිඩ් වැළඳීම ඇතුළු) ගැන  තරිඳු තරුණ ජනමාධ්‍යවේදීන්ගේ සංගමය හරහා ජාත්‍යන්තර අවධානය දිනා ගැනීමට කටයුතු කළා.

සරලව කිව්වොත් තරිඳු කලේ තමන්ගේ මාධ්‍ය ජීවිතයට නිම කරන්න බැරි සහයක් දුන්න ශානි වෙනුවෙන් පෙනී ඉන්න ගමන් ශානිව ආරක්ෂා කිරීම.

ඊටපස්සේ තරිඳු මේක කොච්චර හොඳට කරනවද කියනවා නම් බන්ධනාගාරයෙන් නිදහස් වීමෙන් පසු ශානි අබේසේකර  පැවතියා යැයි කියන ජීවිත තර්ජන හමුවේ පොලිසිය විසින් දුන්  ආරක්ෂාව පසුව පොලිසිය ඉවත් කිරීමට පියවර ගත්තා. මෙයට එරෙහිවත් තරිඳු  තොරතුරු දැනගැනීමේ අයිතිවාසිකම් පිළිබඳ කොමිෂන් සභාව (RTI) වෙත අභියාචනයක් ඉදිරිපත් කර, දීර්ඝ නීතිමය සටනකින් පසු 2022 දෙසැම්බර් මාසයේදී පොලිසිය ලවා එම ආරක්ෂාව නොදීමට අදාළ රහසිගත තොරතුරු හෙළිදරව් කර ගැනීමට සමත් වෙනවා.

2024 දී ශානි අබේසේකරව යළි CID අධ්‍යක්ෂවරයා ලෙස සේවයේ පිහිටුවීමෙන් පසුවත්, මෑතකදී (2026 මැයි මාසයේදී) ඔහුව නියෝජ්‍ය පොලිස්පති (DIG) තනතුරට උසස් කිරීමට පරිපාලන අභියාචනා විනිශ්චයාධිකාරය දුන් නියෝගය පිළිබඳවත් තරිඳු සිය සමාජ මාධ්‍ය සහ වෙබ් අඩවිය හරහා  තොරතුරු ජනගත කලා. 

ඒ වගේම ශානි කරන වත්මන් විමර්ෂන විශේයෙන්ම පාස්කු විමර්ෂන ගැන තොරතුරුත් දැන් අනිත් මාධ්‍යවලට කලින් වාර්තා කරන්නෙ තරිඳු.

සරලව කිව්වොත් ශානිගේ මාධ්‍ය සගයා වගේ ඉන්නෙ තරිඳු.

මොකද දෙන්නට දෙන්නා ගොඩක් උදව් කරගෙන තියනවා.

📌️තරිඳුට මේවා වාර්තා කරන කොට ප්‍රශ්න ආවේ නැද්ද ?

2022 දී ඔහු තැබූ ෆේස්බුක්  සටහනක් සම්බන්ධයෙන් එවකට පොලිස්පතිවරයා කළ පැමිණිල්ලකට අනුව, CID යටතේ ඇති සයිබර් අපරාධ විමර්ශන අංශය (CCID)  තරිඳුව පැය 6කට ආසන්න කාලයක් රඳවාගෙන ප්‍රශ්න කරලා තියනවා.

2024 ඔක්තෝබර් මාසයේ පාස්කු ප්‍රහාරයේ වාර්තාකරණය නිසා අත්අඩංගුවට ගැනීමේ කුමන්ත්‍රණයක් ක්‍රියාත්මක උනා කියලා කියනවා.

ඒ කියන්නේ මේ ආණ්ඩූව ආවට පස්සේ.

ඒකට හේතුව පාස්කු ඉරිදා බෝම්බ ප්‍රහාරයේ විමර්ශනවලට අදාළ රහසිගත තොරතුරු සිය 'MediaLK' යූටියුබ් නාලිකාව හරහා හෙළිදරව් කිරීම   කියලයි කියන්නෙ.

අපරාධ පරීක්ෂණ දෙපාර්තමේන්තුව (CID) සහ ඇතැම් නීතිඥවරුන් අධිකරණයට කරුණු දක්වමින් කියා සිටියේ තරිඳුගේ වාර්තාකරණය නිසා විමර්ශනවලට බාධා වන බවත්, ඔහුව අත්අඩංගුවට ගැනීමට අධිකරණයට බලයක් ඇති බව කියලා.

තමන්ව අත්අඩංගුවට ගැනීමට කුමන්ත්‍රණයක් ක්‍රියාත්මක වන බව පවසමින් තරිඳු ජයවර්ධන මහතා 2024 ඔක්තෝබර් 10 වැනිදා වැඩබලන පොලිස්පතිවරයා වෙත ලිපියක් යොමු කරමින් සිය ආරක්ෂාව සහ මාධ්‍ය නිදහස ඉල්ලා සිටියා.

ඊටපස්සේ ඔහු 2025 දෙසැම්බර් – 2026 පෙබරවාරි කාලයේ  අම්බුළුවාව පුජා භූමිය ආශ්‍රිත කටයුතු වල දූෂණ තියනවා කියලා  හෙළිදරව්වක් කරනවා.

මෙයට එරෙහිව ලැබුණු 'අපහාස කිරීමේ' පැමිණිල්ලක් මත, 2025 දෙසැම්බර් 26 වැනිදා ගම්පොල පොලිසිය විසින් ප්‍රකාශයක් ලබා දීම සඳහා ඔහුව කැඳවනවා.

ඊටපස්සේ  ලංකාවේ අපහාසය සාපරාධී වරදක් නොවන (Criminal Defamation නීතිය 2002 දී අහෝසි කර ඇත) පසුබිමක, පොලිසිය මෙලෙස මාධ්‍යවේදියෙකු කැඳවීම අනීතික බව තරුණ ජනමාධ්‍යවේදීන්ගේ සංගමය පෙන්වා දෙනවා.

2026 පෙබරවාරි මාසයේදී ශ්‍රී ලංකා මානව හිමිකම් කොමිෂන් සභාව (HRCSL) විශේෂ ප්‍රකාශයක් නිකුත් කරමින්, තරිඳු ජයවර්ධන පොලිසියට කැඳවීම මාධ්‍ය නිදහස සහ ප්‍රකාශනයේ අයිතිය බරපතළ ලෙස උල්ලංඝනය කිරීමක් බවත්, එය පොලිස් චක්‍රලේඛවලට පටහැනි බවත් නිල වශයෙන් නිවේදනය කරනවා.

📌️සරල කතාව තරිඳු සහ ශානි දෙන්නම 2017 කාලයේ ඉඳල ගොඩක් හිතවත් කියල පේනවා.

📌️ඊලඟට ශානිගේ විමර්ෂන වලට අදාල සමාජ මාධ්‍ය හා මාධ්‍ය ආවරණය දෙන්නෙ 2017 ඉඳලම තරිඳු.

📌️ඊටපස්සේ යහපාලන ආණ්ඩූව පෙරලිලා තමන්ගෙන් පලිගත්තා කියලා කියන ශානිට රිටන් එක දෙන්න රාජපක්ෂලා හදන කොට ශානීව මාධ්‍ය හරහා ආරක්ෂා කරන්නෙ තරිඳු.

📌️ඊටපස්සේ වර්තමානයේ ශානී කරන විමර්ෂන වල බොහෝ කරුණු මාධ්‍යයට එන්නෙත් තරිඳු හරහා සහ එම කරුණු නිවැරදි කියලා සමාජ මතය හදන්නෙත් තරිඳු.

📌️සරලව කිව්වොත් එදා ශානිට සහ තරිඳුලා රාජපක්ෂලාට දුන්න රිටන් එක රාජපක්ෂලා ආවම ශානිට හා තරිඳුට දෙනවා.

දැන් ඒක ආපහු ශානි සහ තරිඳු රාජපක්ෂලාට දෙනවා.

📌️පරීක්ෂණ සහ විමර්ෂණ වල ඇත්ත නැත්ත ඉතිං බලාගන්න වෙන්නෙ අධිකරණ තීන්දු වලින්ම තමයි.

- චිරාත් උයනහේවා 

(මුහුණු පොතින් උපුටා ගන්නා ලදී)