කාදිනල්තුමා සහ පාස්කු ප්‍රහාරයේ නොකියවුණු කතාව..
අතිඋතුම් කාදිනල් මැල්කම් රංජිත් කොළඹ අගරදගුරුතුමන් සමඟ මේ ඉන්නේ ජ්‍යෙෂ්ඨ නියෝජ්‍ය පොලිස්පති ප්‍රියලාල් දසනායකය. ඔහු ශ්‍රී ලංකා පොලිසියේ විශේෂ ආරක්ෂක දිසාව භාර (Special Protection Range) හිටපු ජ්‍යෙෂ්ඨ නියෝජ්‍ය පොලිස්පතිවරයා ය.
ප්‍රියලාල් දසනායක පාස්කු ඉරිදා ප්‍රහාරය වන සමයේ, රාජ්‍ය බුද්ධි සේවයෙන් තමන්ට ලැබුණු බුද්ධි තොරතුර අනුව 2019 අප්‍රේල් 11 වැනි දින විශේෂ ආරක්ෂක නිවේදනයක් නිකුත් කරනු ලැබුවේය.
එම නිල ලිපිය මගින් ඔහු අමාත්‍ය ආරක්ෂක කොට්ඨාසය, අධිකරණ ආරක්ෂක කොට්ඨාසය සහ රාජ්‍ය ත්‍රාන්තික ආරක්ෂක කොට්ඨාසය ඇතුළු අංශ රැසක අධ්‍යක්ෂකවරුන් වෙත ප්‍රහාරයක් එල්ලවීමේ අවධානම පෙන්වා දෙමින් ආරක්ෂාව දැඩි කරන ලෙස උපදෙස් දී තිබිණි. මේ වාක්‍යයේ සඳහන් අංශ රැසක යන්නට “ආගමික නායකයන්ගේ” ආරක්ෂාව ද ඇතුළත් ය.
පාස්කු ඉරිදා ප්‍රහාරය පිළිබඳව පසුව සිදු කෙරුණු විමර්ශන කොමිෂන් සභාවන්වල දී ප්‍රහාරයට පෙර බුද්ධි තොරතුරු ලැබීමෙන් පසු ඒ පිළිබඳව ලිඛිතව යම් හෝ පියවරක් ගත් එකම ඉහල පොලිස් නිලධාරියකු ලෙස සඳහන් වූයේ මොහුගේ නමය.
“ආගමික නායකයන්” යන හැඳින්වීමට කතෝලික සභාවේ ආගමික නායකයන් අතර අතිඋතුම් කොළඹ අගරදගුරු කාදිනල් මැල්කම් රංජිත් පියතුමාද වූ බව අවිවාදිතය.
හරීන් ප්‍රනාන්දු වනාහි කතෝලික ආගමිකයකු වේ. ඔහු එකල පැවති ආණ්ඩුවේ ඇමතිවරයකු ද විය. ඔහු කීවේ තමන්ගේ තාත්තා පාස්කු ඉරිදා දිනයේ දී පල්ලියට නොයන ලෙස තමන්ට දැනුම් දුන් බවය. හරීන්ගේ තාත්තා නිහාල් ප්‍රනාන්දු ය. පාස්කු ඉරිදා ප්‍රහාරයට පසුව ඒ පිළිබඳව විමර්ශණය කිරීමට පත්කළ ජනාධිපති කොමිෂන් සභාවේ දී හරින් ප්‍රනාන්දු කියා සිටියේ, ප්‍රහාරය එල්ල වූ 2019 අප්‍රේල් 21 උදෑසන තම සහෝදරිය ඔහුට දුරකථනයෙන් අමතා එදින දේවමෙහෙයන්ට හෝ ප්‍රසිද්ධ ස්ථානවලට (විශේෂයෙන්ම කිංස්බරි හෝටලයට) නොයන ලෙස පියා තමන්ට පැවසූ බවය.
පසුකාලීනව පාස්කු ප්‍රහාරය පිළිබඳ විමර්ශන කොමිසමේදී හෙළිවූයේ, ප්‍රහාරයට පෙර දින (අප්‍රේල් 20) රාත්‍රී 8.12 පමණ අපරාධ විමර්ශන දෙපාර්තමේන්තුවේ (C.I.D.) විශේෂ විමර්ශන නිලධාරියකු වූ සාර්ජන්ට් නන්දලාල් විසින් එවකට නවලෝක රෝහලේ දැඩි සත්කාර ඒකකයේ ප්‍රතිකාර ලබමින් සිටි හරීන් ප්‍රනාන්දු ඇමතිවරයාගේ පියා වෙත විනාඩි 6 ක පමණ දුරකථන ඇමතුමක් ලබා දී මෙම අනතුරු හැඟවීම සහ තොරතුරු ඔහුට ලබා දී තිබෙන බවයි.
එම C.I.D. නිලධාරියා මාවනැල්ල බුදුපිළිම කඩා බිඳ දැමීම, වනාතවිල්ලුව අවි ගබඩාව සහ සහරාන්ගේ ජාලයට සම්බන්ධ “ආමි මොහිදීන්” නැමැත්තාගේ ප්‍රශ්න කිරීම් ආදී ඉස්ලාමීය අන්තවාදී විමර්ශන රැසකට සම්බන්ධ වී සිටි අයෙක් වේ. ඔහු හරීන් ප්‍රනාන්දුගේ පියා වෙත මෙම බුද්ධි තොරතුර ලබා දී තිබුණේ, ඊට පෙර කිසියම් මූල්‍ය වංචාවන් පිළිබඳ පැමිණිල්ලක් සම්බන්ධ පරීක්ෂණවල දී හරීන්ගේ පියා සමග කිසියම් හිතවත්කමක් ඇතිව තිබූ අයකු වූ බැවිණි. මෙය අදාළ කොමිෂම් සභා විමර්ශනයේ දී අණාවරණය වුණි.
පෞද්ගලික හිතවත්කමක් මත හරීන්ගේ තාත්තාට C.I.D. යේ විශේෂ විමර්ශන නිලධාරියකු වූ සාර්ජන්ට් නන්දලාල් මේ බව දැන්වූයේනම්, කාදිනල්තුමන් ඇතුළුව ආගමික නායකයන්ගේ ආරක්ෂාව බාර විශේෂ ආරක්ෂක දිසාව බාර ජ්‍යෙෂ්ඨ නියෝජ්‍ය පොලිස්පති ප්‍රියලාල් දසනායක මේ සුවිශේෂි බුද්ධි තොරතුර කාදිනල්තුමන්ට නොදැන්වූයේයැයි කිවහැක්කේ කවරකුටද?
කවරකු හෝ එසේ සිතනවානම්, දැන් ආණ්ඩුවට බල කළ යුත්තේ හිටපු නියෝජ්‍ය ජ්‍යෙෂ්ඨ පොලිස්පති ප්‍රියලාල් දසනායකගෙන් ඒ ගැන විමසා ප්‍රකාශයක් ලබා ගන්නා මෙන්ය. එහෙත්, කිසිවකු එසේ කරන්නේ නැත.
මැල්කම් රංජිත් කාදිනල්තුමා කොළඹ අගරදගුරු පදවියට පත්වූයේ 2009 වසරේදීය. එම වසරේ සිට 2019 වසරේ “පාස්කු ඉරිදා” පෙරවරුවේ පැවැත්වෙන පාස්කු ඉරිදා පූජාවට සහභාගි නොවීම හැර, අන් සෑම වසරකම එතුමන් ඒ සඳහා සහභාගී වී ඇත. සිරිල් ගාමිණී පියතුමා මාධ්‍යයට කීවේ, එතුමා (කාදිනල්තුමා) 2019 පෙරවරුවේ එම පූජාව තමන් රැඳී සිටි ස්ථානයේම සිදුකළ බවය. එයින් කියැවෙන්නේ, එම පූජාව කිරීම සඳහා නියම වී තිබූ කොටහේනේ සෙන්ට් ලුසියා කැතීඩ්‍රලයේ පූජාවට සහභාගි වීමට එතුමාට කිසිදු කායික හෝ වෙනත් බාධාවක් නොතිබුණු බවය. එසේනම්, එතුමා එම පූජාව 2018 වසර වනතුරු එදින පෙරවරුවේ සිදුකළ කොටහේනේ දෙව් මැදුරට නොගියේ මන්ද?
හරීන් ප්‍රනාන්දු කියන අන්දමට ඔහු මේ ප්‍රහාරය ගැන දැනගත්තේ තම සොයුරියගෙන් ය. C.I.D. යේ සාර්ජන්ට් කෙනෙකු තම තාත්තාට දුන් තොරතුරකට අනුවය. එයින් කියැවෙන්නේ ඔහු ඒ ගැන දැනගත්තේ අවිධිමත් ආකාරයකින් බවය.
කාදිනල් මැල්කම් රංජිත් ප්‍රභූ ආරක්ෂාවට අයිතිය. බුද්ධි තොරතුරු ලැබී තිබුණේ කතෝලිකයන් ඉලක්ක කරගත් ප්‍රහාරයක් ගැනය. එකල කාදිනල් ඇතුළු ප්‍රභූ ආරක්ෂාව බාරව සිටි ජ්‍යෙෂ්ඨ නියෝජ්‍ය පොලිස්පති ප්‍රියලාල් දසනායක එතුමන්ව ඒ ගැන දැනුවත් නොකළේයැයි සිතන්නට හේතු නැත. එසේ ඔහු දැනුවත් නොකළේනම් කතෝලික සභාව ඔහුට ඒ චෝදනාව මෙතෙක් එල්ල නොකර සිටින්නේ ද නැත. මේ අනුව මුලින්ම විමර්ශනය කළ යුත්තේ කුමක් ද?
කතෝලික බැතිමතුන් ඉලක්කකොටගෙන 2019 අප්‍රේල් 19 දේවස්ථාන කිහිපයකට (බුද්ධි තොරතුරු අතර අදාල දේවස්ථාන නම් පවා තිබිණි) ඉස්ලාමීය අන්තවාදින් ප්‍රහාර එල්ල කරන බව දැන දැනම එම දේව මෙහෙයන් (පූජාවන්) නතර කිරීමට කාදිනල් මැල්කම් රංජිත් කටයුතු නොකළේ කුමන හේතුවක් මත ද යන්න විමර්ශනය කළ යුතු වැදගත්ම කාරණය නොවන්නේද? එතුමා අගරදගුරු පදවියට පත්වීමෙන් පසු නොගිය එකම පාස්කු ඉරිදා දේවමෙහෙය මෙයයි. එතුමා නොගියේ හේතුවක් ඇතිවය. ඒ හේතුව සෙසු දේව මෙහෙයන් වලකාලනු පිණිස යොදා නොගත්තේ කුමන හේතුවක් මතද?
මේ වූ කලී ඔලුවේ නහර ගැට ගැහෙන ප්‍රශ්නය. මේවාට උත්තර නොදී සුරේෂ් සලේට වද පමුණුවා “පාපය” අන් අය මත පැටවිය හැකියැයි සිතිය හැකිද? ශානිව හා රවීව (සිරිල් ගාමිණී පියතුමාට අනුව පෙර විමර්ශනය කළ අයම) අනුර කුමාරගේ ආණ්ඩුවෙන් පාස්කු විමර්ශනයට දාගන්න කාදිනල්තුමන්ට ඕනෑ වූයේ මේ හින්දාය. උන් ද “ගිල්ටි” ය. කාදිනල් ද “ගිල්ටි” ය. “ගිල්ටි” සැවොම එක්වී දැන් හදන්නේ සලේව ගිලටීනයට ගෙන යාමට ය. සලේ හරහා ගෝඨා ගිලටීනයට ගෙන යාමට ය. ගෝඨා ගිලටීනයට ගෙන යාම හරහා සිංහල බෞද්ධයා පාස්කු ප්‍රහාරයේ පාපතරයා ලෙස නම්කර කුරුසයේ ඇණ ගහන්නට ය. මේවාට අත්පොලසන් නගන්නවුන් සිටිය යුත්තේ නිරයේ ය.
(lankaundergroundnews වෙබ් අඩවියෙන් උපුටා ගන්නා ලදී)
සම්බන්ධිත පුවත් | Related News
ප්‍රධාන පුවත්
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..
මහානායක අතිපූජ්‍ය ඕමාරේ කස්සප නායක හිමියන් විපක්ෂ නායක හිරවෙන ප්‍රශන 3ක් අහලා..