කොවිඩ් කළමනාකරණය..

May 10, 2026 at 02:42 PM

|

Lanka Leader

මෙහි දැක්වෙන්නේ ධනුෂ්ක නුවන් පතිරණ Dhanushka Nuwan Pathirana නම් වෛද්‍යවරයෙක් වෛද්‍යවරුන්ගේ fb සාමූහිකයකට සැපයූ ලිපියකි. ඔහුගේ fb පිටුවේ ද එය පළ කර ඇත. (මෙම වෛද්‍යවරයා මාගේ පෞද්ගලික මිතුරකු හෝ ශිෂ්‍යයකු හෝ නොවේ. මට කිසිදා හමු වී ද නැත).

කොවිඩ් වසංගතය අවස්ථාවේ අප සිදු කළ කැපවීම යටපත් කර මඩ ගැසීමට දැවැන්ත ව්‍යාපාරයක් දියත් විය. ජවිපෙට සහාය දැක්වූ වෛද්‍යවරු කණ්ඩායමක් එහි මූලිකත්වය ගත්හ. ඉන් ඇතැම්හු අද ඇමැතිවරු, නියෝජ්‍ය ඇමැතිවරු සහ මන්ත්‍රීවරු ලෙස පාර්ලිමේන්තුව නියෝජනය කරති. 

කල් ගතවී හෝ සෞඛ්‍ය සේවකයන්ටම සැබෑ තතු අවබෝධ වීම සතුටට කරුණකි. 

උපුටා ගැනීම 👉

//කවුරුන් කෙසේ කීවත් කොරෝනා වැනි අතිශය ව්‍යසනකාරී අර්බුදයක් කළමනාකරණය කර, මියැදෙන්නට තිබුණු (මා ද ඇතුලු ව) සිය ගණනක් ජීවිත ඉන් මුදවා ගත් නායකත්වයට අද ද හිස නමා ආචාර කරමි.....

අද වැනි පාලන සමයක, කෝරෝන වැනි වසන්ගතයක් පැමිණියේ නම් කුමක් වේවි දැයි මදකට උපකල්පනය කර බලන්න ...

එකල, උදෑසන 6ට දරුණු කෝවිඩ් නියුමෝනියා වාට්ටුවට යනෙන විට, රෝගීන්ට අවශ්‍ය සියලු ඔක්සිජන් ගෙනැවිත් තිබුණි....

අතිශය පිරිවැයක් ගත වුවද කිසිම රෝගියෙකුට මොහොතක්වත් ඔක්සිජන් අඩුපාඩුවක් තිබුණේ නැත...අවශ්‍ය බෙහෙත් සියල්ල -මිල අධික වුවත් -- Enoxaparin, Ceftriaxone, Meropenum, Dexamethasone, methylprednisone ආදි සියල්ල කිසිදිනක හිග වූයේ නැත.....

සියලු කෝවිඩ් නියුමෝනියා රෝගීනට නිවැසියන්ට පැමිණීමට නොහැකි නිසා, සැකසූ බත් ආහාර නිසි පරිදි ලැබිණි...

අවශ්‍ය වූ විට සහල් කැද, කිරි තේ අඩුවක් නොතිබිණි....

විකාරුරූපී චක්‍රලේඛ ගෙනෙන උගත් යැයි සම්මත වත්මන් ඇමතිවරුන් මෙන් නොව, ප්‍රායෝගික ව වාට්ටුවලට අදාල රෙදි, පැම්පස්, CPAP, High flow වැනි උපකරණ, සමීපාරක්ෂණ ද්‍රවය අදාල පරිදි බාධාවකින් තොර ව රෝහල් තුළට ලබා ගැනීම මනා සේ කළමනාකරණය විය...

සෞඛ්‍ය සේවකයින්ගෙ අභිමානය ගැන උසුලු විසිලු කරන වත්මන් පාලකයින් මෙන් නොවී, ඔවුන්ගේ සේවය අගයා දිරිගැන්වීම් ලබා දෙන ලදී..

සියලු සෞඛ්‍යය සේවකයන් හට ප්‍රධාන රෝගල්වල සිට නිවැසට යෑමට උදැසන, දහවල හා සවස බස් රථ යොදවා තිබිණි...

සෞඛ්‍යය සේවයකන්ගේ ආරක්ෂක ඇදුම් ආදිය හැකි තරමින් ලැබුණු අතර, වාට්ටු සියල්ල වසන්ගතය සෞඛ්‍ය සේවකයින්ට බෝ නොවන සේ ආවරණ සකසා, විධිමත් ලෙස සකසන ලදි..

වාට්ටු පිරිසුදු කීරීම සදහ අවශ්‍ය රසායනික නිසි පරිදි එවූ අතර,, සෞඛ්‍යය සේවකයින්ගේ නිවැසියන්ගේ ආරක්ෂාව වෙනුවෙන් රෝහලෙන් නික්මීමට පෙර පිරිසුදු කටයුතු කරගැනීමට අවශ්‍ය පහසුකම් හැකි පරිදි සකසන ලදී....

අද සෞඛ්‍යය ක්ෂේත්‍රයේ අභ්‍යන්තර අර්බූදය ගැන කතා කරන්නට ගොස් රස්සාවෙන් වන්දි ගෙවීමට සිදු විය හැකි මා දනිමි....

ඒ සියල්ල සිදුවන අතරතුර, සමාගම් සේවකයින් හා ගුරුවරුන් පාරට ගෙන එමින්, බොර දියේ මාළු බෑ අවස්ථාවාදී දේශපාලනික හස්තයන් ද සිටි බව සිහි තබා ගත යුතුය..

(ආචාර්ය දන්න ජයසුමනගේ මුහුණු පොතෙන් උපුටා ගන්නා ලදී)