කොමිසමට දුන්න රහස් කට උත්තර රංග, එරංගට පෙන්නුවේ ඇයි?..
නියෝජ්‍ය ඇමති එරංග ගුණසේකර පෙරේදා (08) ප්‍රසිද්ධ ප්‍රකාශයක් කරමින් කිව්වේ මියගිය කපිල චන්ද්‍රසේන එයාර්බස් ගණුදෙනුවට අදාලව අල්ලස් කොමිසමට දුන්න ප්‍රකාශයයෙන් මේ දූෂිත ගණුදෙනුවට හිටපු ජනාධිපති මහින්ද රාජපක්ෂ සම්බන්ධ බවට ප්‍රකාශ කළා කියලයි. මෙතනදී රටේ රාළ පෙනී ඉන්නේ කපිල චන්ද්‍රසේන වෙනුවෙන්වත් මහින්ද රාජපක්ෂ වෙනුවෙන් වත් නෙවෙයි. මේ රටේ නීතිය අවභාවිතා කිරීමට එරෙහිවයි.
මෙතනදී මතුවෙන පලවෙනි ප්‍රශ්නය තමයි අල්ලස් හෝ දූෂණ විමර්ශන කොමිසම වගේ අතිශයින් තද බල නීතිරීති තියන තැනක,රහස්‍යභාවය උපරිමයෙන් සුරකිනවා කියන තැනක, සුපිරිසුදු යැයි කියන රටේ ඉහලම නීති ආයතනයක විත්තිකරුවෙක් දීපු කට උත්තරයක තිබුණ කරුණක් ආණ්ඩුවේ නියෝජ්‍ය ඇමතියෙක් ප්‍රසිද්ධ මාධ්‍යය ඉදිරියේ කියන්නේ කොහොමද කියන එකයි.එයා ඒවා දැනගත්තේ කොහොමද කියන එකයි.
.මේක ඇමතියාගේ මෝඩකමටම කරන ප්‍රකාශයක් උනත් මේක නිත්‍යානුකූලව ප්‍රකාශයක් නෙවෙයි.රටේ නීතිය කඩනවා නං ඒකා මෝඩයෙක් කියලා කටපියාගෙන ඉන්න රටේ රාළට බෑ.අඩුම ගානේ මේ මෝඩ හැතිකරේ එලවන්න ජනතාව දැනුවත් වෙන්න මේක කියන්න ඕනි.ඊට අමතරව මේ ප්‍රකාශවලින් ඉලක්කවන පුද්ගලයන්ගේ පෞද්ගලිකත්වයට සහ ගෞරවයටත් මේ ප්‍රකාශ මගින් හානි වෙනවා.මහේස්ත්‍රාත් අධිකරණයේ විභාග වෙන නඩුකරයක විත්තිකරුගේ ප්‍රකාශ ප්‍රසිද්ධියේ ප්‍රකාශ කිරීම අධිකරණයට කරන අපහාසයක් නෙවෙයිද?
එරංගගේ ප්‍රජාතන්ත්‍ර විරෝධී ප්‍රකාශ සම්බන්ධයෙන් වහාම නීතියමය ක්‍රියාමාර්ගයක් ගන්න ඕනි.මොකද එරංගගේ මේ ප්‍රකාශයෙන් විමර්ශනවල රහස්‍යභාවය සහ නීතියේ පාලනය අභියෝගයට ලක්වෙනවා.මෑතකදී දේශපාලන කරළියේ කතාබහට ලක්වන 'එයාර්බස්' ගනුදෙනුව සම්බන්ධයෙන් රජයේ නියෝජ්‍ය ඇමතිවරයෙකු විසින් කරන ප්‍රකාශයක් මේ රටේ නීති පද්ධතියේ සහ ස්වාධීන විමර්ශන ආයතනවල පැවැත්ම පිළිබඳ බරපතල ප්‍රශ්න කිහිපයක් මතු කරනවා.
විමර්ශන ආයතනයක් හමුවේ ලබාදුන්න රහස්‍ය ප්‍රකාශයක් දේශපාලන වේදිකාවක ප්‍රසිද්ධ කිරීම හුදු දේශපාලන ප්‍රකාශයකින් එහා ගිය නෛතික අර්බුදයක් නිර්මාණය කරනවා.2023 අංක 9 දරන දූෂණ විරෝධී පනත මගින් අල්ලස් හෝ දූෂණ විමර්ශන කොමිෂන් සභාවට පුළුල් බලතල මෙන්ම දැඩි වගකීම් ප්‍රමාණයක් ලබා දීලා තියනවා.එතන ප්‍රධානතම අංගයක් වෙන්නේ විමර්ශනයකට අදාළ තොරතුරුවල රහස්‍යභාවය රැකීමයි.
විමර්ශනයක් සිදුවන අතරතුර අල්ලස් කොමිසමට දුන්න ප්‍රකාශවල පිටතට කාන්දුවීමෙන් අදාළ සාක්ෂිකරුවන්ගේ ආරක්ෂාවට මෙන්ම විමර්ශනයේ අපක්ෂපාතීත්වයට දැඩි හානික් වෙනවා.මුග්ධයෙක් උනත් එරංග ආණ්ඩුවේ නියෝජ්‍ය ඇමතිකෙනක්.මිනිහගේ මෝඩකම වෙනම කතාවක්.ඒ වගේ මුග්ධයින්ට ඇමතිකම් දීපු එකත් වෙනමම කතා කරන්න ඕනි මාතෘකා.හැබැයි එරංගයා මේ වගේ රහස්‍ය තොරතුරු ප්‍රසිද්ධ කිරීමෙන් ඒ ස්වාධීන ආයතනය දේශපාලන උවමනාවන් මත හසුරවෙන බවට සමාජයට පැහැදිලව පේනවා.
යම් කාරණක් අධිකරණ බලය සහිත මහේස්ත්‍රාත් අධිකරණයක විභාගවෙමින් තියනකොට ඒ ගැන මහජන මතය හැසිරවීම හෝ නඩු විභාගයට බලපෑම් කරන්න පුළුවන් විදිහේ ප්‍රකාශ කිරීම 'Sub Judice' නීතිය යටතේ බරපතල වරදක්.විත්තිකරුවෙක් දුන්න ප්‍රකාශයක අන්තර්ගතය නඩුව අවසන් වීමට පෙර ප්‍රසිද්ධ කිරීම හරහා අධිකරණ ක්‍රියාවලියට 'පූර්ව නිගමන' (Pre-judgment) ඇතුළත් කිරීමට උත්සාහ දැරීම අධිකරණයට කරන අපහාසයක් විදිහට සලකන්න පුළුවන්.සාධාරණ නඩු විභාගයක් සඳහා ඕනෑම පුද්ගලයෙකුට ඇති අයිතිය මෙතනදී බරපතල විදිහට උල්ලංඝනය වෙනවා.
ලෝකයේ පිළිගත් ඕනෑම ශිෂ්ට නීති පද්ධතියක මූලික පදනම වන්නේ "අධිකරණයකින් වරදකරුවෙකු කරන තෙක් ඕනෑම අයෙකු නිවැරදිකරුවෙකු" විදිහට සැලකීමයි.දේශපාලන වේදිකාවල පුද්ගලයන් වරදකරුවන් කිරීම මගින් අදාළ පුද්ගලයාගේ කීර්තිනාමයට සහ පෞද්ගලිකත්වයට කරන හානිය නැවත හදන්න බෑ.මේ වගේ ප්‍රකාශවලින් අපහාසයට ලක්වන පාර්ශවයන්ට සිවිල් නීතිය යටතේ 'අපහාසයට වන්දි' (Defamation) ඉල්ලා නඩු පැවරීමේ නෛතික අයිතිය තියනවා.ප්‍රජාතන්ත්‍රවාදී රටක විධායකය,ව්‍යවස්ථාදායකය සහ අධිකරණය ස්වාධීනව ක්‍රියාත්මක වෙන්න ඕනි.
විධායකයේ (රජයේ) සාමාජිකයෙක් අධිකරණ ක්‍රියාවලියකට අතපෙවීම හෝ එය තමන්ට අවශ්‍ය පරිදි මාධ්‍ය හරහා මෙහෙයවීම 'බලතල බෙදීමේ සිද්ධාන්තය' උල්ලංඝනය කිරීමක්. දූෂණ විරෝධී සටනක් කියන්නේ නීත්‍යානුකූල පටිපාටියක් මිස මාධ්‍ය සංදර්ශනයක් නෙවෙයි කියලා අනුර සහ බාල ගෝලයෝ දැනගන්න ඕනි.රටක නීතියේ පාලනය තහවුරු වෙන්නේ දේශපාලන අධිකාරිය නීතියට ගරු කරන තාක් විතරයි.විමර්ශන ආයතනවල රහස්‍යභාවය ආරක්ෂා කිරීමත්,අධිකරණ ක්‍රියාවලියට ගරු කිරීමත් සියලුම ජනතා නියෝජිතයන්ගේ වගකීමක්.
රහස්‍ය තොරතුරු දේශපාලන වාසි සඳහා අවභාවිත කිරීම ප්‍රජාතන්ත්‍රවාදයේ මෙන්ම යුක්තිය පසිඳලීමේ ක්‍රියාවලියේ පිරිහීමක්. ඒක හින්දා මේ ප්‍රකාශ එරංග ගුණසේකර වගේ මුග්ධයන් අතට පත්වීම හරියට වදුරාට දැලි පිහිය අහුවුනා වගෙයි.මෙතන තියන තත්වය ඊටත් වැඩිය දරුණුයි.මෙතන වදුරෝ රංචුවකට දැලි පිහි අහුවෙලා වගේ.කොතනින් කපයිද, කොතන කපා ගනීද කියලා කියන්න බෑ.එරංගට මේ ප්‍රකාශ හම්බවුනේ කොහොමද කියලා එරංග වගේම අල්ලස් හෝ දූෂණ කොමිසමේ අධ්‍යක්ෂ ජෙනරාල් රංග දිසානායකත් රටට කියන්න ඕනි.
ඇත්තටම මේක බරපතල තත්වයක්.මේ සම්බන්ධව ගන්න පුළුවන් නීතිමය ක්‍රියාමාර්ග වෙනම කතා කරමු.
හරි එහෙනම් ගිහින් එන්නම්.
ජයවේවා.
මීට
රටේ රාළ.
සම්බන්ධිත පුවත් | Related News
ප්‍රධාන පුවත්
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..