බාල ගල් අඟුරු වංචාවෙ මහ මොළකරු ජනාධිපති අනුර කුමාර දිසානායකද?..

Apr 8, 2026 at 12:33 PM

|

Lanka Leader

බාල ගල් අඟුරු පාඩුව මේ වන විට රුපියල් මිලියන 2240 ක් (224,000,000)  ඉක්මවා ඇත.....

(මේ නැව් 09 ක පමණයි තව නැව් 16 ක වාර්තා නිකුත් වීමට නියමිතයි)

මෙහෙම කියන්නෙ විරුද්ධ පක්ෂෙ දේශපාලඥයන්වත්, සමාජ මාධ්‍යයෙ ගොසිප් සයිට්වත් මමවත් නොව ජාතික විගණන කාර්යාලය නිකුත් කළ නවතම විගණන වාර්තාවයි...

▶️ 01 වෙනි නැවේ පාඩුව - මිලියන 160

▶️ 02 වෙනි නැවේ පාඩුව - මිලියන 90

▶️ 03 වෙනි නැවේ පාඩුව - මිලියන 310

▶️ 04 වෙනි නැවේ පාඩුව - මිලියන 150

▶️ 05 වෙනි නැවේ පාඩුව - මිලියන 180

▶️ 06 වෙනි නැවේ පාඩුව - මිලියන 300

▶️ 07 වෙනි නැවේ පාඩුව - මිලියන 240

▶️ 09 වෙනි නැවේ පාඩුව - මිලියන 390

▶️ 10 වෙනි නැවේ පාඩුව - මිලියන 390

ජනාධිපතිවරයා කිව්ව ගොං තකතීරු කතාව අනුව ගල් අඟුරු කාලා බලලා හපලා ගේන්න බෑ කිව්ව උත්තරයත් අපි පිලිගත්තා කියමුකො...

ඒත් එක්කම ජනාධිපතිවරයා කියනවා අපි මේ ගල් අඟුරු ගෙනාවෙ නියමිත ටෙන්ඩර් පටිපාටිය අනුව කියලා..

ඔන්න ජාතික විගණන වාර්තාව කියනවා ඒක එහෙම නෙවෙයි මේක මුල ඉඳන්ම අමු වංචාවක් කියලා..

වර්තාවෙ සඳහන් වන කරුණු පිලිවෙලින්..

📕 ශ්‍රී ලංකාවට ගල්අඟුරු සැපයීමේදී ප්‍රශ්නගත ට්‍රයිඩන්ට් සමාගම (Trident Chemphar) විසින් පැටවුම් වරායේ වාර්තා ලබාගත් පරීක්ෂණාගාරය බලපත්‍ර අහෝසි වූ එකකි.

( ඒ කියන්නෙ ගල් අඟුරු ආනයනය කරලා තියෙන්නේ හොර රිපෝට් පෙන්නලා)

📕 ලංසු කැඳවීම සඳහා දැන්වීම් පළ කළ දිනය වනවිට, ටෙන්ඩරය හිමිවූ ට්‍රයිඩන්ඩ් සමාගම ( Trident Chemphar) සිය ලියාපදිංචිය හෝ සම්පූර්ණ කර තිබී නැත.

📕 විගණන වාර්තාවේ සදහන් වන්නෙ මෙම ප්‍රසම්පාදනයේදී ලංසු කැඳවීම සඳහා දැන්වීම් පළ කළ දිනය වනවිට ලියාපදිංචිය සම්පූර්ණ කරන ලද සැපයුම්කරුවන්ගෙන් ලංසු කැඳවීම සිදුකරන බව එම දැන්වීමේ පැහැදිලිව සඳහන් කර තිබූ බවය.

📕 එහෙත් එම දිනය වනවිට සම්පූර්ණ ලියාපදිංචි ගාස්තුව ගෙවා ලියාපදිංචිය තහවුරු කර නොගත් සැපයුම්කරුවන් තිදෙනෙකුටද ලංසු යැවීමට කටයුතු කර තිබූ අතර, මෙම ප්‍රසම්පාදනයට තෝරාගත් ට්‍රයිඩන්ට් සමාගමද ( Trident Chemphar)   එදින වනවිට ලියාපදිංචිය තහවුරු කර නැත.

( තමන්ට අවශ්‍යය කම්පැනියට ලංසුව ලබා දීමට ටෙන්ඩර් නීතිරිති පවා උල්ලංඝනය කර ඇත..) 

📕 ගල් අඟුරු පැටවුම් වරායේදී විකුණුම්කරු පත්කරන ලද Mitra SK South Africa හිමිකාරි සමාගමට අවශ්‍ය කරන ප්‍රමිතින්වලට යටත්ව ගල්අඟුරු සාම්පල පරික්ෂා කිරීම සඳහා ප්‍රතීතනතාවයක් නොතිබුණු බැවින් ඒ වෙනුවෙන් පරික්ෂණ වාර්තාව නිකුත් කිරීමට 2025 වසරේ දෙසැම්බර් 29 වැනි දින වනවිට බලපත්‍රය අවලංගු වූ PT Mitra SK Analisa Testama Samarinda නම් ඉන්දුනීසියානු සමාගමකට පවරා ඇත.

📕 කෙසේවෙතත් අදාළ සමාගමේ බලපත්‍රය 2026 වසරේ මාර්තු 31 වැනිදා වනවිටත් යාවත්කාලීන කර තිබුණු බවට විගණනයේදී කරුණු අනාවරණය වී නොමැත.

📕 කෙසේවුවද ලැබී තිබුණු නැව්තොග 12ටම අදාළ පැටවුම් වරායෙහි වාර්තා ප්‍රතීතනතාවයක් නොමැති බව හඳුනාගන්නා ලද Mitra SK South Africa හිමිකාරි සමාගම විසින් නිකුත් කර ඇත.

📕 ඒ අනුව වාර්තාව වැඩිදුරටත් පෙන්වාදෙන්නේ පැටවුම් වරායේ පරීක්ෂණ වාර්තා සහ ලක්විජය බලාගාරයේ ප්‍රධාන පාලන ඒකකයෙන් ලබාගන්නා දත්ත අතර පරස්පරතා පැවතියදීත් පැටවුම් වරායේ වාර්තා සම්බන්ධයෙන් තහවුරුවක් ලබාගැනීමට ලංකා ගල්අඟුරු සමාගමට විකල්ප අවස්ථා කිහිපයක් තිබුණද ඒ කිසිවක් භාවිත කිරීමට එම සමාගම කටයුතු කර නොමැති බවයි.

( වංචාව දැක දැකත්, විකල්ප අවස්ථා තිබියදිත් ඇස් කන් පියාගෙන නිහඬව සිට ඇත)

📕 එමෙන්ම වසර පුරා ශ්‍රී ලංකාවට ගල්අඟුරු ගොඩබෑමට නොහැකි වීම නිසා මෙරටට ගල්අඟුරු සපයාගත හැකි කාල සීමාවේ උපරිම වශයෙන් එය සිදුකළ යුතු වුවත් එම අවස්ථාව පැවති 2025 වසරේ නොවැම්බර් 13 සිට දෙසැම්බර් 30 දක්වා දින 40ක කාලයේ කිසිඳු ගල්අඟුරු නැව්තොගයක් මෙරටට ගෙන්වා ගැනීමට හැකිවන පරිදි ප්‍රසම්පාදනය සිදුකිරීමට ලංකා ගල්අඟුරු සමාගම අපොහොසත් වී ඇත.

( දෙසැම්බර් මාසයේදී ගල් අඟුරු නැව් 02 ක් ආනයනය කිරීමට අපොහොසත් නම් ගිවිසුම අනුව එම සමාගමේ මිල දී ගැනීම අවලංගු කිරීමට ප්‍රතිපාදන තිබුණත් එයද සිදුකර නැත.)

📕 නියමිත ප්‍රමාණයට අඩුවෙන් නැව් පැමිණීම නිසා මේ වසරේ මාර්තු 18 වැනිදා ක්ෂ්‍ණික ප්‍රසම්පාදනයකින් ගල්අඟුරු මිලදී ගැනීමට සිදුවී තිබුණු අතර එහිදී තෝරාගත් Taranjot Resource පුද්ගලික සමාගම ද තම ලියාපදිංචිය ලබාගන්නා අවස්ථාවට පෙර මාස 36ක කාලය තුළ ලක්විජය බලාගාරයේ දළ තාපජනන අගය ප්‍රතික්ෂේපිත මට්ටම වූ කිලෝකැලරි 5,900 හෝ ඊට වැඩියෙන් සැපයීමට අපොහොසත් වී තිබූ සමාගමකි

( හදිසි ටෙන්ඩර් කැඳවීමකින් ගල් අඟුරු ආනයනය සඳහා තෝරා ගත් සමාගමද ප්‍රශ්ණ සහගත සමාගමකි)

මරේ මරුය... පටන් ගැන්මෙ පටන්ම හොරකමය...

ජනාධිපතිවරයා කාටල් කඩා නව සමාගම්වලට අවස්ථාව දෙනවා කීවේ මේකටද..?. 

ඒ අන්ත දූෂිත තමන්ට හිතවත් සමාගම් වල නියෝජිතයන්ට රටේ විශාලතම ටෙන්ඩරය ලබා දීමටද...?

මේ සම්බන්ධයෙන් බරපතල චෝදනා එල්ල වී ඇති බලශක්ති ඇමති පුන්‍ය ශ්‍රී කුමාර ජයකොඩිව ආරක්ෂා කරන්නෙ ජනාධිපතිවරයා බව පක්ෂ විපක්ෂ සියල්ලම මේ වන විටත් දන්නා ජනප්‍රිය රහසකි.

කුමාර ජයකොඩි යනු 2014 දී ලංකා පොහොර සමාගමේ මිලියන 8.8 ක හොර ටෙන්ඩර් මගඩියකට හසුව රැකියාව අහිමි වූ පුද්ගලයෙකි. 

මොහුව මෙම තනතුරට පත් කරේ 2005 දි අනුර කුමාර දිසානායක කෘෂිකර්ම ඇමතිව සිටියදීය.

🔴 කුමාර ජයකොඩිව 2005 දි ලංකා පොහොර සමාගමට බඳවා ගත්තෙ කෘෂිකාර්ම ඇමති අනුර කුමාර දිසානායක නම්.. 

🔴 2015 දි ඔහු දූෂණ චෝදනාවක් සම්බන්ධයෙන් රැකියාව අහිමි වූ බව දැන දැනත් ඔහුව බලශක්ති ඇමති කරේ ජනාධිපති අනුර කුමාර දිසානායක නම්.., 

🔴 ඇමති ධූරයෙ සිටිද්දී ඔහු සිදු කළ මෙම බරපතල වංචා සහ දුෂණ දැනගෙනත් අනුර කුමාර දිසානායක ඔහුව ආරක්ෂා කරනවා නම්.. 

මෙම බාල ගල් අඟුරු හොරකම පිටුපස සිටින මහ මොළකරු කවුද...?

(නිලන්ත සත්සර ගමගේ ගේ මුහුණු පොතින් උපුටා ගන්නා ලදී)