සේන තෝරදෙනිය මහතාට 83 යි..
1943 මාර්තු 06 වෙනිදා උපන් සේන තෝරදෙනිය මහතාට පෙරේදාට අවුරුදු 83 ක් සම්පුර්ණ විය. එදිනෙදා වැඩ අතරතුර මේ සටහන පෙරේදා පළ කිරීමට අතපසු විය. එවැනි දෑ අපට විය හැකිය. මේ සටහන තබන්නේ ඒ පශ්චාත්තාපයෙන් ද යුතුවය. සේන තෝරදෙනිය සාහිත්‍යය නිර්මාණයට හා සාහිත්‍යය විචාරයට පිවිසෙන්නේ දැවැන්ත සාහිතය කරුවන්ගේ හා පේරාදෙණිය ගුරුකුලයේ ආධිපත්‍යය ප්‍රබලව පැවති වකවානුවේ දී ය. මාර්ටින් වික්‍රමසිංහගේ සිංහල නවකතාව හා ජපන් කාම සෙවනැල්ල (1969) නිකුත්වීමට හරියටම අවුරුදු දෙකකට පෙර ඔහු 1967 දී “පේරාදෙණිය ගුරු කුලය” හා “කල්පනා ලෝකය” තියුණු විචාරයකට ලක් කරමින් සිය විචාර භුමිකාව ආරම්භ කළේය. ඔහු සිය “මල් දහසකින් සැදි වසන්තයක්” නම් රචනාව මගින් පේරාදෙණි ගුරුකුලය විචාරාත්මකව ඇගැයූ පුරෝගාමීන් කිහිපදෙනාගෙන් කෙනෙක් වීය. ඒ බව ගුණදාස අමරසේකර මහතාද දුම්බර පතන් ගිනි කෘතියට ලියන ලද ලිපියෙන් පෙන්වා දී තිබීම අතිශයින් වැදගත් කරුණකි.
පේරාදෙණියේ ප්‍රභාප්‍රවාහ සමයේ දී එහි ගත කළ මේ ලේඛකයා, පේරාදෙණි සාහිත්‍යය කුසුමාසනය අසල රැදී සිටිමට වරම් ලැබුවද ස්ථාපිතව පැවති මහා ගුරු කුලයකින් ස්ව-කැමැත්තෙන්ම පිටුවහල් වී අති දුෂ්කර මගක ගමන් ගත්තේය. දැනට අවුරුදු අසූතුන් (83) වියට පා තැබුවද අද දක්වාම එක් මතවාදයක පැවතිමටත්, සිය විචාරය හා නිර්මාණය ඒ මත පිහිටු වීමටත්, ඔහුට හැකියාව ලැබී ඇත්තේ ඔහුගේ ඒ දේශපාලන අස්ථානය නිසාය.
මේ වනවිට ඔහුගේ සාහිත්‍ය ජිවිතයට වසර 59 ක් ගෙවී යයි. මෙය ඕනෑම සාහිත්‍යකරුවකුගේ සාහිත්‍ය ජිවිතයේ වාර්තා තැබෙන සාධකයකි. අද ජිවතුන් අතර සිටින සාහිත්‍යකරුවන්ගේ සාහිත්‍ය ජීවිතය හා සසඳා බලන කල්හි ඔහු දෙවැනි වන්නේ ගුණදාස අමරසේකර, ටෙනිසන් පෙරේරා, අජිත් තිලකසේන යන ජ්‍යෙෂ්ඨ ලේඛකයන් තිදෙනාට පමණි. ගුණදාස අමරසේකර 1952 පටන් අද දක්වාම වසර 74 ක් සාහිත්‍ය නිර්මාණයේ හා විචාරයේ යෙදී සිටින ජ්‍යෙෂ්ඨතම ලේඛකයා වෙයි. ටෙනිසන් පෙරේරා 1958 සාහිත්‍යකරණයට පිවිස මේ වනවිට ඔහුගේ සාහිත්‍ය ජිවිතයට වසර 68 ක් සම්පුර්ණ වෙයි. අජිත් තිලකස්සේන 1960 සාහිත්‍යකරණයට පිවිස අදවනවිට ඔහුගේ සාහිත්‍ය ජිවිතයටද වසර 66 ක් සම්පුර්ණ වෙයි. සේන තෝරදෙනිය 1967 සාහිත්‍ය භූමිකාවක පිවිස මේ වනවිට ඔහුගේ සාහිත්‍ය ජිවිතයට වසර 59 ක් සම්පුර්ණ වෙයි.
අඩ සියවසකට වැඩි කාලයක් ලේඛන භූමිකාවක නියැළෙමින් නවකතාව, කෙටිකතාව, කවිය, පරිවර්තන සාහිත්‍ය හා සාහිත්‍ය විචාරය යන නන්විධ ක්ෂේත්‍රයන්හි බහුවිධ කුසලතා දැක්වූ සේන තෝරදෙනිය මහතාගේ කෘති මෙරට සාහිත්‍ය සම්මාන උලෙළවල ඇගයීමට ද ලක්ව තිබේ. ඔහුගේ “සදත්විල මහා සුභද්‍රාවෝ” නවකථාව 2004 වර්ෂයේ හොඳම නවකතාව ලෙස රාජ්‍ය සම්මානයෙන් පිදුම් ලැබීය. හොඳම පරිවර්තන කෘතියට හිමි රාජ්‍ය සම්මානය 2006 වර්ෂයේ දී “සොයින්කා: මරණය සහ රජතුමාගේ අසරුවා” කෘතියට හිමි විය. “බණ්ඩර මැරූ උන්” නවකතාවට 2015 දී රාජ්‍ය සම්මානය හිමි විය. එය ස්වර්ණ පුස්තක සම්මානයේ අවසන් කෘති පහට ද නිර්දේශ විය. “මඩරන්” නවකතාවට 2020 දී ගොඩගේ සම්මානය හිමි වූ අතර 2019 වර්ෂයේ දී හොඳම ශාස්ත්‍රීය කෘතිය ලෙස “පේරාදෙණි ගුරු කුලයේ උපත, නැඟීම හා බිඳවැටීම” කෘතියට රාජ්‍ය සම්මාන හිමි විය.
ඔහු විසින් මෙතෙක් ලියා පළ කළ ග්‍රන්ථ සමූහය සාහිත්‍ය දේශන සහ පුවත්පත් විචාර ලිපි ප්‍රමාණය විශාලය. නවකතා,කෙටිකතා, පරිවර්තන සාහිත්‍ය, කවි, සාහිත්‍ය විචාර හා ශාස්ත්‍රීය ග්‍රන්ථ හැරුණු විට ඔහු ගෝල්ෆෙස් අරගලය ගැන ඉංග්‍රීසියෙන් කෘතියක් Galle Face Protest: Systems Change or Anarchy? – Politics, Religion & Culture in a Time of Terror in Sri Lanka නමින් 2023 දී පළ කළේය. ඔහු මෙරට විවිධ පුවත්පත්, වාර සඟරා, ශාස්ත්‍රීය උපහාර කලාප ආදියට සිංහලෙන් සහ ඉංග්‍රීසියෙන් ලියා ඇති ලිපි සංඛ්‍යාව ද අති විශාලය. ඒ අනුව දශක කීපයක් තිස්සේ අධ්‍යතන සිංහල සාහිත්‍ය පෝෂණය කිරීමට ඔහුගෙන් සිදුවී ඇත්තේ අනගි මෙහෙයකි.
ඔහු විරාමයකින් තොරව සාහිත්‍යකරණයේ නියැළි කෘතහස්ත ලේඛකයෙක් බවට දෙස් දෙන්නේ ඔහු මෙතෙක් විවිධ ප්‍රකාශන ආයතන මගින් මුද්‍රණයෙන් පළකොට තිබෙන 37 ක් වූ විවිධ විෂයික ග්‍රන්ථ නාමාවලිය සහ පුවත්පත්, සඟරා ආදියට සාහිත්‍ය කලාව හා දේශපාලනය අරභයා ලියන අති විශාල විචාර ලිපි එකතුවයි. මෙම ලේඛකයාගේ 70 වන ජන්ම දිනය නිමිත්තෙන් අපගේ සංස්කරණයෙන් පළ වූ “දුම්බර පතන් ගිනි - සේන තෝරදෙනිය නිර්මාණ හා විචාර විවරණ”(2013) ග්‍රන්ථයේ අගට පිටු 64 ක විචාර ලිපි එකතුවක දීර්ඝ නාමාවලියක් පළ කොට තිබේ. එහි ඇත්තේ 1967 සිට එම කෘතිය පළ වූ 2013 වර්ෂය දක්වා වසර 46 කාලයක සේන තෝරදෙනියගේ ග්‍රන්ථ, ලිපි ලේඛන, පුවත්පත් ලිපි, සම්මුඛ සාකච්ඡා හා දේශන පිළිබඳ නාමවලියයි. ඉන් පසු 2023 දක්වා දශකයකට වැඩි කාලයක් ඔහු ලියූ ග්‍රන්ථ හා ලිපි ලේඛන ප්‍රමාණයද විශාලය. එහෙත් යළි කිසිවක් නොලියන තරමට ඔහු දැන් කායිකව දුබලය.සිතින් සහ අදහස්වලින් පමණක් තවමත් සවිමත්ය. දැනට මෙවැනි ම සැදෑ සමයක වෙසෙන අමරසේකර මහතා සහ ගොඩගේ මහතා දැකබලා ගැනීමට තෝරදෙනිය මහතාට උවමනා විය. මිට තුන්මසකට පෙර 2025.12.10 අපි ඒ ගමන ගියෙමු. මේ සාහිත්‍ය වනස්පති නැවත තුරුණු නොවෙතත් නිදුක් නිරෝගී සුවයත් දිර්ඝායුෂත් පතමි.
- රත්තනදෙණියේ මේධානන්ද හිමි
සම්බන්ධිත පුවත් | Related News
ප්‍රධාන පුවත්
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..