පාස්කු දා නාටකයේ අලුත්ම දඩයම..
2019 අප්‍රේල් 21 වැනිදා පාස්කු ඉරිදා එල්ල වූ මරාගෙන මැරෙන බෝම්බ ප්‍රහාරය ශ්‍රී ලාංකේය ඉතිහාසයේ නොමැකෙන කළු පැල්ලමකි. එහෙත් එම බිහිසුණු ඛේදවාචකය අද වන විට ඇතැම් දේශපාලන කණ්ඩායම්වලට බලය රැකගැනීමේ හෝ විරුද්ධවාදීන් මර්දනය කිරීමේ තේමා පාඨයක් බවට පත්ව තිබීම අතිශය කනගාටුදායකය. පසුගියදා අපරාධ පරීක්ෂණ දෙපාර්තමේන්තුව හිටපු හමුදා බුද්ධි ප්‍රධානී සහ රාජ්‍ය බුද්ධි සේවයේ හිටපු අධ්‍යක්ෂ විශ්‍රාමික මේජර් ජෙනරාල් සුරේෂ් සලේ මහතා අත්අඩංගුවට ගැනීම, මෙම දේශපාලන නාටකයේ තවත් එක් ජවනිකාවක් පමණක් බව පෙනෙන්නට තිබේ.
කුමන්ත්‍රණ න්‍යායේ ආරම්භය සහ ‘මහා මොළකරු’
මුළු මහත් පාස්කුදා ප්‍රහාරයම කිසියම් අදෘශ්‍යමාන බලවේගයක මෙහෙයවීමෙන් සිදු වූවක් බවට වූ ‘මහා කුමන්ත්‍රණ න්‍යාය’ මුලින්ම සමාජගත කළේ හිටපු නීතිපති දප්පුල ද ලිවේරා මහතාය. ඔහු සිය ධුරයෙන් විශ්‍රාම යාමට මොහොතකට පෙර කළ ‘මහා මොළකරුවකු සිටිනවා’ යන ප්‍රකාශය කිසිදු විද්‍යාත්මක හෝ බුද්ධි තොරතුරු පදනම් කරගත් සාක්ෂියක් මත පදනම් වූවක් නොවේ. කනගාටුවට කරුණ නම්, එවැනි බරපතළ ප්‍රකාශයක් කළ ඔහුගෙන් ඒ පිළිබඳව ප්‍රශ්න කිරීමට හෝ ඔහු සතු යැයි කියන සාක්ෂි විමසීමට කිසිදු බලධාරියකු කටයුතු නොකිරීමයි. ඒ වෙනුවට සිදුවූයේ, එම ප්‍රකාශය අල්ලාගත් ඇතැම් පාර්ශ්ව තමන්ට රිසි පරිදි ‘මහා මොළකරුවන්’ නිර්මාණය කිරීමට පටන් ගැනීමයි.
චැනල් 4 නාටකය
බ්‍රිතාන්‍යයේ චැනල් 4 නාලිකාව විසින් විකාශය කරන ලද මතභේදාත්මක වාර්තා වැඩසටහන මේ සඳහා තවත් උත්තේජනයක් සැපයීය. එමගින් සුරේෂ් සලේ මහතා ජාතික තවුහිද් ජමාත් (NTJ) සාමාජිකයන් හමුවූ බවට එල්ල කළ චෝදනා හුදු මනඃකල්පිත බව ඔප්පු කිරීමට අවශ්‍ය සාක්ෂි ඕනෑ තරම් තිබේ.
චැනල් 4 නාලිකාව පවසන පරිදි මෙම හමුවීම් සිදුවූ කාල සීමාවේ දී සුරේෂ් සලේ මහතා සිටියේ මෙරට නොවේ. ඔහු 2016 දෙසැම්බර් සිට 2018 දෙසැම්බර් දක්වා මැලේසියාවේ ශ්‍රී ලංකා මහ කොමසාරිස් කාර්යාලයේ උපදේශකවරයකු (Counsellor) ලෙස සේවය කළේය. ඉන් අනතුරුව, පාස්කුදා ප්‍රහාරය සිදුවන අවස්ථාවේ දී පවා ඔහු සිටියේ ඉන්දියාවේ නව දිල්ලියේ පිහිටි ජාතික ආරක්ෂක විද්‍යාලයේ (NDC) උසස් පුහුණු පාඨමාලාවක් හදාරමිනි. ඕනෑම බුද්ධි අංශයකට ඔහුගේ දුරකතන වාර්තා සහ ගුවන් ගමන් දත්ත මගින් මෙය තහවුරු කර ගත හැකිය. එසේ තිබියදී, හුදු දේශපාලන වාසි තකා මෙවැනි නිලධාරියකු දඩයම් කිරීම ජාතික ආරක්ෂාවට එල්ල කරන මරු පහරකි.
විදේශීය විමර්ශනවල නිගමනය
පාස්කුදා ප්‍රහාරය සම්බන්ධයෙන් මෙරට විමර්ශනවලට අමතරව ඇමරිකානු FBI ආයතනය, ඕස්ට්‍රේලියානු ෆෙඩරල් පොලිසිය සහ ස්කොට්ලන්ඩ් යාඩ් ආයතනය වැනි ලොව ප්‍රමුඛතම විමර්ශන කණ්ඩායම් පුළුල් පරීක්ෂණ පැවැත්වීය. ඔවුන් සියලු දෙනා ඒකමතිකව නිගමනය කළේ මෙය ජාත්‍යන්තර ISIS සංවිධානයේ මතවාදය වැළඳගත් දේශීය කණ්ඩායමක ක්‍රියාවක් බවයි. ඇමරිකානු අධිකරණය පවා මෙහි සැකකරුවන්ට එරෙහිව නඩු පවරා ඇත. ලෝකයේ දියුණුම බුද්ධි සහ විමර්ශන ජාලයට හසු නොවූ ‘හමුදා බුද්ධි කුමන්ත්‍රණයක්’ ගැන මාලිමාව රජය පවසන කතාව හාස්‍යජනකය.
මේ අතර පාස්කුදා ප්‍රහාරයේ මරාගෙන මැරෙන බෝම්බකරුවන් දෙදෙනකු වූ ඉල්හාම් අහමඩ් සහ ඉන්සාෆ් අහමඩ් යන අයගේ පියා වන, හිටපු ජවිපෙ (JVP) ජාතික ලැයිස්තු අපේක්ෂක මොහොමඩ් ඊබ්‍රාහිම්ගේ නිවෙසින් අත්අඩංගුවට ගෙන තිබූ රන් ආභරණ සහ මැණික් තොගය බෝම්බකරුගේ සහෝදරයා වන ඉෆ්ලාල් මොහොමඩ් වෙත මුදාහරින ලෙස කොටුව මහේස්ත්‍රාත්වරයා නියෝග කළේය. ඉෆ්ලාල් අහමඩ් යනු ෂැන්ග්‍රිලා බෝම්බකරු වන ඊබ්‍රහිම් ඉල්හාම් මොහොමඩ් සහ දෙමට‌ගොඩ අදාළ නිවෙසේ පිපිරීමෙන් මියගිය ඉන්ශාෆ් අහමඩ්ගේ සහෝදරයා ය.
මෙහි විශේෂිත කාරණය නම් අධිකරණය දිගින් දිගටම මෙම රන් සහ මැණික් පිළිබඳව විරෝධතා දැක්වීමට අපරාධ පරීක්ෂණ දෙපාර්තමේන්තුවට කාලය දී තිබුණ ද එම දෙපාර්තමේන්තුව එවන් විරෝධයක් ගොනු කිරීමට කටයුතු කර නැති බවයි. එවන් තත්වයක් හමුවේ අධිකරණයට සිදුව ඇත්තේ බෝම්බකරුගේ සහෝදරයාගේ ඉල්ලීමට අවසර දීමට ය. ඒ කෙසේ වෙතත්, මෙම කාරණයෙන් පෙනී යන්නේ, සැබෑ බෝම්බකරුවන් පිළිබඳ හෝ ඔවුන් ආශ්‍රිත විමර්ශන පිළිබඳ අපරාධ පරීක්ෂණ දෙපාර්තමේන්තුවට උනන්දුවක් නැති බවයි.
මෙම රන් සහ මැණික් ඇතුළු භාණ්ඩ අත්අඩංගුවට ගෙන තිබුණේ 2019 වසරේ පාස්කුදා ඉරිදා ප්‍රහාරයත් සමග ඊබ්‍රාහිම්ගේ මහවිල උද්‍යනය නිවෙසිනි.
දේශපාලන තිරය පිටුපස සැබෑ අරමුණ
ආණ්ඩුව දේශපාලනික වශයෙන් ඉතාම දුෂ්කර තැනක තිබෙන බව නොරහසකි. එක් අතකින් ඔවුන් පොරොන්දු වූ කිසිවක් ඉටු කිරීමට අපොහොසත් වී ඇත. මාලිමාව බලයට ආවේ ජනතාවට අලි දෙන්නම් කොටි දෙන්නම් කියා ය. අලිකොටි තබා අද හාල්මැස්සකු හෝ ලබා දීමට ආණ්ඩුව සමත් වී නැත.
මේ වන විට රටපුරා ගෑස් හිඟයක් හටගෙන තිබේ. ඇතැම් ප්‍රදේශවල ගෑස් පෝලිම් ය. බොහෝ ජනතාවට එය සිහිපත් කළේ පසුගිය කොවිඩ් වසංගතයෙන් පසු ඇති වූ ආර්ථික අර්බුදයත් සමග හටගත් ගෑස් සහ ඉන්ධන හිඟයයි. වර්තමාන මාලිමා ආණ්ඩුවේ පිරිස් එවක චෝදනා කළේ ගෝඨාභය ආණ්ඩුවට ගෑස් සහ තෙල් ටික පවා කලට වේලාවට ලබා දීමට නොහැකි වූ බවයි. වසංගතය මගින් ඇති කළ තත්වය සහ අභියෝග ගැන කිසිදු සැලකිල්ලක් නොමැතිව එල්ල කළ චෝදනා මතින් විශාල දේශපාලන අරගලයක් ද සංවිධානය කළ අතර, ඒ හරහා එම ආණ්ඩුව පෙරළා දැමීමට ද සමත් විය.
කෙසේ වෙතත්, දැන් එම තත්වය පහව ගොස් තිබෙන සාම කාලයකි. දැන් කොවිඩ් නැත. සංචාරක කර්මාන්තය අඩපණ වී නැත. විදෙස් ප්‍රේෂණ යහමින් ගලා එයි. ඩොලර් හිඟයක් නැත. කිසිවකු විසින් සංවිධානය කරනු ලබන දේශපාලන අරගල තබා උද්ඝෝෂණයකුදු නැත. එහෙත් ගෑස් නැත. වසංගත සමයක ඩොලර් හිඟ වී ඇති වූ ගෑස් සහ තෙල් ගැන ගෝඨාභයට චෝදනා කළ අයටම අද කිසිදු අර්බුදයක් නොමැති සමයේ කලට වේලාවට ගෑස් ටික ගෙනැවිත් දීමට සැලසුමක් නැත. ඇත්ත තත්වය මෙයයි. අභියෝගකාරි කුණාටුවක් හරහා රට ගෙනයමින් තිබූ අවස්ථාවක ගෑස් සහ තෙල් හිඟවීම නිසා කලබල වී අරගල කළ පිරිස් කල්පනා කළ යුත්තේ ගෝඨාභය එවක මොන තරම් දුෂ්කරතාවකට මුහුණ දෙන්නට ඇති ද කියා ය.
ඇත්ත වශයෙන්ම ජනතාව මෙය දැන් අවබෝධ කරගනිමින් තිබේ. මේ සම්බන්ධ පැහැදිලි සාධකය නම් පසුගිය කාලය පුරාම ආණ්ඩුවේ සහාය ලත් කණ්ඩායම් රට පුරා සමුපකාර නිල වරණවලින් පරාජය වීමයි. පොදු ජනතාවට ආණ්ඩුවේ නාට්‍ය සෙල්ලම් වැඩක් නැත. ඔවුන් ඉල්ලා සිටින්නේ පීඩාකාරි ආර්ථිකයට සහනයකි. තරුණයන් නම් රැකියාවකි. මේ කිසිවක් නැත. භාණ්ඩාගාරය මුදලින් පිරී ඇති බවට ආණ්ඩුව උදම් ඇනුව ද ජනතාවගේ පසුම්බි නම් හිස්ව ඇති සෙයකි.
මේ සියල්ල මැද ජනතාවගේ ඇඟේ මාළු නටන තැනට පත් කර ඇත්තේ අන් කවරදාකවත් නොවූ තරමේ මහාපරිමාණ සොරකම් සහ වංචා ය. විශේෂයෙන්ම මේ මොහොතේත් සිදුවෙමින් තිබෙන ගල්අඟු‍රු වංචාව යනු රටේ ඇස් පනාපිට වන දැවැන්ත කොල්ලයකි. එන එන නැවේ ගල්අඟු‍රු බාල ය. එන එන නැවෙන් රටට රුපියල් බිලියන ගණනින් අලාබ වෙමින් තිබේ. ක්ෂේත්‍රයේ වියතුන් ප්‍රකාශ කරන්නේ, මේ පාඩුව මැද තවත් විනාශයක් සිදුවිය හැකි බවයි. ඒ බාල ගල්අඟු‍රු භාවිතය නිසා නොරොච්චෝල බලාගාරයේ යන්ත්‍ර සූත්‍ර කැඩී යාමයි. එවැන්නක් සිදුවීම යනු මේ ඉඩෝර සමයේ එක්වරම ජාතික පද්ධතියෙන් විශාල විදුලි මෙගාවොට් ප්‍රමාණයක් ඉවත් වී ගොස් රටම අඳුරට වැටීමයි.
පසුගිය කාලය පුරාම මහත් ආන්දෝලනයට ලක් වූ බහාලු‍ම් වංචාව ගැන තාමත් නියමාකාර පරීක්ෂණක් නැත. ඇත්ත වශයෙන්ම දැන් ඒ ගැන පරීක්ෂා කර වැඩක් ද නැත. බහාලු‍ම් 323ක වංචනික ලෙස රටට රැගෙන පැමිණි භාණ්ඩ ගැන කිසිවකු දන්නේ නැත. මේ වන විට අදාළ වංචනිකයන් ඒවා අනිවාර්යයෙන්ම කිසිවකුට හෝ සොයාගත නොහැකි ආකාරයට සඟවා තිබේ.
එවන් තත්වයක දී, ගල් අඟු‍රු ටෙන්ඩර් පටිපාටිය උල්ලංඝනය කරමින් සිදු කළ ගනුදෙනු නිසා රජයට සිදුව ඇති අතිවිශාල පාඩුව වසන් කිරීමට සහ බහාලු‍ම් වංචාව සේම තාමත් නිසි පරිදි සපයාගත නොහැකි ගෑස් හිගයෙන් මතු වූ ජනතා විරෝධය, ජනතාවට සංවේදී වන පාස්කුදා යුක්තිය’ වැනි මාතෘකාවක් කරළියට ගෙන ඒම පාලකයන්ට අත්‍යවශ්‍ය වී තිබේ.
යුද්ධය ජයග්‍රහණය කිරීමට කැපී පෙනෙන මෙහෙවරක් කළ, දශක තුනකට අධික සේවා කාලයක් හිමි ජ්‍යෙෂ්ඨ හමුදා නිලධාරියකු මෙලෙස පදනම් විරහිතව අත්අඩංගුවට ගැනීමෙන් සමස්ත බුද්ධි අංශවල චිත්ත ධෛර්යය බිඳ වැටේ. මෙය හුදු පුද්ගල දඩයමක් නොව, දේශපාලන වාසි තකා රටේ ආරක්ෂක ව්‍යුහය පාවා දීමකි. මාලිමාව රජය මෙහෙයවන මෙම දේශපාලනික නාටකයේ සැබෑ මුහුණුවර ජනතාව ඉක්මනින්ම වටහා ගනු ඇත.
- ලංකාදීප
සම්බන්ධිත පුවත් | Related News
ප්‍රධාන පුවත්
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..