රීසෙට් කරගැනීම ලංකාවට මෙතරම් වැදගත් ඇයි?
ඔය කහපාටින් රවුම් කරලා තියෙන වචනය බලන්න. ඒක තමයි ලංකාවේ දේශපාලනය සම්බන්ධයෙන් මං/අපි ප්‍රවර්ධනය කරන වචනය.
අවුරුදු කීපයක ඉඳලා මං පවත්වාගෙන යන වට්ස්ඇප් ගෘප් එකකට දැම්මෙත් රීසෙට් ලංකා කියලා. මෑතදී මහාචාර්ය රොහාන් සමරජීව පටන් ගත්ත චින්තන පර්ෂද වැඩසටහනක නමත් රීසෙට් ලංකා.
ලංකාව රීසෙට් කළ යුතුයි. ඔබේ පරිගණකය වයිරස්වලින්, වෙනත් ගැටලුවලින් දූෂිත වෙලා ගොඩදාගන්නටම අමාරු තත්වයක තිබෙනවා නම් කළ යුතුව තිබෙන්නෙ රීසෙට් කරන එක. ඒ කියන්නෙ එහි මෙහෙයුම් පද්ධතිය නැවත පිහිටුවන එක. ලංකාවත් එහෙම කළ යුතුයි.
කොම්පියුටරේට වයිරස් එන්නෙ ඒක භාවිතා කරපු විදියෙ වැරදි නිසා. හොඳ වයිරස් ගාඩ් එකක් භාවිතා නොකළ එක, ලයිසන් තියෙන සොෆ්ට්වෙයා භාවිතා නොකළ එක වැනි හේතු නිසා පරිගණකය හරියට වැඩ කරන්නේ නැති වෙනවා. ස්ලෝ වෙනවා. මේ ඇනෙක්ඩෝට් එක නැතිනම් උපමා කතාව පරිගණක විශේෂඥභාවය සම්බන්ධ එකක් නෙමෙයි. ඒ නිසා ඒ ගැන ඔබ දන්න දේ මෙතන ලියන්නට අවශ්‍ය නැහැ.
ලංකාවටත් වුණේ ඒක. හිටපු ප්‍රභූ පාලකයන් රාජ්‍යයට වයිරස් ගලා එන්නට ඉඩ දුන්නා. රාජ්‍යයත් සමග ඔවුනුත් දූෂණය වුණා. ජනතාවත් දූෂණය වුණා. එහි ප්‍රතිඵලයක් ලෙස තමයි, අන්ත දූෂිත බලවේගයක් වන ලාංකික ටොක්සික් ප්‍රජාවට නායකත්වය දෙමින් ජවිපෙ නම් වාමාංශික වයිරසය දේශපාලන බලය ඇල්ලුවේ.
ලංකාවෙ ආණ්ඩුවේ වත්මන් අවධිය මෙහෙමයි: ආණ්ඩුව අති විශාල වශයෙන් බදු සූරාකනවා. භාණ්ඩාගාර බැඳුම්කර නිකුත් කරමින් අති විශාල වශයෙන් දේශීය ණයත් ගන්නවා. ඒ සල්ලි භාණ්ඩාගාරයේ ගොඩගැහෙනවා. ඒකට හේතුව තමයි, වාර්ෂික අයවැයෙන් 50%ක්වත් රාජ්‍ය අංශයට වියදම් කරගන්නට බැරි වීම. එහෙම වෙලා තියෙන්නෙ ඇයි? එක පැත්තකින් අකාර්යක්ෂම නායකත්වය. අනෙක් පැත්තෙන් රාජ්‍ය අංශයේ අකාර්යක්ෂමතාව තවත් වැඩි වීම.
ලංකාවෙ ජනතාවට කවදා හෝ ලංකාව සංවර්ධිත රටක් විය යුතුයි කියා බලාපොරොත්තුවක් තියෙනවා නම් හෝ අසල්වැසි ඉන්දියාවට සමාන්තර ගමනක නියැලිය යුතුයි කියලා හිතෙනවා නම් හෝ කළ යුතුව තිබෙන්නේ වහාම ලංකාව රීසෙට් කරගන්න එකයි. ඒ කියන්නෙ දෘෂ්ටිවාදී වයිරස ඉවත් කර පරිගණකයේ මෙහෙයුම් පද්ධතිය නැවත තිබුණා වගේ සකස් කරගන්නා එකයි.
වාමාංශික අන්තවාදයේ වෛරය අන්තයටම ගිය බංග්ලාදේශය අවුරුද්දක විකෘති පාලනයකින් පසු මහ මැතිවරණයෙන් තම රට රීසෙට් කරගෙන තිබෙනවා. තිබුණු විදියේ ප්‍රභූ පාලනයක් නැවත බලයට පත්වී තිබෙනවා. යූනුස්ගේ නායකත්වයෙන් යුත් අන්තර්වාර විකෘති පාලනය හා සම්බන්ධ වූ බලවේගවලට හිමි වී තිබෙන්නේ අන්ත පරාජයක්.
ජවිපෙ නායකත්වයට, විශේෂයෙන්ම ජනාධිපතිවරයාට අරාජිකවාදයෙන් මිදී රාජ්‍ය පාලනය විධිමත් කරගැනීමේ උවමනාවක් තිබෙන බව පෙනෙනවා. එහෙත්, ඔවුන්ට එය කරගත නොහැකියි. අන්ත කල්ලිවාදය හා ටොක්සික් ප්‍රජාවගේ වෛරී දේශපාලනය එයට ප්‍රධාන හේතුවක්.
ලංකාව රීසෙට් කරගත යුතු බව අප කියන්නේ මේ වෛරී දේශපාලනය පරාජය කළ යුතු නිසායි. ලංකාවේ සියලු පුරවැසියන්ට සම්බන්ධ විය හැකි දේශපාලන ක්‍රමයක් හා කාරයක්ෂම රජයක් නිර්මාණය කරගන්නට අප උත්සාහ කළ යුතුයි. මේ දෙකටම හෙනහුරා ලෙස කාලයක් ක්‍රියාත්මක වූ ජවිපෙ රාජ්‍ය බලයට පත්වීම එක්ක ඔවුන්ගේ ශක්තිය ලැබුණු පැරණි කඩාකප්පල්කාරීත්වයේ යුගය අවසන් කරන්නට පුළුවන්. 2022 මැයි 9 ප්‍රචණ්ඩත්වයෙන් පසු හා විශේෂයෙන්ම අමරකීර්ති අතුකෝරල මන්ත්‍රීවරයා මහමග පොලුවලින් ගසා මරාදැමීමෙන් පසු ප්‍රභූ දේශපාලනයේ ද එක් යුගයක් අවසන් වුණා.
රීසෙට් කිරීම ලංකාවට වැදගත් වන්නේ මේ නිසායි.
- අජිත් පැරකුම් ජයසිංහ,
(උපුටා ගැනීම Praja.lk)
සම්බන්ධිත පුවත් | Related News
ප්‍රධාන පුවත්
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..