හරිනි "හරි"!
මේ අගමැතිතුමිය ඊයේ මන්නාරමේදි කියපු කතාව.මෙතුමිය යුද්ධය කියල මෙතනදි විශේෂයෙන් අවධාරණය කරන්නේ අවසන් යුද්ධය..ගොඩක් දෙනෙක් ඇය විවේචනයට ලක් කරලා තියෙනව දැක්කා.
නමුත් එතුමිය කියන මේ කතාව බොරු ද?.
පොඩ්ඩක් විමසලා බලමු.
එදා ත්‍රස්තවාදයට එරෙහි සටන අවසන් කරන්න ඕන කියපු පාර්ශව මොනවද?, එතන හරිනි ලා හිටියද කියලනේ අපි බලන්න ඕන..
එදා 2005 වෙද්දි ජනාධිපතිවරණයේදි ජනතා විමුක්ති පෙරමුණ මහින්ද රාජපක්ෂගේ ජයග්‍රහණය වෙනුවෙන් ඔවුන්ගේ පූර්ණ සහය ලබා දෙනවා. ඔවුන් ගේ මූලික සතුරා ඒ මොහොතේ රනිල් වික්‍රමසිංහ ප්‍රමුඛ එක්සත් ජාතික පක්ෂය. එයට මූලිකම හේතුව ඔවුන්ගේ 'රට බෙදන,රට විකුණන' ප්‍රතිපත්තිය කියලයි ජවිපෙ නායකයින් කිව්වේ.
කොහොම හරි ජනාධිපතිවරණයෙන් දිනපු මහින්ද රාජපක්ෂ ට යුද්ධය ඉක්මන් කරන ලෙස බල්පෑම් කරපු ප්‍රධාන කණ්ඩායමත් ජනතා විමුක්ති පෙරමුණ. සහ එහි අනුබද්ධ දේශ හිතෛශී ජාතික ව්‍යාපාරය.
මාවිල් ආරුවෙන් ඇරඹි අවසන් සටන කෙමෙන් ඉදිරියට යද්දි තමයි ඔවුන්ගේ වෙස් පෙරළිය එළියට එන්න පටන් ගත්තේ. 2008 විතර වෙද්දි අර පරාජය කරපු එක්සත් ජාතික පක්ෂයත් එක්ක ඒකාබද්ධව ආණ්ඩුව අයවැයේදී පරාජය කරන්න ඔවුන් එක පෙරමුණකට එනවා. යුද්ධයේ අවසන් මොහොතේ ත්‍රිවිධ හමුදාවේ අවධානය වෙනතකට යොමු කරන්න දීප ව්‍යාප්ත වැඩ වර්ජනයක් කැඳවලා වෙනත් අයුරකින් උත්සාහ කරනවා.
ඒ ජනතා විමුක්ති පෙරමුණ කලින් සිටි මගෙන් පීලි පැන්නවූ තැන..
ඒ පීලි පැනීම නොඉවසූ දේශ හිතෛෂී ජාතික ව්‍යාපාරය වැනි සංවිධාන වටා ක්‍රියාත්මක වූ ජවිපෙ ජාතිකවාදී කොටස 2008 විතර වෙද්දි ජවිපෙන් වෙන් වෙලා යනවා..එතැන් පටන් ජවිපෙ යුද්ධය අසාර්ථක වෙන්න්නේ කොයි මොහොතෙද කියල ඇඟිලි ගැන ගැන හිටියේ. මේ බව ජනතා විමුක්ති පෙරමුණේ නායක සෝමවංස අමරසිංහ පසුව පාපොච්චාරණය කළා..
2005 ජනාධිපතිවරණයේදී රනිල් වික්‍රමසිංහ පරාජය කර මහින්ද දිනවීමට ජනතා විමුක්ති පෙරමුණ තීරණය කරද්දි පක්ෂය තුළ මධ්‍යම කාරක සභාවේ එයට විරුද්ධව අදහස් දක්වපු කුමාරලා දෙන්නෙක් හිටියා.මේ පිළිබඳ විමල් වීරවංශ ලියපු "නැත්ත වෙනුවට ඇත්ත' ග්‍රන්ථයේත් මෑතකදී අභාවප්‍රාප්ත වුනු ජවිපෙ එවකට ප්‍රබලයෙක් වුන නන්දන ගුණතිලක මහතා ලියූ දීර්ඝ ලිපි මාලාවෙත් සඳහන් වෙනවා.
පසුව සෝමවංස අමරසිංහ මහතා ඒ කරුණු නිවැරදි බව තහවුරු කළා..
ඒ කුමරලාගෙන් කෙනෙක් අද රටේ සහ ජවිපෙ ප්‍රධානියා.
මේ ඒ පිළිබඳ පසුව ඔහුම කරපු තහවුරු කිරීම
උපුටා ගැනීම:
" 1998 සිට 2010 දක්වා අපේ දේශපාලන ගමන් මග දෙස අපි ආපසු හැරී බැලීමක් බලල තියෙනව. ඒ ආපසු හැරී බැලීමේදී අපි හඳුනාගත්තා අපේ පක්ෂයේ හැරවුම කොතනද කියල. අපේ පක්ෂයේ හැරවුම තමයි 2004 සන්ධානය. අප 2004 දක්වා ආපු ගමන් මග 2004න් සන්ධානයෙන් පසු වෙනත් දිශාවකට හැරුනා. එය තමයි අපේ දේශපාලන කඩාවැටීමේ හැරවුම් ලක්ෂය.
2004 සන්ධානයක් පිළිබඳ සාකච්චාවෙදි මට වෙනම ස්ථාවරයක් තිබුනා. ඒක මධ්‍යම කාරක සභාව හොඳින් දන්නව. 2005 ජනාධිපතිවරණයෙදිත් 2010 ජනාධිපතිවරණයේදී මට වෙනම ස්ථාවරයක් තිබුණා. ඒ ස්ථවරය අනිත් අයගේ ස්ථාවරවලට වඩා වෙනස් වෙන්නත් පුළුවන්. "
-අනුර කුමාර දිසානායක
- Daily Mirror සමග සාකච්චාවකදී 2014 පෙබරවාරි 07
එහෙම බැලුවම හරිනි මෙනවිය කියන කතාව අනුර කුමාර දිසානායක මහතා පිළිබඳව සැලකුවම නිවැරදියි.
දැන් බලපු හරිනි මෙනවිය ගැන..
ජවිපෙ එකල ත්‍රස්තවාදයට එරෙහිව සටන් කරන්න ඕන කියන ස්ථාවරයේ ඉන්නකොට ඔවුන්ගේ රළු විවේචනයට ලක් වුනු ප්‍රධාන පාර්ශවයක් හිටියා. ඒ තමයි ත්‍රස්තවාදී යුද්ධය යුද්ධයෙන්ම ඉවර කරන්න බෑ කියල මතවාදය හදපු ඒය පෝෂණය කරපු රාජ්‍ය නොවන සංවිධාන. ජවිපෙ ඔවුන්ව හැඳින්වූවේ රටට හතුරු ද්‍රෝහී NGO කල්ලි කියලා.
ඒ සංවිධාන වල ප්‍රධාන සතුරා වුනෙත් ජනතා විමුක්ති පෙරමුණ.එයට අනුව වැඩ කළ (අද මාලිමා ආණ්ඩුවේ හොරණෑ වෙලා තියෙන ) සමහර මාධ්‍ය වලත් ප්‍රධාන හතුරා වෙලා තිබුණේ ජවිපෙ.
මාලිමාවේ සැරසිල්ල විදියට හරිනිව එහි පක්ෂ නායකයින් විසින් තෝරගන්න කොටත් හරිනි අමරසූරිය හිටියේ ඒ රාජ්‍ය නොවන සංවිධාන කියල ජවිපෙම විවේචනය කරපු මතවාදයේ.
කුප්‍රකට රාජ්‍ය නොවන සංවිධාන වල ඉහළ කැමැත්ත එදත් අදත් හරිනි ට ලැබෙන්නේ ඒ ලැබැඳියාව නිසා.
ඒ සංවිධාන තමයි 'යුද්ධය එපා!' කියල යුද්ධය නැති දකුණේ පෙළපාලි ගියේ...
යුද්ධය අවසන් වීමේන් දේශපාලනිකව අවතැන් වුනේ ඔවුන්. හරිනි හරියටම කියනව වගේ යුද්ධයෙන් කිසිම දේශපාලන වාසියක් ඉන් පස්සේ ඔවුන්ට ගන්න බැරි වුනා. මොකද එය අවසන් වුනා. ඒ ජයහ්‍රහණය එක්ක හිටපු දේශපාලන ව්‍යාපාරවලට ඉහළ ජනතා පිළිගැනීමක් ලැබුනා.ඒක තමයි හරිනි කියන හරිනිලාට නොලැබුනු,අනිත් අයට ලැබුනු "වාසිය".
එහෙම බැලුවම යුද්ධය කරන්න එදා "හරිනිලාගෙන්" ඇහුවේ නෑ කියන එකත් හරි.ඔවුන්ට එයින් "වාසියක්" ලැබුනේ නෑ කියන එකත් හරි.!
හරිනි "හරි"!
(Kelum Niranjana ගේ මුහුණු පොතින්)
සම්බන්ධිත පුවත් | Related News
ප්‍රධාන පුවත්
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..