අනුර කුමාර නැවත කියවා ගමු..

Feb 8, 2026 at 10:25 AM

|

Lanka Leader

ජනාධිපති අනුර කුමාර සහ ටිල්වින් සිල්වාගෙන් කවුද හොඳ කියලා ඇහුවොත් ඔයා මොකද්ද කියන්නේ.ගොඩක් වෙලාවට හම්බවෙන්න පුළුවන් උත්තර හතරක් තියනවා.සමහරු කියයි අනුර හොඳයි කියලා,3%නේ ජෙප්පෝ ටිල්වින් හොඳයි කියයි.තව සමහරු දෙන්නම හොඳයි කියයි නැත්තං දෙන්නම නරකයි කියයි. ඔය ප්‍රශ්නය රටේ රාළගෙන් ඇහුවොත් රටේ රාළ දෙන්නේ ඔය උත්තර හතරම නෙවෙයි.ඒ රටේ රාළ ටිල්වින් සහ අනුර දෙන්නම හරියට කියවගෙන තියෙන හින්දයි.

රටේ රාළ කියන්නේ අනුර සහ ටිල්වින් දෙන්නම නරකයි,හැබැයි අනුරට වඩා ටිල්වින් හොඳයි කියලයි.ඇත්තටම අනුර සහ ටිල්වින් ගත්තම අනුරට වැඩිය ලේසියෙන් ටිල්වින් කියවගන්න පුළුවන්. ඔය එළියට පේන ටිල්වින්ට ගොඩක් දුරට සමාන මිනිහෙක් තමයි ඇතුලේ ඉන්නේ.එහෙමත් නැත්තං ඇතුලේ ඉන්න ටිල්වින්ම තමයි ඔයාලට ඔය එලියට පේන්නේ.ටිල්වින්ට රටට හංගන්න ගොඩක් දේවල් තියනවා.

නන්දන සහෝදරයා සමහරක් දේවල් හෙලි කළා සහ තවමත් හෙළි නොකළ අපි විතරක් දන්න ගොඩක්දේ තියනවා.ඒවා ඉතින් එලියට එන්නේ නැත්තේ ටිල්වින්ට බයේ නෙවෙයි.ඒකෙන් වෙනත් පාර්ශවයක් අමාරුවේ වැටෙන හින්දයි.ටිල්වින්ට ලොකයෙන් හංගන්න ගොඩක් දේ තිබුණට ටිල්වින්ගේ පිට සහ ඇතුලේ ස්වභාවය ගොඩක් දුරට සමානයි.ඒ තමයි ටිල්වින්.ඒ කියන්නේ ටිල්වින් කියන්නේ පහසුවෙන් හදුනගන්න පුළුවන් සතුරෙක්.

එතකොට ටිල්වින්ගේ සතුරුකම්වලට ලක්වෙන අයට පරිස්සම් වෙන්න පුළුවන්.ටිල්වින් ප්‍රසිද්ධියේ කියනවානේ ජවිපෙ ද්‍රෝහීන්ට සමාව දෙන්නේ නෑ කියලා.ඒ අතින් මිනිහා කෙලින් මිනිහෙක්. එහෙම කියලා විතරක් මෑන් නිකා ඉන්නේ නෑ.ද්‍රෝහීන් මරලා දාන්න යුනට් හදාගෙන වැඩෙත් කරනවා.හොඳම උදාහරණය තමයි විමල් මරලා දාන්න එවපු කලුතර ප්‍රසාන්ත.ඒ වගේම නන්දනගේ මැරුණයෙන් පස්සේ ටිල්වින් කියලා තියෙන්නේ බල්ලෝ තුන් දෙනාගෙන් එක බල්ලෙක් ඉවරයි කියලා.

එතකොට ඉතින් ඉතුරු බල්ලෝ දෙන්නා දැනගන්න ඕනි පරිස්සම් වෙන්න.රටේ රාළ මේ කියන කතාව ඔයාලට තේරෙනවා ඇති. හැබැයි අනුර කියන්නේ ටිල්වින් වගේම නරක මිනිහෙක්.හැබැයි ඒක අඳුර ගන්න අමාරුයි.අනුරගේ මතුපිටින් පේන සතා නෙවෙයි ඇතුලේ ඉන්නේ.ඇතුලේ ඉන්නේ ටිල්වින් ජාතියේම බඩූවක්. හැබැයි ඒක එළියට පෙන්නන්නේ නැති වෙන්න තාපස ස්වරූපයකින් පෙනී ඉන්න අනුර දක්ෂයි.අනුරට රැවටුනේ නැත්තේ රටේ රාළ සහ තවත් කීපදෙනෙක් විතරයි.

මේ රටේ විශ්ව විද්‍යාල ආචාර්යවරු සහ විශ්ව විද්‍යාල ශිෂ්‍යයෝ අනුරට රැවටුනා.අපේ රටේ රාජ්‍ය සේවකයෝ අනුරට රැවටුනා. ත්‍රිවිධ හමුදාව සහ පොලීසිය,උපාධිධාරීන්,කාන්තාවන්, තරුණයින්,ගොවියන්....මේකී නොකී සියලු දෙනා අනුරට රැවටුනා. වෙන මොනවද ඉතින් රනිලුත් අනුරට රැවටුනා.දැන් සජිතුත් අනුරට රැවටිලා ඉන්නේ.ඒ සියලු දෙනා අනුරව කියවගෙන තියෙන්නේ පිටත පෙනුම දිහා බලලා.සමහරවිට එයාලා ඇත්ත අනුර කියවා ගන්නකොට වෙන්න ඕනි විනාශය වෙලා ඉවරයි .

ඔයාලා අහලා ඇති හැංගි හැංගි වෙස් මුහුණු බැන්දත් නටන්න වෙන්නේ එලියේ කියලා කතාවක්.රටේ රාළ ඒ කතාව විශ්වාස කරනවා.අනුර දාගෙන ඉන්න වෙස් මුහුණ ගලවලා වේදිකාව උඩ ඇත්ත ස්වරූපයෙන් නටන්න වෙන දවසක් එනවා.දැන් අනුරගේ වෙස් මුහුණ ටික ටික ගැලවෙමින් සැබෑ අනුර ටික ටික එලියට එන්න පටන් අරන්.ඒකට හොඳම උදාහරණය තමයි පහුගිය 06 වෙනිදා මහනුවරදී දිට්වා සුළි කුණාටුවෙන් විපතට පත්වුවන්ට වන්දි ප්‍රධානය කිරීමේ උත්සවයේදී අනුර කරපු කතාව.

ඒ කතාවේ තැන් කීපයකින් ඇත්ත අනුර එලියට පැන්නා.අනුරගේ කතාවේ කොටසක් අනුරගේ වචනවලින්ම කිව්වොත්

" කිසිදු වෘත්තීය සමිතියකින් සහ කිසිදු රාජ්‍ය සේවකයෙක් අපේක්ෂා නොකරන ලද මූලික වැටුප් වැඩිවීමක් අපි කරලා තියනවා.2027 වෙනකොට අපි රාජ්‍ය සේවයට වැටුප් වැඩිවීම විතරක් වෙනුවෙන් කෝටි 33000ක් ගෙවලා තියනවා.එහෙම වැටුප් වැඩිවීමක් කරලා තිබියදී මා දකිනවා සමහර අය මේ දීමනාව වැඩි කරන්න,අර දීමනාව වැඩි කරන්න කියනවා.ඒක වෙන්නේ නෑ.කවුරු මොන විදිහට උද්ඝෝෂණය කළත්,පාරේ හිටියත් දීමනාවන් 2027තේ ඊළඟ වැටුප් වැඩිකරන තෙක් කරන්නේ නෑ."

ඇත්තටම අනුර මේ රාජ්‍ය සේවයට කරන්නේ තර්ජණයක්.රටේ රාළට අනුරගෙන් අහන්න තියෙන්නේ රෙදි ඇඳගෙනද අනුර ඔයා කතා කරන්නේ කියලයි.අනුරලා බලයට එන්න ඉස්සෙල්ලා කිව්වේ සෑම අවුරද්දකම දෙපාරක් ජීවනවෙන්න සරිලන වැටුපක් ගණනය කරලා ලබා දෙන්න කටයුතු කරලා තියනවා කියලා.කොරෝනා වසංගතය වෙලාවේ රට අන්ත අසරණ තැනට වැටුණා.ඒ වෙලාවේ ගුරුවරු සහ රජයේ සේවකයෝ වැඩි වැටුප් ඉල්ලා පාරට බැස්සපු අනුරලාට රෙදි ඇඳගෙන ඔහොම කියන්න පුලුවන්ද?

ඊළඟට අනුරලාගේ පැත්තෙන් දෙනවා කියපු ආදර්ශ දීලාද මේ කතා කරන්නේ.ජනාධිපති හෙලිකොප්ටර් දෙකකින් යන්නේ හදිස්සියක් උනොත් අනිකට පණින්නද අහපු අනුර නේද මේ.අපිට දැන් හෙලිකොප්ටර් පාවිචිචි කරන්නේ නැති ජනාධිපති කෙනෙක් ඉන්නවා කියලා ටිල්වින් කිව්වේ මෙයාට නේද?අපි පඩි ගන්නේ නෑ, වාහන ගන්නේ නෑ කියපු මන්ත්‍රීලා නේද මේ.ජනතාවට නැති කිසිම දෙයක් අපිට එපා කිව්වේ මෙයාලා නේද?

දිට්වා සුළි කුණාටුවෙන් දාහකට කිට්ටු ගාණක් මැරිලා,දස දහස් ගාණක් අවතැන් වෙලා,තවම පළවෙනි රුපියල් 25000 හම්බ නොවුන මිනිස්සු ඉන්දැද්දී තමන්ගේම ගෝලබාලයන්ට සුපිරි කැබ් රථ 1775 ක් ගේන්න හදන කෙනා නේද මේ.අද මේ ආණ්ඩුව කියන්නේ සකළවිධ දූෂණයන් සහ හොරකම් කරන ආණ්ඩුවක්. වැලි,පස්,කැලෑ පාලුවෝ,කුඩ්ඩෝ,ජාවාරම්කාරයෝ වැහි වැහැපු ආණ්ඩුවක්.ඒ ආණ්ඩුවේ නායකයා නේද මේ.ජනතාවට අනුර දෙනවා කියන සහන දීලද මේ කතා කරන්නේ.කාංචනට ගිය කොමිස් එක නතර කරලා 100ට,150ට තෙල් දෙනවා කිව්ව අනුර නේද මේ.ලියිට් බිල ඉතාමත් කෙටි කාලයක් ඇතුලත තුනෙන් එකකින් අඩු කරනවා කිව්ව අනුර නේද මේ.

රුපියල් 9000 බිල 6000ටත්,3000 බිල 2000ටත් අඩු කරනවා කිව්වේ මේ කටින්ම නේද?දැන් අඩුකිරීම පැත්තකින් තියලා තවත් 12% කින් වැඩි කරන්න හදන්නෙත් මෙයාම නේද?පාසැල් ලමයින්ගේ පොත්පත් ටිකට,ලදරු කිරිපිටිවලට,ආහාරවල බදු සීරෝ කරනවා කියපු අනුර නේද මේ.ඊළඟට අනුරට මොකද්ද තියන අයිතිය රාජ්‍ය සේවකයන්ට කෝටි 33000ක් දැනට දීලා තියනවා කියලා කියන්න.ඒවා ජවිපෙ අරමුදලින් ගෙව්වා වගේනේ අනුර කතා කරන්නේ.

අනික ඒ මිනිස්සුන්ට පිනට දුන්න සල්ලි නෙවෙයි සහ රාජ්‍ය සේවකයෝ බලහත්කාරයෙන් ගත්ත සල්ලිත් නෙවෙයි.ඒ ඒ මිනිස්සු මේ රට වෙනුවෙන් කරන සේවයේ හම්බවෙන වටිනාකම තමයි ඒ.ඒක මේ අනුර පිනට දෙන දෙයක් නෙවෙයි.ඇත්තටම පිනට කන්නේ අනුර සහ අනුරගේ ඇම්බැට්ටයෝ ටිකයි.හරි නං ගාණ හදලා බලන්න ඕනි මේ අවුරුද්දයි මාස ගාණට මෙයාලා කොච්චර පිනට කාලාද කියලා.පැලවත්තේ ඩෝබිලා දහස් ගාණක් නඩත්තු කරන්නේ ජනතාවගේ බදු සල්ලිවලින්.

රාජ්‍ය සේවයේ අඩුපාඩු හදන්න ඕනි කියන එක රටේ රාළත් පිලිගන්නවා.හැබැයි ජවිපේ බත් ගොට්ටෝ ගාණට රාජ්‍ය සේවකයා දාන්න අනුරට මොකද්ද තියන අයිතිය.රාජ්‍ය සේවය ඉල්ලීම් ඉල්ලන්න එපා නම් කැබ් 1175 ඕඩරය කැන්සල් කරලා එන්න කියන්න.දීපු පොරොන්දු ඉෂ්ඨ කරලා එන්න කියන්න.අනුර මේ කියන්නේ කිසිම දෙයක් ඉල්ලගෙන පාරට බහින්න එපා කියලයි.ඒ කියන්නේ හෙට දවසේ එන මහජන නැගිටීම බය කරලා නවත්තන තැනට අනුරත් ටික ටික එලඹෙමින් ඉන්නවා. ජූලී චන්ග් ඉස්සරහා,ජයසංකර් ඉස්සරහා දෙකට තුනට නැගෙන අනුරගේ සැර බලපල්ලකෝ.

අනුර දාන ඔය සද්ධවලින් දැන් මේ රටේ ජනතාව බය කරන්න බෑ. හෙට දවසේ අනුරලාට එරෙහිව මේ රටේ ජනතාව නැගිටිනවා.ඒ සටනේ ඉදිරියෙන්ම රාජ්‍ය සේවකයෝ ඉන්නවා.

හරි එහෙනම් ගිහින් එන්නම්.

ජයවේවා.

මීට

රටේ රාළ.