කොටි සංවිධානයේ 40,000 ක් පමණ වූ සාමාජිකයින් විසුරුවා හැරීමේ තීරණාත්මක කාර්යභාරය අභ්‍යන්තරිකව සිදුකළ ප්‍රධාන පුද්ගලයන් තිදෙනෙකු ගැන අරුන් සිද්ධාර්ථන් කියන කතාව..
කොටි සංවිධානය රටවල් 15 ක් එක්ව විනාශ කළ බව එල්ටීටීඊ ආධාරකරුවන් නිරන්තරයෙන් පවසන බවත්, නමුත් යථාර්ථය නම්, කොටි සාමාජිකයන් 40,000 ක් පමණ විසුරුවා හැරීමේ තීරණාත්මක කාර්යභාරය අභ්‍යන්තරිකව සිදුකලේ ප්‍රධාන වශයෙන් පුද්ගලයන් තිදෙනෙකු විසින් බවත් අරුන් සිද්ධාර්ථන් මහතා පවසයි.
ඔවුන් තිදෙනා නම් ඩග්ලස් දේවානන්ද, සිවනේසතුරෙයි චන්ද්‍රකාන්තන් (පිල්ලෙයාන්), විනයාගමූර්ති මුරලිදරන් (කරුණා අම්මාන්) බවත් ඔහු සඳහන් කරන අතර, ඉතිහාසය විසින් ඔවුන් නිදහස් කරනු ඇති බවත් පවසයි.
අරුන් සිද්ධාර්ථන් මහතා සිය මුහුණු පොතේ තැබූ සටහන පහළින්..
“ඉතිහාසය විසින් ඔවුන් නිදහස් කරනු ඇත!”, “History will absolve them!”.
ජීවිතයේ "හරි" සහ "වැරදි" දේ අපි තීරණය කරන්නේ කෙසේද යන ප්‍රශ්නය මූලික දාර්ශනික ගැටලුවකි.
එක් පුද්ගලයෙකුට හරි ලෙස පෙනෙන දේ තවත් කෙනෙකුට වැරදි ලෙස පෙනෙන්නට පුළුවන. එක් පුද්ගලයෙකුගේ වැරැද්ද තවත් කෙනෙකුට නිවැරදි ලෙස පෙනෙන්නට පුළුවන. අප හරි යැයි විශ්වාස කරන දේ අනෙක් අයට වැරදි ලෙස පෙනිය හැකිය. මිනිස් ජීවිතයේ යථාර්ථය මෙයයි.
එසේ නම්, ජීවිතයේ හරි වැරැද්ද තීරණය කළ යුත්තේ කෙසේද?
සාමාන්‍යයෙන්, බොහෝ සාමාන්‍ය මිනිසුන් සමාජයේ බහුතරය එකඟ වන දේ "හරි" ලෙසත්, බහුතරය ප්‍රතික්ෂේප කරන දේ "වැරදි" ලෙසත් පිළිගැනීමට නැඹුරු වෙති. කෙසේ වෙතත්, ස්වාධීන චින්තනයක් සහිත සහ බුද්ධිමය වශයෙන් සවිඥානික පුද්ගලයෙකු එසේ රැල්ලට සමූහයා අනුගමනය නොකරයි. ඔහු ස්වාධීන චින්තනය හරහා හරි වැරැද්ද තීරණය කරයි.
"අන් අය ඔබට කරනවාට ඔබ කැමති ආකාරයට අන් අයට කරන්න" යන වාක්‍ය ඛණ්ඩය බයිබලයේ ස්වර්ණමය රීතිය ලෙස හැඳින්වේ. “තමා උපමාකොට සිතන්න” යනුවෙන් බෞද්ධ දර්ශනයේ ද එම මූලධර්මයම ප්‍රකාශ වේ. එම මූලධර්මයේ හරය නම්, අප විසින් ‘හානිකර’ යැයි සලකන කිසිවක් අන් අයට නොකළ යුතු බවයි. අපට සලකන ආකාරයටම සෙසු මිනිසුන්ට සැලකීම හරි වැරැද්ද තෝරා ගැනීමේ දිශානතිය සඳහා වූ සැබෑ සදාචාරාත්මක ප්‍රවේශයයි. අප ඉතිහාසය සහ දේශපාලනය අගයන්නේ හුදෙක් මෙම මූලධර්මය පදනම් කරගනිමිනි.
ගුවන් කොටි, මුහුදු කොටි, කළු කොටි, භූමි හමුදා සහ පොලිසිය වැනි විවිධ අංශ තිබූ කොටි සංවිධානය රටවල් 15 ක් එක්ව විනාශ කළ බව එල්ටීටීඊ ආධාරකරුවන් නිරන්තරයෙන් කියා සිටිති. නමුත් යථාර්ථය නම්, සටන්කරුවන් 40,000 ක් පමණ වූ එම හමුදාව විසුරුවා හැරීමේ තීරණාත්මක කාර්යභාරය අභ්‍යන්තරිකව සිදුකලේ ප්‍රධාන වශයෙන් පුද්ගලයන් තිදෙනෙකු විසින් බවයි.
ඔවුන් නම්:
ඩග්ලස් දේවානන්ද,
සිවනේසතුරෙයි චන්ද්‍රකාන්තන් (පිල්ලෙයාන්),
විනයාගමූර්ති මුරලිදරන් (කරුණා අම්මාන්).
ත්‍රස්තවාදය අවසන්කිරීම උදෙසා ලබාදුන් දේශපාලන නායකත්වයට, එයට සහය පලකල බලවේගවලට, සමස්ත ත්‍රිවිධ හමුදා ක්‍රියාන්විතයන්ට අමතරව කොටි ත්‍රස්තවාදීන් අතුගා දැමීමේදී මෙන් ම ඔවුන්ගේ හමුදා ශක්තිය සහ සංවිධානාත්මක ධාරිතාව විනාශ කිරීමේදී වඩාත්ම තීරණාත්මක කාර්යභාරය ඉටු කළේ මෙම පුද්ගලයින් ය.
ශ්‍රී ලංකාවේ ජනතාව අද හුස්ම ගන්නා නිදහස සහ ඔවුන් අත්විඳින සාපේක්ෂ සාමය, ඒ සඳහා වූ ඔවුන්ගේ දායකත්වය සමග වෙන්කල නොහැකි ලෙස එකිනෙක හා බැඳී ඇත .
අද, දෙමළ දෙමාපියන්ට තවදුරටත් තම දරුවන් බියෙන් සඟවා ගත යුතු නැත.බස් රථයක බෝම්බයක් පුපුරා යයිද යන්න ගැන තවදුරටත් කරදර වීමට අවශ්‍ය නැත. මාර්ග බාධකව අසල බියෙන් සැලෙන ජීවිත තවදුරටත් දක්නට නොමැත. කොළඹට යෑම සඳහා කොටින්ගෙන් අවසර පත්‍ර අවශ්‍ය වූ යුගය අවසන්ව ඇත. ආදරණීයයන් ප්‍රාණ ඇපකරුවන් ලෙස තබා යාමේ වේදනාව තවදුරටත් නොපවතී.
එවැනි වෙනස්කම් ස්වයංක්‍රීයව සිදු නොවීය. “රටවල් 15 ක් එක්ව කොටි විනාශ කළහ” යන ප්‍රකාශය ඓතිහාසික සත්‍යයක් නොවේ. එම 40,000 ක හමුදාව විසුරුවා හැරියේ මූලික වශයෙන් පුද්ගලයන් තිදෙනෙකුගේ තීරණ සහ ක්‍රියාමාර්ග හේතුවෙනි.
ශ්‍රී ලංකාවේ මිලියන 25 ක ජනතාවට අද සාමයෙන් ජීවත් වීමට මග පෑදූ අය සහ වයස අවුරුදු 18 ට වැඩි සෑම දෙමළ පුද්ගලයෙකුටම තමන් කැමති දේශපාලනයක යෙදීමට හැකි ප්‍රායෝගිකව අවකාශය නිර්මාණය කලේ මේ අයම ය. එම ප්‍රජාතන්ත්‍රවාදී අයිතිය ස්ථාපිත කිරීමේ හේතුව නිසාම ජනතා විමුක්ති පෙරමුණ-එන්පීපී පක්ෂයට පවා උතුරේ දේශපාලනය කිරීමට සහ යාපනයේ සිට පාර්ලිමේන්තුවට නියෝජිතයින් හතර දෙනෙකු යැවීමට නිදහස ලැබී තිබේ.
මෙසේ ශ්‍රී ලංකාවේ ජනතාව ෆැසිස්ට්වාදයේ කුරිරු ග්‍රහණයෙන් මුදාගත් අයව “ද්‍රෝහීන්” ලෙස ලේබල් කරන්නේ කොටි ත්‍රස්තවාදීන් මිස සාමාන්‍ය දෙමළ ජනතාව නොවේ.
‘දෙමළ ජනතාව’ සහ ‘ෆැසිස්ට් කොටි’ එකිනෙකාගෙන් අනන්‍ය වෙනස්කම් සහිත දෙපිරිසකි.
කොටි හිතවාදීන් කෙසේ අර්ථ දැක්වූවත්, මේ මිනිසුන් ද්‍රෝහීන් නොවේ. ඊට පටහැනිව, ඔවුන් ශ්‍රී ලංකාවේ සමස්ත ජනතාවටම නිදහස ලබාදීමට දායකත්වය දැක්වූ විමුක්ති වීරයන් වෙති. ඔවුන් ෆැසිස්ට්වාදයට එරෙහිව තම ආයුධ හැරවූයේ නැති නම් , අද පවා අප ඒ වියගහට යටවී හුස්ම හිරවී, ජීවත්වුවත් - මියගිය අර්ධ ප්‍රාණීන් ලෙස පැවතෙන්නට ඉඩ තිබිණි.
1953 ඔක්තෝබර් 13 වන දින, ෆිදෙල් කැස්ත්‍රෝ සහෝදරයා අත්අඩංගුවට ගෙන සන්තියාගෝ ද කියුබාවේ හමුදා අධිකරණයක් ඉදිරියට ගෙන එන විට, ඔහු මෙම ලෝක ප්‍රසිද්ධ ප්‍රකාශය සිදුකරමින් තම සටන සාධාරණිකරණය කළේය.
“මේ රටේ සමස්ත ජනතාවටම සාමයෙන් ජීවත් වීමට හැකි වන පරිදි මම මගේ ආයුධ ඔබට විරුද්ධව හැරෙව්වෙමි. ඔබට මට දඬුවම් කළ හැකිය, එයට කමක් නැත. නමුත් ඉතිහාසය විසින් මා නිදහස් කරනු ඇත.”
එලෙසින්ම, ශ්‍රී ලංකා ඉතිහාසය විසින් ඩග්ලස්, පිල්ලෙයාන් සහ කරුණා අම්මාන් සාධාරණ ලෙස විනිශ්චය කරනු ඇත.
“ශ්‍රී ලංකාවේ ඉතිහාසය ඔවුන්ව නිදහස් කරනු ඇත.”
ඔබ සැමට සුභ තෛපොංගල් දිනයක් ප්‍රාර්ථනා කරමි.
පසු සටහන:
මට එරෙහිව සිදු වූ ඝාතන ප්‍රයත්නයන් කිරීම සහ මගේ කාර්යාලයට ගිනි තැබීම පිළිබඳ පුවත දැනගත් පසු, ඩග්ලස් දේවානන්ද සහෝදරයා කොළඹ සිට මට කතා කර මගේ සුවදුක් විමසීමය. එසේ ම, ඔහු නැවත යාපනයට පැමිණි පසු, පොංගල් දිනයේදී, මට ඔහුගේ කාර්යාලයට පැමිණීමට ආරාධනාකර මගේ නිවසට සහ කාර්යාලයට එල්ල වූ ප්‍රහාරය පිළිබඳව ඔහුගේ කනස්සල්ල පළ කළ අතර, ආරක්ෂක කටයුතු සම්බන්ධයෙන් උපදෙස්ද ලබා දුන්නේය. මම ඔහුට මගේ අවංක කෘතඥතාව පළ කරමි. 🙏🙏
අරුන් සිද්ධාර්ථ්
යාපනය
16/01/2026
සම්බන්ධිත පුවත් | Related News
ප්‍රධාන පුවත්
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..