නංගි පෙන්වා අක්කා දෙන නව අධ්‍යාපන ප්‍රතිසංස්කරණ තුළින් අධ්‍යාපනයේ මළගම ලිවීම..
යෝජිත නව අධ්‍යාපන ප්‍රතිසංස්කරණවලට මොඩයුලවල ඇතුළත් සමරිසි වෙබ් යොමු ඉවත් කිරීමෙන් සුජාතභාවයක් ලැබෙන්නේ නැත. මෙය අනාගත පරපුරට අතිශය ව්නාශකාරීය.
අපට කලින් දශක ගණනක් එම මාර්ගයේ ගිය සාපේක්ෂව ධනවත් බලවත් නවසීලන්තය නෙදර්ලන්තය පවා මෙම ක්‍රමවේද වෙනුවට අප මෙතෙක් අනුගමනය කළ විභාග පදනම් කරගත් ක්‍රමවෙත නැඹුරු වෙමින් ඇත.
මෙම ප්‍රතිසංස්කරණ ඔස්සේ විභාග ක්‍රමය අහෝසි කරයි, නැතහොත් දුර්වල කරයි. එමගින් දුප්පත් පවුල්වල දරුවන්ට ස්වෝත්සාහයෙන් සමාජ හිනිමගේ ඉහළට නැගීමට තිබූ එකම අවස්ථාව අහිමි කරයි. දරුවෙකුට මහන්සි වී විභාගයක් සමත්ව ඉහළට යෑමට තිබූ අවස්ථාව ඇගයුම් ක්‍රම මත ගුරුවරුන් අතට පත්කිරීම සාධාරණ අවස්ථා අහිමි කිරීමකි.
තරඟ විභාගවලට මුහුණ දෙමින් ඉහළම ලකුණු ලබා විශ්වවිද්‍යාලවලට යන සිසුන්ට වර්තමාන විශ්වවිද්‍යාල තුළ මුහුණ දීමට සිදුවන්නේ ද මෙවැනිම ඉරණමකට බව කිව යුතුය.
එහිදී සිසුවෙකු පළමු පෙළ සමාර්ථයක් ලබා ගන්නේද නැද්ද තීරණය කිරීමේ හැකියාව ඔහුගේ අධ්‍යයන වසර කිහිපය තුළ විෂය ඒකක කිහිපයක් උගන්වන ගුරුවරුන්ට බොහෝ දුරට ලැබේ. ප්‍රශ්න පත්‍ර සැකසීම ලකුණු දීම සියල්ල ඇත්තේ ඔහු හෝ ඇය යටතේය.
මෙහි සැඟව ඇති තිත්ත ඇත්ත නම් සැබෑ ශාස්ත්‍රීය අධ්‍යයන කටයුතු පරයා ලිංගික අල්ලස් ඇතුළු බොහෝ ගනුදෙනු ඉහළට එසවෙන බවයි. පන්ති සාමාර්ථයක් ලබා ගැනීමට මෙන්ම එහි කාර්ය මණ්ලයට බැඳීමට ද එය පහසුම මගකි. ඇතැම් විට එකම මගය.
වර්තමානයේ බොහෝ විශ්වවිද්‍යාල දැනුම නිෂ්පාදනය නොකරන ආලාපාළු මුඩුබිම් බවට පත්ව ඇත්තේ මේ අවාසනාවන්ත තත්ත්වය නිසාය. බොහෝ විශ්වවිද්‍යාලීය උගතුන් බුද්ධිමතුන් නොවේ. විහිළුකාරයින්ය.
මෙයට හේතුව විශ්වවිද්‍යාප පිරී ඇත්තේ, එවායේ රජ කරන්නේ සැබෑ ශාස්ත්‍රවන්තයන් දක්ෂයන් නොව විවිධ කායික මානසික අල්ලස් ලබා දෙමින් ඇතැම් ගුරුවරුන්ගේ මනදොළ සපුරාලූ අය වීමයි. මෙම චෝදනාවෙන් මිදීමට හැක්කේ ඉතාම සුලු පිරිසකට පමණි.
අද රටේ පවතින අධ්‍යාපන ක්‍රමය වෙනස් කළ යුතුය. එහි සීමා අතික්‍රමණය කළ යුතුය. එම නව ක්‍රමය වර්තමාන ක්‍රමයට වඩා අගතිදායක එකක් නොවිය යුතුය. එහෙත් මේ හඳුන්වා දෙන්නට යන්නේ ලෙඩා මළත් බඩ සුද්දයි පන්නයේ අධ්‍යාපන ක්‍රමයකි. නංගි පෙන්වා අක්කා දීමකි.
මෙම නව ක්‍රමය තුළ වර්තමානයේ විශ්වවිද්‍යාවල මෙන්ම සිසුවාගේ අනාගතය තීරණය කිරීමේ නිශේධ බලයක් ගුරුවරයාට හිමි වෙයි. එවිට සිය දරුවා ඉහළට ඔසවා තැබීමට දෙමාපියන්ට ගුරුවරුන් කායික මානසික වශයෙන් සන්තර්පනයට සිදුවනු ඇත. එය මිල මුදල් ඇතුළු විවිධ තෑගි භෝග දීමේ සිට ලිංගික අල්ලස් දක්වා දිවෙනු ඇත. ඉහළ පන්තිවල සිසුන්ට ද එම ඉරණම අත්වනු ඇත.
එය එසේ නොවනු ඇතැයි සිහිබුද්ධිය ඇති අගතිගාමී නොවන කිසිවෙකු විශ්වාස කරනු ඇතැයි නොසිතමි. මේ පෘථග්ජන ලෝකයයි. ගුරුවරුන් දෙවියන් යැයි කීව ද ඔවුන්ද විශ්වවිද්‍යාල ගුරුවරු මෙන්ම පෘථග්ජනයෝය.
රටේම දරුවන් සිය නම, ගම, කුලය, ගැහැනු පිරිමි බව පවා නොමැති විභාග අංකයක් පමණක් සඳහන් උත්තර පත්‍රයක් ඔස්සේ කිසිදු පුද්ගලික බැඳීමක් නැති නාඳුනන ගුරුවරයෙකු අතින් ස්වාධීනව සිදුවන ඇගයීම පාසලේ ගුරුවරයාට විශාල බලයක් හිමි වන මෙම නව ඇගයුම් ක්‍රමය තුළ නොලැබෙනු ඇත.
සැබවින්ම විශ්වවිද්‍යාල පද්ධතියට ද හඳුන්වා දිය යුත්තේ වර්තමාන සාමාන්‍ය පෙළ සහ උසස් පෙළ වැනි ක්‍රමවේදයකි. සිසුන් ඔවුන්ට ඍජුව සම්මුඛව උගන්වන ගුරුවරයා අතින් නොව වෙනත් ස්වාධීන යාන්ත්‍රණයක් ඔස්සේ ඇගයීමට ලක්කළ යුතුය. එසේ නොමැතිව වර්තමාන විශ්වවිද්‍යාල පද්ධතිය මුහුණ දෙන ඛේදවාචකයට පාසල් පද්ධතිය බිලිදිය යුතු නැත.
එම විනාශයට අනාගත පරපුර බිලි දීමට වචනයකින් හෝ සහය දැක්වීම ගෙවාගත නොහැකි පාපයකි. මේ ඊනියා අධ්‍යාපන ප්‍රතිසංස්කරණ ක්‍රියාත්මක වුවහොත් එය සී.ඩබ්.ඩබ්. කන්නංගර පරම්පරාව දිනාදුන් අප ඇතුළු පරම්පරා කිහිපයක් භුක්ති විඳි නිදහස් අධ්‍යාපනයේ මළගම වනු ඇත. වර්තමාන පාලකයන් නිදහස් අධ්‍යාපනයේ මළගම සිදුකළ අය ලෙස හෙට ඉතිහාසයට එකතු වනු ඇත. අනාගත පරපුර ඊට සම්මාදම් වූ සැමට ශාප කරනු ඇත.
- නාමල් උඩලමත්ත...
(මුහුණුපොතින් උපුටා ගන්නා ලදී)
සම්බන්ධිත පුවත් | Related News
ප්‍රධාන පුවත්
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..