ඉරානයට එරෙහිව ඇමරිකා එක්සත් ජනපදය හා ඊශ්‍රායලය දියත් කර ඇති යුද මෙහෙයුම් සඳහා සහය නොදැක්වීම සම්බන්ධයෙන් නේටෝ (NATO) සංවිධානයේ සාමාජික රටවල් දැඩි ලෙස විවේචනය කිරීමට ඇමරිකානු ජනාධිපති ඩොනල්ඩ් ට්‍රම්ප් පියවර ගෙන තිබේ. සිය දිගුකාලීන මිත්‍ර රටවල් මෙලෙස සහය දැක්වීමෙන් වැළකී සිටීම "බියගුලු ක්‍රියාවක්" බව ජනාධිපතිවරයා අවධාරණය කරයි.

අද (20) අලුයම ඉරාන වේලාවෙන් 01:20 ට පමණ ඊශ්‍රායලය අත්පත් කරගත් පලස්තීනයේ ස්ථාන සහ කලාපයේ ඇමරිකානු කඳවුරු ඉලක්ක කර ගනිමින් මහා පරිමාණ මිසයිල් ප්‍රහාරයක් එල්ල කර ඇතැයි වාර්තා වේ.

ඉරාන ඉස්ලාමීය විප්ලවීය ආරක්ෂක බලකායේ (IRGC) නිල මාධ්‍ය ප්‍රකාශක අලි මොහොමඩ් නයිනි (Ali Mohammad Naini), ඇමරිකාව සහ ඊශ්‍රායලය එක්ව එල්ල කළ ඒකාබද්ධ ගුවන් ප්‍රහාරයකින් ජීවිතක්ෂයට පත්ව ඇති බව ඉරාන රාජ්‍ය රූපවාහිනිය තහවුරු කරයි.

ඉරානයට ඉහළින් පියාසර කරමින් තිබූ දෙවන F-35 ප්‍රහාරක ජෙට් යානය විනාශ කිරීම පිළිබඳව පලවන මෑත කාලීන මාධ්‍ය වාර්තා මෙතෙක් තහවුරු කර නොමැති බව ඉරාන බලධාරින් පවසා ඇතැයි ඉරාන තස්නිම් ප්‍රවෘත්ති ඒජන්සිය පවසයි.

අමෙරිකාව හා ඊශ්‍රායලය එක්ව ඉරානයට එරෙහිව අරඹා ඇති යුද්ධය හේතුවෙන් ලෝක බලශක්ති වෙළඳපොළට එල්ල වන බලපෑම සැලකිල්ලට ගෙන, අමෙරිකාව විසින් ඉරානයේ තෙල් සඳහා පනවා තිබෙන සම්බාධක ඉවත් කිරීමට සලකාබලමින් සිටින බව විදෙස් වාර්තා සඳහන් කරයි.

සන්නිවේදන ක්ෂේත්‍රයේ සමහර විශේෂිත කණ්ඩායම් ඊශ්‍රායල හමුදාවේ ආරක්ෂිත සන්නිවේදනයට අදාළ කේත බිඳ දැමීමෙන් පසු ඊශ්‍රායලයේ යුද කළමනාකරණය අර්බුදයකට මුහුණ දී සිටින බව ඉරාන ප්‍රවෘත්ති ඒජන්සි වාර්තා පවසයි.

ඊශ්‍රායලය සහ ඇමරිකා එක්සත් ජනපදය නැවත වරක් ඉරාන බලශක්ති යටිතල පහසුකම් වලට පහර දුන්නොත් ඔවුන්ගේ මැද පෙරදිග ඇති සියලුම යටිතල පහසුකම්වලට පහරදෙන බව ඉරානය නිවේදනය කර තිබේ.

පසුගිය දා ධුරයෙන් ඉල්ලා අස්වූ අමරිකානු ප්‍රතිත්‍රස්ත ඒකකයේ ප්‍රධානියා මාධ්‍යවේදියකු සමග පැවැත් වූ සම්මුඛ සාකච්ඡාවක දී ඉරානයට එරෙහි යුද්ධය සහ අමෙරිකාවේ පරිපාලනය විවේචනයට ලක්කර තිබේ.

ඉරාන ආරක්ෂක ප්‍රධානී අලි ලරිජානිගේ දියණියක අමෙරිකාවේ එමරි විශ්වවිද්‍යාලයේ දැරූ තනතුරෙන් ඉවත් කර ඇති බව Califoia Post පුවත්පත වාර්තා කර ඇතැයි නිව්යෝර්ක් පෝස්ට් සඳහන් කරයි.