ඉරාන ඉස්ලාමීය විප්ලවවාදී ආරක්ෂක බලකාය නිකුත් කළ ප්‍රකාශයට අනුව, ඊශ්‍රායල අගමැති බෙන්ජමින් නෙතන්යාහුගේ කාර්යාලය ඉලක්ක කර ගුවන් ප්‍රහාරයක් එල්ල කර තිබේ.

දරුණු ගැටුම් මධ්‍යයේ, කුවේටයට ඉහළින් පියාසර කරමින් තිබූ F-15 වර්ගයේ ප්‍රහාරක යානයක් බිම හෙලීමට තමන් සමත් වූ බව ඉරානය ප්‍රකාශ කළේය. පියාසර කරමින් තිබූ යානය ගිනිගෙන පහළට කඩා වැටෙන ආකාරය දැක්වෙන වීඩියෝ දර්ශන ද ඉරාන බලධාරීන් විසින් ප්‍රසිද්ධ කර තිබේ.

ඉරානයේ නව නායකත්වය සමඟ න්‍යෂ්ටික අවි හරණය පිළිබඳ සාකච්ඡා නැවත ආරම්භ කිරීමට එකඟ බව එක්සත් ජනපද ජනාධිපති ඩොනල්ඩ් ට්‍රම්ප් ඉයේ(01) පැවසීය.

ලෙබනනයේ නගර රැසක ජනතාවට ඉන් ඉවත් වන ලෙස ඊශ්‍රායලය දැනුම්දී ඇති අතර, විදෙස් මාධ්‍ය වාර්තා කර ඇත්තේ ලෙබනනයේ නගර 50කට අධික ප්‍රමාණයක සිටින ජනතාවට මෙලෙස ඉවත්වීම සඳහා ඊශ්‍රායලය දන්වා ඇති බවය.

ඉරානයට තමන්ව ආරක්ෂා කර ගැනීමට "සෑම අයිතියක්ම" ඇති බවත්, සටන් කිරීම දිගටම කරගෙන යාමට ශපථ කරන බවත් ඉරාන විදේශ අමාත්‍ය සෙයිද් අබ්බාස් අරග්චි ඊයේ(01) ABC ප්‍රවෘත්ති සේවය වෙත අදහස් දක්වමින් පැවසුවේය.

ඉරානයේ උත්තරීතර නායක අලි කමේනි සහ ඔහුගේ පවුලේ සාමාජිකයින්ගේ ඝාතනය සම්බන්ධයෙන් රුසියානු ජනාධිපති ව්ලැඩිමීර් පුටින් ඉරාන ඉස්ලාමීය ජනරජයේ ජනාධිපති මසූඩ් පෙසෙෂ්කියන් වෙත සිය බලවත් ශෝකය පළ කර තිබේ.

ඉරානය විසින් පළමු වරට ඇමරිකානු නැව් දෙකකට දැඩි ලෙස ප්‍රහාර එල්ල කළ බවත්, ඒ සමඟම අනෙක් සියලුම නැව් හෝමුස් සමුද්‍ර සන්ධියෙන් සහ ඕමාන් බොක්කෙන් ඉවත් වී දකුණු ඉන්දියානු සාගරය දෙසට පලා ගිය බවත් ඉරානයේ 'බුද්ධි මණ්ඩලයේ' (Expediency Discernment Council) සාමාජිකයෙකු වන මොහ්සන් රෙසායි (Mohsen Rezaei) විසින් කරන ලද මෙම ප්‍රකාශයක සඳහන් ය.

ඉරානයේ උත්තරීතර නායක අයතුල්ලා අලි කමේනි ඝාතනයෙන් පසුව එම ධුරයේ වගකීම සඳහා නව නායකයෙක් පත්කර තිබේ.

ඉරානයට එරෙහි අමෙරිකා - ඊශ්‍රායල හමුදා මෙහෙයුම වහාම නතර කරන ලෙස චීනය, අමෙරිකා එක්සත් ජනපදය සහ ඊශ්‍රායලය ඉල්ලා සිටින බව චීන විදේශ අමාත්‍යාංශය නිවේදනය කරයි.