ලොව ඇතැම් රටවල් විසින් වෙනිසියුලාවට එරෙහිව පනවා ඇති ඒකපාර්ශ්වික සම්බාධක හේතුවෙන් එරට ආර්ථික හා සමාජීය සංවර්ධනය මෙන්ම පොදු ජනතාවගේ ජීවනෝපාය මාර්ග දරුණු ලෙස කඩා වැටී ඇති බව චීනය පවසයි.

ජාත්‍යන්තර මානව හිමිකම් සහ වින්දිතයන්ගේ අයිතිවාසිකම් වෙනුවෙන් ක්‍රියාකරන සංවිධාන 14ක් ශ්‍රී ලංකාවෙන් හයිටි (Haiti) වෙත යැවීමට සැලසුම් කර ඇති හමුදා සාමාජිකයන් 900ක් පමණ සහ පොලිස් නිලධාරීන් 140 දෙනෙකුගේ යෙදවීම වහාම අත්හිටුවන ලෙස ඉල්ලා සිටී.

මෙරට සම්බුද්ධ ශාසනය පිහිටුවීම සිහිපත් කෙරෙන පො‍සොන් පුර පසළොස්වක පොහොය අදට (29) යෙදී තිබේ.

ශ්‍රී ලංකාවේ ස්වෛරීභාවය සහ දේශපාලන ස්වාධීනත්වය මේ වන විට බරපතළ අභියෝගයකට ලක්ව ඇති බවත්, රටේ මීළඟ නායකයා කවුරුන්ද යන්න තීරණය කිරීමේ බලය ඉන්දියාව සතු වන මට්ටමට දේශපාලන වටපිටාව වෙනස් වී ඇති බවත් ජ්‍යෙෂ්ඨ මාධ්‍යවේදී මොහාන් සමරනායක මහතා පවසයි.

විරෝධතා නොතකා ශ්‍රේෂ්ඨාධිකරණයේ සහ අභියාචනාධිකරණයේ විනිසුරුවරුන්ගේ විශ්‍රාම යාමේ වයස තවත් වසර දෙකකින් දීර්ඝ කිරීම පිළිබඳව රජය අඛණ්ඩව සලකා බලමින් සිටින බව ‘සන්ඩේ ටයිම්ස්’ පුවත්පත වාර්තා කරයි.

අමෙරිකානු ගුවන් හමුදාව විසින් ඉරානයේ මිසයිල සහ ඩ්‍රෝන යානා ගබඩාවලට ප්‍රහාර මාලාවක් එල්ල කර තිබේ.

කොළඹ ජාතික රෝහලේ ප්‍රතිකාර ලබමින් සිටින සුරේෂ් මහතා අද පෙරවරුවේ හටගත් පපුවේ අමාරුවක් හේතුවෙන් හෘද රෝග ඒකකයට ඇතුළත් කර ඇති අතර, ඔහුගේ සෞඛ්‍ය තත්ත්වය අධි අවදානම් කාණ්ඩයට ඇතුළත් කර ඇති බව ඔහුගේ බිරිඳ වන මනෝරි මහත්මිය ප්‍රකාශ කළාය.

රාජ්‍ය බුද්ධි සේවයේ හිටපු අධ්‍යක්ෂ සුරේෂ් සලේ මහතා කොළඹ ජාතික රෝහලේ හෘද රෝග ඒකකයට ඇතුළත් කර ඇති බව වාර්තා වේ.

පාස්කු ඉරුදින ත්‍රස්ත ප්‍රහාරය එල්ල වන සමයේ අපරාධ පරීක්ෂණ දෙපාර්තමේන්තුවේ (CID) ජ්‍යෙෂ්ඨතම නිලධාරීන් ලෙස කටයුතු කළ, වත්මන් මහජන ආරක්ෂක අමාත්‍යාංශයේ ලේකම් රවි සෙනෙවිරත්න මහතා සහ CID අධ්‍යක්ෂ ශානි අබේසේකර මහතා එම මාරක ප්‍රහාර මාලාවට පෙර තමන් වෙත ලැබී තිබූ තොරතුරු සහ ඒ සම්බන්ධයෙන් ක්‍රියා කළ ආකාරය පිළිබඳව විශේෂ අනාවරණයක් සිදු කර තිබේ.