කලින් මඩකලපුව කියල පළාතක් තිබුණේ නෑ. මේක ඉතිහාසගත දිගාමඩුල්ලයි. සිංහල මිනිස්සු ලේ කඳුළු දහදියෙන් ගොඩ නගපු දිගාමඩුල්ලයි.ඒ ගැන අමුතුවෙන් ලියන්න දෙයක් නෑ.

ඒ පළාතේ විතරක් බෞද්ධ ස්මාරක පන්සීයකට වඩා සොයා ගෙන තිබෙනවා. සිංහල බෞද්ධයන් සිටි පළාතක් ජන ශූන්‍ය වුනේ සතු ආක්‍රමණ නිසා. විසිවන සියවසේ මුල් භාගෙ වෙනකොට පාරම්පරික ගැමියන් මේ පළාත් වල යළිත් පදිංචි වී වගා කරන්නට පටන් ගන්නවා. 1911 සංගණනය අනුව මඩකලපුව දිස්ත්‍රික්කයේ විතරක් සිංහල ජනයා පන්දාහක් පමණ ජීවත් වෙලා තිබෙනවා.

1981 වර්ෂය වන විට මේ ප්‍රමාණය වැඩි වෙමින් තිබුණත් 1987න් පස්සෙ ඒ කියන්නේ කොටි යුද්ධයත් එක්ක සිංහල ජනයා අවතැන් වුණා. ඒ ඉඩම් දේපළ පස්සේ මුස්ලිම් අය කොල්ල කා ගත්තා අනෙක් ඉඩම් කැලෑවට ගියා. මහවැලි අධිකාරය පිහිටුවාලීමෙන් පසුව යුද්ධය නිසා මේ ප්‍රදෙහයන්හි හරිහැටි ජනතාව පදිංචි කලේ නෑ. යුද්ධයෙන් පස්සේ නැවත් පදිංචි කිරීම් පිළිබඳ කාර්යංශයන් තිබුනට සිංහල අය වෙනුවෙන් යුතුකම් ඉටු වූ යේ නෑ. දිවුල්පොතාන කෙවිලියාමඩු ආදී තැන් වල ඉන්න සිංහලයන් යුද්ධයෙන් පසු නැවත පදිංචියට පැමිණි අය. හිටපු ආන්ඩුකාර තිමියටත් මේ ගැටළුව විසඳන්නට බැරිවුනේ ඇයට අත් දැකීම් නොමැති නිසා. නමුත් සෙන්දිල් තොන්ඩමන් ආන්ඩුකාර වුණා විතරයි. ඔහු මහවැලි අධිකාරයට විරුද්ධව නඩු දැම්මා. ඒ නඩුව වෙනුවෙන් මහවැලි අධිකාරයට පෙනී සිටියේ නීතිපති නිළධාරීන්. මේ නීති නිළධාරීන් මහවැලියට බලපෑම් කලා නඩුව සමතයකට පත් කරගත යුතුයි කියලා. ඒ නිසා අවසානයේ ලැබුණු තීන්දුව ප්‍රකාර අනවසර පදිංචි කරුවන් ඉවත්  කිරීමට තීරණය ලැබුණා.

ඒ අනුව තමයි දිවුලපොතාන ගම්වාසීන් නෙරපීමේ නියෝගය පැමිනෙන්නේ.දැන් අප ඉදිරියේ තිබෙන අභියෝගය නම් නැවත නඩුකාරකයට ගොස් මේ සිංහලයන්ගේ අයිතිය දිනා ගැනීමට කටයුතු කිරමයි. උද්ඝෝෂණය කළ යුත්තේ රටේ ජන අනුපාතය අනුව ජනයා පදිංචි කළ යුතුය යන ස්ථාවරයේ සිටයි.

- මතුගම සෙනෙවිරුවන් -