පුටින්ගේ ඓතිහාසික ජයග්‍රහණයෙන් පසුව කළ කථාවේ ප්‍රධාන කරුණු
ඉතිහාසගත ඉහළ ඡන්ද ප්‍රතිශතයක් වූ ප්‍රකාශිත ඡන්දවලින් 87%කට අධික ඡන්ද ප්‍රතිශතයක් ලබා ගනිමින් දැවැන්ත මැතිවරණ ජයග්‍රහණයෙන් පසු ජනාධිපති ව්ලැඩිමීර් පුටින් ඊයේ රාත්‍රියේ රුසියානු ජනතාව ඇමතීය.
ඉරිදා රාත්‍රියේ මොස්කව්හි ප්‍රචාරක මූලස්ථානයේදී ජනාධිපති පුටින් කළ කතාවෙන් සහ මාධ්‍යවේදීන් නැගූ ප්‍රශ්න වලට ඔහු ලබා දුන් පිළිතුරු වල ප්‍රධාන උපුටා ගැනීම් පහත පරිදිය.
1) පුටින්ගේ සිහිනය
“මම ශක්තිමත්, ස්වාධීන, ස්වෛරී රුසියාවක් ගැන සිහින මැව්වා,” යනුවෙන් පුටින් පැවසුවේ ලබාගත් ඡන්ද ප්‍රතිඵලය “රුසියානු ජනතාව සමඟ අප සැමට මෙම අරමුණු සාක්ෂාත් කර ගැනීමට ඉඩ සලසනු ඇති” බවට වන ඔහුගේ බලාපොරොත්තුව ප්‍රකාශ කරමිනි.
2) වාර්තාගත මැතිවරණ ප්‍රතිඵලය
රුසියාවේ පුරවැසියන් රුසියාව අත්විඳින වර්තමාන තත්ත්වය වටහාගෙන බොහෝ දේ ඔවුන් මත රඳා පවතින බව තේරුම් ගෙන ඇති බව පුටින් අවධාරණය කළේය.
“වර්තමාන තත්වය හේතුවෙන්, රුසියානු සමූහාණ්ඩුව හෙවත් අපේ මව්බිමේ පූර්ණ, ස්වෛරී, සුරක්ෂිත සංවර්ධිත අනාගතයක් නිර්මාණය කිරීම සඳහා අපගේ පුරවැසියන්ගේ අත්වල ආයුධ රඳවා තබා ගනිමින් කටයුතු කිරීමට අපට සිදුවී ඇත.” පුටින් සඳහන් කළේය.
මෙවර මැතිවරණය 74% ඉක්මවන වාර්තාගත ප්‍රකාශිත ඉහළ ඡන්ද ප්‍රතිශතයකින් සනිටුහන් වූ අතර පුටින් එම ඡන්ද වලින් 87% කට වඩා වැඩි ඡන්ද ප්‍රමාණයක් ලබා ගත්තේය. ඒකීය එහෙත් ජනවර්ග රැසක් ජිවත් වන රාජ්‍යයකට මෙම මැතිවරණ ප්‍රතිඵලය යහපත් වන අතර රුසියාව වැනි බහු වාර්ගික රටකට ඒවා අද්විතීය ලෙස සුවිශේෂී වන බව රුසියානු ජනාධිපතිවරයා අවධාරණය කළේය.
අනාගත අභියෝග
රට අභියෝග රැසකට මුහුණ දෙන බව පෙන්වා දුන් රුසියානු ජනාධිපතිවරයා රුසියානු ජනතාව සමගියෙන් සිටියහොත් එම අභියෝගයට මුහුණ දෙන බව ඔහු සඳහන් කළේය.
“අපට ඉදිරියේදී බොහෝ කාර්යයන් කිරීමට නියමිතව තිබෙනවා. ඒ වගේම අපි එකමුතුව සිටීමෙන් කිසිවෙකුට අපව බිය කිරීමට හෝ මර්දනය කිරීමට හැකිවන්නේ නැහැ. මීට පෙර කිසිවෙකු රුසියාව බිඳ වැට්ටවීමට ගත් ක්‍රියා මාර්ග සාර්ථක වූයේ නැහැ. එය දැන් මේ මොහොතේදී සාර්ථක නොවූ අතරම අනාගතයේදී කිසිදා සාර්ථක නොවනු ඇත. ”
“අපට විශාල සංවර්ධන න්‍යාය පත්‍රයක් තිබෙනවා. ජනතාව එය හදවතින්ම තේරුම් ගෙන තම මාතෘභූමිය සංවර්ධනයට සහ ශක්තිමත් කිරීමට අවශ්‍ය කොන්දේසි නිර්මාණය කිරීමට ඉදිරියට පැමිණියා. මෙම මැතිවරණ ප්‍රතිඵලය එම කාර්යයන් ඉටු කර ඉලක්ක කරා ළඟා වන බවට සහතිකයක් බව කිව යුතුයි." ඔහු පැවසුවේය.
යුක්රේනයේ දේශසීමා ආක්‍රමණ සහ 'යුද මුක්ත කලාපය'
පසුගිය සතිය පුරා යුක්රේන කඩාකප්පල්කාරී කණ්ඩායම් රුසියානු භූමියට කඩා වැදීමට ගත් බහුවිධ උත්සාහයන් ව්‍යර්ථ කර ඇති අතර, පුටින් පැවසුවේ සතුරා පන්දහසක පමණ පිරිසක් යොදවා ඇති අතර ඔවුන්ගෙන් 40% ක් පමණ වන පිරිසක් දිවි අහිමි කර ගෙන ඇති බවයි.
“අපේ භූමියට හොර රහසේ ඇතුළු වූ අයගෙන් 100%ක්ම විනාශය අත්පත් කරගත්තා... සතුරාට ‘මස් ඇඹරුම් යන්ත්‍රයක්’ අවශ්‍ය නම් - අපි එයින් පවා ප්‍රයෝජන ලබනවා.
මේ සම්බන්ධයෙන් කියෙව් පරිපාලනය අදහස් දක්වමින් කියා සිටියේ මෙම මෙහෙයුම පැරාමිලිටරි ඒකක විසින් සිදු කරන ලද බවත්, ඔවුන් රුසියාවෙන් පලාගියවුන්ගෙන් සහ පලාගිය නව-නාසිවරුන්ගෙන් සැදුම්ලත් සහයෝගිතා බලකායක් බවයි. පුටින් කඩාකප්පල්කාරීන් සමාන කළේ දෙවන ලෝක යුද්ධයේදී ජර්මානු නාසි අණ යටතේ සටන් කළ ව්ලසොව් හමුදා සහයෝගිතාකරුවන්ට ය.
"එදා එම ද්‍රෝහීන්, එම දුෂ්ඨ නාසීන්ගේ පාර්ශවය සමඟ එක්ව සටන් කළ අතර, වර්තමානයේ නව- නාසිවරුන්ගේ පාර්ශවය සමඟ සිට ගනිමින් සටන් කරන ඒ හා සමාන මිනිසුන් පිරිසක්." ජනාධිපතිවරයා අවධාරණය කළේය. "එහෙත් දෙවන ලෝක යුද සමයේ ඔවුන් අවසන් වූයේ කෙසේදැයි අපි කවුරුත් දනිමු."
යුක්රේන දේශසීමා ප්‍රදේශ වල ජීවත්වන රුසියානු වැසියන් යුක්රේන ප්‍රහාරවලින් ආරක්ෂා කර ගැනීම සඳහා, රුසියාවට යම් අවස්ථාවක දී කියෙව් පාලන ප්‍රදේශවල ස්වාරක්ෂක කලාපයක් පිහිටුවීමට පවා "බල කළ හැකිය". රුසියානු හමුදා විසින් "ප්‍රධාන වශයෙන් විදේශීය සම්භවයක් ඇති" ආයුධවලින් සතුරාට ජය ගැනීම තරමක් අපහසු වන ආරක්ෂක කලාපයක් ස්ථාපිත කරනු ඇත. එලෙසම "අපි එය සුදුසු යැයි සලකන මොහොතකදී ගොඩ නැගෙනු ඇත." පුටින් තවදුරටත් පැවසීය.
යුක්රේනය සමඟ සාකච්ඡා
"විරුද්ධවාදියාගේ පතොරම් අවසන් වී ඇති" නිසා පමණක් නොව, දිගු කාලීනව හොඳ අසල්වැසි සබඳතා ඇති කර ගැනීමට විරුද්ධවාදීන් බැරෑරුම් ලෙස කටයුතු කරන තාක් මොස්කව් සැමවිටම සාම සාකච්ඡාවලට කැමැත්තක් දක්වයි.
රුසියාව ජාතික අවශ්‍යතා සමඟ පෙළගැසෙන්නේ නම්, විවිධ අවස්ථා සලකා බැලීමට සූදානම් බව ඔහු පැවසීය. එහෙත් කියෙව් වත්මන් නායකත්වය සමඟ මොස්කව්හි සාකච්ඡා තහනම් කර ඇති නිසාත්, ජනාධිපති ව්ලැඩිමීර් සෙලෙන්ස්කිට මැතිවරණයක් පැවැත්වීමට අදහසක් නැති නිසාත්, “එහිදී සාකච්ඡා කළ යුත්තේ කවුරුන්ද යන්න සොයා ගැනීමට පවා “වේදනීය පර්යේෂණ” අවශ්‍ය වනු ඇති” බව පුටින් සඳහන් කළේය.
නේටෝ සමග ගැටුම
නේටෝව සහ රුසියාව අතර සෘජු ගැටුමක් ඇතිවීමේ සම්භාවිතාව ගැන කිරා මැන බලමින් පුටින්, “නූතන ලෝකයේ ඕනෑම දෙයක් විය හැකි” බව පැවසූ අතර එය “පූර්ණ පරිමාන තුන්වන ලෝක යුද්ධයකට එළබීමට ඇට්තේ එක් පියවරක් පමණක් වනු ඇති” බවට අනතුරු ඇඟවීය.
"කිසිවෙකු තුන්වන ලෝක යුද්ධයකට උනන්දු යැයි මම සිතන්නේ නැහැ." ඔහු තවදුරටත් අවධාරණය කළේ, යුක්රේනයේ හමුදා යෙදවීමට එක්සත් ජනපදය ප්‍රමුඛ කඳවුරේ ඇති අභිලාශය සම්බන්ධයෙන් මොස්කව් හොඳින් දන්නා බවද පුටින් පැවසීය.
නේටෝ ප්‍රාන්තවල ස්වේච්ඡා සටන්කාමීන් අතිශය භයානක තත්වයන්ට මුහුන දී සිටින බව සඳහන් කරමින්, "මෙම යුද්ධය තුළ ඔවුන්ට යහපත් දෙයක් ලැබෙන්නේ නැහැ. මුලිකවම ඔවුන් එහිදී විශාල වශයෙන් මිය යන නිසා" යැයි පැවසීය.
Putin’s dream, Russian unity, conflict with NATO: Key takeaways from victory speech
සම්බන්ධිත පුවත් | Related News
ප්‍රධාන පුවත්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..
මහානායක අතිපූජ්‍ය ඕමාරේ කස්සප නායක හිමියන් විපක්ෂ නායක හිරවෙන ප්‍රශන 3ක් අහලා..
අද, හෙට සහ අනිද්දා දීප ව්‍යාප්ත විදුලි කප්පාදුවක්..