"තමන්ගේ පක්ෂයට හරවගන්න බැරි හාමුදුරුවන්ට ආණ්ඩුව දොස් කියනවා.. සංස්කෘතිය, ආගම රැකගන්න යනකොට ජාතිවාදයක් කියල කියනවා.." - මහාචාර්ය පූජ්ය කොටපිටියේ රාහුල හිමි
දේශපාලනඥයන් තම තමන්ගේ ජයග්රහණය, අභිවෘද්ධිය සහ පැවැත්ම වෙනුවෙන් මහා සංඝරත්නය යොදාගෙන, එය තමන්ට අවාසියක් වන අවස්ථාවලදී භික්ෂූන් වහන්සේලාට දොස් පැවරීම සාමාන්ය ස්වරූපයක් බවට පත්ව ඇතැයි කෝට්ටේ ශ්රී කල්යාණි සාමග්රී ධර්ම මහා සංඝ සභාවේ අනුනායක, මහාචාර්ය පූජ්ය කොටපිටියේ රාහුල හිමියෝ පවසති.
වත්මන් රජය පමණක් නොව, අතීතයේ පැවති රජයන් ද තම පක්ෂවලට භික්ෂූන් වහන්සේලා හරවා ගැනීමට උත්සාහ කරන බවත්, එය සාර්ථක නොවූ විට හාමුදුරුවරුන්ට දොස් කියමින් වරද පැටවීමට කටයුතු කරන බවත් උන්වහන්සේ පෙන්වා දුන්හ.
විශේෂයෙන්ම අපේ සංස්කෘතිය, ආගම සහ වටිනාකම් රැකගත යුතු යැයි භික්ෂූන් වහන්සේලා හඬ නඟන විට, එය ජාතිවාදයක් හෝ ආගම්වාදයක් ලෙස හුවා දැක්වීමට ඇතැම් පාර්ශ්ව කටයුතු කරන බව උන්වහන්සේ සඳහන් කළහ.
මෙරට සිටින බහුතර භික්ෂූන් වහන්සේලා ජාතිවාදීන් හෝ ආගම් අතර ගැටුම් ඇති කරන්නන් නොවන බව අවධාරණය කළ උන්වහන්සේ, සිංහල, දෙමළ, මුස්ලිම් ඇතුළු සියලු ජනතාව කිසිදු ආරවුලකින් තොරව සතුටින්, සමගියෙන් හා සමාදානයෙන් ජීවත් වීමට අවශ්ය නායකත්වය ලබා දෙන්නේ මහා සංඝරත්නය බව පැවසූහ.
ඊට නිදසුන් දක්වමින් උන්වහන්සේ සිහිපත් කළේ වතු ප්රදේශ සහ ගම්මාන ආශ්රිතව කෝවිල් ද, මුහුදුබඩ ප්රදේශවල පල්ලි මෙන්ම මුස්ලිම් පල්ලි ද පවතින බවත්, එම ප්රදේශවල මුස්ලිම් ජනතාව පවා භික්ෂූන් වහන්සේලාට ඉතා ගෞරවයෙන් සලකන බවත්ය.
එබැවින් රටේ නැති අවුලක්, නැති ආගම්වාදයක් හෝ ජාතිවාදයක් ඇති කිරීමට යමෙකු උත්සාහ කරන්නේ නම් එය රටට කරන විශාල හානියක් බව මහාචාර්ය කොටපිටියේ රාහුල හිමියෝ පෙන්වා දුන්හ. භික්ෂූන් වහන්සේලා සැමවිටම කතා කරන්නේ තම ආගම, දර්ශනය සහ සංස්කෘතික උරුමය වෙනුවෙන් බවත්, එම උරුමය අනෙකුත් ආගමිකයන්ට ද පවතින අතර බෞද්ධ භික්ෂුවකගේ වගකීම ඉටු කිරීම කිසිසේත්ම ජාතිවාදයක් නොවන බවත් උන්වහන්සේ වැඩිදුරටත් අවධාරණය කළහ.
සම්බන්ධිත පුවත් | Related News
ප්රධාන පුවත්
"තමන්ගේ පක්ෂයට හරවගන්න බැරි හාමුදුරුවන්ට ආණ්ඩුව දොස් කියනවා.. සංස්කෘතිය, ආගම රැකගන්න යනකොට ජාතිවාදයක් කියල කියනවා.." - මහාචාර්ය පූජ්ය කොටපිටියේ රාහුල හිමි
ලෝක බලවතුන් තිදෙනාගේ එකඟතා මැද යුද ගැටුම් නව වටයකින් ඇවිළීමේ අවදානමක්.. - ආචාර්ය ජගත් චන්ද්රවංශ
කිසිම සභාපති කෙනෙක් මෙහෙම පඩියක් අරගෙන නෑ.. - ජනපති අනුරගේ පරණ මිත්රයා උවිඳු, ගුවන්විදුලි සංස්ථාවේ සභාපතිගේ පඩිය ගැන කියන කතාව..
2024 බිලියන 141ක් ලාභ ලැබූ විදුලිබල මණ්ඩලය 2025 බිලියන 38.74ක් පාඩු ලබයි.. 2023 දීත් බිලියන 57ක් ලාභ ලබලා..
2027 අයවැය දෙවැනිවර කියවීම සම්මතයි - පක්ෂව 157.. විපක්ෂව 60යි..
ෂෙන්ෂෙන් බලවතුන්ගේ හමුව ලෝකය බෙදාගැනීමට ද?.. – ආචාර්ය ජගත් චන්ද්රවංශගෙන් අනාවරණයක්
වෙස්මුහුණු ගැලවුණු යුරෝපීය යුක්තිය: අර්බුදයකට මැදි වූ ජාත්යන්තර අපරාධ අධිකරණය..
උද්ධමනය 9%ක් දක්වා ඉහළ යා හැකියි.. - මහ බැංකු අධිපති කියයි
මාළුවකු ලබාදීම මෙන්ම මාළු ඇල්ලීමට අවශ්ය හැකියාව ද ලබාදීම යන ආදර්ශය ශ්රී ලංකාව තුළ ප්රවර්ධනය කිරීමට අපි බලාපොරොත්තු වෙනවා- ශ්රී ලංකාවේ චීන තානාපති ගරු Wei Huaxiang මැතිතුමා
ජනපති අනුර පළාත් සභා ඡන්ද නොපවත්වා 2029 ජනාධිපතිවරණයට තනි අශ්වයාගේ රේස් එකක් සැලසුම් කරනවාද?.. - ධර්මශ්රී ගෙන් අනාවරණයක්..
2027 අයවැය දෙවන වර කියවීමේ ඡන්ද විමසීම අද..
NPP ආණ්ඩුවේ ප්රගතිය එකමිටට කියපු ඩී.වී. චානක..
"මාතලේ අළු විහාරයේ ප්රේරණ කලාපයේ හදපු පල්ලියක් ලොකු කරන්න අවසර දීලා.. පුරාවිද්යා අධ්යක්ෂක ජනරාල් පුරාවිද්යා පනත උල්ලංඝනය කරලා.." - වෛද්ය වසන්ත බණ්ඩාර
ශ්රී පාද මාවත වනජීවී දෙපාර්තමේන්තුවට අයත් නැහැ.. එය මහජනතාව සතුයි.. - ශ්රී පාදස්ථානාධිපති හිමි
2035 වන විට ඉස්ලාම් ආගම ලොව විශාලතම ආගම බවට පත්වන බවට පිව් පර්යේෂණ මධ්යස්ථානයෙන් පුරෝකථනයක්..
අමෙරිකා, රුසියා, චීන බලවතුන්ගේ ත්රෛපාර්ශ්වික සාකච්ඡාව අද..