ෂෙන්ෂෙන් බලවතුන්ගේ හමුව ලෝකය බෙදාගැනීමට ද?.. – ආචාර්ය ජගත් චන්ද්රවංශගෙන් අනාවරණයක්
චීනයේ ෂෙන්ෂෙන් නුවර පැවැත්වෙන 33 වන ආසියා-පැසිපික් ආර්ථික සහයෝගීතා (APEC) සමුළුවට සමගාමීව සිදුවන ඇමෙරිකානු ජනාධිපති ඩොනල්ඩ් ට්රම්ප්, රුසියානු ජනාධිපති ව්ලැඩිමීර් පුටින් සහ චීන ජනාධිපති ෂී ජින්පින් යන ලෝක බලවතුන් තිදෙනාගේ හමුව, 1945 දෙවන ලෝක යුද්ධයෙන් පසු ලෝක දේශපාලනයේ සිදුවන අතිශය තීරණාත්මක සහ ඓතිහාසික සන්ධිස්ථානයක් බව ජාත්යන්තර දේශපාලන විශ්ලේෂක ආචාර්ය ජගත් චන්ද්රවංශ මහතා පවසයි.
Lanka Voice සමඟ විශේෂ සාකච්ඡාවකට එක්වෙමින් ඒ මහතා පෙන්වා දුන්නේ, මෙම හමුව "ලෝකය බෙදාගැනීමේ" උත්සාහයක් ලෙස ඇතැම් මාධ්ය විසින් අර්ථකථනය කළද, එය සැබවින්ම ගෝලීය යුද ගැටුම් සමථයකට පත්කර ගැනීමට සහ ආර්ථික බාධක ඉවත් කර ගැනීමට ලැබුණු සුභවාදී ආරම්භයක් බවයි.
සමුළුවේ ප්රධාන අරමුණු සහ න්යාය පත්රය
ආචාර්ය චන්ද්රවංශ මහතාට අනුව, රාජ්ය නායකයන් තිදෙනා වෙනස් න්යාය පත්ර තුනක් යටතේ මෙම හමුවට පැමිණියද, ලෝකයට බලපාන ප්රධාන කරුණු කිහිපයක් කෙරෙහි මෙහිදී විශේෂ අවධානය යොමුව තිබේ.
න්යෂ්ටික අවි පාලනය:
ඇමෙරිකාව සහ රුසියාව අතර පැවති දිගුදුර මිසයිල සීමා කිරීමේ ගිවිසුම ලබන වසරේ පෙබරවාරි මාසයෙන් අවසන් වීමට නියමිත බැවින්, න්යෂ්ටික අවි නිෂ්පාදනය සහ අත්හදා බැලීම් සීමා කිරීම පිළිබඳ නව සම්මුතියකට එළඹීම.
කෘත්රිම බුද්ධිය (AI) නියාමනය:
න්යෂ්ටික බලයෙන්ද ඔබ්බට ගිය විනාශයක් ඇති කළ හැකි කෘත්රිම බුද්ධි තාක්ෂණය පාලනය කිරීම සඳහා ජාත්යන්තර සම්මුතියක් ඇති කර ගැනීම.
වෙළඳ බාධක සහ සම්බාධක ඉවත් කිරීම:
ඇමෙරිකාව විසින් චීනයට පනවා ඇති තීරුබදු (Tariffs), චීනය විසින් දුර්ලභ ඛනිජ (Rare Minerals) සහ ඇමෙරිකානු කෘෂි නිෂ්පාදන සඳහා පනවා ඇති සීමාවන් මෙන්ම රුසියාවට එරෙහි ආර්ථික සම්බාධක හේතුවෙන් ගෝලීය ආර්ථිකයට එල්ල වී ඇති බාධා ඉවත් කර ගැනීම.
යුද ගැටුම් සමථයකට පත් කිරීම:
රුසියානු-යුක්රේන යුද්ධය අවසන් කිරීම සහ මැදපෙරදිග කලාපයේ පවතින යුදමය වාතාවරණය මෙන්ම හෝමුස් සමුද්ර සන්ධිය ආශ්රිතව සිදුවන ආර්ථික හානිය වළක්වා ගැනීම.
යුරෝපය සහ ඉන්දියාව කොන්වීමට හේතුව
ලෝකයේ දළ ජාතික නිෂ්පාදනයෙන් 65%කට ආසන්න ප්රමාණයක් සහ ලෝක වෙළඳාමෙන් 50%ක් සිදුවන ආසියා-පැසිපික් කලාපය වෙත ලෝක ආර්ථික කේන්ද්රය මේ වන විට මාරු වී ඇති බව රුසියානු ජනාධිපතිවරයාද සමුළුවට සමගාමීව පැවති ව්යාපාරික හමුවේදී පෙන්වා දී තිබේ.
මෙම තීරණාත්මක හමුවට යුරෝපය හෝ ඉන්දියාව සහභාගී නොවීම පිළිබඳව අදහස් දක්වමින් ආචාර්ය චන්ද්රවංශ මහතා සඳහන් කළේ, ස්වාධීන සහ ස්වෛරී විදේශ ප්රතිපත්තියක් නොමැති වීම ඊට ප්රධාන හේතුව බවයි.
රුසියානු බලශක්තිය අහිමි වීම නිසා ජර්මනිය ඇතුළු යුරෝපයේ කර්මාන්ත විශාල වශයෙන් බිඳ වැටී ඇති අතර, ඉන්දියාවද තවමත් බාහිර බලවතුන් මත යැපෙන ආර්ථිකයකට හිමිකම් කියන බව ඔහු පෙන්වා දුන්නේය.
රුසියා-චීන සබඳතා සහ ඉදිරි අපේක්ෂා
මෙම සමුළුව අතරතුර චීන සහ රුසියානු ජනාධිපතිවරුන් අතර 50 වන ද්විපාර්ශ්වික හමුවද පැවැත්වුණු අතර, දෙරට අතර ආර්ථික ගනුදෙනු මෙම වසරේදී ඇමෙරිකානු ඩොලර් බිලියන 250 ඉක්මවා යනු ඇතැයි අපේක්ෂා කෙරේ. ඊට අමතරව යුද අවි නිෂ්පාදන ක්ෂේත්රයේ ඒකාබද්ධ ව්යාපෘති ආරම්භ කිරීමටද දෙරට එකඟ වී ඇති බව වාර්තා වේ.
1945 යාල්ටා (Yalta) සමුළුවෙන් පසු ස්වෛරී රාජ්යයන් තුනක ප්රබලම නායකයන් එකම මේසයකට පැමිණීම තුළින් ලෝක යුද ගැටුම්වලට විරාමයක් ලැබී, සාමකාමී සහ බහු-ධ්රැවීය ලෝක රටාවක් නිර්මාණය වීමට මෙය ඓතිහාසික ආරම්භයක් වනු ඇතැයි ආචාර්ය ජගත් චන්ද්රවංශ මහතා වැඩිදුරටත් විශ්වාසය පළ කළේය.
සවිස්තරාත්මක වීඩියෝව නරඹන්න..
සම්බන්ධිත පුවත් | Related News
ප්රධාන පුවත්
2027 අයවැය දෙවැනිවර කියවීම සම්මතයි - පක්ෂව 157.. විපක්ෂව 60යි..
ෂෙන්ෂෙන් බලවතුන්ගේ හමුව ලෝකය බෙදාගැනීමට ද?.. – ආචාර්ය ජගත් චන්ද්රවංශගෙන් අනාවරණයක්
වෙස්මුහුණු ගැලවුණු යුරෝපීය යුක්තිය: අර්බුදයකට මැදි වූ ජාත්යන්තර අපරාධ අධිකරණය..
උද්ධමනය 9%ක් දක්වා ඉහළ යා හැකියි.. - මහ බැංකු අධිපති කියයි
මාළුවකු ලබාදීම මෙන්ම මාළු ඇල්ලීමට අවශ්ය හැකියාව ද ලබාදීම යන ආදර්ශය ශ්රී ලංකාව තුළ ප්රවර්ධනය කිරීමට අපි බලාපොරොත්තු වෙනවා- ශ්රී ලංකාවේ චීන තානාපති ගරු Wei Huaxiang මැතිතුමා
ජනපති අනුර පළාත් සභා ඡන්ද නොපවත්වා 2029 ජනාධිපතිවරණයට තනි අශ්වයාගේ රේස් එකක් සැලසුම් කරනවාද?.. - ධර්මශ්රී ගෙන් අනාවරණයක්..
2027 අයවැය දෙවන වර කියවීමේ ඡන්ද විමසීම අද..
NPP ආණ්ඩුවේ ප්රගතිය එකමිටට කියපු ඩී.වී. චානක..
"මාතලේ අළු විහාරයේ ප්රේරණ කලාපයේ හදපු පල්ලියක් ලොකු කරන්න අවසර දීලා.. පුරාවිද්යා අධ්යක්ෂක ජනරාල් පුරාවිද්යා පනත උල්ලංඝනය කරලා.." - වෛද්ය වසන්ත බණ්ඩාර
ශ්රී පාද මාවත වනජීවී දෙපාර්තමේන්තුවට අයත් නැහැ.. එය මහජනතාව සතුයි.. - ශ්රී පාදස්ථානාධිපති හිමි
2035 වන විට ඉස්ලාම් ආගම ලොව විශාලතම ආගම බවට පත්වන බවට පිව් පර්යේෂණ මධ්යස්ථානයෙන් පුරෝකථනයක්..
අමෙරිකා, රුසියා, චීන බලවතුන්ගේ ත්රෛපාර්ශ්වික සාකච්ඡාව අද..
ඥානසාර හිමියන්ගේ චීවරය ඉවත් කිරීමට එරෙහි රිට් පෙත්සම් විභාගය නැවත කැඳවීම දෙසැම්බර් 01 වැනිදා..
ටෙන්ඩර් කැඳවීමක් නැතිව ඊශ්රායලයෙන් හදිසියේ ඩ්රෝන යානා මිල දී ගන්නේ ඇයි?.. - ධර්ම ශ්රී කාරියවසම්ගෙන් අනාවරණයක්..
චීවරධාරී රාජාංගනයේ සද්ධාරතන අත්අඩංගුවට..
ගෝලීය බලවතුන් තිදෙනාගේ ඓතිහාසික හමුවෙන් සාකච්ඡා වන ප්රධාන මාතෘකා මොනවාද?..