විශ්‍රාමික හමුදා නිලධාරීන් වෙනුවෙන් පහළ වූ අනුරගේ මහා කරුණාව
NPP/JVP නායක අනුර කුමාර දිසානායක විශ්‍රාමික හමුදා නිලධාරීන්ට දේශපාලනය කිරීමේ අයිතිය වෙණුවෙන් පාර්ලිමේන්තුවේදී දීර්ඝ කතාවක් කිරීමට යෙදුණා.
කන්න හිතුනහම කබරගොයත් තලගොයා කරගන්න පුළුවන් හැකියාව ජනතාවට උරුම කරපු සුවිශේෂ පිරිසක් හැම පාර්ලිමේන්තුවක ම සිටියා.
හමුදාවෙන් විශ්‍රාම ගිය පිරිසක් ජාතික ජන බලවේගයට එක්වීම නිසා, ආරක්ෂක ලේකම් කමල් ගුණරත්න ගෙන් එම පිරිස් වලට කරදර හිරිහැර සිදු වෙන බව "මහා කරුණාවෙන්" ප්‍රකාශ කරන්න අනුර කුමාර උත්සුක වුණා.
71 සහ 88-89 යුග වලදී කාකි ඇඳුමට සාප කිරීමෙන් පමණක් නොනැවතුණු රතු සහෝදරයින්, පොලිස් යුදහමුදා නාවික හමුදා සහ ගුවන් හමුදා වලට එරෙහිව යුධ ප්‍රකාශ කර සන්නද්ධ හමුදා කෙරෙහි ජනතාව තුළ තිබුණු ගෞරවය හා විශ්වාසය කෙළසා දැම්මා.
උතුරේ ත්‍රස්තවාදීන්ගෙන් අපගේ සන්නද්ධ හමුදාවලට මාරාන්තික ප්‍රහාර එල්ල වෙන සමයකදී දකුණේ ත්‍රස්තවාදයක් බිහි කර හමුදාවලට එරෙහිව අමානුෂික ප්‍රහාර එල්ල කරපු පිරිසක් අද විශ්‍රාමික හමුදා නිලධාරීන්ගේ දේශපාලනය කිරීමේ මූලික අයිතිවාසිකම ගැන "මානව දයාවෙන්" යුතුව කතා කිරීම විහිලුවක්.
ඇත්තෙන්ම මෙය පොදු ජනතා ප්‍රශ්නයක් නොව විශ්‍රාම ගිය සන්නද්ධ හමුදාවල සාමාජිකයින්ට ජාතික ජන බලවේගයට එක්වීමට ඇති අයිතිය පිළිබඳ ප්‍රශ්නයක්. වෙනත් වචන වලින් කිවහොත් තමා ගේ පිඟානට බෙදා ගැනීමට ඇති අයිතිය හා බාධාවන් පිළිබඳව අනුර කුමාර නගන අඳෝනාවක්.
යම් හෙයකින් මෙම විශ්‍රාමික හමුදා නිලධාරීන් රෝහණ විජේවීර ගේ පුත් උවිඳු විජේවීරට පමණක් උදව් කිරීමට තීරණය කළේ නම්, මානුෂික පැත්තෙන් සලකා බලා එවන් හමුදා නිලධාරීන්ගේ අයිතිවාසිකම් වෙනුවෙන් පෙනී සිටින්නට අනුර කුමාර ඉදිරිපත් වේවිද?
පසුගිය දිනක විශ්‍රාමික හමුදා නිලධාරියෙකුවූ බ්‍රිගේඩියර් ජූඩ් ප්‍රනාන්දු NPP රැළියකදී කතා කරමින් කියා සිටියේ අනුර කුමාර සමග සිටගත් විට ඔහුට ඇති උනේ තමා පිළිබඳවම ලැජ්ජාවක් කියා.
යුද්ධය දිනා ගැනීමට ජීවිත පරිත්‍යාගයෙන් සටන් කළ වීරෝධාර හමුදාවන්ගෙන් එක් සාමාජිකයෙක් (විශ්‍රාමික ද නැද්ද යන්න අදාල නැහැ)
දේශපාලන නළුවෙක් ඉදිරියේ තමාවත් තමාගේ හමුදා සගයින්වත් පාවා දෙමින් කළ ඒ කතාව ඇත්තෙන්ම තුච්ඡයි.
උතුරේ ත්‍රස්තවාදීන්ට විරුද්ධව අපේ හමුදාවන් දිවි පරදුවට තබා සටන් වැදි මොහොතක දකුණෙන් ත්‍රස්තවාදයක් දියත්කළ පිරිසක් දැන් සිල් රෙදි හැඳගෙන අටසිල් නොව දස සිල් ගත්තාක් මෙන් ක්‍රියාන්විතයේ සිටින හමුදා නිලධාරීන් ගැන නොව තමන්ට දේශපාලන වශයෙන් මුක්කු ගසන විශ්‍රාමික හමුදා නිලධාරීන් වෙනුවෙන් කඳුළු සැලීම දෛවයේ සරදමක් නොවිය හැකිද?
අනුර කුමාර දිසානායක ගේ මෙම කතාවේදී ආරම්භයේදීම ඔහු ජාතිවාදයක් ගැන කතා කරනවා.
දශක ගණනාවක් තිස්සේ අප විසින් ලියන ලද ලිපිවල හා කරන ලද දේශනාවල විශේෂයෙන්ම සඳහන් කරන්නට යෙදුනා ශ්‍රී ලංකාවේ අමන දේශපාලකයින් හැම පාර්ලිමේන්තුවකම දිගින් දිගටම මතුරන මන්ත්‍රයක් වූ "ජාතිවාදය" හුදු මෙම අමන රැළ විසින්ම ඔවුන්ගේ පැවැත්ම සඳහා වංචනිකව නිර්මාණය කරගත් මිථ්‍යාවක් බව.
මේ පිළිබඳව මා විසින් කරන ලද පර්යේෂණ වල ප්‍රතිඵලද ඇතුළත් කර ලියන ලද ලිපියක් මගේ මිතුරකු විසින් අනුර කුමාර ඇතුළු පක්ෂයේ නායකයින් 5 දෙනෙක් වෙත යවා තිබුණා. එය නොකියවාම කුණු කූඩයට දමා ඇති බව සැළවුණා.
ජාතිවාදයක් ඇති වෙන්නේ කිසියම් රටක විවිධ ජාතීන් ඔවුන්ගේ ජාතික අනන්‍යතාවයක් වෙනුවෙන් සටන් වදිනවා නම් පමණයි.
ඒකීය රාජ්‍යයක් තුළ පමණක් නොව ෆෙඩරල් රාජ්‍යයක් තුළවත් විවිධ ජාතීන් සිටිය නොහැක. සිටිය හැක්කේ විවිධ ජන කොටස් පමණයි.
ජාතියක සංයුතිය සහ ජනකොටසක සංයුතිය තේරුම් ගන්නට බැරි මරි මෝඩ මන්ත්‍රීවරුන් පමණක් නොව ජනාධිපතිවරුන් පවා සිටිබව සහ දැනටත් සිටින බව අප විසින් අමතක නොකළ යුතුයි.
ඉන්දියාවේ වත් නැති දෙමළ ජාතියක් එසේත් නැතිනම් ලෝකයේ කොහෙවත් නැති මුස්ලිම් ජාතියක් ශ්‍රී ලංකාව තුළ ජීවත්වන බව පාර්ලිමේන්තු විවාදවලදී මැත දෙඩූ තක්කඩින් ඒ තුළින් උත්සාහ කළේ එම ජන වර්ග වලට නැති ජාතිකත්වයක් අවස්ථාවාදී ලෙස උරුම කර දීමටයි.
මේ නිසාම බෙදුම් වාදී ජන කොටස් දිගින් දිගටම "ජාතිය" කට ඇති අයිතියක් ලෙස භූගෝලීය ප්‍රදේශය (නිජබිම)ක් ඉල්ලා සිටියා.
මෙවන් අමන ප්‍රකාශවල ප්‍රතිඵලයක් මෙන්ම, සිංහල බෞද්ධ විරෝධි දේශීය හා විදේශීය කුමන්ත්‍රණකරුවන්ගේ සෘජු මැදිහත්වීම නිසා වසර 30ක අති බිහිසුණු දිග්ගැස්සුන යුද්ධයකට මුහුණ දීමට ශ්‍රී ලාංකික ජනතාවට සිදු වුණා.
එම කුමන්ත්‍රණ කරුවන් ම ඉතාමත් සූක්ෂම ලෙස ලෝකයට මුදාහැර ඇති විකෘති කරන ලද පණිවිඩය වූයේ
දකුණේ තරුණයින් මෙන්ම උතුරේ තරුණයින් ද ආයුධ අතට ගත්තේ "තරුණ අසහනය" නිසා කියායි. ආගම් වාදී හා බෙදුම්වාදී වෘකයින් තමන්ගේ ක්ෂුධාව සන්තර්පණය කර ගත්තේ ඒ ආකාරයටයි.
හෙට අලුත් ලොවක් බිහි කර දීමට වළිකන තරුණ නායකයෙක් ලෙස ඔටුනු පළන් අනුර කුමාර දිසානායක වැනි පුද්ගලයෙක් පාර්ලිමේන්තුව තුළදී කිසිම හිරිකිතයකින් තොරව ශ්‍රී ලංකාවේ පවතින ජාතිවාදයක් ගැන 13.11.2023 දින ප්‍රකාශ කරන්නට යෙදුණේ පළමු වතාවට නොවෙයි.
මෙයින් පැහැදිලිවම ගම්‍ය වන්නේ ජවිපෙ ප්‍රමුඛ ජා.ජන බළවේගය ඉදිරි ගමන යාම සඳහා සූදානම් කරගෙන ඇත්තේ මලකඩ සූරා ටින්කර් කර ආකර්ෂණීය වර්ණයක්ද ආලේප කර කට්ට ගෙවීගිය පරණ ටයර් 4ක් සවි කරන ලද රථයක් බවයි.
මේ වාහනයට ගොඩවෙන හැමදෙනාටම "දෙවියන්ගේම" පිහිටයි!
-තෙවැනි ඇස-
සම්බන්ධිත පුවත් | Related News
ප්‍රධාන පුවත්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..
මහානායක අතිපූජ්‍ය ඕමාරේ කස්සප නායක හිමියන් විපක්ෂ නායක හිරවෙන ප්‍රශන 3ක් අහලා..
අද, හෙට සහ අනිද්දා දීප ව්‍යාප්ත විදුලි කප්පාදුවක්..