ජාතියේ ව්‍යවස්ථාව
සිංහල මිනිස්සු එකතු කරන්න පුළුවන් බුද්ධ ශාසනයේ චිරස්ථිතිය කියන අරමුණ වටේ. සමාජ - ආර්ථික කටයුතුවලට වගේ ම යුද්ධයක්, ආක්‍රමණයක් ඇතිවෙච්ච වෙලාවටත් මිනිස්සු එකතු කරන්න වෙනවා. ඉතිහාසය පුරා ම අපි බුද්ධ ශාසනයේ චිරස්ථිතිය කියන අරමුණ වටේ අපේ මිනිස්සුන්ව එකතු කරලා තියෙනවා. අපේ මිනිස්සු ඒ අරමුණ වටේ එකතුවෙලා තියෙනවා.
මේ එකතු කිරීමට අවශ්‍ය මතවාදය මහාවිහාරය විසින් සපයලා තියෙනවා. ඒ මතවාදය සංග්‍රහ කරලා තියෙන්නේ මහාවංසය ඇතුළු මූල ග්‍රන්ථවල. මහාවංසය කියන්නේ බුද්ධ ශාසනයේ චිරස්ථිතිය වෙනුවෙන් අපේ මිනිස්සු කරපු කියපු දේවල් එකතු කරලා සංග්‍රහ කරපු ග්‍රන්ථයක්. ඇත්තෙන්ම මහාවංසය කියන්නේ සිංහල බෞද්ධ අපිට පූජනීය ග්‍රන්ථයක්. මහාවංසයේ මේ පූජනීය බව රැකගන්න තරමට තමයි අපේ මිනිස්සු එකතු කරන්න පුළුවන් වෙන්නේ. එහෙම කරනවා නම් විතරයි අපිට අපේ රට රැකගන්න පුළුවන් වෙන්නේ.
ජාතියේ හතුරෝ මේ කාරණය දන්නවා. ඉතින් ඒ හතුරෝ ඉවරයක් නැතුව මහාවංසයට පහරදෙනවා. මුලින් ම මේ වැඩේට යොදාගත්තේ NGOකාරයෝ. ඒත් ඒ සෙල්ලම සාර්ථක වුණේ නෑ. කොටි සංවිධානය ඉස්සරහට දාගෙන ක්‍රියාත්මක කරපු බටහිර අධිරාජ්‍යවාදී මෙහෙයුම පරාජයට පත් කරන්න අපිට පුළුවන් වුණා. ඒ වතාවෙත් අපේ මිනිස්සු එකතු කළේ මහාවිහාරය මුල් වෙලා මහාවංසය ඇතුළු මූල ග්‍රන්ථ ඔස්සේ ජනගත කරලා තියෙන මතවාදය විසින්.
2009 පරාජයෙන් පස්සේ අපේ හතුරෝ මුලින් ම කුළුගැන්නුවේ රාවණාවාදය. මේ ගැන හොඳ විස්තරයක් 'Ravanisation": The Revitalisation of Ravana among Sinhalese Buddhists in Post-War Sri Lanka කියන පොතේ තියෙනවා.
ඊ ළඟට මහා පරිමාණයෙන් ඉස්සරහට ගෙනාවේ යක්ඛවාදය. ඇත්තෙන්ම යක්ඛවාදය ප්‍රබන්ධ කළේ මීට අවුරුදු සීයකට විතර කලින්. ඒක කුල සාධකය මුල් කරගෙන ගොතපු කතාවක්.
දඹදෙණිය යුගයේ අවසාන භාගයේ ඉඳලා ජයවර්ධනපුර යුගය දක්වා කාලය තුළ මේ රටේ නිරිතදිග වෙරළබඩ ප්‍රදේශවලට සංක්‍රමණය වෙච්ච මිනිස්සුන්ගෙන් සැළැකිය යුතු පිරිසකට මුළුමනින්ම සිංහල වෙන්න අවශ්‍ය කාලය පෘතුගීසි ආක්‍රමණය හින්දා ලැබුණේ නෑ. ක්‍රම ක්‍රමයෙන් සිංහල බෞද්ධ බවට පත්වුනත් එහෙම අය අපේ දේවල් ගත්තේ ඔළුවෙන්. සම්පූර්ණයෙන් ම මේ සංස්කෘතියට කිඳා බැහැපු අපේ මිනිස්සු අදාළ මතවාද, වත් පිළිවෙත් වැළැඳගන්නේ ඇඟෙන්.
නිරිතදිගට සංක්‍රමණය වෙච්ච සමහර මිනිස්සු සිංහල බවට පත්වෙන අතර ම පෘතුගීසි, ලන්දේසි, සහ ඉංග්‍රීසි යටත්විජිත පාලන තුළ ලැබුණු අවස්ථා ප්‍රයෝජනයට ඇරැගෙන ධනයෙන්, අධ්‍යාපනයෙන්, සහ දේශපාලනයෙන් සමාජයේ "ඉහළට" ගියා. ඒත් සියම් නිකාය පිහිටුවීමෙන් පස්සේ පනවපු සීමා හින්දා මේ අයට ශාසනය තුළ බලවත් වෙන්න බැරිවුණා. (ඇත්තෙන්ම මේ සීමා වක්‍ර ආකාරයෙන් ක්‍රියාත්මක වෙන්න පටන්ගත්තේ ජයවර්ධනපුර යුගයේ දී. තොටගමුවේ රාහුල හාමුදුරුවන්ට සංඝරාජ තනතුර ලැබුණේ නැත්තෙත් ඒ හින්දා. නිරිතදිග ප්‍රදේශවල 1425 දී විතර "සිංහල සංඝය" කියන කැරැල්ල ඇති කරන්නත් මේ තනතුර නොදීම හේතුවුණා). ඉතින් බුද්ධ ශාසනයේ ඉහළට යන්න බැරිවීම නිසා ඇතිවෙච්ච අසහනයක් නිරිතදිග වෙරළබඩ ප්‍රදේශවල බලවත් වෙච්ච සමහර අය තුළ ඇතිවීම අපිට තේරුම්ගන්න පුළුවන්.
යක්ඛවාදය ඉපැදුණේ මේ අසහනයේ ප්‍රතිඵලයක් විදිහට. හැබැයි මෙතැන තව රස කතාවක් තියෙනවා. යක්ඛවාදය ප්‍රබන්ධ කරපු කුලයේ අය නෙවෙයි දැන් ඒක කර ගහගෙන යන්නේ. දැන් ඒක උස්සගෙන යන්නේ ඒ ප්‍රදේශවල ම බලවත් වෙච්ච වෙනත් කුලයක පිරිසක්.
මෙතැන අපිට ඉගෙනගන්න පුළුවන් හොඳ පාඩමකුත් තියෙනවා. යක්ඛවාදය ප්‍රබන්ධ කරපු කුලයේ අය විවිධ පෙරමුණුවලින් රටේ ඉස්සරහට ආවා. මහා යතිවරයන්වහන්සේලා පවා ඒ අය අතරින් බිහිවුණා. කිසිම කුලභේදයක්, උඩරට - පහතරට භේදයක් නැතුව උන්වහන්සේලා ජාතියේ බුහුමනට ලක්වෙලා තියෙනවා. ඒත් ථෙරවාදයට, මහාවිහාරයට, මහාවංසයට පහරදෙන අයට එහෙම ජාතික බුහුමන් ලැබෙන්නේ නෑ. ඉතින් එහෙම දේවල් කරලා කොච්චර ආඩපාලි කිව්වත් වැඩක් වෙන්නේ නෑ. ජාතික බුහුමන් ලැබෙන්නේ ථෙරවාදය, මහාවිහාර සම්ප්‍රදාය, සහ මහාවංසය කියන ත්‍රිවිධ රත්නයට ගරු කරන අයට විතරයි.
මේ තියෙන කුලභේද පුළුවන් ඉක්මනින් අතුගෑවිලා යන්න ඕන කියන එකයි මගේ ප්‍රාර්ථනය. එහෙම වෙනවා නම් මේ බොරු ප්‍රබන්ධත් අවසන් වෙයි. ඒ වගේ ම, හැම දෙනාට ම වෙනසක් නැතුව ජාතියේ පොදු අරමුණ වටේ එකතුවෙන්න පුළුවන් නම්, ඒ වෙනුවෙන් කැපවෙන්න පුළුවන් නම් ඒ මාර්ගයෙනුත් මේ භේද ඉක්මනින් ම තුරන්වෙලා යයි.
මහාවංසයට පහරදෙන තුන්වැනි පිරිස තමයි ජම්බුවාදියෝ. මේකට නම් එකතුවෙලා ඉන්නේ සුපිරි ම ගොන්නු සෙට් එකක්. සාමාන්‍ය පෙළ විභාගයෙන් පස්සේ සිංහල ඉගෙනගත්තේ නැති එවුන් දැන් සෙල්ලිපි පවා කියවනවා. උන් ලබාදෙන ආතල් එක රසවත් වුනත් මේකත් දිගටම කරගෙන යන්න ඉඩදෙන්න හොඳ නෑ.
මහාවංසය තමයි සිංහල ජාතියේ ව්‍යවස්ථාව. අපි ඒ පූජනීය ග්‍රන්ථය රැකගන්න ඕන. මේ නාඩගම්වලට ඉඩදීලා බලාගෙන හිටියොත් අපේ ජාතිය විසිරිලා යනවා. ආයෙත් රට අනතුරට පත්වෙච්ච වෙලාවක අපේ මිනිස්සු එකතු කරගන්න තියෙන මතවාදය අපිට අහිමිවෙනවා. ඉතින් තවත් පමාවෙන්න ඕන නෑ. අපි අපේ ජාතියේ ව්‍යවස්ථාව රැකගැනීම වෙනුවෙන් සටන් කරමු.
- ආචාර්ය වරුණ චන්ද්‍රකීර්ති -
සම්බන්ධිත පුවත් | Related News
ප්‍රධාන පුවත්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..
මහානායක අතිපූජ්‍ය ඕමාරේ කස්සප නායක හිමියන් විපක්ෂ නායක හිරවෙන ප්‍රශන 3ක් අහලා..
අද, හෙට සහ අනිද්දා දීප ව්‍යාප්ත විදුලි කප්පාදුවක්..