එක්සත් ජනපද සෙනෙට් සභික රැන්ඩ් පෝල් පවසා සිටියේ හෙරොයින්වලට වඩා පනස් ගුණයකින් බලසම්පන්න කෘත්‍රිම මත්ද්‍රව්‍යයක් වන ෆෙන්ටැනයිල් වෙනිසියුලාවේදී නිෂ්පාදනය නොකරන බවයි.

පළමු අදියර ගනුදෙනුව සම්බන්ධයෙන් එක්සත් ජනපද වෙළඳ නියෝජිතයන්ගේ නවතම විමර්ශනය සම්බන්ධයෙන් එක්සත් ජනපදයේ බොරු චෝදනා සහ අදාළ සමාලෝචන පියවරයන්ට චීනය දැඩි ලෙස විරුද්ධ වන අතර, එහි වැරදි භාවිතයන් වහාම නිවැරදි කර උපදේශනවල දුෂ්කර ලෙස දිනාගත් ප්‍රතිඵල ආරක්ෂා කරන ලෙස එක්සත් ජනපදයෙන් ඉල්ලා සිටි බව එක්සත් ජනපදයේ චීන තානාපති කාර්යාලයේ ප්‍රකාශකයෙක් නිකුත් කළ ප්‍රකාශයක සඳහන් කර තිබේ.

රුසියානු මහ බැංකුව අඛණ්ඩව සිව්වන වරටත් මේ වසරේදී ප්‍රධාන පොලී අනුපාතය අඩු කර ඇති අතර, උද්ධමනය ඉහළ යා හැකියැයි අපේක්ෂා කළද ආර්ථිකය ස්ථාවර වෙමින් පවතින බව රුසියානු මහ බැංකුව පවසයි.

ජනාධිපති ඩොනල්ඩ් ට්‍රම්ප් අඟවා ඇත්තේ එක්සත් ජනපදය වෙනිසියුලාවට මුහුදේ සිට ගොඩබිම් මෙහෙයුම් දක්වා සම්බන්ධ කරන මත්ද්‍රව්‍ය ජාවාරම් කණ්ඩායම්වලට එරෙහිව සිය මිලිටරි ක්‍රියාමාර්ග දීර්ඝ කළ හැකි බවයි.

ශ්‍රී ලංකාවේ බොලිවේරියානු සහයෝගිතාවය නිවේදනයක් නිකුත් කරමින් පවසා සිටින්නේ, කියුබාවට එරෙහිව අමෙරිකාව පනවා ඇති සම්බාධක ඉවත් කරන ලෙස එක්සත් ජාතීන්ගේ සංවිධානය වෙත ඉදිරිපත් කෙරෙන යෝජනාව එළඹෙන 28 සහ 29 දිනවල ගැනීමට නියමිත බවයි. එසේ වුවද කියුබාව ඉදිරිපත් කර ඇති එම යෝජනාව පරාජයට පත් කිරීමේ අභිලාෂයෙන් අමෙරිකාව එක්සත් ජාතීන්ගේ සාමාජික රටවලට බලපෑම් කරනු ලබන බවද එම නිවේදනය පවසයි. ඒ අනුව එම සංවිධානය අමෙරිකාවේ උත්සාහය පරාජයට පත් කරවන ලෙස සාමාජික රටවලින් ඉල්ලා සිටියි.

එක්සත් ජාතීන්ගේ සංවිධානය විසින් කියුබාවට එරෙහිව පනවා ඇති සම්බාධක ඉවත් කරන ලෙස ඉල්ලා සිටින යෝජනාවට සාමාජික රටවල් තම ඡන්දය දීමට පෙර එක්සත් ජනපදය විසින් එල්ල කරන ලද බලපෑම් කියුබානු විදේශ කටයුතු අමාත්‍ය බෲනෝ රොඩ්‍රිගස් ඊයේ(22) හෙළා දුටුවේය.

නොවැම්බර් 1 වනදා සිට ඇමරිකාවට ආනයනය කරනු ලබන චීන භාණ්ඩ සඳහා සියයට 155 ක තීරුබදු පැනවීමේ සිය සැලසුම් ඉදිරියට ගෙන යන බව ඇමරිකානු ජනාධිපති ඩොනල්ඩ් ට්‍රම්ප් ප්‍රකාශ කරයි.

කැරිබියන් මුහුදේ නාවිකා හමුදා ස්ථාන ගත කර සිටින එක්සත් ජනපදයේ තර්ජන හමුවේ රුසියානු රජය නැවත වරක් වෙනිසියුලා ජනතාවට සහ රජයට සිය සහයෝගය දක්වන බව ප්‍රකාශ කළේය.

යුරෝපා සංගමය අත් හිටුවා ඇති රුසියානු වත්කම් යුක් රේනයට ණය ලෙස ලබා දීමට යුරෝපා සංගමයේ සාමාජිකයන් අතර පවතින සාකච්ඡාව යථාර්ථයක් වුවහොත් යුරෝපයට බරපතල වන්දි ගෙවීමට සිදුවන බව ශ්‍රී ලංකාවේ රුසියානු තානාපති කාර්යාලය නිවේදනයක් නිකුත් කරමින් පවසා සිටියි.