නිදහස ජනතා සභාව පවසන්නේ සමගි ජන බලවේගය සමඟ තම කණ්ඩායමේ සාමාජිකයන් 4 දෙනකු පමණක් එකතුවන බවට පැතිර යන මාධ්‍ය වාර්තා අසත්‍ය බවයි.

ශ්‍රී දළදා මාලිගාවේ ඇත්පන්තියට තායිලන්තයෙන් ත්‍යාග ලෙස ලැබුණ තායි රාජා හස්තියාගේ රුධිර සාම්පල කිහිපයක් තායිලන්තයෙන් පැමිණි පශු වෛද්‍යවරුන් කණ්ඩායමක් ලබාගෙන ඇති බව පෙරදෙණිය විශ්ව විද්‍යාලයේ පශු වෛද්‍ය පීඨයේ ජ්‍යෙෂ්ඨ මහාචාර්ය අශෝක දංගොල්ල මහතා පවසයි .

පොලීසිය සඳහන් කරන්නේ ගතවු පැය 24 කාලය තුළ දිවයින පුරා සිදුකරන ලද විශේෂ මෙහෙයුම්වලදී සැකකරුවන් 2,121ක් අත්අඩංගුවට ගත් බවය.

ආනයනික බිත්තර මිලියන 10ක් අද (18) සිට වෙළෙඳපොළට නිකුත් කිරීමට පියවර ගෙන තිබේ.

දිවයින පුරා ඊයේ (17 වැනිදා) අලුයම 4.00 සිට ආරම්භ කරන ලද ‘යුක්තිය’ විශේෂ මෙහෙයුමේදී මත්කුඩු මෙරටට ගෙන්වා ඒවා ගම් ප්‍රදේශවලට බෙදාහරින මහා පරිමාණ ජාවාරම්කරුවන් 50 දෙනෙකු සහ මත්කුඩු, අයිස්, ගංජා, ගිනිඅවි ඇතුළු ආයුධ සමඟ සැකකරුවන් 100 කට අධික පිරිසක් අත්අඩංගුවට ගෙන ඇතැයි වැඩබලන පොලිස්පති දේශබන්දු තෙන්නකෝන් මහතා පවසයි.

දේශබන්දු තෙන්නකෝන් මහතා පොලිස්පති ලෙස පත්කිරීමට විරුද්ධ වූ ප්‍රමුඛපෙළේ නීතිඥයින් බිලියන ගණනින් මුදල් ගෙන කුඩු ජාවාරම්කාරයන් වෙනුවෙන් අධිකරණයේ පෙනී සිට ඇති බව මහජන ආරක්ෂක අමාත්‍ය ටිරාන් අලස් මහතා පවසයි.

ප්‍රමිතියෙන් තොර පාසල් උපකරණ භාවිතයෙන් දරුවන්ගේ ජීවිතවලට අවදානමක් පවතින බව කොළඹ රිජිවේ ආර්යා ළමා රෝහලේ තත්ව පාලක අංශයේ ප්‍රධාන වෛද්‍ය මහින්ද වික්‍රමආරච්චි මහතා පවසයි.

ජනතාව මත කිසිඳු බද්දක් වැඩි නොකර රටේ ආදායම සියයට 50 කින් ඉහළට ගෙන ඒමට හැකියාව ඇති බව එක්සත් ජනරජ පෙරමුණේ නායක පාර්ලිමේන්තු මන්ත්‍රී පාඨලි චම්පික රණවක මහතා පවසයි.

ඉදිරියේ දී සමගි ජන බලවේගය සමඟ එක් ව පුළුල් විපක්ෂ බලවේගයක් ගොඩනඟන බව පාර්ලිමේන්තු මන්ත්‍රී මහාචාර්ය ජී.එල් පීරිස් මහතා පවසයි.