"හැලොවීන්" ප්‍රචණ්ඩක්‍රියා උත්සන්න වීමෙන් පසු වොෂින්ටන්යේ තරුණයන් ඉලක්ක කර ඇඳිරි නීතිය පනවයි

Nov 2, 2025 at 12:57 PM

|

Lanka Leader

නව යොවුන් වියේ පසුවන්නන්ගේ කණ්ඩායම් සම්බන්ධ වූ හැලොවීන් රාත්‍රී ගැටුමකින් පසු වොෂින්ටන් නගරයේ බලධාරීන් වයස අවුරුදු 18 ට අඩු පුද්ගලයින් සඳහා රාත්‍රී පහක් පුරා ඇඳිරි නීතිය පැනවීමට කටයුතු කර ඇත.

නව නියෝගය යටතේ, බාල වයස්කරුවන් ඊයේ(1) සිට 5 වනදා දක්වා රාත්‍රී 11 සිට උදෑසන 6 දක්වා නිවෙස් වලට වී සිටිය යුතුය.

නගරාධිපති මියුරියෙල් බවුසර් පැවසුවේ මෙම පියවර හඳුන්වා දුන්නේ "තමන් සහ අන් අය අනතුරේ හෙළන සති කිහිපයක් තිස්සේ පැවැති බාල වයස්කාර දරුවන් අතර තිබෙන ප්‍රචන්ඩ හැසිරීම් වලට ප්‍රතිචාර වශයෙන්" බවයි.

නාවික හමුදා අංගනය, "යූ" වීදි කොරිඩෝව, බැනෙකර් විනෝදාස්වාද මධ්‍යස්ථානය සහ යුනියන් දුම්‍රිය නැවතුම අසල ප්‍රදේශය ඇතුළු ප්‍රධාන ප්‍රදේශවල විශේෂ බාල වයස්කාර ඇඳිරි නීති කලාප නිර්මාණය කරන බව පොලිස් ප්‍රධානී පැමෙලා ස්මිත් නිවේදනය කළේය.

නාවික හමුදා අංගනය අසල ප්‍රදේශයක තරුණයන අත්‍ර ඇති වූ සටනක් පාලනය කළ ජාතික ආරක්ෂක භටයින් මැදිහත් වූ ප්‍රසිද්ධියට පත් වූ වීඩියෝවක් සංසරණය වීමෙන් පසුව මෙම තීරණය ගන්නා ලදී.

පොලිස් වාර්තාවලට අනුව, හැලොවීන් රාත්‍රියේදී නාවික හමුදා අංගනය මෙට්‍රෝ දුම්රිය ස්ථානය අසල තරුණයින් සිය ගණනක් රැස්ව සිටි අතර, එවිට "බොහෝ බාල වයස්කරුවන් ගැටුම් ඇතිකර ගැනීමට සහ ගමනාගමනයට බාධා කිරීමට පටන් ගත්හ." බලධාරීන් විසින් වයස අවුරුදු 14 ත් 18 ත් අතර පිරිමින් පස් දෙනෙකු අත්අඩංගුවට ගත් අතර, ඔවුන්ගෙන් එක් අයෙකු පිහියක් රැගෙන සිටියදී අත් අඩංගුවට ගන්නා ලදී.

“ඊයේ රාත්‍රියේ නාවික හමුදා අංගනයේ යෞවනයන් ප්‍රදර්ශනය කළ හැසිරීම පිළිගත නොහැකියි.” පොලිස් ප්‍රධානී පැමෙලා ස්මිත් ප්‍රකාශ කළේය. “මෙය නැවත සිදු නොවන බව සහතික කිරීම සඳහා ආරක්ෂක අංශ අද රාත්‍රියේ වැඩි වැඩියෙන් මැදිහත් වනු ඇත.”