ඇමරිකා එක්සත් ජනපදයෙන් සැලකිය යුතු අමතර සැපයුම් හෝ එහි සෘජු මැදිහත්වීමකින් තොරව ඊශ්‍රායලයේ ගුවන් ආරක්ෂක පද්ධතිවලට ඉරාන බැලස්ටික් මිසයිල ප්‍රහාර එල්ල කරන වත්මන් වේගයට අනුව සති දෙකකට අඩු කාලයක් තුළ බිඳ වැටෙන බව වොෂින්ටන් පෝස්ට් පුවත්පත පවසයි.

රුසියාව ඉරානයට අවි යැවීමට සූදානම්ද යන ප්‍රශ්නයකට පිළිතුරු දෙමින් ජනාධිපති ව්ලැඩිමීර් පුටින් පවසා ඇත්තේ ටෙහෙරානය මොස්කව් වෙතින් හමුදා ආධාර ඉල්ලා නොමැති බවයි.

හිටපු ආරක්ෂක අංශ ප්‍රධානියකු ඇතුළු ප්‍රබල පෙළේ දේශපාලනඥයන් 26 දෙනකු විසින් අයථා ලෙස ඉපයූ බව කියන රුපියල් කෝටි ගණනක දේපළ රජයට පවරා ගැනීම සඳහා නීති විරෝධී වත්කම් විමර්ශන ඒකකය මගින් විමර්ශන ආරම්භ කර ඇත.

ඇමෙරිකානු ප්‍රහාරක හමුදා ජෙට් යානා 30ක් යුරෝපයට යවා ඇති අතර ඉරානයට එරෙහි මෙහෙයුම් සඳහා ඇමරිකානු මැදිහත්වීමක් සිදුවනු ඇති බවට වාර්තා පළවී තිබේ. ඉරානයේ භූගත න්‍යෂ්ටික මධ්‍යස්ථාන ඉලක්ක කරගත් ඊශ්‍රායල ප්‍රහාරවලට එක්වීමට ජනපති ඩොනල්ඩ් ට්‍රම්ප් සලකා බලමින් සිටින බව සීබීඑස් ප්‍රවෘත්ති සේවය වාර්තා කර තිබේ.

වැලිවිටිය දිවිතුර ප්‍රාදේශිය සභා සභාපතිවරයා ලෙස ශ්‍රි ලංකා පොදුජන පෙරමුණේ පොද්දිවල මාරගේ වසන්ත මහතා ද උප සභාපති ලෙස සමගි ජනබල වේගයේ පි.එච්.තුසිත චාමර මහතාද අද තෝරා පත් කර ගත්තේය.

රුපියල් කෝටි නවයකට අධික මුදලක් සහිත සැක කටයුතු ගිණුම් 16 පවත්වාගෙන ගියේ යැයි කියන සිද්ධිය සම්බන්ධයෙන් ඇප ලැබූ හිටපු අමාත්‍යය කෙහෙළිය රඹුක්වැල්ල මහතා ඇතුළු තිදෙනා ඇප කොන්දේසි සපුරා ගත නොහැකිව බන්ධනාගාරයට රැගෙන යාමට බන්ධනාගාර නිලධාරීන් අද පස්වරුවේ කටයුතු කළේය.

තමන් වැඩ භාරගන්නා විට භාණ්ඩාගාරයේ ප්‍රමාණවත් මුදල් නොතිබූ බවත්, රට වැටෙන බව තමන් අවුරුදු දෙකකට පෙර සිටම දැනගෙන සිටි බවත් මුදල් අමාත්‍යාංශ ලේකම් මහින්ද සිරිවර්ධන මහතා පවසයි.

ආණ්ඩුවට කොළඹ මහ නගර සභා නගරාධිපතිනිය රහස් ඡන්දයකින් පත්කර ගැනීම ඔස්සේ විශාල පිරිවැයක් දැරීමට සිදුව ඇතැයි මහාචාර්ය නිර්මාල් රංජිත් දේවසිරි පවසයි.

උසස්වීම් ඇතුළු ගැටලු කිහිපයක් මුල් කරගනිමින් අද (19) මධ්‍යම රාත්‍රී සිට පැය 48ක සංකේත වැඩවර්ජනයක නිරත වන බව දුම්රිය නියාමකවරුන්ගේ සංගමය පවසයි.