ඉස්ලාමීය විප්ලවවාදී ආරක්ෂක බලකාය සෞදි අරාබිය, එක්සත් අරාබි එමීර් රාජ්‍යය සහ කටාර් රාජ්‍යන්හි ඛනිජ තෙල් ආශ්‍රිත පහසුකම් වලින් ඉවත්ව සිටින ලෙස එම රටවල මහජනතාවට අනතුරු අඟවා තිබේ.

ඉරානයට අයත් දකුණු පාර්ස් (South Pars) ස්වභාවික වායු නිධියට එල්ල වූ ඊශ්‍රායල ප්‍රහාරයට ප්‍රතිප්‍රහාරයක් ලෙස, පර්සියානු ගල්ෆ් කලාපයේ පිහිටි තෙල් සහ ගෑස් මධ්‍යස්ථාන වෙත ප්‍රහාර එල්ල කරන බවට ඉරානය ප්‍රකාශ කර තිබේ.

ලොව විශාල ස්වාභාවික ගෑස් නිදිය ලෙසින් සැලකෙන 'South Pars/North Dome Gas-Condensate field' සංකීර්ණයේ ඉරානයේ විසින් පාලනය කරන 'South Pars' ප්‍රදේශයට ගුවන් ප්‍රහාරයක් එල්ල වී තිබේ.

යූඑස්එස් ජෙරල්ඩ් ආර් ෆෝඩ් නෞකාවේ ඇති වූ ගින්නක් හේතුවෙන් අමෙරිකානු නාවික භටයින්ට තුවාල සිදු වී සෙබළුන්ගේ නිදන ඇඳන් 100 ක් විනාශ වී ඇති බවද විදෙස් මාධ්‍ය වාර්තා පවසයි. යුද මෙහෙයුමකදී ලොව විශාලතම ගුවන් යානා ප්‍රවාහන නෞකාවට හානි ගෙන දුන් නවතම අනතුර මෙය බව යුද විශේෂඥයෝ පවසති.

එක්සත් අරාබි එමීර් රාජ්‍යයේ ආරක්ෂක අමාත්‍යාංශයට අනුව, එක්සත් අරාබි එමීර් රාජ්‍යයේ ගුවන් ආරක්ෂක පද්ධති විසින් , මාර්තු 17 වන දින ඉරාන බැලස්ටික් මිසයිල 10 ක් සහ ඩ්‍රෝන යානා 45 ක් විනාශ කරනු ලැබ තිබේ.

ඉරානයේ පළිගැනීමේ ප්‍රහාරයේ විභව ඉලක්ක ඊශ්‍රායල විදුලි බලාගාර පහක් වේ.

අමෙරිකානු ජාතික ත්‍රස්ත මර්දන මධ්‍යස්ථානයේ අධ්‍යක්ෂ ජෝසප් කෙන්ට් එම ධුරයෙන් ඉල්ලා අස්වී තිබේ.

ඉරානය සහ ඇමරිකාව, ඊශ්‍රායලය අතර පවතින දරුණු යුදමය වාතාවරණය හමුවේ, සටන් විරාමයක් (Ceasefire) සඳහා පවතින ඕනෑම ඉඩකඩක් ඉරාන විදේශ අමාත්‍ය අබ්බාස් අරග්චි (Abbas Araghchi) විසින් සෘජුවම ප්‍රතික්ෂේප කර තිබේ.

ඉරානයේ ආරක්ෂක ප්‍රධානී අලි ලාරිජානි ඝාතනය කර ඇති බව ටෙහෙරානය තහවුරු කර ඇති බව විදෙස් මාධ්‍ය සඳහන් කරයි.