එක්සත් රාජධානියේ විශ්වවිද්‍යාල පහෙන් එකකට ආසන්න සංඛ්‍යාවක සුදු ජාතික සිසුන් සුළුතරයක් බවට පත්වී ඇතැයි Telegraph පුවත් පත පවසයි
The Telegraph පුවත්පත විසින් කරන ලද විශ්ලේෂණයක් මගින් අනාවරණය වී ඇත්තේ නිල උසස් අධ්‍යාපන දත්තවලට අනුව, එක්සත් රාජධානියේ විශ්වවිද්‍යාල පහෙන් එකකට ආසන්න සංඛ්‍යාවක සුදු ජාතික සිසුන් මේ වන විට සුළුතරයක් බවට පත්ව ඇති බවයි.
ඊයේ(02) දින පළ කළ එම විශ්ලේෂණයේ වාර්තා වලට අනුව, 2024–25 අධ්‍යයන වර්ෂයේදී රටේ විශ්වවිද්‍යාල 147 අතරින් 27ක සුදු බ්‍රිතාන්‍ය සිසුන්ගේ ලියාපදිංචි වීමේ ප්‍රතිශතය 50%ට වඩා අඩු වී තිබේ.එහෙත් මීට දශකයකට පෙර එවැනි විශ්වවිද්‍යාල තිබුණේ 13ක් පමණක් බව පුවත් පත අවධාරණය කළේය.
සමහර විශ්වවිද්‍යාලවල සුදු ජාතික සිසුන්ගේ ප්‍රතිශතය 25%ටත් වඩා අඩු මට්ටමක පැවති බවද Telegraph විශ්ලේෂණ වාර්තාව සඳහන් කරයි. සුදු ජාතික සිසුන්ගේ අඩුම ප්‍රතිශතය වාර්තා වූයේ University of Bradford (26%) වන අතර Brunel University London සහ SOAS University of London (27% බැගින්) ස්ථානගත වූ බවද වාර්තාව පවසයි.
මෙම විශ්ලේෂණයට අනුව, එක්සත් රාජධානියේ විශ්වවිද්‍යාල 80කදී සුදු ජාතික සිසුන්ගේ නියෝජනය රටේ සමස්ත ජනගහනයේ ඔවුන්ගේ ප්‍රතිශතයට සාපේක්ෂව අඩු මට්ටමක පවතී. ප්‍රමුඛ පෙළේ පර්යේෂණ විශ්වවිද්‍යාල 24කින් සමන්විත Russell Group හිද විශ්වවිද්‍යාල 15ක සුදු ජාතික සිසුන් අඩු නියෝජනයක් දක්වන බව සඳහන් වේ.
බ්‍රිතාන්‍ය විශ්ව විද්‍යාල වල ජනගහන සංයුතියේ මෙම වෙනස සිදුව තිබියදීත්, සුදු ජාතික සිසුන් සුළුතරයක් වන විශ්වවිද්‍යාල අවම වශයෙන් 10ක් තවදුරටත් කළු, ආසියානු සහ සුළු ජනවාර්ගික (BAME) පසුබිම්වල අයදුම්කරුවන් සඳහා පමණක් වෙන් කළ ශිෂ්‍යත්ව, දීමනා සහ වෙනත් මූල්‍ය ආධාර ලබාදෙන බව The Telegraph වාර්තා කරයි. එම වැඩසටහන් කිහිපයකින් වසරකට පවුම් 18,000 (ඇමෙරිකානු ඩොලර් 24,000කට ආසන්න) දක්වා මූල්‍ය ආධාර ලබාදෙන බවද සඳහන් වේ.
University of Buckingham හි දේශපාලන විද්‍යාව පිළිබඳ මහාචාර්යවරයෙකු මෙන්ම විශ්වවිද්‍යාලවල විවිධත්ව ප්‍රතිපත්ති විවේචනය කරන Eric Kaufmann The Telegraph වෙත පවසා ඇත්තේ, ජාතිය පදනම් කරගත් ශිෂ්‍යත්ව අහෝසි කළ යුතු බවයි.
"BAME ශිෂ්‍යත්ව පවත්වාගෙන යාමට කිසිදු හේතුවක් නැහැ. ඒවා සරලවම ජාතික පදනම මත සිදුවන වෙනස්කොට සැලකීමක්," යැයි ඔහු පැවසීය.
Telegraph පුවත් පතෙහි මෙම සොයාගැනීම් බ්‍රිතාන්‍යයේ ජාතිය පදනම් කරගත් ප්‍රතිපත්ති පිළිබඳ පවතින විවාදය තවදුරටත් උණුසුම් කළ හැකි බව විශ්ලේෂකයෝ පෙන්වා දෙති.
2010 Equality Act (සමානාත්මතා පනත) මගින් විශ්වවිද්‍යාල, සේවා යෝජකයන් සහ රාජ්‍ය ආයතනවලට ආරක්ෂිත කණ්ඩායම් මුහුණ දෙන අවාසි හෝ අඩු නියෝජනය අවම කිරීම සඳහා ඊනියා "positive action" (ධනාත්මක ක්‍රියාමාර්ග) ගැනීමට අවසර ලබාදී ඇත. විවේචකයන් පවසන්නේ, ඇතැම් ආයතන මෙම ප්‍රතිපාදනය භාවිත කරමින් සුදු ජාතික අයදුම්කරුවන් බැහැර කරන ශිෂ්‍යත්ව සහ වෙනත් වැඩසටහන් සාධාරණීකරණය කරන බවයි. එහෙත් එම ප්‍රතිපත්තිවලට සහාය දක්වන්නන් පවසන්නේ, ඉතිහාසයේ අඩු නියෝජනයක් තිබූ ප්‍රජාවන්ට උසස් අධ්‍යාපනයට ප්‍රවේශය පුළුල් කිරීමට එම ක්‍රියාමාර්ග උපකාරී වන බවයි.
Reform UK පක්ෂයේ නායක Nigel Farage බ්‍රිතාන්‍ය රජය "සුදු ජාතිකයන්ට එරෙහි ගැඹුරු වර්ණවාදයක්" ප්‍රවර්ධනය කරන බවට චෝදනා කර ඇත. එසේම, Equality Act පනත අහෝසි කරන බවටද ඔහු ප්‍රතිඥා දී ඇති අතර, එම පනත "පුරවැසියන්ට වෙනස් මට්ටම් දෙකකින් සලකන නීති පද්ධතියක්" (two-tier state) නිර්මාණය කර ඇති අතර, රාජ්‍ය ජීවිතය පුරා "සුදු ජාතික විරෝධී" ප්‍රවණතා ආයතනගත කර ඇති බවද ඔහු ප්‍රකාශ කර ඇත.
සම්බන්ධිත පුවත් | Related News
ප්‍රධාන පුවත්
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..