ඉරාකයේ බැග්ඩෑඩ්හි පිහිටි අමෙරිකානු තානාපති කාර්යාල පරිශ්‍රයේ පිහිටි හෙලිකොප්ටර් යානා අංගනයට මිසයිල ප්‍රහාරයක් එල්ලවී තිබේ.

ඉරානයේ තෙල් හා බලශක්ති යටිතල පහසුකම්වලට එල්ලවන ඕනෑම ප්‍රහාරයකට පළිගැනීමක් ලෙස අමෙරිකාව සමග සහයෝගයෙන් කටයුතු කරන කලාපයේ තෙල් සමාගම්වලට ප්‍රහාර එල්ලකරන බවට ඉරානය අනතුරු අඟවා තිබේ.

ඉරානයට එරෙහි එක්සත් ජනපද-ඊශ්‍රායල ප්‍රහාරයෙන් ඇති වූ ගෝලීය බලශක්ති අර්බුදය සමනය කිරීමේ තවත් උත්සාහයක් ලෙස, මාර්තු 12 ට පෙර තෙල් ප්‍රවාහන නැව්වලට පටවා තිබූ රුසියානු තෙල් නැව්ගත කිරීම් සඳහා වූ සම්බාධක එක්සත් ජනපද භාණ්ඩාගාරය තාවකාලිකව ඉවත් කර ඇතැයි වාර්තාවේ.

ඉරානයට එරෙහි එක්සත් ජනපද-ඊශ්‍රායල හමුදා ප්‍රහාර ඊයේ වන විට 12 වන දිනට පිවිස ඇති අතර, සිවිල් වැසියන්ට සිදුවන හානි, ගෝලීය තෙල් මිල ඉහළ මට්ටමක පැවතීම සහ පූර්ණ කලාපීය ගැටුම්වල ගැඹුරු වන අවදානම් සහගත තත්වයක් උදා වී තිබේ.

රුසියානු ඛනිජ තෙල් මිලදීගැනීම සම්බන්ධයෙන් අමෙරිකාව විසින් රටවලට පනවා තිබූ වාරණය තාවකාලිකව ඉවත්කිරීමට තීරණය කර තිබේ.

ඉරාකයේ බටහිර ප්‍රදේශයේදී ඇමෙරිකානු හමුදාවට අයත් KC-135 වර්ගයේ ඉන්ධන පිරවුම් ගුවන් යානයක් කඩා වැටීමේ සිද්ධියේ වගකීම ඉරානයේ සහාය ලබන 'ඉරාක ඉස්ලාමීය ප්‍රතිරෝධී ව්‍යාපාරය' (Islamic Resistance in Iraq) විසින් භාරගෙන ඇති බව විදෙස් මාධ්‍ය පවසයි.

ඉරානයට එරෙහිව ඇමරිකාව සිදු කරන ප්‍රහාරවලට ප්‍රතිචාර වශයෙන්, කැලිෆෝනියා ප්‍රාන්තය ඉලක්ක කර ගනිමින් ඉරානය විසින් හදිසි ඩ්‍රෝන ප්‍රහාර එල්ල කිරීමට ඉඩ ඇති බවට FBI ආයතනය මීට පෙර ආරක්ෂක අංශ වෙත අනතුරු ඇඟවීමක් සිදු කර ඇති බව රොයිටර්ස් පුවත් සේවය වාර්තා කරයි.

ඔපරේෂන් එපික් ෆියුරි' (Operation Epic Fury) මෙහෙයුම සඳහා රතු මුහුදේ ස්ථානගත කර ඇති ඇමරිකානු නාවික හමුදාවට අයත් USS ජෙරල්ඩ් ආර්. ෆෝඩ් (CVN 78) ගුවන් යානා ප්‍රවාහන නෞකාවේ ඊයේ (12) ගින්නක් හටගෙන තිබේ.

ඉරාන නව උත්තරීතර නායක මොජ්තාබා කමේනි සිය පත් කිරීමෙන් අනතුරුව පළමුවරට නිල ප්‍රකාශයක් නිකුත් කර තිබේ.