ඔහොම ගියාම ගහන්න හිතෙන්නේ නැද්ද මල්ලි...?
එයාලා පෝස්ටර් අලවන්න එන්නේ සෙට් පිටින් පැජරෝවල. අපේ අය යන්නේ ෆුට් බයිසිකලේ. පාප්ප බාල්දි එල්ලගෙන, දෙන්නෙක් ෆුට් සයිකලේ ඩබල් දාලා ගිහින්, බයිසිකලේ ලයිට් කණුවකට හේත්තු කරලා නවත්තලා, අපි ඔහොමනේ පෝස්ටර් අලවන්නේ... ඉතින් ඕවා දැක්කාම උන්ට ගහන්න හිතෙන්නේ නැද්ද? ඔහොම ගිහින් ගුටි නොකා ආවොත් තමයි පුදුමේ...
ඒ නිසා පෝස්ටර් අලවන්න යද්දි අඩු ගානේ හතර පස්දෙනෙක්වත් යන්න. වෙන යන්න වාහනයක් නැතිම නම් ෆුට් බයිසිකලේ ගියාට කමක් නෑ. හැබැයි ෆුට් සයිකලේ යන එක මහා වීරකමක් කියලා සලකන්න එපා. ඒ නිසා වාහන නැත්නම් මෝටර් බයික් එකක්වත් හොයාගන්න බලන්න.
ඊළඟට ඔය ගෙවල්වලට කැන්වසින් ගියාම මේ ගෝලීයකරණයයි, නව ලිබරල්වාදයයි, මාක්ස් ලෙනින්වාදයයි ඔය අපබ්‍රංස කතා කරන්න යන්න එපා. අපේ අය ඕවා ගැන පොත් කියවලා හොඳට කට පොලිෂ් කරගෙනනේ ඉන්නේ මේවා ටික අතාරින්න තැනක් හම්බවෙන කල්. ඒවා වෙන තැනක බෙදාහදා ගන්න. හැබැයි ගෙවල්වලට ගියාම මිනිස්සුන්ට තේරෙන භාෂාවෙන් අපිට ඡන්දෙ දෙන්න කියන පණිවිඩේ දුන්නාම ඇති.
අනික කැන්වසින් යද්දි බුලත් විට කකා, හඬු ඇඳුම් ඇඳගෙන, සෙරෙප්පු කෑලි දාගෙන යන්න එපා. අපි පක්ෂේ වෙනුවෙන් හරි දුෂ්කරතා විඳින මිනිස්සු කියලා බලෙන් පෙන්නන්න යන එකත් අපේ අයගේ පොඩි විලාසිතාවක්නේ. හැබැයි ඒවා රටේ මිනිස්සුන්ට හරි යන්නේ නෑ. ඒ නිසා දත කට මැදගෙන, තියන එක ඇඳුම හරි හෝදලා මැදලා ඇඳගෙන මනුස්සයෝ වගේ පිළිවෙළකට ගෙවල්වලට යන්න.
👉 මේ 2000 වසරේ පාර්ලිමේන්තු මැතිවරණයට අදාළව ජවිපෙ ඉහළ සහෝදරයෙකු සිය සාමාජික පිරිසක් අමතමින් කී කතා ටිකකි.
👉 එදා මමද මේ සාකච්ඡාවට සහභාගී වී සිටි අතර, එවකට මගේ වයස අවුරුදු දහඅටකි.
👉 එදා ඒ සහෝදරයා ඉතා සිනාමුසු මුහුණින් හාස්‍ය හා උපහාසය සහිතව කියූ මේ කතා මට දැනුණේ මගේ පපුවට එල්ල කළ පිහි පහරවල් සේය.
👉 ඒ මෙහි ඔහු උපහාසයෙන් බැහැර කළ ජෙවීපී කාරයන්ට අදාළ සියලු විකාර ලක්ෂණ මා තුළද නොඅඩුව පැවති නිසාය.
👉 එදා සිය පක්ෂ සාමාජිකයන් හාස්‍යයට ලක් කරමින් මා ලැඡ්ජාවට පත් කළ ඒ සහෝදරයා අද රටේ නව වැනි විධායක ජනාධිපති බවට පත් වී තිබේ.
👉 අද මා ජවිපෙ හෝ කිසිදු පක්ෂයක සාමාජිකයෙක් නොවුණද, එදා සිට අද දක්වා බොහෝ බාධක මැද අඛණ්ඩව ජවිපෙ තුළ රැඳී සිටි ඔහු අද එහි නායකයා වීමෙන් නොනැවතී රටේ නායකයා බවටද පත්වීම අපූරු සිදුවීමකි.
👉 අනුර සහෝදරයාගේ ඇතැම් අදහස් උදහස් ක්‍රියාකාරකම් ගැන නොයෙක් ප්‍රශ්න විවේචන තිබුණද, අපේ මතවාදවලට කරළිය විවර කර දී ඔහු ඇනගන්නා වන තුරු බලාසිටීම මගේ ප්‍රතිපත්තිය නොවේ.
👉 ඒ වෙනුවට මගේ ප්‍රාර්ථනාව ඔහු සාර්ථක වනු දැකීමය. ඒ මන්දයත් ඔහු අසාර්ථක වුවහොත් අසාර්ථක වන්නේ ඔහු පමණක් නොව සමස්ත රටම වන බැවිනි.
👉 ඒ අනුව දේශපාලන මතවාද පසෙක තබා මිහිරි අතීත මතකයන්ගේ ආස්වාදයද සහිතව මම නව ජනාධිපති සහෝදරයාට සුබ පතමි.
- ඉසුරු ප්‍රසංග
සම්බන්ධිත පුවත් | Related News
ප්‍රධාන පුවත්
ඉරාන තෙල් නැව්වලට සහන දීම ගැන ශ්‍රී ලංකාව අර්බුදයක.. අවසන් තීරණයක් ගෙන නැති බව TIMES OF INDIA වාර්තා කරයි..
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..