පාදඩයන්ගේ මානව හිතවාදය සහ ලංකාවේ පුදුමාකාර මානවයෝ
👉 දිනය 2017 අගෝස්තු 17 වැනිදාය.
👉 ස්ථානය දොඩංගොඩ ප්‍රදේශයේ නිවසක පැවති මංගල උත්සවයකි.
👉 ඒ මංගල උත්සවයට පැමිණ එක්තරා පුද්ගලයෙක් උදෑසන සිටම එහි මත්පැන් පානය කරමින් සිටියේය.
👉 ඉන් පසු ඔහුට මංගල උත්සවයට පැමිණි රූමත් කාන්තාවක් සමඟ නර්තනයේ යෙදෙන්නට වුවමනා විය.
👉 ඇය එය ප්‍රතික්ෂේප කරන විට මේ පුද්ගලයා කළේ අසභ්‍ය වචනයෙන් බැණ වදිමින් අදාළ කාන්තාව බලෙන් වැළඳ ගැනීමය.
👉 මෙයට එල්ල වූ විරෝධයත් ඇතිවූ ආරවුල දුරදිග යාමත් සමඟ ඔහු එතනින් පිටව ගියේය.
👉 ඔහු ට්‍රැක්ටරයක නැඟී නැවත එහි පැමිණියේ තවත් මැරයන් කීප දෙනෙක් සමග ගිනි අවි තුනක්ද අත ඇතිවය.
👉 මංගල උත්සවයට පැමිණි වාහන පිටතට ගත නොහැකි සේ ගේට්ටුව අවුරා ට්‍රැක්ටරය නතර කළ මේ පුද්ගලයා අහසට වෙඩි තබමින්, නිවසේ බඩුමුට්ටු කුඩු පට්ටම් කරමින් යකා නටන්නට පටන් ගත්තේය.
👉 උත්සවය අතරමග නැවතී සියල්ලෝ හිස් ලූලූ අත දිව ගිය අතර, අදාළ මනාල යුවළට තම ජීවිතයේ වැදගත්ම දවස කාළකණ්ණිම දවසක් බවට පත් විය.
👉 මේ නාඩගම නැටූ මැරයා පහුගිය දිනවල ලංකාවේ සමාජ මාධ්‍ය තුළ මහා මානව හිතවාදියෙකු ලෙස අභිෂේක ලැබ සිටි පාලිත තෙවරප්පෙරුමය. එවකට ඔහු යහපාලන ආණ්ඩුවේ නියෝජ්‍ය ඇමතිවරයෙකි.
👉 මේ සිදුවීමට මුහුණ දුන් මනාල යුවලේ විස්තර ආදී සියල්ල මෙහි ලිවිය හැකි වුවත්, ඒවා සඳහන් කර නැත්තේ ඒ සිදුවීම නැවත සිහිකිරීමට පවා ඔවුන් අකැමැති වූ නිසාය.
👉 මේ සිදුවීමට අදාළ වීඩියෝවක් එදින සිරස ප්‍රවෘත්ති ඔස්සේද විකාශනය කළ බැවින් අවශ්‍ය අයෙකුට එය නරඹා මෙහි සත්‍ය අසත්‍යතාව තහවුරු කරගත හැකිය.
👉 මේ තෙවරප්පෙරුමගේ මහා මානව හිතවාදය පිළිබඳ එක් කුඩා උදාහරණයක් පමණි.
👉 ඔහුගේ මෙවැනි හිංසන ක්‍රියා ගැන, බලය අවභාවිත කිරීම් ගැන, නීති විරෝධී ජාවාරම් ගැන, පරිසර විනාශයන් ගැන අවශ්‍ය නම් පොතක් වුවද ලිවිය හැකි තරම් කාරණා තිබේ. කොටින්ම ඔහු මරණයට පත් වූයේද නීතී විරෝධීව විදුලිය ලබාගැනීමක් නිසාය.
👉 කැමරා ඉදිරියේ බත් මුට්ටි හැඳි ගාමින් දුප්පතාගේ වීරයා චරිතය රඟදක්වන තෙවරප්පෙරුම, කැමරා නැති තැන්වල කරන රංගන ගැන බොහෝ දෙනා නොදත් කරුණු අපමණය.
👉 මේ කිසිවක් ගැන කිසිම දෙයක් නොදැන සිටියද තෙවරප්පෙරුම මාධ්‍ය ඉදිරියේ පෙන්වන අසික්කිත හැසිරීම පවා කිසිදු සිහිබුද්ධියක් ඇති අයෙකුට අනුමත කළ හැක්කක් නොවේ.
👉 දේශපාලන බලයෙන් නීතිය අතට ගනිමින්, නිලධාරීන්ට තර්ජන ගර්ජන කරමින්, කමිස ගලවාගෙන රාජ්‍ය ආයතනවලට කඩා වදිමින්, පාසල්වලට ගොස් ගෙල වැළලා ගන්නට හදමින් ඔහු පෙන්වන හැසිරීම කිසිදු ශිෂ්ට සමාජයකට ගැළපෙන්නක් නොවේ.
👉 එහෙත් තෙවරප්පෙරුම, ක්ලබ් වසන්ත වැනි පාදඩ චරිත ලංකාවේ ඇතැම් පිරිසකට මහා වීරයෝ වෙති.
👉 මේ ලිපිය ලිවීමට සිතුණේම අද ක්ලබ් වසන්තගේ ඝාතනය සමඟ පාදඩයන්ට කවි ගී ලිවීමේ සංස්කෘතිය නැවත කරළියට පැමිණ ඇති නිසාය.
👉 තෙවරප්පෙරුම, ක්ලබ් වසන්ත වැනි අයගේ බාල සිල්ලර කතා ක්‍රියා ප්‍රදර්ශනය කරමින් ලයික්, වීව්ස්, කමෙන්ට් ලබාගැනීම ලංකාවේ සමාජ මාධ්‍ය වෙළෙන්ඳන්ට ඉතා පහසුවෙන් කළ හැකි දෙයකි.
👉 විශාල මුදල් වංචාවක් නිසා ප්‍රසිද්ධියට පත් තිළිණි ප්‍රියමාලි නම් කාන්තාව අද රූපවාහිනී වැඩසටහන්වල ගීත තේරීමට පවා සහභාගී වන්නියකි.
👉 තෙවරප්පෙරුම ගැන උපහාර ගීතයක් පවා නිර්මාණය කර තිබූ අතර, එහි නැරඹුම් වාර ගණන මිලියනයකට වඩා වැඩිය.
👉 මේවාට දක්වන ප්‍රතිචාර අතර සීයට අනූවක් පමණ දක්නට ඇත්තේ තෙවරප්පෙරුමලාගේ ගුණ වයන හැඟීම්බර අදහස් මිස විවේචන නොවේ.
👉 ප්‍රධාන දහරාවේ මාධ්‍ය ගැන පුදුමාකාර විවේචන කරන අයම සමාජ මාධ්‍ය තුළ කරන්නේ අන්තිම බාල ගණයේ කුණු කන්දල් පරිභෝජනය කිරීම පමණි.
👉 ඇත්තෙන්ම පාදඩයන්ට දක්වන සමාජ මාධ්‍ය ප්‍රතිචාර දෙස බැලීමේදී මේ රට හා සමාජය ගැන ඇති වන්නේ ඇදහිය නොහැකි තරමේ කළකිරීමක් හා වේදනාවකි.
👉 පාදඩයන්ගේ මහා පරිමාණ අපරාධ අමතක කොට ඔවුන් දුප්පතුන්ට කරන සත්කාර ආදිය ගැන හොඳ හිත ගැන කතා කරන තරමට අපේ සමාජය අවිචාරවත් වී තිබේ.
👉 තමන් අයථා ලෙස උපයන මුදල්වලින් සුළු කොටසක් දුප්පතුන් වෙනුවෙන් වැය කිරීම ලංකාවේ ඕනෑම පාදඩ දේශපාලනඥයෙකුගේ සුපුරුදු පිළිවෙතක්ය යන අතිසරල කාරණය පවා මෙහිදී බොහෝ දෙනා අමතක කරති.
👉 තම දේශපාලන බලය තහවුරු කරගැනීම, තමන් වෙනුවෙන් ජීවිත වුවද බිලි දෙන වහලුන් පිරිසක් නිර්මාණය කරගැනීම ආදියෙන් නොනැවතී මහා සමාජය ඉදිරියේ පාදඩයන් වීරයන් වන්නේද දුප්පතුන්ට කරන සත්කාර හරහා බව බොහෝ අය අමතක කරති.
👉 දුප්පත් මිනිසුන්ට උදව් කිරීමෙන් ලංකාවේ ඕනෑම අපරාධකාරයෙකුට ඕනෑම පාපයක් සෝදා ගැනීමට අවස්ථාව හිමිවී ඇත්තේ මේ නිසාය.
👉 ඛේදවාචකය වන්නේ තෙවරප්පෙරුමලා, ක්ලබ් වසන්තලා වැනි පාදඩයන් රටක සිටීම නොව ඔවුන්ට කවි ලියන ඔවුන් වෙනුවෙන් හාට් රිඇක්ෂන් වැහි වස්සවන ලක්ෂ සංඛ්‍යාත පිරිසක් රටේ සිටීමය.
👉 වඩාත්ම අපූරු කාරණය වන්නේ සිස්ටම් චේන්ජ් ගැන නන් දොඩවන, 225ම එපා කියන, ස්විස්ටර්ලන්තයේ විනය ගැන හෑලි ලියන ලංකාවේ ෆේස්බුක් සමාජයේ ඇතැම් මහා න්‍යායාචාර්යවරුන්ට පවා තෙවරප්පෙරුම මහා වීරයෙක් වී තිබීමය. ක්ලබ් වසන්ත හිත හොඳ මිනිහෙක් හා දයාබර සැමියෙක් වී තිබීමය.
👉 මෙය ඇත්තෙන්ම තෙවරප්පෙරුමගේ හෝ ක්ලබ් වසන්තගේ ප්‍රශ්නයකට අපේ සමාජයේ ආකල්ප පිළිබඳ බරපතළ ගැටලුවකි.
👉 ඒ ආකල්පමය ගැටලුව තෙවරප්පෙරුමලාගේ, ක්ලබ් වසන්තලාගේ අපරාධවලටත් වඩා දරුණු සමාජ ඛේදවාචකයකි.
- ඉසුරු ප්‍රසංග
සම්බන්ධිත පුවත් | Related News
ප්‍රධාන පුවත්
නව ත්‍රස්ත පනතෙන් මානව හිමිකම් දැඩි ලෙස උල්ලංඝනය වීමේ අවදානමක්.. - ඇම්නෙස්ටි ඉන්ටර්නැෂනල්
පොලිස්පතිවරයා අධිකරණයට අපහාස කළ බව ප්‍රකාශ කරමින් ගම්පහ මහේස්ත්‍රාත්වරයා අදාළ ලිපිගොනු අභියාචනාධිකරණයට ඉදිරිපත් කරයි..
ශ්‍රී ලංකන් ගුවන් සේවයේ පද්ධතිවලට අනවසරයෙන් රිංගූ හැකර්ලා ඩොලර් 50,000ක කප්පමක් ඉල්ලලා.. - දයාසිරිගෙන් හෙළිදරව්වක්..
ප්‍රංශය ඇතුළු යුරෝපා රටවල උග්‍රවන ආර්ථික අර්බුදය සහ ජනතා විරෝධය ගැන ආචාර්ය ජගත් චන්ද්‍රවංශගෙන් අනාවරණයක්..
බුද්ධ ශාසන ඇමති අනුරාධපුර පූජා නගරය පිළිබඳ අර්ධ සත්‍යය මගින් විනාශකාරී මහා සත්‍යය සඟවනවා.. - ජාතික සංවිධානවලින් චෝදනා
භික්ෂූන් වහන්සේලා පාගමන පැවැත්වූවේ ආණ්ඩුව පෙරළන්න නෙවෙයි.. බුදු දහම, බුද්ධ චීවරය සහ මෙරට ඓතිහාසික වටිනාකම රැකගැනීම වෙනුවෙන්.. - මහාචාර්ය පූජ්‍ය කොටපිටියේ රාහුල හිමි
"විධායකයට විශාල බලයක් ලබාදීලා.. මහෙස්ත්‍රාත්වරයා රබර් මුද්‍රාවක් වෙලා": ත්‍රස්තවාදයෙන් රාජ්‍ය ආරක්ෂා කිරීමේ පනතට ශ්‍රේෂ්ඨාධිකරණයේදී පෙත්සම්කාර පාර්ශ්වයෙන් දැඩි විරෝධතා
අනුරාධපුර බුලන්කුලම වැව් රක්ෂිතයෙන් අක්කර 200ක් නිලධාරීන් අතර බෙදාදීමේ ක්‍රියාවලිය ප්‍රශ්න කරමින් දේශහිතෛෂී ජාතික ව්‍යාපාරයෙන් කෘෂිකර්ම ඇමති ලාල් කාන්තට ලිපියක්
ඉරානය නව වෙළෙඳ මාර්ගයේ ප්‍රධාන දුම්රිය සම්බන්ධතාවක් සම්පූර්ණ කරයි (වීඩියෝ)
කියුබාවේ හිටපු ජනාධිපති රාවුල් කස්ත්‍රෝ අත්අඩංගුවට ගැනීමට ඇමෙරිකානු ප්‍රාන්තයකින් වරෙන්තුවක්
ඇමරිකානු ජනපති ට්‍රම්ප් සහ රුසියානු ජනපති පුටින් අතර පැවති විනාඩි 90ක රහස් කතාබහේ ඇතුළාන්තය.. - ශ්‍රී ලංකා කොමියුනිස්ට් පක්ෂයේ ප්‍රධාන ලේකම්ගෙන් විශේෂ අනාවරණයක්..
මහ සඟරුවනට නින්දා අපහාස කරන නිරාගමික යූටියුබ් කරුවන්ට එරෙහිව අපරාධ පරීක්ෂණ දෙපාර්තමේන්තුවෙන් පරීක්ෂණයක්..
මුහුද යට කේබල් සහ AI මධ්‍යස්ථාන ඉලක්ක කර ගනිමින් ඉරානයෙන් දැවැන්ත යුද සූදානමක්!..
ඥානසාර හිමියන්ගේ සිවුර ගලවා ආණ්ඩුව රටට දෙන පණිවිඩය ගැන ප්‍රවීන මාධ්‍යවේදී ධර්මශ්‍රී ගෙන් අනාවරණයක්..
බෝධිසත්ව ගුණ නොමැති පුද්ගලයන් රජ නොවිය යුතුයි.. රජකම ලැබෙන්නේ චීවරය රකින්නයි..- අස්ගිරියෙන් ප්‍රකාශයක්..
මහානායක අතිපූජ්‍ය ඕමාරේ කස්සප නායක හිමියන් විපක්ෂ නායක හිරවෙන ප්‍රශන 3ක් අහලා..